Makətūbə̄ ń Pol ndang adə̄ Rom gə̄ ní 12:2 - Bibəl ta Sar̄

² Ī-lōōī ndájə̄ hál de kə́ dɔ nang tə́ gə̄. Banī ādī Nə́ɓā tūr̄ kemsí ō, adə̄sí kur̄ dɔ kə́ kijə ō. Loo ń noō tə́ ā ásiī ka̰a̰ yá̰á̰ ń Nə́ɓā ndigə ní yā ger̄. Adə̄ i yá̰á̰ kə́ majə ō, nel̄ Nə́ɓā ō, kə́ majə ɔtə kə taá ō.

Bible sar

² Ī-lōōī ndájə̄ hál de kə́ dɔ nang tə́ gə̄. Banī ādī Nə́ɓā tūr̄ kemsí ō, adə̄sí kur̄ dɔ kə́ kijə ō. Loo ń noō tə́ ā ásiī ka̰a̰ yá̰á̰ ń Nə́ɓā ndigə ní yā ger̄. Adə̄ i yá̰á̰ kə́ majə ō, nel̄ Nə́ɓā ō, kə́ majə ɔtə kə taá ō.

Makətūbə̄ ń Pol ndang adə̄ Rom gə̄ ní 12:2 Referans Kwoze

1 PIYER 1:14

Ōōī ta Nə́ɓā ba ī-lōōī rāā yá̰á̰ ń kété ngurən a rāāsí dan ń sḭḭ̄ ī-gerīneé yá̰a̰ aĺ ɓáý tə́ ní.

2 KORḚNTƏ 5:17

Adə̄ ré deē kógə̄ḿ ɓoon̄ naā kə Kərist anī, ni i de kə́ kijə. Yá̰á̰ kə́ kété jóo mān̄ kɔ̄ɔ́, ba ngɔlaā yá̰á̰ ń to ní i yá̰á̰ kə́ kijə.

KOLOSƏ 3:10

Banī úniī háĺ kə́ kijə ə́laī rɔ̄sí tə́ tītə̄ kūbə̄ beé yā kadə̄ ī-gerīneé yá̰á̰ kə́ kijə kə dɔ ndɔ̄ gə̄, kadə̄ ni-toń tītə̄ nge kəndān beé.

EPEJƏ 5:17

I beé ní, ī-lōōī rāā yá̰a̰ tītə̄ yā de kə́ kur̄ dɔdə́ gətóo gə̄, banī majə kadə̄ ī-gerī kum yá̰á̰ ń Kɔ́ɔ̄ɓē gḛy ní.

EJEKIEL 36:26

M-ā m-ādə̄sí ngarā̰ kem kə́ kijə ō, m-ā m-ə́la ndíĺ kə́ kijə kemsí tə́ ō. M-ā m-ɔ̄r̄ ngarā̰ kem kə́ ngan̄g tītə̄ mbal̄ kemsí tə́ kɔ̄ɔ́ ba m-ā m-ādə̄sí kem kə́ ndigə yá̰á̰ ń Nə́ɓā gḛy ní.

1 PIYER 4:2

Adə̄ əla gír ngɔr ń toō tə́ ní, ta ndɔ̄sí ń na̰y kə̄ kété kadə̄ ī-ndiīneé kə kumsí dɔ nang tə́ ní, majə kadə̄ ī-ndiī i kə gō kem ndigə yā Nə́ɓāá, ba i kə gō ɓō yá̰a̰ gə̄ ń a rāā de gə̄ ní to̰ alé.

Makətūbə̄ ń Pol ndang adə̄ Rom gə̄ ní 12:1

Ngákó̰ó̰ḿ gə̄, i tām̄ ko̰o̰ kə́ kum Nə́ɓā o̰o̰n sesí ngá̰ý tə́ n m-ā m̄-dəjeńsí yá̰á̰ ń toō ní: Ī-ndējī Nə́ɓā rɔ̄sí tītə̄ yá̰a̰ tun̄ kə́ kə kumuú, kə́ kɔr̄ kam̄ tām̄ yā Nə́ɓā tə́ ō, kə́ nelə̄n ō. I nge ń noō n i rāā kəla kadə̄ Nə́ɓā kə́ gōtə́ yāsí ní.

JA̰A̰ 15:19

Nə́ngētə́ sḭḭ̄ i de kə́ dɔ nang tə́ gə̄ anī, de kə́ dɔ nang tə́ gə̄ a tárən̄sí tɔdɔ̄ sḭḭ̄ i yān gə̄. Banī mā m̄-gə̄rāsí ō, m-ɔ̄r̄sí kɔ̄ɔ́ dan de kə́ dɔ nang tə́ gə̄ tə́ ō, adə̄ sḭḭ̄ i de kə́ dɔ nang tə́ gə̄ to̰ alé, i tām̄ ń noō tə́ n de kə́ dɔ nang tə́ gə̄ imə̄n̄sí ní.

PĀ GƏ̄ 51:10

Ədam̄ najə̄ mā̰ȳ rɔ̄ yāí na a adə̄m̄ rɔ̄nel̄ ngá̰ý. Loo ń noō tə́ mā ń ī-tétə̄ kə̄ngāḿ rárák kɔ̄ɔ́ ní, m-ā m̄-rāā rɔ̄nel̄.

