Makətūbə̄ ń Pol ndang adə̄ Rom gə̄ ní 12:8 - Bibəl ta Sar̄

⁸ Deē ń ni i nge kadə̄ karī yā kadə̄ madə̄n gə̄ tɔ́gə anī, majə kadə̄ ni-adə̄ńdə́ tɔ́gə. Deē ń ni i nge kadə̄ karī yā kadə̄ deē yá̰á̰ ní, ādə̄ kɔ́ɔ̄ adə̄ kə kem ndaá. Deē ń ni i nge kadə̄ karī yā kɔr madə̄n gə̄ ta róbə́ ní, ādə̄ o̰o̰n tɔdɔ̄ kəla yān ní. Deē ń ni i nge kadə̄ karī yā rāā kə ngé ndoō gēé ní, ādə̄ ni-rāā sedə́ kə rɔ̄nelēé.

Bible sar

⁸ Deē ń ni i nge kadə̄ karī yā kadə̄ madə̄n gə̄ tɔ́gə anī, majə kadə̄ ni-adə̄ńdə́ tɔ́gə. Deē ń ni i nge kadə̄ karī yā kadə̄ deē yá̰á̰ ní, ādə̄ kɔ́ɔ̄ adə̄ kə kem ndaá. Deē ń ni i nge kadə̄ karī yā kɔr madə̄n gə̄ ta róbə́ ní, ādə̄ o̰o̰n tɔdɔ̄ kəla yān ní. Deē ń ni i nge kadə̄ karī yā rāā kə ngé ndoō gēé ní, ādə̄ ni-rāā sedə́ kə rɔ̄nelēé.

Makətūbə̄ ń Pol ndang adə̄ Rom gə̄ ní 12:8 Referans Kwoze

2 KORḚNTƏ 9:7

I beé ní ādə̄ de gə̄ kógə̄ḿ kógə̄ḿ adə̄n̄ yá̰a̰ kə gō kem ndigə yādə́, ba ādə̄ i kə́ kadə̄ kə ndə̄ngā rɔ̄ɔ́ gō tə́ aĺ ō, dɔ gúú tə́ aĺ ō. Tɔdɔ̄ Nə́ɓā tár i nge kadə̄ yá̰a̰ kə rɔ̄nelēé.

1 TIMOTE 5:17

Kum kɔɔ̄ gə̄ ń ɔrən̄ no loo kán̄ naā majə ní, ādə̄ de gə̄ adə̄n̄də́ yá̰á̰ kəndā nja yādə́ loo nja kə́ jōó tə́. Ba kə́ ngá̰ý ɓáa i ngé gə̄ ń əndān̄ rɔ̄də́ ta kəla kə́ ɔȳ ngá̰ý tə́, adə̄ i ta kəla kɔjə najə̄ tə́ ō, ndóō de gə̄ yá̰a̰ tə́ ō ní.

1 KORḚNTƏ 12:28

I beé n Nə́ɓā əndāń ngámbang kəla gə̄ kété kem Egəlijə tə́ ní. De gə̄ ń utə̄n̄ gōdə́ ní i ngé koō ta gə̄. Kə́ ko̰ mətá i nge ndóō de gə̄ yá̰a̰ gə̄. Gōdə́ nin̄ tə́ i ngé rāā yá̰á̰ kə́ yáā gə̄. Kutə gō anī i ngé kaw̄ kə tɔ́gə́ kə́ yā rāā kadə̄ rɔ̄ de gə̄ ngáā ō, ngé rāā kə deē madə̄də́ gēé ō, ngé kɔr no madə̄də́ gə̄ ō, ngé kɔr̄ najə̄ kə ta kə́ tayā gə̄ ō.

HEBƏRO 13:17

Ōōī najə̄ ta nge kɔr no ngé kán̄ naā gə̄ ō, ə́laī dɔsí gír tɔ́gə yādə́ tə́ ō. Tɔdɔ̄ nin̄-əndān̄ kumdə́ gíŕsí tə́ tām̄ a ɔjən̄ Nə́ɓā gotə. Ré ōōī tadə́ anī, a rāān̄ kəla kə rɔ̄nelēé. Ré i beé aĺ anī a nōōn̄ i rɔ̄də́ n a rāān̄neé, ba ngé ń noō a teēsí yá̰á̰ tə́ alé.

