Makətūbə̄ ń Pol ndang adə̄ Rom gə̄ ní 13:7 - Bibəl ta Sar̄

⁷ Nin̄ kógə̄ḿ kógə̄ḿ malang ní, ādīdə́ yá̰á̰ ń sɔɔ̄ kadə̄ ādīdə́ ní, nge lambóo a ādīin̄ lambóo ō, nge taā tīr̄ a ādīin̄ yá̰a̰ tīr̄ ō, ré i de kə́ kadə̄ ī-ɓōlíī ndílən a, ī-ɓōlíī ndílən ō, ré i de kə́ kadə̄ ī-rɔȳnīī a, ī-rɔȳnīī ō.

Bible sar

⁷ Nin̄ kógə̄ḿ kógə̄ḿ malang ní, ādīdə́ yá̰á̰ ń sɔɔ̄ kadə̄ ādīdə́ ní, nge lambóo a ādīin̄ lambóo ō, nge taā tīr̄ a ādīin̄ yá̰a̰ tīr̄ ō, ré i de kə́ kadə̄ ī-ɓōlíī ndílən a, ī-ɓōlíī ndílən ō, ré i de kə́ kadə̄ ī-rɔȳnīī a, ī-rɔȳnīī ō.

Makətūbə̄ ń Pol ndang adə̄ Rom gə̄ ní 13:7 Referans Kwoze

Najə̄ kə́ Majə yā Jeju ń Luk ndang ní 20:25

Anī ni-ədadə́ na: Ī-tél ādī Sejar yá̰á̰ ń i yā Sejar ní ō, ādī Nə́ɓā yá̰á̰ ń i yā Nə́ɓā ní ō.

MATIYE 17:25

Piyer tél ədadə́ na a adə̄. Dan ń a udə kə̄ kújú anī, Jeju utə̄ dəjen na: Simo̰, gír̄ yāí tə́ ní, mban̄g kə́ dɔ nang tə́ gə̄ a taān̄ lambóo, aláa a tīrə̄n̄ dɔ yá̰a̰ i jī náā gə̄ tə́? A taān̄ i jī ngáń ngé ɓē gə̄ tə́, aké i jī tə̄rā gə̄ tə́ ḿ?

Gōsə̄ najə̄ gə̄ 24:21

Ngōnə̄ḿ, ī-ɓōĺ ndíĺ Kɔ́ɔ̄ɓē ō, ī-ɓōĺ ndíl mban̄g ō. Ī-lōō kəla rɔ̄í dan ngé sāā tūr̄ gíŕ yá̰á̰ kə́ jóo gə̄ kɔ̄ɔ́ tə́!

1 TIMOTE 5:17

Kum kɔɔ̄ gə̄ ń ɔrən̄ no loo kán̄ naā majə ní, ādə̄ de gə̄ adə̄n̄də́ yá̰á̰ kəndā nja yādə́ loo nja kə́ jōó tə́. Ba kə́ ngá̰ý ɓáa i ngé gə̄ ń əndān̄ rɔ̄də́ ta kəla kə́ ɔȳ ngá̰ý tə́, adə̄ i ta kəla kɔjə najə̄ tə́ ō, ndóō de gə̄ yá̰a̰ tə́ ō ní.

MATIYE 22:21

Nin̄-tél ədanən̄ na deē ní na i Sejar ō, yá̰á̰ ń ndangən̄ tū tə́ ní na i rīn ō. Anī Jeju ədadə́ na: Beé ɓáa yá̰á̰ ń i yā Sejar ní, ī-tél ādī Sejar ō, yá̰á̰ ń i yā Nə́ɓā ní, ādī Nə́ɓā ō.

EPEJƏ 6:5

Ɓəlo gə̄, ōōī ta kɔ́ɔ̄sí kə́ dɔ nang tə́ laā gə̄ kə ɓōló ō, kə rɔ̄ ndeweé ō, kə kem kə́ rɔ̄kumuú ō, tītə̄ ń ī-rāāīneé kə Kərist ní.

1 PIYER 3:7

Yāsí sḭḭ̄ ngaa dəyá̰ gə̄ n toó: Ré ī-ndiī kə nə̄yá̰sí gēé anī, majə kadə̄ ī-gerī na nin̄ i de kə́ ngan̄g aĺ ngá̰ý gə̄. Ī-ɓōlíī ndíĺdə́, tɔdɔ̄ i gáŕ kadə̄ nin̄ a əngen̄ ndi kə kumuú ń Nə́ɓā a adə̄ de gə̄ karī ní sesí ō. Ī-rāāī tītə̄ ń noō i yā kadə̄ yá̰á̰ kógə̄ḿ utə̄ń ta róbə ndɔ̄ȳ yāsí gə̄ alé.

1 TIMOTE 6:1

Ādə̄ ɓəlo gə̄ malang rāān̄ kɔ́ɔ̄də́ gə̄ i de kə́ asən̄ kadə̄ de gə̄ rɔȳn̄də́ tə́, yā kadə̄ deē tájəń rī Nə́ɓā aĺ ō, deē ədań najə̄ kə́ majaĺ dɔ yá̰á̰ ndóō yājí tə́ aĺ ō.

