Makətūbə̄ ń Pol ndang adə̄ Rom gə̄ ní 12:7 - Bibəl ta Sar̄

⁷ Ré i kadə̄ karī yā rāā kəla kadə̄ deē anī, ādə̄ deē ń ənge ní rāań kəla adə̄ deē. Ré i kadə̄ karī yā ndóō de gə̄ yá̰a̰ anī, ādə̄ deē ń ənge ní ndóōń de gə̄ yá̰a̰.

Bible sar

⁷ Ré i kadə̄ karī yā rāā kəla kadə̄ deē anī, ādə̄ deē ń ənge ní rāań kəla adə̄ deē. Ré i kadə̄ karī yā ndóō de gə̄ yá̰a̰ anī, ādə̄ deē ń ənge ní ndóōń de gə̄ yá̰a̰.

Makətūbə̄ ń Pol ndang adə̄ Rom gə̄ ní 12:7 Referans Kwoze

EPEJƏ 4:11

Ba yá̰a̰ gə̄ ń ni-adə̄ de gə̄ karī ní, i ngámbang kəla gə̄ ō, ngé koō ta gə̄ ō, ngé kɔjə Najə̄ kə́ Majə yān gə̄ ō, ngé ngɔ̄m̄ yá̰a̰ kul̄ gə̄ ō, ngé ndóō de gə̄ yá̰a̰ ō.

2 TIMOTE 4:2

kadə̄ ɔ́jə de gə̄ najə̄ yā Nə́ɓā. Ī-na̰y kə̄ loo kɔjə tə́ ndɔ̄ kə́ majə tə́ gə̄gē, kə́ majaĺ tə́ gə̄gē. Ɔ́jə́də́ bátə́ ādə̄ gerə̄n̄ kum ō, ī-gɔŕyɔ̄də́ ō, ə́la go̰ kemdə́ tə́ ō. Ī-ndóōdə́ yá̰a̰ kə tə́gā ta kə́ ngá̰ý.

1 TIMOTE 5:17

Kum kɔɔ̄ gə̄ ń ɔrən̄ no loo kán̄ naā majə ní, ādə̄ de gə̄ adə̄n̄də́ yá̰á̰ kəndā nja yādə́ loo nja kə́ jōó tə́. Ba kə́ ngá̰ý ɓáa i ngé gə̄ ń əndān̄ rɔ̄də́ ta kəla kə́ ɔȳ ngá̰ý tə́, adə̄ i ta kəla kɔjə najə̄ tə́ ō, ndóō de gə̄ yá̰a̰ tə́ ō ní.

KƏLA RĀĀ 13:1

Ngé koō ta gə̄ ō, ngé ndóō de gə̄ yá̰a̰ gə̄ ō, ndin̄ kem Egəlijə kə́ A̰tiyos tə́. De gə̄ ní i Barnabas ō, Simeo̰ ń a ɓāŕnən̄ na i de kə́ ndul ní ō, Lusius kə́ Siren ō, Manahen ń ətōn̄də́ naā tə́ kə Herod nge ko̰o̰ ɓēé ní ō, Sol ō.

2 TIMOTE 2:24

Ba majə kadə̄ nge rāā kəla yā Kɔ́ɔ̄ɓē kɔ̄l̄ alé. Majə kadə̄ ni-ndi lɔm kə de gēé malang ō, asə ndóō de gə̄ yá̰a̰ ō, tə́gā tan dɔ najə̄ kɔr̄ ngé tɔ́sə̄ najə̄ gə̄ tə́ ō.

2 TIMOTE 2:2

Yá̰a̰ gə̄ ń ōō taḿ tə́ ta kum de kə́ kum tə́ gə̄ kə́ ngá̰ý ní, ɔ́jə de kə́ ngé ra dɔ ndūdə́ tə́ gə̄, kə́ asən̄ ndóō de kə́ rang gə̄ kə̄ kété ō.

1 TIMOTE 4:16

Ə̄ndā kumií gír rɔ̄í īkɔ́ tə́ ō, gíŕ yá̰á̰ ndóō yāí tə́ ō. Ə́hɔ rɔ̄í tɔgə tū yá̰a̰ gə̄ ń noō tə́. Loo ń ré ī-rāā beé anī, ā ájə rɔ̄í īkɔ́ ō, ā ájə́ ngé gə̄ ń oōn̄ najə̄ taí tə́ ní ō.

