Makətūbə̄ ń Pol ndang adə̄ Rom gə̄ ní 13:4 - Bibəl ta Sar̄

⁴ Tɔdɔ̄ ni i nge kəla yā Nə́ɓā tām̄ yāí tə́, yā rāań seí kadə̄ ī-rāā yá̰á̰ kə́ majə gə̄. Ba ré ī-rāā yá̰á̰ kə́ majaĺ tā anī, ādə̄ ɓōĺ rāāī, tɔdɔ̄ ré kaskar i jīn tə́ anī, i karī alé. Tɔdɔ̄ ni i nge kəla yā Nə́ɓā kə́ nge kɔjə wōn̄g yā Nə́ɓā kə̄ ndágá dɔ nge rāā yá̰á̰ kə́ majaĺ tə́.

Bible sar

⁴ Tɔdɔ̄ ni i nge kəla yā Nə́ɓā tām̄ yāí tə́, yā rāań seí kadə̄ ī-rāā yá̰á̰ kə́ majə gə̄. Ba ré ī-rāā yá̰á̰ kə́ majaĺ tā anī, ādə̄ ɓōĺ rāāī, tɔdɔ̄ ré kaskar i jīn tə́ anī, i karī alé. Tɔdɔ̄ ni i nge kəla yā Nə́ɓā kə́ nge kɔjə wōn̄g yā Nə́ɓā kə̄ ndágá dɔ nge rāā yá̰á̰ kə́ majaĺ tə́.

Makətūbə̄ ń Pol ndang adə̄ Rom gə̄ ní 13:4 Referans Kwoze

Makətūbə̄ ń Pol ndang adə̄ Rom gə̄ ní 12:19

Kó tár yāḿ gə̄, ī-lōōī dal ba̰ā̰. Əya̰ī ba̰ā̰ ādī Nə́ɓā, tɔdɔ̄ Kɔ́ɔ̄ɓē əda tītə̄ ń toō beé kem makətūbūú na: Ī mə̄kɔ́ ń m-ā m̄-dal ba̰ā̰, i mə̄kɔ́ n m-ā m-ə̄ndā nja deē kógə̄ḿ kógə̄ḿ malang kə gō kəla rāādə́ gēé ní.

Gōsə̄ najə̄ gə̄ 20:2

Mban̄g kə́ wōn̄g rāān to ɓōĺ tītə̄ ɓɔl kə́ nōō beé. Deē ń adə̄n wōn̄g ní rāā majaĺ i kə rɔ̄n nəkɔ́.

Gōsə̄ najə̄ gə̄ 16:14

Wōn̄g yā mban̄g kə́ ngá̰ý a mērən tɔ̄l̄ deē, banī de kə́ nge kum kedə̄ asə sɔl̄ kemən.

2 YÁ̰A̰ GƏ̄ 19:6

ba ədadə́ na: Ə̄ndāī kumsí gír kəla ń ā ī-rāāī yā rāā ní tə́ majə, tām̄ sarya ń ā ī-rāāī yā rāā ní i kə rī deé alé, ba i kə rī Kɔ́ɔ̄ɓē. Adə̄ dan ń ā ī-gān̄gī sarya ní anī, Kɔ́ɔ̄ɓē nəkɔ́ i naā tə́ sesí.

1 TESALONIK 4:6

Tū najə̄ ń noō tə́ ní, ādə̄ deē kógə̄ḿ rāā ngōkó̰o̰n yá̰á̰ kə́ gō tə́ aĺ loon tə́ aĺ ō, əsa tətōn loon tə́ aĺ ō. Tɔdɔ̄ Kɔ́ɔ̄ɓē a rāā ba̰ā̰ yá̰a̰ gə̄ ń noō malang. J-ədasí najə̄ ń noō kété ō, j-ɔjəsí kadə̄ i rɔ̄kum ō.

Makətūbə̄ ń Pol ndang adə̄ Rom gə̄ ní 13:6

I tām̄ najə̄ ń noō tə́ ɓáý to̰ n ə̄gāīneé lambóo ní. De gə̄ ń a taān̄ ní, i Nə́ɓā nəkɔ́ n əndā kəla ń noō dɔdə́ tə́ ní.

MISE 3:9

I beé ní, sḭḭ̄ ngār gə̄ kə́ dɔ kojə yā Jakob tə́, sḭḭ̄ ngé gān̄g sarya gə̄ yā gír de gə̄ yā Israel, ōōī. Yá̰á̰ kə́ gōtə́ nel̄sí aĺ gá̰ý ō, sḭḭ̄ ī-rāāī yá̰á̰ kə́ súmūú adə̄ rugə ō.

