Makətūbə̄ ń Pol ndang adə̄ Rom gə̄ ní 12:3 - Bibəl ta Sar̄

³ Sɔɔ̄ń yá̰á̰ ń Nə́ɓā adə̄m̄ karī kə ta kūl̄ kem majə yānneé ní, m-ə́dásí sḭḭ̄ malang najə̄ ń toō: Ī-lōōī kɔjə rɔ̄sí kadə̄ mān̄ dɔ majən, banī ādī gír̄ yāsí i gír̄ kə́ kə looneé, kadə̄ náā náā nəkɔ́ ɓáa ɔjə rɔ̄n kadə̄ mān̄ dɔ majən alé, ba kadə̄ asə kə gō taā kem ń Nə́ɓā mbɔ̄jə́ adə̄sí ní.

Bible sar

³ Sɔɔ̄ń yá̰á̰ ń Nə́ɓā adə̄m̄ karī kə ta kūl̄ kem majə yānneé ní, m-ə́dásí sḭḭ̄ malang najə̄ ń toō: Ī-lōōī kɔjə rɔ̄sí kadə̄ mān̄ dɔ majən, banī ādī gír̄ yāsí i gír̄ kə́ kə looneé, kadə̄ náā náā nəkɔ́ ɓáa ɔjə rɔ̄n kadə̄ mān̄ dɔ majən alé, ba kadə̄ asə kə gō taā kem ń Nə́ɓā mbɔ̄jə́ adə̄sí ní.

Makətūbə̄ ń Pol ndang adə̄ Rom gə̄ ní 12:3 Referans Kwoze

GALATƏ 6:3

Ré deē kógə̄ḿ ɔjəń na ni na i yá̰á̰ kə́rēý, tá ni i yá̰á̰ kógə̄ḿ aĺ anī, ni-gól̄ i rɔ̄n nəkɔ́.

Gōsə̄ najə̄ gə̄ 26:12

Ré ə́nge de kə́ taā kem kadə̄ kumən edə ngá̰ý anī, majə kadə̄ ī-ger̄ na kəndā kem dɔ de kə́ mbóó tə́ i só tə́ t ɔȳ kəndā kem dɔ de kə́ beé tə́.

1 PIYER 5:5

Ba sḭḭ̄ balsáa gə̄, majə kadə̄ ōōī ta kum kɔɔ̄ gə̄. Banī sḭḭ̄ malang ə́laī tél kə rɔ̄ɔ́ kə̄ nang tə́ kūbə̄ tə́ rɔ̄sí tə́ ī-ndiīneé kə naá. Tɔdɔ̄ makətūbə̄ yā Nə́ɓā əda na: Nə́ɓā a mbātə́ najə̄ gō ngé kɔsə rɔ̄də́ kə̄ dɔɔ́ gə̄ tə́, ba a rāā kem majə kə ngé gə̄ ń télən̄ kə rɔ̄də́ kə̄ nang tə́ ní.

Makətūbə̄ ń Pol ndang adə̄ Rom gə̄ ní 12:16

Ādī kemsí i kógə̄ḿ kə naá. Ī-lōōī ka̰a̰ rɔ̄sí yá̰á̰ kə́ ngá̰ý tə́ ba rāā madə̄sí gə̄ yá̰a̰ aĺ tə́. Banī ī-rāāī kəla kə́ to kɔjə rɔ̄ aĺ gə̄. Ī-lōōī ka̰a̰ rɔ̄sí ngé kum kedə̄ gə̄ tə́.

1 PIYER 5:8

Əhɔī rɔ̄sí dɔ yá̰á̰ tə́ ba ī-lōōī rāā yá̰a̰ kadə̄ mān̄ dɔ majən ō, á̰a̰ī já̰já̰ dɔ rɔ̄sí tə́ ō! Tɔdɔ̄ madə̄ ba̰ā̰sí ń i diabəl ní, a ənī gir̄ gində̄ gidə loo tə́ tītə̄ ɓɔl kə́ a nōō beé, a sāań de kə́ yā kadə̄ n-əhɔ n-rə́yā̰n naā tə́ ba n-əsan.

