Makətūbə̄ ń Pol ndang adə̄ Rom gə̄ ní 13:6 - Bibəl ta Sar̄

⁶ I tām̄ najə̄ ń noō tə́ ɓáý to̰ n ə̄gāīneé lambóo ní. De gə̄ ń a taān̄ ní, i Nə́ɓā nəkɔ́ n əndā kəla ń noō dɔdə́ tə́ ní.

Bible sar

⁶ I tām̄ najə̄ ń noō tə́ ɓáý to̰ n ə̄gāīneé lambóo ní. De gə̄ ń a taān̄ ní, i Nə́ɓā nəkɔ́ n əndā kəla ń noō dɔdə́ tə́ ní.

Makətūbə̄ ń Pol ndang adə̄ Rom gə̄ ní 13:6 Referans Kwoze

Najə̄ kə́ Majə yā Jeju ń Luk ndang ní 23:2

Əlan̄ gír sekə́n rɔ̄ Pilatə tə́ ədan̄ na: Á̰a̰ā̰, j-ənge dəngam ń toō loo sə̄lā nápar deē yājí gə̄ tə́ ō, loo kɔgə̄ de gə̄ kadə̄ Sejar yá̰a̰ tīr̄ gə̄ tə́ ō. Tá nəkɔ́ əda ɓáý to̰ na ni na i Kərist ō.

1 YÁ̰A̰ GƏ̄ 18:14

Dabid o̰o̰ ɓē dɔ nang kə́ Israel tə́ malang kə taá, ḭ̄ deē ń najə̄ i yāí anī Dabid adī najə̄ ō, sarya gāngən i gōtə́ ō. Ni-rāā tītə̄ ń noō kə Israel gēé malang.

Makətūbə̄ ń Pol ndang adə̄ Rom gə̄ ní 12:8

Deē ń ni i nge kadə̄ karī yā kadə̄ madə̄n gə̄ tɔ́gə anī, majə kadə̄ ni-adə̄ńdə́ tɔ́gə. Deē ń ni i nge kadə̄ karī yā kadə̄ deē yá̰á̰ ní, ādə̄ kɔ́ɔ̄ adə̄ kə kem ndaá. Deē ń ni i nge kadə̄ karī yā kɔr madə̄n gə̄ ta róbə́ ní, ādə̄ o̰o̰n tɔdɔ̄ kəla yān ní. Deē ń ni i nge kadə̄ karī yā rāā kə ngé ndoō gēé ní, ādə̄ ni-rāā sedə́ kə rɔ̄nelēé.

NEHEMI 5:4

Ngé kə́ rang gə̄ ɓáý to̰ ədan̄ yādə́ na: J-ɔr̄ i ta nar ndɔr̄ yājí gə̄ ō, nar ndɔr̄ kāgə̄ nduú yājí gə̄ ō n j-əgāń tīr̄ yā mban̄g ní.

ESDRAS 6:8

Adə̄ m̄-mēr̄sí rāā kə kum kɔɔ̄ gə̄ yā Jipə gēé kadə̄ tél rāān̄neé kújə yā Nə́ɓā gogə́ rang. Ā ādīdə́ yá̰a̰ i ngándáńg tām̄ yā kəla tə́ kanjə̄ kadə̄ dan gān̄g. I yá̰a̰ kənge yā mban̄g, adə̄ i lambóó kə́ táā jī de gə̄ tə́ gidə b ā Opəratə kə́ dām̄ kə́ no ɓē tə́ n ā ɔ̄rī yá̰a̰ tū tə́ yā kadə̄də́ ní.

ESDRAS 4:20

Kété ní mban̄g kə́ tɔ́gə́də́ i ngá̰ý gə̄ ndin̄ Jerusalem ba o̰o̰n̄ ɓē dɔ nang kə́ gidə bā Opəratə kə́ dām̄ kə́ no ɓē tə́ malang. De gə̄ əgān̄də́ tīr̄ ō, adə̄n̄də́ lambóo ō, ngé njə̄rā mbā gə̄ adə̄n̄də́ yá̰á̰ ń gāngə̄n̄ najə̄ njə̄rā mbā róbə gə̄ tə́ ní ō.

ESDRAS 4:13

Adə̄ majə kadə̄ mban̄g ger̄ kété ta na ré tél rāān̄ ɓē ń noō gogə́ rang ō, tél əndān̄ ndogə̄ mbal̄ kə́ gidə tə́ gogə́ rang ō anī, de kə́ kemeé gə̄ a lōōn̄ gír kəga tīr tə́ ō, kadə̄ lambóó tə́ ō, kadə̄ nar ń gāngə̄n̄ dɔ ngé mān̄ r óbə gə̄ tə́ ní ō. Ba nge ń noō a rāā majə kə mbangāá alé.

2 SAMUEL 8:5

Loo ń noō tə́ Aram gə̄ kə́ Damas reē dḭḭ̄n̄ Hadadejer mban̄g kə́ Soba. Banī Dabid tɔ̄l̄ de gə̄ dūbú kutə jōó gidə i jōó dandə́ tə́,

Makətūbə̄ ń Pol ndang adə̄ Rom gə̄ ní 13:5

I tām̄ najə̄ ń toō tə́ n majə kadə̄ de gə̄ malang dɔdə́ a sɔl̄ kə̄ rɔ̄ ngé ko̰o̰ ɓē gə̄ tə́ ní. Ba dɔdə́ ń a sɔl̄ ní i tām̄ ɓōĺ wōn̄g yā Nə́ɓā tə́ ngóy alé, ba i tām̄ rāā yá̰á̰ kə́ kemdə́ ɔjədə́ tə́.

Makətūbə̄ ń Pol ndang adə̄ Rom gə̄ ní 13:7

Nin̄ kógə̄ḿ kógə̄ḿ malang ní, ādīdə́ yá̰á̰ ń sɔɔ̄ kadə̄ ādīdə́ ní, nge lambóo a ādīin̄ lambóo ō, nge taā tīr̄ a ādīin̄ yá̰a̰ tīr̄ ō, ré i de kə́ kadə̄ ī-ɓōlíī ndílən a, ī-ɓōlíī ndílən ō, ré i de kə́ kadə̄ ī-rɔȳnīī a, ī-rɔȳnīī ō.