Makətūbə̄ ń Pol ndang adə̄ Rom gə̄ ní 13:2 - Bibəl ta Sar̄

² Adə̄ deē ń mbātə́ najə̄ ta ngé ko̰o̰ ɓē gə̄ tə́ ní ni-mbātə́ i rāā yá̰á̰ ń Nə́ɓā ɔsə kə de gēé ta rāā ní. Adə̄ ngé gə̄ ń a rāān̄ dɔ ngan̄g ní, a ɔyn̄ sarya kə̄ dɔdə́ nin̄ kɔ́ gə̄ tə́.

Bible sar

² Adə̄ deē ń mbātə́ najə̄ ta ngé ko̰o̰ ɓē gə̄ tə́ ní ni-mbātə́ i rāā yá̰á̰ ń Nə́ɓā ɔsə kə de gēé ta rāā ní. Adə̄ ngé gə̄ ń a rāān̄ dɔ ngan̄g ní, a ɔyn̄ sarya kə̄ dɔdə́ nin̄ kɔ́ gə̄ tə́.

Makətūbə̄ ń Pol ndang adə̄ Rom gə̄ ní 13:2 Referans Kwoze

1 PIYER 2:13

De gə̄ malang ń nin̄ i ngé ko̰o̰ ɓē gə̄ ní, ōōī tadə́ najə̄ yā Kɔ́ɔ̄ɓē tə́. Ōōī ta mban̄g tām̄ ni i nge ndi dɔ de gə̄ tə́ malang ō,

TITƏ 3:1

Ī-ter̄ kemdə́ dɔ najə̄ sɔl̄ dɔ tə́ kə̄ no ngār gə̄ tə́ ō, no ngé ko̰o̰ ɓē gə̄ tə́ ō, dɔ najə̄ koō tadə́ tə́ ō, ādə̄ əndānəń dɔ rɔ̄də́ danaá kété tām̄ yā kəla malang kə́ majə tə́ ō,

JAKƏ 3:1

Ngákó̰ó̰ḿ gə̄, ādī de kə́ dáńsí tə́ kə́ ngé ndóō de gə̄ yá̰a̰ gə̄ i ngá̰ý alé, tɔdɔ̄ ī-gerī kadə̄ a gāngə̄n̄ sarya kə́ ngan̄g ngá̰ý dɔjí jḭḭ ngé ndóō de gə̄ yá̰a̰ gə̄ tə́.

Makətūbə̄ ń Pol ndang adə̄ Rom gə̄ ní 13:5

I tām̄ najə̄ ń toō tə́ n majə kadə̄ de gə̄ malang dɔdə́ a sɔl̄ kə̄ rɔ̄ ngé ko̰o̰ ɓē gə̄ tə́ ní. Ba dɔdə́ ń a sɔl̄ ní i tām̄ ɓōĺ wōn̄g yā Nə́ɓā tə́ ngóy alé, ba i tām̄ rāā yá̰á̰ kə́ kemdə́ ɔjədə́ tə́.

MARK 12:40

A əsan̄ jī dəyá̰ kə́ ngaa koy gə̄ yā təgā ō, a ilə̄n̄ gidə rɔ̄də́ karī ba na n-ndɔ̄ȳn̄ na i ngá̰ý ō. Nin̄ ní sarya kə́ bo ngá̰ý a əsō dɔdə́ tə́.

Najə̄ kə́ Majə yā Jeju ń Luk ndang ní 20:47

A əsan̄ jī dəyá̰ kə́ ngaa koy gə̄ yā təgā ō. Nin̄ ní, sarya kə́ bo ngá̰ý a əsō dɔdə́ tə́.

MATIYE 23:13

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ūtī ta róbə Ɓē ko̰o̰ kə́ dɔ rā̰ tə́ kɔ̄ɔ́ ta de gə̄ tə́. Sḭḭ̄ kɔ́ gə̄ údiī kemeé aĺ ō, ngé gə̄ ń gḛyn̄ kudə kemeé ní a sḭḭ̄ ɔ̄gīdə́ kudə kemeé kɔ̄ɔ́ ō.