1 TIMOTE 3:2

Adə̄ majə kadə̄ ni i de kə́ najə̄ gətóo dɔn tə́ ō, nə̄yá̰n i kógə̄ḿ beē ō, ni i de kə́ nge kəhɔ rɔ̄n dɔ yá̰á̰ tə́ ō, nge rāā yá̰a̰ kadə̄ mān̄ dɔ loon aĺ ō, i de kə́ de gə̄ a rɔȳnən̄ ō, i de kə́ nge kəhɔ de gə̄ kə̄ rɔ̄n tə́ majə ō, kə́ ger̄ loo ndóō de gə̄ yá̰a̰ ō,

1 TIMOTE 2:7

Əndāmə̄n̄ kɔdə̄ mbēr̄ ō, ngōmbang kəla ō, i tām̄ yā najə̄ kə́ kum tə́ yān ngeé ń toō tə́. M-ə́da i najə̄ kə́ rɔ̄kum, ba m̄-sor̄ i mbée alé, mā i nge ndóō nápar de kə́ rang gə̄ yá̰á̰ ń majə kadə̄ deē taā kem ní ō, yá̰á̰ ń i yá̰á̰ kə́ rɔ̄kum ní ō.

KOLOSƏ 4:17

Tá ə́daī Arkipə kadə̄ əndā kumən gír kəla ń Kɔ́ɔ̄ɓē adə̄n tə́ ní, kadə̄ rāā adə̄ majə ɔtə̄ kə taá.

GALATƏ 6:6

Ādə̄ deē ń ndóōnən̄ yá̰á̰ ní, kēgə̄ yá̰a̰ yān gə̄ malang adə̄ nge ndóōn yá̰a̰.

1 KORḚNTƏ 12:28

I beé n Nə́ɓā əndāń ngámbang kəla gə̄ kété kem Egəlijə tə́ ní. De gə̄ ń utə̄n̄ gōdə́ ní i ngé koō ta gə̄. Kə́ ko̰ mətá i nge ndóō de gə̄ yá̰a̰ gə̄. Gōdə́ nin̄ tə́ i ngé rāā yá̰á̰ kə́ yáā gə̄. Kutə gō anī i ngé kaw̄ kə tɔ́gə́ kə́ yā rāā kadə̄ rɔ̄ de gə̄ ngáā ō, ngé rāā kə deē madə̄də́ gēé ō, ngé kɔr no madə̄də́ gə̄ ō, ngé kɔr̄ najə̄ kə ta kə́ tayā gə̄ ō.

KƏLA RĀĀ 20:28

Ī-ndiī dɔ rɔ̄sí tə́ majə ī-ngɔ̄mīneé rɔ̄sí sḭḭ̄ kɔ́ gə̄ ō, ī-ngɔ̄mīneé yá̰a̰ kul̄ gə̄ malang ń Ndíĺ kə́ Táĺ adə̄sí kadə̄ ī-ngɔ̄mī ní ō. Á̰a̰ī gō ngé kán̄ naā gə̄ yā Kɔ́ɔ̄ɓē ń nəkɔ́ mangdə́ kə mósəneé ní.

KƏLA RĀĀ 20:20

Sḭḭ̄ ī-gerī kadə̄ mā m̄-ɓɔ̄ɔ̄sí dɔ yá̰á̰ kógə̄ḿ kə́ kadə̄ rāā majə sesí alé: M-ə́dásí yá̰a̰ malang ō, m-ɔ́jə́sí yá̰a̰ malang ō, i ndágə loo gə̄ tə́ ō, i kem kújə gə̄ tə́ ō.

KƏLA RĀĀ 6:1

Dan ngeé ń noō tə́ ní ngé ndóō yá̰a̰ gə̄ a reēn̄ i kə̄ dɔ naā tə́ adə̄ kutədə́ i ngá̰ý. Anī Jipə kə́ ngé kɔr̄ ta Gərek gə̄ tāmən kə Jipə kə́ ngé kɔr̄ ta Hebəro gēé. Nin̄-ədan̄ na kə dɔ ndɔ̄ gə̄ kum mbang yā nə̄ɓō yá̰a̰ tə́ ɓáa na usədə́ dɔ dəyá̰ kə́ ngaa koy yādə́ gə̄ tə́ alé.

