Makətūbə̄ ń Pol ndang adə̄ Rom gə̄ ní 13:12 - Bibəl ta Sar̄

¹² Dan ndɔ̄ tɔȳ kɔ̄ɔ́, adə̄ loo a rāā yā tīī ngɔr. Ní, ādə̄ j-əya̰ī kəla kə́ tilií gə̄ kɔ̄ɔ́, ba j-ɔyī yá̰a̰ rɔ̄ɔ̄ kə́ yā rɔ̄ɔ̄ń kum loo kə́ unjə̄ kow tə́ gə̄ jə-tə́laī rɔ̄jí tə́.

Bible sar

¹² Dan ndɔ̄ tɔȳ kɔ̄ɔ́, adə̄ loo a rāā yā tīī ngɔr. Ní, ādə̄ j-əya̰ī kəla kə́ tilií gə̄ kɔ̄ɔ́, ba j-ɔyī yá̰a̰ rɔ̄ɔ̄ kə́ yā rɔ̄ɔ̄ń kum loo kə́ unjə̄ kow tə́ gə̄ jə-tə́laī rɔ̄jí tə́.

Makətūbə̄ ń Pol ndang adə̄ Rom gə̄ ní 13:12 Referans Kwoze

EPEJƏ 5:11

Kəla kə́ rāā tilií gə̄ ń i kəla kə́ teē yá̰a̰ aĺ gə̄ ní, i-lōōī rāā sedə́, banī ī-teēī kə gíŕdə́ ndágá.

2 KORḚNTƏ 6:7

najə̄ kə́ rɔ̄kum ń j-ɔjə ní ō, tɔ́gə yā Nə́ɓā ō. Yá̰a̰ rɔ̄ɔ̄ yājí ń j-aw̄ń ní i yá̰á̰ kə́ gōtə́, adə̄ j-a j-ənīń madə̄ ba̰ā̰ rɔ̄ɔ̄ ō, j-a jə-rɔ̄ɔń madə̄ ba̰ā̰ dɔ rɔ̄jí tə́ ō.

JAKƏ 1:21

Tām̄ najə̄ ń toō tə́ ní ə́ya̰ī yá̰á̰ kə́ yḛr gə̄ malang ō, yá̰a̰ malang kə́ rāā kə kem nduluú ō kɔ̄ɔ́, ba najə̄ ń Nə́ɓā dubə̄ kemsí tə́ ní, ə́hɔī kə̄ rɔ̄sí tə́ majə kə sɔl̄ dɔɔ́, tɔdɔ̄ najə̄ ní asə kajəsí.

IJAI 30:22

Yá̰á̰ kə́ rāā kum gotə nə́ɓā kə́ rɔ̄kum aĺ gə̄, adə̄ i kāgə̄ kə́ tɔ́sə̄, aláa i gində̄ kə́ nō horoó ba rāā gində̄ arjā̰a̰ ō lɔ́r ō gidə tə́ ní, ā ī-rāādə́ i yá̰á̰ kə́ yḛr tə́. Ā ī-tə́nādə́ kɔ̄ɔ́ tītə̄ yá̰á̰ kə́ yə̄ró i tū tə́ beē ō, ā ə́da najə̄ yādə́ na i yedə̄ yá̰a̰ ō.

EPEJƏ 4:22

yá̰á̰ kə majaĺ gə̄ ń ī-rāāī kété jóó ní, majə kadə̄ ī-lōōī gírí. I beé n ā ī-lōōiń gíŕ háĺsí kə́ jóó tə́ ní. Tām̄ yá̰á̰ kə́ majaĺ gə̄ ń gólə̄n̄sí kété ní, a nujən̄ i deē.

Makətūbə̄ ń Pol ndang adə̄ Rom gə̄ ní 13:14

Úniī háĺ Kɔ́ɔ̄ɓē Jeju Kərist ə́laī rɔ̄sí tə́ tītə̄ kūbə̄ beé. Ba ī-lōōī kəndā kumsí gír ngur yá̰a̰ gə̄ ń a rāāsí ní tə́ yā tɔ̄l̄ ɓōn.