IJAI 58:2

Kə dɔ ndɔ̄ gə̄ nin̄ a reēn̄ i koō najə̄ kə́ taḿ tə́ tə́, nin̄ ndigən̄ ger̄ yá̰á̰ ń m̄-ndi m-ā m̄-ngóō ta rɔ̄də́ tə́ ní. Nin̄ ton̄ tītə̄ nápar de gə̄ kə́ ngé ɓōĺ gidə yá̰a̰ rāā kə́ gōtə́ beē ō, tītə̄ gír de gə̄ kə́ əya̰n̄ yá̰á̰ kə́ súmūú yā Nə́ɓā yādə́ kɔ̄ɔ́ aĺ beé ō. Nin̄ dəjemə̄n̄ kadə̄ m̄-gān̄g sarya kə́ gōtə́ kə m-ādə̄də́, nin̄ ndigən̄ kadə̄ mā i ngɔr rɔ̄də́ tə́.

Teē Ngán Israel gə̄ 16:8

Kum najə̄ ń Moijə sāā kəda ní na a a̰a̰n̄ kɔsə gɔn yā Kɔ́ɔ̄ɓē na i dan ń a adə̄də́ dā̰ loo tíbí kadə̄ əsan̄ ō, a adə̄də́ yá̰a̰ kəsa bírí dəloí kadə̄ asə tadə́ ō ní, tɔdɔ̄ Kɔ́ɔ̄ɓē na oō tām̄ ń na tāmə̄n̄ seneé ní. Ké nin̄ ké n-asən̄ i rí deē dɔdə́ wa. Na tāmə̄n̄ na i sedə́ nin̄ ní alé, ba na tāmə̄n̄ na i kə Kɔ́ɔ̄ɓēé.

Makətūbə̄ ń Pol ndang adə̄ Rom gə̄ ní 9:19

Majanī ā ī-tél yā kəda na ré i tītə̄ ń noō anī, kum gɔŕyɔ̄ ń Nə́ɓā a gɔŕyɔ̄ de gə̄ ní ké na i rí wa. Tɔdɔ̄ yá̰á̰ ń kem Nə́ɓā ndigə ní, i de kə́ ba̰ý n a mbātə́ rāā ní?

Makətūbə̄ ń Pol ndang adə̄ Rom gə̄ ní 13:1

Ādə̄ de gə̄ kógə̄ḿ kógə̄ḿ sɔlə̄n̄ dɔdə́ kə̄ no ngé ko̰o̰ ɓē gə̄ tə́. Tɔdɔ̄ ko̰o̰ ɓē i jīdə́ tə́. Tɔdɔ̄ ngār, i Nə́ɓā n əndā ō, ngé gə̄ ń ndin̄ ngār ní, i Nə́ɓā n əndādə́ dɔ madə̄də́ gə̄ tə́ ō ní. Tām̄ ko̰o̰ ɓē malang ḭḭ i rɔ̄ Nə́ɓā tə́ ō, ngé gə̄ ń ko̰o̰ ɓē i jīdə́ tə́ ní, i Nə́ɓā n əndādə́ kem kəla ko̰o̰ ɓē ní tə́ ō.

Makətūbə̄ ń Pol ndang adə̄ Rom gə̄ ní 13:3

Tɔdɔ̄ deē ń rāā yá̰á̰ kə́ majə ní a ɓōĺ nge ko̰o̰ ɓē alé, banī i deē ń rāā yá̰á̰ kə́ majaĺ ní n a ɓōlə́n. Ré ī-gḛy ɓōĺ nge ko̰o̰ ɓē aĺ ɓáa ī-rāā yá̰á̰ kə́ majə. Ī-rāā yá̰á̰ kə́ majanī ni a ndigiī.