JA̰A̰ 3:2

Ni-reē rɔ̄ Jeju tə́ ndɔ̄ɔ́, ba ədan na: Ngoljí, ḭ̄ i nge kɔjə yá̰á̰ ń Nə́ɓā əlaī tāmən tə́ ní, adə̄ jə-ger̄ majə. Deē kógə̄ḿ kə́ yā rāā yá̰á̰ kə́ yáā gə̄ ń ī-rāā ní gətóo, ré i Nə́ɓā n i seneé tá.

MATIYE 28:19

Ní, āwī kə̄ dan nápar de gə̄ tə́ malang, ī-rāāī ādə̄ de gə̄ télən̄ ngé ndóō yá̰a̰ yāḿ gə̄. Ī-rāāīdə́ batém kə rī Bɔbə̄ Ngōn̄ ō, Ngōn̄ ō, Ndíĺ kə́ Táĺ ō.

IJAI 21:8

Anī nge kum̄ loo əga kɔŕ əda na: Ngol, m̄-rā dɔ kújə ngɔ̄m̄ ɓē kə́ ngāl̄ ɓururu tə́ dəloí bátə́ loo tíbə dɔḿ tə́, m̄-rā loo ń m-ā m̄-ngɔ̄məń loo tə́ ní ndɔ̄ɔ́ bátə́ loo tīī dɔḿ tə́.

KOHELET 12:9

Tá ɓáý to̰ nge kɔjə ngé kán̄ naā gə̄ najə̄ ndóō de gə̄ yá̰á̰ ń ni ger̄ ní. Ni-a̰a̰ tɔ́gə kāgə̄ najə̄ gə̄ ngá̰ý ō, əndā ma̰ȳdə́ ō, rāādə́ adə̄ ton̄ kə gōó majə ō.

PĀ GƏ̄ 51:13

Ī-lōō tə̄ɓām̄ kɔ̄ɔ́ rɔ̄í tə́. Ī-lōō tél taā Ndíl kə́ Táĺ yāí jīḿ tə́ kɔ̄ɔ́.

PĀ GƏ̄ 34:11

Ndoō ō ɓō ō a rāā ngé kənge yá̰a̰ gə̄, banī ngé sāā Kɔ́ɔ̄ɓē gə̄ nalə̄n̄ yá̰á̰ kógə̄ḿ alé.

1 SAMUEL 12:23

Mā tā a m-ā m̄-lōō gír rāā Kɔ́ɔ̄ɓē ɓɔ́ tə́ tām̄ yāsí tə́ alé. Tɔdɔ̄ ré m̄-lōō gírí anī m̄-rāā i majaĺ kə Kɔ́ɔ̄ɓēé. M-ā m̄-na̰y kə̄ loo kɔjəsí róbə́ kə́ majə tə́ ō, kə́ súmūú tə́ ō.

NDŪ NAJƏ̄ 33:10

I nin̄ n i ngé ndóō ngán Israel gə̄ jī-bēl̄ loo rāā yá̰a̰ yāí gə̄ ō, ndū najə̄ yāí ō ní. I nin̄ n i ngé ndējī yá̰a̰ tun̄ gə̄ ń sadə́ udə kó̰ní tə́ ní ō, ngé róō dā̰ horoó dɔ loo tun̄ yá̰a̰ yāí tə́ ní ō.

1 KORḚNTƏ 12:5

Loo rāā kəla gír i ngá̰ý, banī i Kɔ́ɔ̄ɓē nəkɔ́ kə́ kal kógə̄ḿ beē ń to n j-a jə-rāāī kəla yān ní.

1 KORḚNTƏ 14:26

Loo ń noō tə́ ní ngákó̰ó̰ḿ gə̄, ā ī-rāāī i ba̰ý? Dan ń a ī-kanī naā anī, ré deē kógə̄ḿ aw̄ kə pā kógə̄ḿ ō, de kə́rēý aw̄ kə yá̰á̰ kógə̄ḿ kə́ yā kadə̄ ni-ndóō de gə̄ ō, de kə́ rang aw̄ kə yá̰á̰ kə́ Nə́ɓā teē kumən dɔ tə́ ō, de kə́ rang ɓáý to̰ aw̄ kə najə̄ kógə̄ḿ kə́ yā kɔr̄ kə ta kə́ tayāá ō, de kə́ rang ger̄ kum najə̄ ní yā kəda ō anī, ādə̄ i kə́ yā rāā yá̰a̰ gə̄ ń noō malang yā kadə̄ ngé kán̄ naā gə̄ taān̄neé kem Kɔ́ɔ̄ɓē kum kə̄ kété kété.