PĀ KƏ́ MAJƏ 2:17

Dan ń loo sɔl̄ lɔm loo tíbí á ndíl kāgə̄ gə̄ a̰ȳn̄ kɔ̄ɔ́ noō anī, kó tár yāḿ, ā ī-tél yā reē, ā ɔ́l tītə̄ kāl̄ aláa tītə̄ ngōn̄ dul beé dɔ mbal̄ gə̄ kə́ kēgə̄n̄ naā tə́.

JEJU TEĒ KUM JA̰A̰ 22:10

Gō tə́ anī ni-ədam̄ na: Najə̄ yā Nə́ɓā ń to kem makətūbə̄ ń toō tə́ ní, kə m̄-lōō ɓɔ̄ɔ̄ dɔ. Tɔdɔ̄ kum mbang kə́ tām̄ yā yá̰a̰ gə̄ ń noō tə́ ní dɔ na i ngɔr.

1 PIYER 2:1

Adə̄ majə kadə̄ ə́ya̰ī kem ndul ō, ngam ō, gól̄ loo ō, kəndā naā nii ō, tām̄ kə deé ō, kɔ̄ɔ́.

IJAI 2:20

Ndɔ̄ ngeé ń noō tə́ ní, yá̰a̰ gə̄ ń de gə̄ rāān̄də́ yā kɔsə kejədə́ nang tə́ nodə́ tə́, adə̄ i nə́ɓā yādə́ kə́ rɔ̄kum aĺ gə̄ kə́ rāā kə gində̄ arjā̰a̰ ō, lɔ́r ō ní, kɔ́ɔ̄ gə̄ a tə́nīn̄də́ yā kadə̄ yégə̄ gə̄ ō, birbir gə̄ ō.

JEJU TEĒ KUM JA̰A̰ 1:3

Deē ń tə́da makətūbə̄ ń toō ō, de gə̄ ń oōn̄ najə̄ kə́ Nə́ɓā əndā ta deē tə́ ń toō ō, ba ngɔ̄mə̄n̄ yá̰á̰ ń ndangən̄ kemeé ní, rɔ̄də́ nel̄də́. Tɔdɔ̄ kum mbang ń kadə̄ yá̰a̰ gə̄ ń noō rāān̄neé yá̰á̰ ní dɔ i ngɔr.

1 KORḚNTƏ 7:29

Ngákó̰ó̰ḿ gə̄, najə̄ ń m̄-sāā kədasí ní n toó: Na̰y ndɔ̄ i ngá̰ý alé. Adə̄ majə kadə̄ ngɔlaā ní ngé dəyá̰ gə̄ ndin̄ tītə̄ kə́ taān̄ dəyá̰ aĺ beé ō,

1 KORḚNTƏ 10:11

Yá̰a̰ gə̄ ń noō malang teēn̄ dɔdə́ nin̄ tə́ i yā kɔjəń de kə́ rang gə̄ yá̰a̰ kadə̄ gerə̄n̄. Ba ndangən̄də́ kem makətūbūú i yā tāańjí jḭḭ̄ ń j-ugī ta ngóy ndɔ̄ gə̄ tə́ ní.

2 KORḚNTƏ 10:4

Tɔdɔ̄ yá̰a̰ rɔ̄ɔ̄ gə̄ ń j-a jə-rɔ̄ɔń ní, i deē ndul n rāā ní alé. Ba i yá̰a̰ rɔ̄ɔ̄ kə́ ngan̄g gə̄ yā Nə́ɓā yā nujəń kújə́ kə́ ngan̄g gə̄. Jə-nujə gír̄ kə́ gō tə́ aĺ gə̄ kɔ̄ɔ́ ō,

EPEJƏ 5:8

Jóó ní sḭḭ̄ i kum til tə́, ba ngɔlaā sḭḭ̄ i kum loo kə́ unjə̄ kow tə́, sɔɔ̄ń ɓoo kə́ ī-ɓooī naā kə Kɔ́ɔ̄ɓēé. I beé ní, ī-rāāī yá̰a̰ tītə̄ ngáń kə́ kum loo kə́ unjə̄ kow tə́ gə̄.

