Makətūbə̄ ń Pol ndang adə̄ Rom gə̄ ní 13:11 - Bibəl ta Sar̄

¹¹ Sḭḭ̄ kɔ́ gə̄ ī-gerī kum mbang ń jə-ndiī tū tə́ toō mbak: I kum mbang kə́ kadə̄ ī-ndólīneé dɔ ɓīī tə́ tā. Tɔdɔ̄ ɓōólaā ní, kajə i ngɔr ngá̰ý rɔ̄jí tə́ tɔȳ kə́ ndɔ̄ ń jə-taāiń kem tə́ ní.

Bible sar

¹¹ Sḭḭ̄ kɔ́ gə̄ ī-gerī kum mbang ń jə-ndiī tū tə́ toō mbak: I kum mbang kə́ kadə̄ ī-ndólīneé dɔ ɓīī tə́ tā. Tɔdɔ̄ ɓōólaā ní, kajə i ngɔr ngá̰ý rɔ̄jí tə́ tɔȳ kə́ ndɔ̄ ń jə-taāiń kem tə́ ní.

Makətūbə̄ ń Pol ndang adə̄ Rom gə̄ ní 13:11 Referans Kwoze

1 PIYER 4:7

Ta ngóý yá̰a̰ malang dɔ i ngɔr. I beé ní ādə̄ sḭḭ̄ i de kə́ ngé kum kedə̄ gə̄ ō, ngé kəhɔ rɔ̄də́ dɔ yá̰á̰ tə́ gə̄ ō, yā kadə̄ sḭḭ̄ ásiīneé ndɔ̄ȳ Nə́ɓā.

EPEJƏ 5:14

tɔdɔ̄ yá̰a̰ malang ń deē teē kə gírneé ndágá ní a tél i loo kə́ unjə̄ kow. I tām̄ ń toō tə́ n ədan̄ na: Ḭ̄ ń ī-ɓīī ní, ī-ndól̄, ḭ́ḭ dɔɔ́ dan de kə́ koy gə̄ tə́, anī Kərist a unjə̄ kow dɔí tə́.

1 KORḚNTƏ 15:34

Ādī asəsí mbóo ō, ī-lōōī rāā majaĺ ō. Tɔdɔ̄ de kə́rēý gə̄ kə́ dáńsí tə́ gerə̄n̄ Nə́ɓā alé. M-ə́da nge ń noō i yā kəlań rɔ̄sɔl̄ dɔsí tə́.

JEJU TEĒ KUM JA̰A̰ 22:20

Deē ń əda na yá̰a̰ malang ń noō i rɔ̄kum ní əda na: A̰á̰ā̰, m-ā m̄-reē ngɔr. Adə̄ i tītə̄ ń noō! Kɔ́ɔ̄ɓē Jeju, ī-reē!

Najə̄ kə́ Majə yā Jeju ń Luk ndang ní 21:28

Dan ń yá̰a̰ gə̄ ń noō a əlan̄ gír rāā yá̰á̰ ní anī, ḭ́ḭī dɔ rɔ̄sí tə́, ba ɔ̄rī dɔsí dɔɔ́, tɔdɔ̄ ndɔ̄ kə́ yā kadə̄ a gāngə̄n̄neé dɔsí i ngɔr.

JEJU TEĒ KUM JA̰A̰ 22:12

Á̰a̰ā̰, m-ā m̄-reē ngɔr. Yá̰á̰ ń kadə̄ m-ə̄ndań nja de gə̄ kógə̄ḿ kógə̄ḿ sɔɔ̄ń kəla rāādə́ gə̄ ní, m-ā m̄-reēń jīḿ tə́.

KOHELET 9:10

Yá̰a̰ malang ń jīí asə rāā ní ī-rāā kə tɔ́gí īkɔ́. Tām̄ loo kə́ ɓádá ń de kə́ koy gə̄ i tū tə́, á ā ī-rāā yā kaw̄ gōdə́ tə́ tū tə́ ní, kəla aláa ka̰a̰ gō tóo kəla kə́ majə aké kə́ majaĺ, aláa ger̄ yá̰a̰, aláa kum kedə̄ gətóo tū tə́.

