Makətūbə̄ ń Pol ndang adə̄ Rom gə̄ ní 12:20 - Bibəl ta Sar̄

²⁰ Ní, ré ɓō rāā madə̄ ba̰ā̰í anī, ādə̄n yá̰a̰ ādə̄ əsa. Ré kəndā rāān anī, ādə̄n man̄ ādə̄ a̰ȳ, tɔdɔ̄ dan ń ī-rāā tītə̄ ń noō ní, to tītə̄ kə́ ī-kán̄ i yā̰l̄ hor kə́ ajə ying kə̄ dɔn tə́ beē.

Bible sar

²⁰ Ní, ré ɓō rāā madə̄ ba̰ā̰í anī, ādə̄n yá̰a̰ ādə̄ əsa. Ré kəndā rāān anī, ādə̄n man̄ ādə̄ a̰ȳ, tɔdɔ̄ dan ń ī-rāā tītə̄ ń noō ní, to tītə̄ kə́ ī-kán̄ i yā̰l̄ hor kə́ ajə ying kə̄ dɔn tə́ beē.

Makətūbə̄ ń Pol ndang adə̄ Rom gə̄ ní 12:20 Referans Kwoze

MATIYE 5:44

Ba mā m-ə́dásí na: Ī-táriī madə̄ ba̰ā̰sí gə̄ ō, ī-ndɔ̄yī tām̄ yā ngé gə̄ ń rāān̄sí ndoō tə́ ní ō,

Najə̄ kə́ Majə yā Jeju ń Luk ndang ní 6:27

Ba sḭḭ̄ ń ī-ndi ā ōōī najə̄ taḿ tə́ toō ādə̄ m-ə́dásí, ī-táriī madə̄ ba̰ā̰sí gə̄ ō, ngé gə̄ ń imə̄n̄sí ní ī-rāāī majə sedə́ ō,

2 MBAN̄G 6:22

Anī Elije tél ədan na: Ī-tɔ̄l̄də́ alé! Kété gə̄ ní ī-tɔ̄l̄də́ de gə̄ ń, ī-tetədə́ rɔ̄ɔ̄ kə kaskaraá ō, kə ga̰ gərā yāí ba ə́hɔ́də́ dəngáý ní a? Ādə̄də́ yá̰a̰ kəsa ādə̄ əsan̄ ō, ādə̄də́ man̄ ādə̄ a̰ȳn̄ ō, ba ādə̄ aw̄n̄ gogə́ rɔ̄ kɔ́ɔ̄də́ tə́.

1 SAMUEL 26:21

Saul əda na: m̄-rāā majaĺ. Ngōnə̄ḿ Dabid, ī-tél ī-reē. M-ā m̄-rāāī majaĺ to̰ alé, tām̄ ndɔ̄ɔ́ laā ḭ̄ á̰a̰ā̰ kadə̄ ndi kə kumuú yāḿ mā i yá̰á̰ kə́ gātə̄n i ngá̰ý ta kumií tə́. Rɔ̄kum, yá̰á̰ ń m̄-rāā ní i tītə̄ kə́ i nge kɔ̄r̄ n rāā yá̰a̰ beé. m̄-rāā i yá̰á̰ kə́ gōtə́ aĺ ngá̰ý.

PĀ GƏ̄ 140:10

Ngé gə̄ ń gīrə̄n̄ gidəḿ yā rɔ̄ɔ̄m̄ ní, ādə̄ yá̰á̰ ń sāān̄ rāā seḿ ní rāādə́ nin̄ kɔ́ gə̄.

PĀ GƏ̄ 120:4

Majə kadə̄ túrə̄n̄sí kə kum gərā gə̄ kə́ mbir̄də́ to jujuju ō, kə́ tə́lan̄ ta kum yā̰l̄ hor kə́ ajə ying tə́ ō.

TA KƏLA 42:25

Jəjep adə̄ ndūn kadə̄ tūrə̄n̄ kōō kem ngɔng yādə́ gə̄ tə́ kadə̄ rosə ō, kadə̄ tél tə́lan̄ nar yādə́ gə̄ gogə́ kem ngɔng yādə́ gə̄ tə́ kógə̄ḿ kógə̄ḿ ō, kadə̄ adə̄n̄də́ sádə̄ ō. De gə̄ rāān̄ yá̰a̰ gə̄ ní tītə̄ ń Jəjep ədań ní.

Makətūbə̄ ń Pol ndang adə̄ Rom gə̄ ní 12:21

Ī-lōō kadə̄ yá̰á̰ kə́ majaĺ tetiī rɔ̄ɔ̄, ba ī-rāā yá̰á̰ kə́ majə ī-tetənəń rɔ̄ɔ̄.