HEBƏRO 10:25

Jə-lōōī kəya̰ loo kán̄ naā yājí kɔ̄ɔ́ tītə̄ ń i jī bēl̄ loo rāān yā de kə́rēý gə̄ ní. Banī j-adī naā tɔ́gə, tɔdɔ̄ á̰a̰ī kadə̄ dɔ ndɔ̄ yā Kɔ́ɔ̄ɓē i ngɔr.

HEBƏRO 12:1

Jḭḭ̄ ń de kə́ kum tə́ kə́ gīrə̄n̄ gidəjí gə̄ nin̄ i kósə ngá̰ý ní, ādə̄ yá̰a̰ malang ń ɔgə̄jí kaw̄ kum kə́ kété ní ō, majaĺ ń ɓír̄jí láẃ ngá̰ý ní ō, jə-mbātíī kɔ̄ɔ́. Ba ngɔ̄də̄ ń mērə̄n̄jí ka̰ȳ ní, ādə̄ jə-tə́gāī tají ba jə-ngɔ̄dī bátə́ ta ngóý tə́.

JAKƏ 5:8

Sḭḭ̄, ī-tə́gāī tasí ō, ə́reī wursí ō, tɔdɔ̄ dɔ ndɔ̄ reē Kɔ́ɔ̄ɓē i ngɔr.

1 PIYER 4:7

Ta ngóý yá̰a̰ malang dɔ i ngɔr. I beé ní ādə̄ sḭḭ̄ i de kə́ ngé kum kedə̄ gə̄ ō, ngé kəhɔ rɔ̄də́ dɔ yá̰á̰ tə́ gə̄ ō, yā kadə̄ sḭḭ̄ ásiīneé ndɔ̄ȳ Nə́ɓā.

2 PIYER 3:9

Kɔ́ɔ̄ɓē ɔr bā̰ā̰ loo rāā yá̰á̰ ń ni-ənī míndən yā rāā tə́ ní alé. Ba de kə́rēý gə̄ ədan̄ na ni na ɔr bā̰ā̰ ngá̰ý, tá ni tə́gā i tan tām̄ yāsí tə́. Tɔdɔ̄ ni gḛy kadə̄ de kə́rēý gə̄ udən̄ kɔ̄ɔ́ alé, ba kadə̄ de gə̄ malang tūrə̄n̄ gidədə́ kɔ̄ɔ́ ta yá̰á̰ kə́ majaĺ tə́.

2 PIYER 3:11

Dan ń a nujən̄ yá̰a̰ malang i tītə̄ ń noō ní, háĺ ń kadə̄ ī-ndiīneé ní sḭḭ̄ ī-gerī majə! Majə kadə̄ háĺsí i háĺ kə́ kɔr̄ kam̄ tām̄ yā Nə́ɓā tə́ ō, i háĺ kəhɔ gō Nə́ɓā ō,

1 JA̰A̰ 2:18

Ngánə́ḿ kə́ dūú gə̄, jə-ndiī i kum mbang kə́ ta tɔ̄l̄ ta tə́. Ba tītə̄ ń ōōī kadə̄ nge rɔ̄ɔ̄ Kərist kógə̄ḿ a reē ní, ngɔlaā ngé rɔ̄ɔ̄ Kərist gə̄ ngá̰ý reē ugə̄n̄ kɔ̄ɔ́ ɓá. I tītə̄ ń noō n jə-gerīiń kadə̄ jə-ndiī i kum mbang kə́ ta tɔ̄l̄ ta tə́ ní.