JONAS 1:6

Ngol ngé rāā kəla kem to bo ní tə́ gə̄ reē rɔ̄n tə́, ba ədan na: A̰á̰, adə̄ ā ī-ɓīī i mbée a? Ḭ́ḭ dɔɔ́, ə́ga kɔŕ kə̄ dɔ nə́ɓā yāí tə́! Na majanī a gír̄ dɔjí tə́, yā kadə̄ j-a j-oyiī alé.

1 KORḚNTƏ 10:11

Yá̰a̰ gə̄ ń noō malang teēn̄ dɔdə́ nin̄ tə́ i yā kɔjəń de kə́ rang gə̄ yá̰a̰ kadə̄ gerə̄n̄. Ba ndangən̄də́ kem makətūbūú i yā tāańjí jḭḭ̄ ń j-ugī ta ngóy ndɔ̄ gə̄ tə́ ní.

MATIYE 16:3

Ba ta gír loo tə́ anī, sḭḭ̄ ə́daī na man̄ na a edə ɓōólaā, tɔdɔ̄ loo na to gudum. Adə̄ ré sḭḭ̄ á̰a̰ī no rā̰ ɓáa ī-gerī yá̰á̰ ń a rāā yá̰á̰ ní. Ba ré i yá̰a̰ kə́ ɔjə dɔ yá̰a̰ gə̄ ń a rāān̄ yá̰a̰ ngɔlaā toó ɓáa sḭḭ̄ ī-gerī loon alé.

JAKƏ 5:8

Sḭḭ̄, ī-tə́gāī tasí ō, ə́reī wursí ō, tɔdɔ̄ dɔ ndɔ̄ reē Kɔ́ɔ̄ɓē i ngɔr.

2 PIYER 3:9

Kɔ́ɔ̄ɓē ɔr bā̰ā̰ loo rāā yá̰á̰ ń ni-ənī míndən yā rāā tə́ ní alé. Ba de kə́rēý gə̄ ədan̄ na ni na ɔr bā̰ā̰ ngá̰ý, tá ni tə́gā i tan tām̄ yāsí tə́. Tɔdɔ̄ ni gḛy kadə̄ de kə́rēý gə̄ udən̄ kɔ̄ɔ́ alé, ba kadə̄ de gə̄ malang tūrə̄n̄ gidədə́ kɔ̄ɔ́ ta yá̰á̰ kə́ majaĺ tə́.

2 PIYER 3:11

Dan ń a nujən̄ yá̰a̰ malang i tītə̄ ń noō ní, háĺ ń kadə̄ ī-ndiīneé ní sḭḭ̄ ī-gerī majə! Majə kadə̄ háĺsí i háĺ kə́ kɔr̄ kam̄ tām̄ yā Nə́ɓā tə́ ō, i háĺ kəhɔ gō Nə́ɓā ō,

1 JA̰A̰ 2:18

Ngánə́ḿ kə́ dūú gə̄, jə-ndiī i kum mbang kə́ ta tɔ̄l̄ ta tə́. Ba tītə̄ ń ōōī kadə̄ nge rɔ̄ɔ̄ Kərist kógə̄ḿ a reē ní, ngɔlaā ngé rɔ̄ɔ̄ Kərist gə̄ ngá̰ý reē ugə̄n̄ kɔ̄ɔ́ ɓá. I tītə̄ ń noō n jə-gerīiń kadə̄ jə-ndiī i kum mbang kə́ ta tɔ̄l̄ ta tə́ ní.

JEJU TEĒ KUM JA̰A̰ 1:3

Deē ń tə́da makətūbə̄ ń toō ō, de gə̄ ń oōn̄ najə̄ kə́ Nə́ɓā əndā ta deē tə́ ń toō ō, ba ngɔ̄mə̄n̄ yá̰á̰ ń ndangən̄ kemeé ní, rɔ̄də́ nel̄də́. Tɔdɔ̄ kum mbang ń kadə̄ yá̰a̰ gə̄ ń noō rāān̄neé yá̰á̰ ní dɔ i ngɔr.

JEJU TEĒ KUM JA̰A̰ 22:10

Gō tə́ anī ni-ədam̄ na: Najə̄ yā Nə́ɓā ń to kem makətūbə̄ ń toō tə́ ní, kə m̄-lōō ɓɔ̄ɔ̄ dɔ. Tɔdɔ̄ kum mbang kə́ tām̄ yā yá̰a̰ gə̄ ń noō tə́ ní dɔ na i ngɔr.