KOHELET 7:16

Ī-lōō rāā háĺ kə́ gōtə́ kadə̄ mān̄ dɔ majən ō, ī-lōō kadə̄ kumií edə̄ kadə̄ mān̄ dɔ majən ō. Ī-sāā nujə rɔ̄í i tām̄ rí tə́?

1 PIYER 4:7

Ta ngóý yá̰a̰ malang dɔ i ngɔr. I beé ní ādə̄ sḭḭ̄ i de kə́ ngé kum kedə̄ gə̄ ō, ngé kəhɔ rɔ̄də́ dɔ yá̰á̰ tə́ gə̄ ō, yā kadə̄ sḭḭ̄ ásiīneé ndɔ̄ȳ Nə́ɓā.

JAKƏ 4:6

Ba Nə́ɓā rāā yá̰á̰ kə́ bo ngá̰ý yā kɔjəńjí kem majə yān, adə̄ i tām̄ ń noō tə́ n i kə́ ndang na: Nə́ɓā ndi garara ta kum ngé kɔjə rɔ̄də́ gə̄ tə́, ba a rāā kem majə kə ngé gə̄ ń dɔdə́ sɔl̄ ní.

1 PIYER 4:11

Ré deē kógə̄ḿ a ɔr̄ najə̄ anī, majə kadə̄ i yá̰a̰ gə̄ ń Nə́ɓā əda ní n ni-əda de gə̄ ní. Ré deē kógə̄ḿ a rāā kə de gēé anī, majə kadə̄ i kə tɔ́gə́ ń Nə́ɓā adə̄n ní. Yā kadə̄ tū yá̰a̰ gə̄ tə́ malang ɓáa kɔsə gɔn i yā Nə́ɓā kə ta kūl̄ Jeju Kərist, ni ń kɔsə gɔn ō, ndi dɔ de gə̄ tə́ ō, i yān kə dɔ ɓāl̄ gə̄ ɓāl̄ gə̄ ní. Adə̄ i tītə̄ ń noō!

MISE 6:8

Kɔ́ɔ̄ɓē rāā adə̄ ī-ger̄ yá̰á̰ kə́ majə. Yá̰á̰ ń ni-dəje deē ndul gə̄ malang kadə̄ rāān̄ ní n toó: I rāā yá̰á̰ kə́ gōtə́ ō, i kadə̄ nel̄ deē rāā kem majə ō, i kadə̄ deē ndi kə Nə́ɓā yānneé kanjə̄ kɔjə rɔ̄n ō.

1 KORḚNTƏ 7:17

Tá ɓáý to̰ ní, ādə̄ deē kógə̄ḿ kógə̄ḿ ndi kə jī loo ndi ń Kɔ́ɔ̄ɓē adə̄n á ni-ndiń kété tá kadə̄ Nə́ɓā ɓārə́n ní. Yá̰á̰ ń m-ə́da de gə̄ kə́ kem Egəlijə gə̄ tə́ malang kadə̄ rāān̄ ní n noó.

TITƏ 2:12

Rajə de gə̄ yā Nə́ɓā ngeé ń toō ndóōjí kadə̄ jə-lōōī gíŕ háĺ kə́ majaĺ tə́ ō, kadə̄ jə-lōōī gír ngur yá̰á̰ kə́ dɔ nang tə́ laā gə̄ tə́ ō, tá kadə̄ jə-ndiīneé kem ndɔ̄ gə̄ ń toō tə́ kə kum kedēé ō, kə yá̰a̰ rāā kə́ gōtə́ ō, jə-rāāīneé yá̰a̰ kə gō ń Nə́ɓā ndigə ní tə́ ō.