KƏLA RĀĀ 15:32

Jud ō, Silas ō ń nin̄ i ngé koō ta gə̄ ní, ɔrə̄n̄ najə̄ kə ngákó̰ó̰də́ gēé dan i ngá̰ý. Mbūsə̄n̄neédə́ ō, adə̄n̄neédə́ tɔ́gə ō.

KƏLA RĀĀ 13:15

Dan ń tə́dan̄ najə̄ kə́ kem makətūbə̄ ndū najə̄ gə̄ tə́ ō, kə́ kem makətūbə̄ yā ngé koō ta gə̄ tə́ ō oy anī, ngār gə̄ kə́ dɔ kújə́ kán̄ naā tə́ gə̄ əla ədan̄də́ na: Ngákó̰ó̰jí gə̄, ré āwī kə najə̄ kə́ a əla go̰ kem ngé kán̄ naā gə̄ tə́ anī ə́daī!

HEBƏRO 13:24

Ī-rāāī nge kɔr no ngé kán̄ naā gə̄ malang lápə́ya ō, de gə̄ yā Nə́ɓā malang lápə́ya ō. Ngé kə́ Itali tə́ gə̄ rāān̄sí lápə́ya ō.

HEBƏRO 13:22

Ngákó̰ó̰ḿ gə̄, m̄-rāāsí ɓɔ́ kadə̄ ī-tə́gāī tasí, ī-ndigiī yá̰á̰ ndóō kə́ yā mbūsə̄n̄ńsí ń toō. Tɔdɔ̄ yá̰á̰ ń m̄-ndang m-ādə̄sí kem makətūbə̄ ń toō tə́ ní, ngāl̄ ngá̰ý alé.

HEBƏRO 13:7

Ādə̄ əga kemsí dɔ nge kɔr no ngé kán̄ naā gə̄ yāsí á ɔjən̄sí najə̄ yā Nə́ɓā ní. Ə̄ndāī ma̰ȳ loo ndidə́ dɔ nang tə́ laā ō, ta ngóýdə́ ō, ba ī-ndájī taā kem yādə́.

HEBƏRO 10:25

Jə-lōōī kəya̰ loo kán̄ naā yājí kɔ̄ɔ́ tītə̄ ń i jī bēl̄ loo rāān yā de kə́rēý gə̄ ní. Banī j-adī naā tɔ́gə, tɔdɔ̄ á̰a̰ī kadə̄ dɔ ndɔ̄ yā Kɔ́ɔ̄ɓē i ngɔr.

2 KORḚNTƏ 8:12

Tɔdɔ̄ ré gír̄ kə́ kem deē tə́ ń adə̄ń yá̰á̰ ní i gír̄ kə́ majanī, a ndigən̄ kɔ́ɔ̄ i tām̄ yá̰á̰ kə́ to jīn tə́ tə́, ba i tām̄ yá̰á̰ kə́ gətóo jīn tə́ tə́ alé.

1 KORḚNTƏ 14:3

Banī nge kəda najə̄ kə́ Nə́ɓā əndā tan tə́ ní, ɔr̄ najə̄ i kə de gēé kadə̄ nin̄-taān̄ kem kum kə̄ kété kété ō, i yā kəlań go̰ kemdə́ tə́ ō, i yā sɔlə̄ń kemdə́ ō.

KƏLA RĀĀ 20:28

Ī-ndiī dɔ rɔ̄sí tə́ majə ī-ngɔ̄mīneé rɔ̄sí sḭḭ̄ kɔ́ gə̄ ō, ī-ngɔ̄mīneé yá̰a̰ kul̄ gə̄ malang ń Ndíĺ kə́ Táĺ adə̄sí kadə̄ ī-ngɔ̄mī ní ō. Á̰a̰ī gō ngé kán̄ naā gə̄ yā Kɔ́ɔ̄ɓē ń nəkɔ́ mangdə́ kə mósəneé ní.

