Makətūbə̄ ń Pol ndang adə̄ Rom gə̄ ní 13:8 - Bibəl ta Sar̄

⁸ Ādī kə̄rā yā deē kógə̄ḿ i dɔsí tə́ alé. Ré Kadə̄ kə̄rā i dɔsí tə́ anī, ādī i kə̄rā tár naā tá ngóy. Tɔdɔ̄ deē ń tár madə̄n gə̄ ní, rāā i yá̰á̰ ń ndū najə̄ ɔjə ní kə ta njaá malang.

Bible sar

⁸ Ādī kə̄rā yā deē kógə̄ḿ i dɔsí tə́ alé. Ré Kadə̄ kə̄rā i dɔsí tə́ anī, ādī i kə̄rā tár naā tá ngóy. Tɔdɔ̄ deē ń tár madə̄n gə̄ ní, rāā i yá̰á̰ ń *ndū najə̄ ɔjə ní kə ta njaá malang.

Makətūbə̄ ń Pol ndang adə̄ Rom gə̄ ní 13:8 Referans Kwoze

Makətūbə̄ ń Pol ndang adə̄ Rom gə̄ ní 13:10

De kə́ tár madə̄n a rāā yá̰á̰ kə́ majaĺ seneé alé. Adə̄ deē ń tár madə̄n ní, rāā i yá̰a̰ ń ndū najə̄ ɔjə ní kə taá malang.

GALATƏ 5:14

Tɔdɔ̄ ndū najə̄ gə̄ malang i tū najə̄ kə́ kógə̄ḿ beē ń toō tə́: Ī-tár deē madí tītə̄ ngarān̄g kum rɔ̄í īkɔ́ beē.

MATIYE 7:12

Yá̰a̰ malang ń ī-gḛyiī kadə̄ de gə̄ rāān̄ sesí ní, ī-rāāī tītə̄ ń noō sedə́ ō. I yá̰á̰ ń toō bang n ndū najə̄ yā Moijə ō, ngé koō ta gə̄ ō, ɔjən̄sí kadə̄ ī-rāāī ní.

Makətūbə̄ ń Pol ndang adə̄ Rom gə̄ ní 13:7

Nin̄ kógə̄ḿ kógə̄ḿ malang ní, ādīdə́ yá̰á̰ ń sɔɔ̄ kadə̄ ādīdə́ ní, nge lambóo a ādīin̄ lambóo ō, nge taā tīr̄ a ādīin̄ yá̰a̰ tīr̄ ō, ré i de kə́ kadə̄ ī-ɓōlíī ndílən a, ī-ɓōlíī ndílən ō, ré i de kə́ kadə̄ ī-rɔȳnīī a, ī-rɔȳnīī ō.

JAKƏ 2:8

Rɔ̄kum, ré ī-ngɔ̄mī ndū najə̄ kə́ majə tɔȳ gotə ndū najə̄ gə̄ malang ń na kə ī-tár madí tītə̄ dā̰ rɔ̄í īkɔ́ ní anī, ī-rāāī i yá̰á̰ kə́ majə.

KOLOSƏ 3:14

Ba ə́laī tár tītə̄ kūbə̄ beé dɔ yá̰a̰ gə̄ ń noō tə́ malang. Tɔdɔ̄ tár to i tītə̄ kəlā kə́ do̰ō̰ de gə̄ naā tə́ majə ngá̰ý beē.

JA̰A̰ 13:34

M-ādə̄sí gō míndə́ kə́ kijə: Ī-táriī naā. Tītə̄ ń m̄-tárəńsí ní, ī-táriī naā dɔ dáńsí tə́ ō.

1 TIMOTE 1:5

Ə́dá yá̰a̰ gə̄ ń toō i yā kadə̄ de gə̄ tárən̄ naā kə kemdə́ kə́ unjə̄ njáý njáý ō, kə kemdə́ kə́ ɔjədə́ yá̰á̰ kə́ majaĺ aĺ ō, kə taā kem kə́ rɔ̄kum ō.

1 JA̰A̰ 3:10

Yá̰á̰ ń a ɔr̄ dɔ nin̄-ngáń Nə́ɓā naā tə́ kə ngán diabəl gēé ní n toó: Deē ń rāā yá̰á̰ kə́ gōtə́ aĺ ní, ni i yā Nə́ɓā aĺ ō, deē ń tár ngōkó̰o̰n aĺ ní, ni i yā Nə́ɓā aĺ ō.