Makətūbə̄ ń Pol ndang adə̄ Rom gə̄ ní 13:1 - Bibəl ta Sar̄

¹ Ādə̄ de gə̄ kógə̄ḿ kógə̄ḿ sɔlə̄n̄ dɔdə́ kə̄ no ngé ko̰o̰ ɓē gə̄ tə́. Tɔdɔ̄ ko̰o̰ ɓē i jīdə́ tə́. Tɔdɔ̄ ngār, i Nə́ɓā n əndā ō, ngé gə̄ ń ndin̄ ngār ní, i Nə́ɓā n əndādə́ dɔ madə̄də́ gə̄ tə́ ō ní. Tām̄ ko̰o̰ ɓē malang ḭḭ i rɔ̄ Nə́ɓā tə́ ō, ngé gə̄ ń ko̰o̰ ɓē i jīdə́ tə́ ní, i Nə́ɓā n əndādə́ kem kəla ko̰o̰ ɓē ní tə́ ō.

Bible sar

¹ Ādə̄ de gə̄ kógə̄ḿ kógə̄ḿ sɔlə̄n̄ dɔdə́ kə̄ no ngé ko̰o̰ ɓē gə̄ tə́. Tɔdɔ̄ ko̰o̰ ɓē i jīdə́ tə́. Tɔdɔ̄ ngār, i Nə́ɓā n əndā ō, ngé gə̄ ń ndin̄ ngār ní, i Nə́ɓā n əndādə́ dɔ madə̄də́ gə̄ tə́ ō ní. Tām̄ ko̰o̰ ɓē malang ḭḭ i rɔ̄ Nə́ɓā tə́ ō, ngé gə̄ ń ko̰o̰ ɓē i jīdə́ tə́ ní, i Nə́ɓā n əndādə́ kem kəla ko̰o̰ ɓē ní tə́ ō.

Makətūbə̄ ń Pol ndang adə̄ Rom gə̄ ní 13:1 Referans Kwoze

TITƏ 3:1

Ī-ter̄ kemdə́ dɔ najə̄ sɔl̄ dɔ tə́ kə̄ no ngār gə̄ tə́ ō, no ngé ko̰o̰ ɓē gə̄ tə́ ō, dɔ najə̄ koō tadə́ tə́ ō, ādə̄ əndānəń dɔ rɔ̄də́ danaá kété tām̄ yā kəla malang kə́ majə tə́ ō,

DANIEL 2:21

I ni n i nge tūr̄ dɔ kāgə̄ loo gə̄ ō, nge tūr̄ yá̰a̰ gə̄ ō ní. I ni n i nge kɔr̄ mban̄g gə̄ kɔ̄ɔ́ ō nge kəndā mban̄g gə̄ ō ní. I ni n i nge kadə̄ ngé kum kedə̄ gə̄ kum kedə̄ ō, ngé ger̄ kəndā ma̰ȳ yá̰a̰ gə̄ yá̰a̰ ger̄ ō ní.

JA̰A̰ 19:11

Banī Jeju tél ədan na: Nə́ngētə́ nge ń ndi dɔɔ́ ní adī tɔ́gə aĺ anī, ḭ̄ ásə rāā yá̰á̰ kógə̄ḿ seḿ alé. Ī tām̄ najə̄ ń noō tə́ n majaĺ yā nge kəlam̄ jīí tə́ i kə́ bo ngá̰ý ní.

Makətūbə̄ ń Jud ndang ní 1:8

Adə̄ de gə̄ ngeé ń m-ɔ̄r̄ najə̄ yādə́ toō ní, rāān̄ yá̰a̰ i tītə̄ yādə́: Nin̄-rāān̄ majaĺ kə rɔ̄də́ nin̄ kɔ́ gɔ̄ɔ́ sɔɔ̄ń yá̰a̰ gə̄ ń nī rāādə́ dɔ tə́ ní ō, əya̰n̄ Nə́ɓā kɔ̄ɔ́ ō, tájə̄n̄ de kə́ to kɔsə gɔndə́ gə̄ kə́ dɔ rā̰ tə́ ō.

PĀ GƏ̄ 62:11

Ī-lōōī kəndā kemsí dɔ dɔ́nɔ́ tə́, ī-lōōī kəndā kemsí dɔ yá̰á̰ kə́ ɓogə tə́. Ré yá̰a̰ kənge yāsí reē ngá̰ý kə̄ dɔ naā tə́ anī, ī-lōōī kəndā kemsí dɔ tə́.

EPEJƏ 5:21

Ōōī ta naā sɔɔ̄ń ɓōĺ ń ī-ɓōlíī Ndíĺ Kərist ní.

1 SAMUEL 2:8

I ni n i nge kun nge tɔ́gə gətóó ń teē əsō ní dɔɔ́ ō, i nge kun nge rɔ̄ tō ndoō kɔ̄ɔ́ dɔ bū loo tə́ ō ba kadə̄də́ loo kə́ to ngol dan ngār gə̄ tə́ kadə̄ ndin̄neé ní. Dɔ nang malang i yā Kɔ́ɔ̄ɓē. I ni n i nge kəndā dɔ nang dɔ birə̄n tə́ ní.