KƏLA RĀĀ 20:2

Ni ənda gō nang ń noō gān̄g ba ɔjə ngákó̰o̰n kə́ tū tə́ gə̄ najə̄ yā Nə́ɓā ngá̰ý əlań go̰ kemdə́ tə́ dɔɔ́ dɔɔ́. Ni-aw̄ bátə́ ugə̄ dɔ nang kə́ Gəresə tə́,

1 TIMOTE 4:13

Ə̄ndā rɔ̄í ta tə́da makətūbə̄ tə́ ō, ta kɔjə de gə̄ najə̄ tə́ ō, ta ndóōdə́ yá̰á̰ tə́ ō, bátə́ kadə̄ m-ūgəń.

1 TESALONIK 2:8

O̰o̰jí tɔdɔ̄sí ngá̰ý, adə̄ jə-ndigə i kɔjəsí Najə̄ kə́ Majə yā Nə́ɓā ngóy alé, banī i kadə̄ rɔ̄jí tām̄ yāsí tə́ ō, tɔdɔ̄ sḭḭ̄ ī-téliī i kó tár yājí gə̄.

1 TESALONIK 2:3

Najə̄ kə́ Majə ń j-ɔjə ní teē i tū gír̄ kə́ gō tə́ aĺ tə́ aĺ ō, kə́ yḛr tə́ aĺ ō, kə́ kə ngamaá tə́ aĺ ō,

KOLOSƏ 3:22

Sḭḭ̄ ɓəlo gə̄, kɔ́ɔ̄sí kə́ dɔ nang tə́ laā gə̄ ní, ōōī tadə́ tū yá̰a̰ gə̄ tə́ malang. Ōōī tadə́ tām̄ ta kumdə́ tə́, tītə̄ yā de gə̄ ń a sāān̄ rāā yá̰a̰ kadə̄ nel̄ de gə̄ ní alé, banī ōōī tadə́ kə kem kə́ kógə̄ḿ, tītə̄ de kə́ ngé ɓōĺ ndíĺ Kɔ́ɔ̄ɓē gə̄ beé.

EPEJƏ 6:5

Ɓəlo gə̄, ōōī ta kɔ́ɔ̄sí kə́ dɔ nang tə́ laā gə̄ kə ɓōló ō, kə rɔ̄ ndeweé ō, kə kem kə́ rɔ̄kumuú ō, tītə̄ ń ī-rāāīneé kə Kərist ní.

2 KORḚNTƏ 11:3

Banī m̄-ɓōĺ najə̄ kadə̄ gír̄ yāsí nujə adə̄ ə́ya̰ī Kərist kɔ̄ɔ́, tītə̄ ń lī góləń Ebə kə ngam yānneé ní.

2 KORḚNTƏ 9:13

Kəla ń toō ń ī-rāāī ní, a ɔjə yá̰á̰ ń i sḭḭ̄ ní kə̄ ndágá. Adə̄ de gə̄ ngá̰ý a ɔsən̄ gɔn Nə́ɓā tām̄ yā sɔl̄ dɔ yāsí tə́, sɔl̄ dɔ ń ɔ́jiīneé kə̄ ndágá kadə̄ ī-taāī kem Najə̄ kə́ Majə yā Kərist ní. Nin̄ a ɔsən̄ gɔn Nə́ɓā tām̄ yā kem majə yāsí tə́ ō, adə̄ i kem majə ń ādīneédə́ nin̄ ō, gotə de kə́ rang gə̄ malang ō yá̰a̰ kənge yāsí ngá̰ý ní.

2 KORḚNTƏ 9:11

Ā ə́ngeī yá̰á̰ ngá̰ý kə ta róbə́ kə́ tayā tayā gə̄, yā kadə̄ ásiīneé kadə̄ yá̰á̰ ngá̰ý kə kum mbang gə̄ malang. Adə̄ de gə̄ ngá̰ý a ndadə̄n̄ Nə́ɓā tām̄ yā yá̰a̰ gə̄ ń sḭḭ̄ ī-rāāīneé kem majə sedə́ ní tə́.