TITƏ 2:2

Əda de kə́ tɔgə ɓə́ga gə̄ kadə̄ nin̄ i ngé kəhɔ rɔ̄də́ dɔ yá̰á̰ tə́ gə̄ ō, nin̄ i de gə̄ kə́ asən̄ kadə̄ de gə̄ rɔȳn̄də́ ō, nin̄ i ngé rāā yá̰a̰ kadə̄ mān̄ dɔ loon aĺ gə̄ ō, kadə̄ nin̄-ndan̄ ngan̄g dɔ taā kem tə́ ō, dɔ táŕ tə́ ō, dɔ tə́gā ta tə́ ō.

2 KORḚNTƏ 12:7

Yá̰á̰ ń Nə́ɓā teē kumḿ dɔ tə́ ní, i yá̰á̰ kə́ bo ngá̰ý aĺ naā ō, ni gḛy kadə̄ m-ɔ́jə rɔ̄ḿ najə̄n tə́ aĺ ō. Adə̄ ni-əla kōn̄ kógə̄ḿ kem dā̰ḿ tə́, kōn̄ ní i de kə́ dɔ rā̰ tə́ kógə̄ḿ yā Sətan, kə́ kadə̄ əndam̄ na sōgə́ m-ɔ́jə rɔ̄ḿ.

Makətūbə̄ ń Pol ndang adə̄ Rom gə̄ ní 11:20

I gō tə́, ɓá tā ba jéngə̄n̄də́ i najə̄ yā taā kem aĺ yādə́ tə́, ba ḭ̄, yá̰á̰ ń ra seí loo ń noō tə́ ní i taā kem yāí. Ní ɔ́jə rɔ̄í alé, ba ngá̰ý a ī-ɓōĺ i mbéé tá.

Makətūbə̄ ń Pol ndang adə̄ Rom gə̄ ní 1:5

I kə ta kūl̄neé n Nə́ɓā rajəmə̄ń, adə̄ m̄-tél ngōmbang kəla yā kɔsəń gɔn Kərist ní. I yā kadə̄ m̄-rāāń kadə̄ de gə̄ kə́ dan nápar de gə̄ tə́ malang taān̄ kemən ō oōn̄ tan ō.

1 PIYER 1:13

I tām̄ najə̄ ń noō tə́ n majə kadə̄ á̰a̰ī já̰já̰ dɔ rɔ̄sí tə́ ní. Ī-ndiī dɔ rɔ̄sí tə́ ō, yá̰á̰ ń Jeju Kərist a teē hɔy anī a adə̄n̄sí karī ní, ə̄ndāī kemsí dɔ tə́ mámák ō.

TITƏ 2:4

Ādə̄ ndóōn̄ dəyá̰ kə́ na̰y mandə ɓáý gə̄ loo tár ngaadə́ gə̄ ō, ngáńdə́ gə̄ ō,

1 KORḚNTƏ 15:10

Banī Nə́ɓā rāā seḿ adə̄ m̄-tél de kə́ m̄-to beé. Ba rāā ń Nə́ɓā rāā seḿ ní gotə to karī alé, tām̄ m̄-rāā kəla tɔȳ gotə ngámbang kəla gə̄ malang. Kə́ rɔ̄kum tə́ ɓáa i mā alé, banī i rajə kə́ Nə́ɓā rajəm̄.

JA̰A̰ 3:34

Tɔdɔ̄ nge ń i Nə́ɓā n əlan ní, Nə́ɓā adə̄n Ndíl i kanjə̄ mbɔ̄jə́ ka̰ā̰, adə̄ a əda i najə̄ yā Nə́ɓā.

EPEJƏ 4:16

I kə kūl̄neé n rɔ̄ Kərist ń i ngé kán̄ naā gə̄ malang ní, téləń yá̰á̰ kə́ kógə̄ḿ beē ní ō, ta rɔtən gə̄ kə́ tū tə́ gə̄ ɓoon̄də́ naā tə́ malang majə ní ō. Adə̄ ré ngán rɔ̄ gə̄ ní rāān̄ kəla kə gōó anī, rɔ̄ malang a tɔgə ō, a aw̄ kum kə̄ kété kə ta kūl̄ tár ō.