EJEKIEL 25:14

M-ā m-ə́yá̰ Israel gə̄ ń i gír deē yāḿ gə̄ ní kadə̄ dalən̄ ba̰ā̰ dɔ Edom gə̄ tə́ adə̄mə̄n̄. Israel gə̄ a rāān̄də́ yá̰á̰ ń wōn̄g yāḿ kə́ ngá̰ý ndḛḛ̄ kadə̄ yā rāā sedə́ ní. I tītə̄ ń noō tá Edom gə̄ a gerə̄n̄ kadə̄ rāā majaĺ seḿ māá i yá̰á̰ kə́ a ojə yá̰á̰ kə́ tōr̄ ngá̰ý. Najə̄ ń Kɔ́ɔ̄ɓē Nə́ɓā əda ní n noó.

EJEKIEL 22:27

Ngār gə̄ kə́ dɔ gír de gə̄ tə́ ton̄ i tītə̄ soó gə̄ kə́ ngé rə́yā̰ dā̰ kəhɔdə́ gə̄ naā tə́ beē kem ɓē kə́ Jerusalem tə́. Nin̄ tɔ̄lə̄n̄ de gə̄ yā ɓogəń yá̰a̰ kənge yādə́ gə̄.

JEREMI 5:28

Nin̄ boon̄ majə ō, ndə́lēn̄ ō, rāān̄ majaĺ al̄ naā ō. Nin̄ ɓōlə́n̄ ndíl najə̄, aláa yá̰a̰ yā deē aĺ ō, yā ngōn̄ hal aĺ ō. Yá̰a̰ rāādə́ malang teēdə́ yá̰á̰ tə́ usədə́ dɔ najə̄ yā ngé rɔ̄ tō ndoō gə̄ tə́ alé.

IJAI 1:17

Ī-ndóōī rāā yá̰á̰ kə́ majə. Ī-sāāī ta róbə ɓōĺ gidə yá̰á̰ kə́ súmūú. Deē ń a rējə̄ madə̄n gə̄ kə yá̰a̰ rāā kə́ gōtə́ aĺ ní, ī-tél ī-reēī seneé dɔ róbə́ kə́ majə tə́. Ī-rɔ̄ɔ̄ī dɔ yá̰á̰ kə́ súmūú yā ngán hal gə̄ tə́, úniī najə̄ yā dəyá̰ kə́ ngaa koy gə̄ kə̄ jīsí tə́.

Gōsə̄ najə̄ gə̄ 20:26

Mban̄g kə́ nge kum kedə̄ tə̄ndā ngé kem ndul gə̄ tḭ̄ḭ̄də́ kɔ̄ɔ́ ō, adə̄ yá̰a̰ səɓā kōō agə dɔdə́ tə́ ō.

Gōsə̄ najə̄ gə̄ 20:8

Dan ń mban̄g ndi dɔ kɔ̄r̄ kāgə̄ mbang tə́ yā gāngəń sarya ní anī, ni-a̰a̰ yá̰a̰ malang kə́ majaĺ kə kumneé ger̄ láẃ ngá̰ý.

1 MBAN̄G GƏ̄ 10:9

Kɔ́ɔ̄ɓē Nə́ɓā yā Salomo̰ ń gə̄rā Salomo̰ kadə̄ o̰o̰ ɓē dɔ Israel gə̄ tə́ ní, ādə̄ de gə̄ ɓōkə́nən̄ tɔ̄ȳ. Kɔ́ɔ̄ɓē na tár Israel gə̄ na i kə́ njɔ́ḿ gə̄ tə́ á na əndā Salomo̰ kadə̄ ni i mban̄g yādə́ kadə̄ gān̄g sarya yādə́ kə gō gēé ní.

JOJUE 20:9

Ɓē gə̄ ń gə̄rān̄ tām̄ yā ngán Israel gə̄ tə́ malang ō, tām̄ yā tə̄rā gə̄ ń ndin̄ dan ngán Israel gə̄ tə́ ō ní n noó. Gə̄rān̄ ɓē gə̄ ní i yā kadə̄ nge dal ba̰ā̰ tɔ̄ləń nge kənī mósə deē nang tə́ kə gō kem ndigə̄ yānneé aĺ ní kété no sarya yā ngán Israel gə̄ tə́ alé.

JOJUE 20:5

Ré nge dal ba̰ā̰ deē ń oy ní ngɔ̄də̄ gōn anī, nin̄ a adə̄nən̄ seneé alé, tɔdɔ̄ ni tɔ̄l̄ deē ní i kə gō kem ndigə yānneé alé, tām̄ ni imən kemən tə́ kété alé.

1 PIYER 2:14

ōōī ta ngé ko̰o̰ ɓē gə̄ ń ni-əla sedə́ kadə̄ rāān̄ ngé rāā yá̰á̰ kə́ majaĺ gə̄ yá̰á̰ kə́ tōr̄ ō, kadə̄ tɔ̄ȳn̄ ngé rāā yá̰á̰ kə́ majə gə̄ ō ní.