2 KORḚNTƏ 1:12

Yá̰á̰ ń ɔjə kɔr ta rɔ̄ yājí ní, i najə̄ ń toō ń kemjí ɔjəjí ní. Kemjí ɔjəjí kadə̄ háĺjí ń jə-ndiń dan de kə́ dɔ nang tə́ gə̄ tə́, ba mandang ɓáa i sesí sḭḭ̄ḭ́ ní, i háĺ kə́ kanjə̄ gól̄ loo ō, kə́ unjə̄ njáý njáý ō, adə̄ i hál yā Nə́ɓā. I hál kum kedə̄ yā de gēé alé, banī i hál kem majə yā Nə́ɓā.

Makətūbə̄ ń Pol ndang adə̄ Rom gə̄ ní 13:6

I tām̄ najə̄ ń noō tə́ ɓáý to̰ n ə̄gāīneé lambóo ní. De gə̄ ń a taān̄ ní, i Nə́ɓā nəkɔ́ n əndā kəla ń noō dɔdə́ tə́ ní.

Makətūbə̄ ń Pol ndang adə̄ Rom gə̄ ní 12:13

Ādī de gə̄ yā Nə́ɓā yá̰á̰ ń ndoōn rāādə́ ní. Ī-lōōī gír kəhɔ mbā gə̄ kə̄ rɔ̄sí tə́ alé.

MATIYE 25:40

Anī mban̄g a tél yā kədadə́ na: Ādə̄ m-ə́dásí najə̄ kə́ bo ngá̰ý, kə ndɔ̄ gə̄ malang ń ī-rāāī yá̰a̰ gə̄ ń noō kə deē kógə̄ḿ kə́ dan ngákó̰ó̰ḿ kə́ dūú ngá̰ý gə̄ ń toō tə́ ní, ī-rāāī i seḿ mā nəkɔ́.

IJAI 64:5

Jḭḭ malang jə-to tītə̄ de kə́ yḛr gə̄ ō, yá̰a̰ rāājí kə́ majə tɔȳ madə̄ gə̄ i yá̰á̰ kə́ to yḛr kum tītə̄ kūbə̄ kə́ mósə tákə̄ beé ō. Yá̰a̰ rāājí kə́ gōtə́ aĺ gə̄ rāān̄jí adə̄ jə-to tītə̄ mbī kámbə́ kə́ nél un aw̄ń kɔ̄ɔ́ beē.

IJAI 32:8

Banī de kə́ majə ɓōĺ ndíĺdə́ gə̄ ní, i yá̰á̰ kə́ súmūú gə̄ ngóy n nin̄ sāān̄ rāā ní ō, nin̄ a rāān̄ i yá̰á̰ kə́ ngáā gə̄ ō.

IJAI 32:5

A ədan̄ de kə́ sapə gə̄ na majə kadə̄ deē ɓōĺ gidəsí to̰ alé. A ədan̄ ngé gól̄ madə̄də́ gə̄ na sḭḭ̄ i de kə́ ngáā gə̄ to̰ alé.

KOHELET 11:6

Ādə̄ dəloí anī ī-dubə̄ kum kōō yāí, loo sɔlí anī ī-lōō kəya̰ jīí kadə̄ taā koō ō. Tɔdɔ̄ kəla gə̄ ń gír j ōó noō nge ń i kə́ majə ní ī-ger̄ alé. Majanī majən̄ jōó mbak.

KOHELET 9:10

Yá̰a̰ malang ń jīí asə rāā ní ī-rāā kə tɔ́gí īkɔ́. Tām̄ loo kə́ ɓádá ń de kə́ koy gə̄ i tū tə́, á ā ī-rāā yā kaw̄ gōdə́ tə́ tū tə́ ní, kəla aláa ka̰a̰ gō tóo kəla kə́ majə aké kə́ majaĺ, aláa ger̄ yá̰a̰, aláa kum kedə̄ gətóo tū tə́.