EPEJƏ 5:33

Ba yā kɔr̄ń najə̄ kə̄ kété ngá̰ý aĺ ní, sḭḭ̄ tā a yāsí i kadə̄ sḭḭ̄ kógə̄ḿ kógə̄ḿ ī-táriī nə̄yá̰sí gə̄ tītə̄ rɔ̄sí sḭḭ̄ kɔ́ gə̄ ō, kadə̄ dəyá̰ ɓōĺ ndíl ngaan ō.

Najə̄ kə́ Majə yā Jeju ń Luk ndang ní 23:2

Əlan̄ gír sekə́n rɔ̄ Pilatə tə́ ədan̄ na: Á̰a̰ā̰, j-ənge dəngam ń toō loo sə̄lā nápar deē yājí gə̄ tə́ ō, loo kɔgə̄ de gə̄ kadə̄ Sejar yá̰a̰ tīr̄ gə̄ tə́ ō. Tá nəkɔ́ əda ɓáý to̰ na ni na i Kərist ō.

MARK 12:17

Anī Jeju ədadə́ na kə tél adə̄n̄ Sejar yá̰á̰ ń i yā Sejar ní ō, kə tél adə̄n̄ Nə́ɓā yá̰á̰ ń i yā Nə́ɓā ní ō. Adə̄ ɔr kumdə́ seneé ngá̰ý.

1 SAMUEL 12:18

Samuel dəje Kɔ́ɔ̄ɓē anī ndɔ̄ nəkɔ́ ń noō tə́ Kɔ́ɔ̄ɓē rāā adə̄ man̄ ndang ō, edə ō. Adə̄ ngán Israel gə̄ malang ɓōlə́n̄ Kɔ́ɔ̄ɓē ō, Samuel ō ngá̰ý.

LEBI GƏ̄ 19:32

Ré á̰a̰ de kə́ dɔn ndaa ɓáa ḭ́ḭ dɔɔ́. Ī-rɔȳ de kə́ tɔgə ɓə́ga. Loo ɓōĺ ndíl Nə́ɓā yāí n noó. Mā i Kɔ́ɔ̄ɓē.

LEBI GƏ̄ 19:3

Ī-ɓōlíī ndíĺ kó̰ó̰sí gə̄ ō, bɔbə̄sí ō, ī-ngɔ̄mī ndɔ̄ sabat yāḿ gə̄ ō. Mā i Kɔ́ɔ̄ɓē Nə́ɓā yāsí.

Teē Ngán Israel gə̄ 20:12

Ī-rɔȳ bɔbí nin̄ kə kó̰ó̰í, kadə̄ ī-ndiń kə kumií ta kaw̄ jóo dɔ nang ń Kɔ́ɔ̄ɓē Nə́ɓā yāí adī tə́ ní.

1 TIMOTE 5:13

Tá ɓáý to̰ ní, dan ń yá̰á̰ kə́ yā kadə̄ nin̄-rāān̄ gətóó ní, kəla rāādə́ i njə̄rā kaw̄ kə̄ ta de gə̄ tə́, kə̄ kem kújə gə̄ tə́. Ba kə́ majaĺ tɔȳ nge ń noō ní, nin̄ i ngé najə̄ wa gə̄ ō, ngé ger̄ kəhɔ tadə́ dɔ najə̄ tə́ aĺ gə̄ ō, ngé kɔr̄ najə̄ kə́ ndetədə́ aĺ gə̄ ō.

Gōsə̄ najə̄ gə̄ 3:27

Deē ń yá̰a̰ tōr̄ rɔ̄n ní, ré ásə rāā majə seneé ɓáa ī-lōō mbātə́ rāā seneé.

Najə̄ kə́ Majə yā Jeju ń Luk ndang ní 20:22

Ní ə́dájí, jḭḭ ní ndū najə̄ adə̄jí ta róbə kadə̄ Sejar lambóo aké ɔgə̄jí ḿ?

Makətūbə̄ ń Pol ndang adə̄ Rom gə̄ ní 12:10

Kadə̄ tár naā yāsí i tītə̄ tár naā yā ngákó̰o̰ naā gə̄ beé. Ādə̄ deē kógə̄ḿ kógə̄ḿ ɔsə gɔn madə̄n gə̄ ō, rāādə́ i de kə́ bo tɔȳn gə̄ tə́ ō.

Makətūbə̄ ń Pol ndang adə̄ Rom gə̄ ní 13:6

I tām̄ najə̄ ń noō tə́ ɓáý to̰ n ə̄gāīneé lambóo ní. De gə̄ ń a taān̄ ní, i Nə́ɓā nəkɔ́ n əndā kəla ń noō dɔdə́ tə́ ní.

1 MBAN̄G GƏ̄ 3:17

Nge kə́ kógə̄ḿ əda na: Kɔ́ɔ̄ ɓē gə̄, ɓɔ́ ōō najə̄ yāḿ. Mā ō, dəyá̰ ń toō ō, jə-ndi i kem kújə́ kə́ kógə̄ḿ beē tə́. Dan ń m-ójə ngōn̄ ní ni i noó kem kújə́ ní tə́.