JEJU TEĒ KUM JA̰A̰ 19:16

Ndangən̄ rī kógə̄ḿ tū kūbə̄ yān kə́ dɔ madə̄ gə̄ tə́ ō, dɔ ɓúrən tə́ ō. Rī ní na i mban̄g kə́ dɔ mban̄g gə̄ tə́ ō, Kɔ́ɔ̄ɓē kə́ dɔ kɔ́ɔ̄ ɓē gə̄ tə́ ō.

DANIEL 4:32

De kə́ dɔ nang tə́ gə̄ malang ká nin̄ i ngá̰ý tītə̄ rí gə̄gē, nin̄ i yá̰a̰ alé ta kumən tə́. Ni a rāā yá̰a̰ i kə gō kem ndigə yānneé kə de kə́ dɔ rā̰ tə́ gēé ō, kə de kə́ dɔ nang tə́ gēé ō. De kə́ asə kəhɔ jīn ba kədan na ké ā i rí n toó wa ní gətóo.

JEJU TEĒ KUM JA̰A̰ 17:14

Nin̄ a rɔ̄ɔ̄n̄ Ngōn̄ Batə̄, ba Ngōn̄ Batə̄ a tetədə́ rɔ̄ɔ̄, tɔdɔ̄ ni i Kɔ́ɔ̄ɓē kə́ dɔ Kɔ́ɔ̄ɓē gə̄ tə́ ō, mban̄g kə́ dɔ mban̄g gə̄ tə́ ō. Ngé gə̄ ń ni-ɓāŕdə́ ō, ngé gə̄ ń ni gə̄rādə́ ō, ngé gə̄ ń ran̄ dɔ ndūdə́ tə́ ō ní, a tetən̄ rɔ̄ɔ̄ seneé ō.

MATIYE 6:13

Ī-lōō kaw̄ sejí ta yá̰a̰ nāā gə̄ tə́, ba ɔ̄r̄jí kɔ̄ɔ́ jī nge nāājí tə́. Tɔdɔ̄ ko̰o̰ ɓē ō, tɔ́gə ō, kɔsə gɔn ō i yá̰a̰ yāí gə̄ kə́ njɔ́ḿ gə̄ tə́. Adə̄ i tītə̄ ń noō!

NDŪ NAJƏ̄ 17:12

Deē ń i nge kɔjə rɔ̄n adə̄ a rāā yá̰a̰ i kə dɔneé kanjə̄ koō yā nge tun̄ yá̰á̰ ń ra loo ní tə́ á a rāā kəla yā Kɔ́ɔ̄ɓē Nə́ɓā yāí ní ō, kanjə̄ koō yā nge gān̄g sarya ō ní, a tɔ̄l̄nən̄ kɔ̄ɔ́. I beé n ā ɔ̄rəń yá̰á̰ kə́ majaĺ kɔ̄ɔ́ dan ngán Israel gə̄ tə́ ní.

Gōsə̄ najə̄ gə̄ 24:21

Ngōnə̄ḿ, ī-ɓōĺ ndíĺ Kɔ́ɔ̄ɓē ō, ī-ɓōĺ ndíl mban̄g ō. Ī-lōō kəla rɔ̄í dan ngé sāā tūr̄ gíŕ yá̰á̰ kə́ jóo gə̄ kɔ̄ɔ́ tə́!

DANIEL 4:17

Kāgə̄ ń á̰a̰ā̰ á tɔgə ō ngan̄g ō, ngāl̄ ugə̄ no rā̰ tə́ ō deē ra i rá dɔ nang tə́ gə̄gē a a̰a̰ ō,

KƏLA RĀĀ 2:41

Ngé gə̄ ń ndigən̄ najə̄ kɔr̄ Piyer ní rāān̄də́ batém. Adə̄ ndɔ̄ ngeé ń noó tə́ ní de gə̄ kə́ asən̄ dūbú mətá ń noō ərōn̄ ngámbang kəla gə̄.

Makətūbə̄ ń Pol ndang adə̄ Rom gə̄ ní 12:21

Ī-lōō kadə̄ yá̰á̰ kə́ majaĺ tetiī rɔ̄ɔ̄, ba ī-rāā yá̰á̰ kə́ majə ī-tetənəń rɔ̄ɔ̄.

Makətūbə̄ ń Pol ndang adə̄ Rom gə̄ ní 13:2

Adə̄ deē ń mbātə́ najə̄ ta ngé ko̰o̰ ɓē gə̄ tə́ ní ni-mbātə́ i rāā yá̰á̰ ń Nə́ɓā ɔsə kə de gēé ta rāā ní. Adə̄ ngé gə̄ ń a rāān̄ dɔ ngan̄g ní, a ɔyn̄ sarya kə̄ dɔdə́ nin̄ kɔ́ gə̄ tə́.

1 TIMOTE 2:2

Tām̄ yā mban̄g gə̄ tə́ ō, ngé ko̰o̰ ɓē gə̄ tə́ malang ō. Tá kadə̄ jə-ndiīń jəke ō, kə kem kə́ sɔl̄ lɔmɔɔ́ ō, yā kadə̄ jə-rāāīneé yá̰a̰ malang kə gō ń Nə́ɓā ndigə ní ō, jə-rāāīneé yá̰á̰ kə́ ɔjə kadə̄ jə-ɓōlíī ndíĺ Nə́ɓā ō.