Gōsə̄ najə̄ gə̄ 22:9

Deē ń kumən o̰o̰n ní a tɔ́rə̄n̄ tadə́ dɔn tə́, tɔdɔ̄ ni kēgə̄ yá̰a̰ kəsa yān adə̄ de kə́ nge ndoō.

PĀ GƏ̄ 112:9

Ni-adə̄ ngé rɔ̄ tō ndoō gə̄ yá̰á̰ ngá̰ý. Háĺ kə́ gōtə́ yān to ngándáńg, ni-ɔr̄ dɔn dɔɔ́ kanjə̄ rɔ̄sɔl̄.

PĀ GƏ̄ 37:21

Nge kem ndul taā yá̰a̰ loo ndə̄mā tə́ ba téləń adə̄ kɔ́ɔ̄n gogə́ alé. Kum de kə́ súmūú o̰o̰n adə̄ yá̰á̰ ń to jīn tə́ ní ni-adə̄.

NDŪ NAJƏ̄ 16:11

Ā ī-rāā rɔ̄nel̄ ta kum Kɔ́ɔ̄ɓē Nə́ɓā yāí tə́, naā tə́ kə ngōnīí kə́ dəngam ō, kə́ dəyá̰ ō, nge rāā kəla yāí kə́ dəngam ō, kə́ dəyá̰ ō, ngōn̄ Lebi ń ndi kem ɓē yāí tə́ ní ō, tə̄rā kə́ nge nam̄ ō, ngōn̄ hal ō, dəyá̰ kə́ ngaa koy ō ń ndin̄ seí loo ń Kɔ́ɔ̄ɓē Nə́ɓā yāí a gə̄rā tə́ yā kəndā rīn dɔ tə́ ní.

NDŪ NAJƏ̄ 15:14

Yá̰a̰ malang ń Kɔ́ɔ̄ɓē Nə́ɓā yāí rāań kem majə seí á i batə̄ aké i bə̄yā̰, aké i kōō gémē, aké i kasə nduú ní, ā ādə̄n tə́.

TA KƏLA 18:19

m̄-gə̄rān i tām̄ kadə̄ əndā dɔ ngánən gə̄ tə́ ō, dɔ ngán kaan gə̄ tə́ ō, kadə̄ unən̄ róbə yāḿ, kadə̄ háĺdə́ i gōtə́ ō, súmūú ō, yā kadə̄ m̄-rāań yá̰á̰ ń m-ə̄nī míndə́ḿ yā rāā kadə̄n ní.

KƏLA RĀĀ 13:12

Dan ń nge ko̰o̰ ɓē a̰a̰ yá̰á̰ ń rāā yá̰á̰ ní anī, taā kem. Yá̰á̰ ndóō yā Kɔ́ɔ̄ɓē ɔr kumən ngá̰ý.

KƏLA RĀĀ 4:36

Jəjep ń ngámbang kəla gə̄ əndān̄ rī tɔ̄yn na i Barnabas ń, kumən na i nge sɔl̄ kem deē ní, i de kə́ gír kaa yā Lebi tə́. Ojənən̄ i dor̄ kə́ Sipər tə́. Ni-aw̄ kə loo ndɔr̄ kógə̄ḿ.

KƏLA RĀĀ 11:23

Dan ń ni-ɔtə̄ á a̰a̰ majə ń Nə́ɓā rāā ní anī, rɔ̄n nelə̄n ngá̰ý ō, ra sedə́ malang ta kəhɔ gō Kɔ́ɔ̄ɓē kadə̄ ngan̄g ō.

1 TIMOTE 6:18

Ə́dádə́ kadə̄ rāān̄ majə kə de gēé ō, kadə̄ rāān̄ yá̰á̰ kə́ majə ngá̰ý ō, kadə̄ adə̄n̄ de gə̄ yá̰a̰ ngá̰ý ō, kadə̄ kēgə̄n̄ yá̰a̰ yādə́ gə̄ adə̄n̄ madə̄də́ gə̄ tə́ ō.