Najə̄ kə́ Majə yā Jeju ń Luk ndang ní 18:11

Parijiyḛ ní ra dɔɔ́ ba ndɔ̄ȳ Nə́ɓā kemən tə́ tītə̄ ń toō beé, əda na: Nə́ɓā, m̄-ndadī, tɔdɔ̄ mā i tītə̄ gotə deē madə́ḿ gə̄ ń nin̄ i ngé ɓogə gə̄ ō, i de kə́ súmūú aĺ gə̄ ō, i ngé sāā naā loo kaya tə́ ō ní alé. m̄-ndadī ngá̰ý ɓáý to̰ tām̄ mā i tītə̄ nge taā lambóó ń toō aĺ ō.

TITƏ 2:6

Əda balsáa gə̄ ō, kadə̄ tū yá̰a̰ gə̄ tə́ malang ɓáa nin̄ i de kə́ ngé ka̰a̰ yá̰á̰ kə́ majə tá rāā gə̄. Īkɔ́ ī-rāā yá̰á̰ kə́ majə kété tá kadə̄ de gə̄ ndájīn̄. Ādə̄ yá̰á̰ ndóō yāí i yá̰á̰ ndóō kə́ kumən unjə̄ ō, o̰o̰ī tɔdɔ̄ ō.

1 TIMOTE 2:15

Ɓá tā ba ni a ajə i kə ta kūl̄ kojə ń ojə ngōn̄ ní. Ba i loo ń ré ni-əhɔ rɔ̄n tɔgə dɔ róbə taā kem tə́ ō, táŕ tə́ ō, háĺ kə́ unjə̄ njáý njáý tə́ ō, kə kɔjə rɔ̄ɔ́ aĺ ō ní tá.

1 TIMOTE 2:9

Ba kə́ tām̄ yā dəyá̰ gə̄ tə́ ɓáa, ādə̄ o̰ō̰n̄ kūbə̄ kə́ kə gōó majə ō, súūn̄ rɔ̄də́ kə yá̰á̰ súū rɔ̄ kə́ to hɔ̄r̄mɔ̄ ō, kə́ to kɔjə rɔ̄ aĺ ō. Adə̄ nin̄-súūn̄ rɔ̄də́ kə dɔ kə́ kəhɔ kadə̄ mān̄ dɔ majən aĺ ō, kə nə̄ngá lɔ́r aĺ ō, kə məde kɔ̄l̄ aĺ ō, kə kūbə̄ kə́ gātə̄n i ngá̰ý aĺ ō.

1 TIMOTE 1:14

Banī Kɔ́ɔ̄ɓē rāā kem majə seḿ ngá̰ý. Ni-rāā adə̄ m̄-taā kem ō, m̄-tár ō, kə ta kūl̄ kem kógə̄ḿ kə́ m̄-rāā kə Kərist Jeju.

EPEJƏ 3:4

Adə̄ ré ī-tə́daī anī, ā ī-gerī kadə̄ mā ní m̄-ger̄ yá̰á̰ kə́ dɔ Kərist tə́ ń i kə́ to loo mundə̄ tə́ ní.

2 KORḚNTƏ 12:13

Yá̰á̰ ń de gə̄ kə́ kem Egəlijə kə́ rang gə̄ tə́ əngen̄ ba sḭḭ̄ əngeī aĺ ní i rí? I kadə̄ m-ɔ̄ȳsí aĺ ngóy aĺ a? Yá̰á̰ kə́ gōtə́ aĺ ń noō ń m̄-rāā sesí ní, m̄-dəjesí kadə̄ ī-mā̰yī rɔ̄sí dɔḿ tə́ najə̄n tə́!

1 KORḚNTƏ 3:10

Nə́ɓā rāā seḿ kə gō kem ndaa yānneé adə̄ m-ə̄ndā ngəra kújə i tītə̄ kɔdə̄ nge kəndā kújə́ kə́ ger̄ kəla yān majə beé, ba de kə́ rang rāā kújə dɔ tə́. Banī ādə̄ de gə̄ kógə̄ḿ kógə̄ḿ a̰a̰n̄ majə ké a əndān̄ kújə́ ní i ba̰ý dɔ tə́ wa.

Makətūbə̄ ń Pol ndang adə̄ Rom gə̄ ní 11:25

Ngákó̰ó̰ḿ gə̄, m̄-gḛy kadə̄ ī-gerī yá̰á̰ kə́ to loo mundə̄ tə́ kem Nə́ɓā tə́ ɓáý ń toō, na sōgə́ ī-gírī kemsí tə́ na sḭḭ̄ i ngé kum kedə̄ ngá̰ý gə̄. Yá̰á̰ ní n toó: Kem ngan̄g ń Nə́ɓā adə̄ kem ngán Israel kə́rēý gə̄ ngan̄g ngóróró ní, a to bátə́ kadə̄ ré de gə̄ malang ń i Jipə aĺ gə̄ ní ajən̄ pá tá.

Gōsə̄ najə̄ gə̄ 25:27

Ko̰o̰ yibə̄ tejə kadə̄ al̄ naā i yá̰á̰ kə́ majaĺ, banī ndo̰ gír̄ yá̰á̰ kə́ bo bo gə̄ yā ger̄ i yá̰á̰ kə́ majə ngá̰ý.

3 JA̰A̰ 1:9

m̄-ndang najə̄ kógə̄ḿ m-ādə̄ de gə̄ kə́ kem Egəlijə tə́. Banī Diotərep ń gḛy kadə̄ ni i de kə́ kété dɔ madə̄n gə̄ tə́ ní ndigə alé.

KOLOSƏ 2:13

Sḭḭ̄ ń kété óyiī kɔ̄ɔ sɔɔ̄ ń yá̰a̰ rāāsí kə́ gōtə́ aĺ gə̄ ō, sɔɔ̄ ń kəja kə́ sḭḭ̄ ə́jaī mɔtəsí aĺ ō ní, Nə́ɓā rāā adə̄ ī-tél ī-ndiī kə kumsí gogə́ naā tə́ kə Kərist: Ni-mā̰ȳ rɔ̄n dɔ yá̰a̰ rāājí kə́ gō tə́ aĺ gə̄ tə́ malang.

KOLOSƏ 1:29

I tām̄ ń toō tə́ n m̄-rāā kəla ō, m̄-rɔ̄ɔ̄ ō kə ta kūl̄ tɔ́gə yā Kərist ní. Tɔ́gə́ ní rāā kəla kə ngangāá kemḿ tə́.

EPEJƏ 3:2

Kun ń Nə́ɓā unəm̄ rāań kəla tām̄ yāsí tə́ kə gō kem majə yānneé ní, sḭḭ̄ ōōī gotə.

2 KORḚNTƏ 10:13

Jḭḭ tā a j-a j-ɔr ta rɔ̄jí kə yá̰á̰ kə́ mān̄ dɔ nin̄ loo ń Nə́ɓā ɔjə tə́ ní alé. Ba j-a j-ɔr ta rɔ̄jí i kə gō dɔ nin̄ loo kəla ń Nə́ɓā adə̄jí ní tá ngóy. Tām̄ ni-adə̄jí ta róbə adə̄ j-aw̄ bátə́ j-ugə̄ loosí.

PILIPƏ 2:13

Tɔdɔ̄ Nə́ɓā rāā kəla kemsí tə́ ngándáńg, yā rāań kadə̄ sḭḭ̄ ásiī ndigə yá̰á̰ ń ni-núm̄ ní ō, rāā yá̰á̰ ń ni-núm̄ ní kə gōó ō.