Makətūbə̄ ń Pol ndang adə̄ Rom gə̄ ní 13:14

Úniī háĺ Kɔ́ɔ̄ɓē Jeju Kərist ə́laī rɔ̄sí tə́ tītə̄ kūbə̄ beé. Ba ī-lōōī kəndā kumsí gír ngur yá̰a̰ gə̄ ń a rāāsí ní tə́ yā tɔ̄l̄ ɓōn.

TITƏ 3:5

ni-ajəjí i tām̄ yá̰á̰ kə́ gōtə́ kə́ jḭḭ̄ kɔ́ gə̄ jə-rāāī tə́ alé, banī i tām̄ kumən kə o̰o̰n tām̄ yājí tə́ tə́. Ni-ajəjí ō, rāā adə̄ j-udiī tū ndi kə kumuú kə́ kijə tə́ ō, i kə ta kūl̄ tə́go rɔ̄ yā kojə kijə ō, i kə ta kūl̄ Ndíĺ kə́ Táĺ ō.

JAKƏ 4:4

Sḭḭ̄ ngé rāȳ gə̄, ndigə yá̰á̰ kə́ dɔ nang tə́ laā ní rā rɔ̄n i nge ba̰ā̰ Nə́ɓā tə́ aĺ a?

2 KORḚNTƏ 4:4

Nin̄-taān̄ kem aĺ, i tɔdɔ̄ nə́ɓā kə́ dɔ nang tə́ laā utə̄ kumdə́ kɔ̄ɔ́. Adə̄ nin̄-asən̄ ger̄ kum Najə̄ kə́ Majə alé. I beé n nin̄-asənə̄ń ka̰a̰ kɔsə gɔn yā Kərist ń ɔsə kum gotə Nə́ɓā nəkɔ́ ní alé ní.

JA̰A̰ 17:14

M-ādə̄də́ najə̄ yāí, banī de kə́ dɔ nang tə́ gə̄ imə̄n̄də́, tām̄ nin̄ i de gə̄ kə́ dɔ nang tə́ alé, tītə̄ ń mā i de kə́ dɔ nang tə́ aĺ ní.

2 PIYER 1:4

Adə̄n̄jí yá̰á̰ kə́ majə gə̄ kə́ gātə̄də́ i ngá̰ý ń ənīn̄ ndūdə́ yā kadə̄jí ní, i kə ta kūl̄ kɔsə gɔn yān nəkɔ́ ngeé ń toō ō, kem majə yān ngeé ń toō ō, yā kadə̄ ī-ɓooī naā kə Nə́ɓāá i kə ta kūl̄ yá̰á̰ kə́ majə gə̄ ngeé ń toō. Tɔdɔ̄ ɔrə̄n̄sí kɔ̄ɔ́ jī yá̰á̰ kə́ ndum kə́ dɔ nang tə́ ń kum ndaa yá̰a̰ a ulə̄n ní tə́.

JAKƏ 1:27

Rɔȳ Nə́ɓā kə́ kə gō ń Bɔbə̄jí Nə́ɓā ndigə ní, i go̰ō̰ ngán hal gə̄, kə dəyá̰ kə́ ngaa koy gə̄, dan wur kɔl yādə́ tə́ ō, i ngɔ̄m̄ rɔ̄ najə̄ yá̰á̰ kə́ yḛr gə̄ malang kə́ dɔ nang tə́ ō.

EJEKIEL 18:31

Ī-lōōī gíŕ yá̰a̰ rāāsí kə́ majaĺ gə̄ tə́. Ī-tūrī kemsí ō, ndíĺsí ō. Sḭḭ̄ Israel gə̄, ī-gḛyiī koy i najə̄ rí tə́?

PĀ GƏ̄ 34:8

Nge kaw̄ kəla yā Kɔ́ɔ̄ɓē a ngɔ̄m̄ dɔ ngé ɓōĺ ndíĺ Kɔ́ɔ̄ɓē gə̄ ō, a ɔr̄də́ kɔ̄ɔ́ kum yá̰á̰ kə́ majaĺ gə̄ tə́ ō.

1 JA̰A̰ 3:13

Ngákó̰ó̰ḿ gə̄, ré de kə́ dɔ nang tə́ gə̄ imə̄n̄sí anī, ādī ɔr kumsí alé.

1 TESALONIK 4:3

Yá̰á̰ ń Nə́ɓā ndigə ní, i kadə̄ háĺsí i háĺ kə́ unjə̄ njáý njáý ō, i kadə̄ ī-lōōī sāā naā loo kaya tə́ ō.

1 JA̰A̰ 5:19

Jə-gerī kadə̄ jḭḭ̄ i de gə̄ yā Nə́ɓā, banī de kə́ dɔ nang tə́ gə̄ malang ní nin̄ i gíŕ tɔ́gə yā De kə́ Majaĺ tə́.

EPEJƏ 1:18

Ādə̄ ni teē kumsí ādə̄ á̰a̰ī loo kə́ unjə̄ kow yān, yā kadə̄ ī-gerīneé yá̰á̰ ń ni ɓāŕsí kadə̄ ə̄ndāī kemsí dɔ tə́ ní ō, yā kadə̄ ī-gerīneé yá̰a̰ kənge kə́ to kɔsə gɔn yān ō, yá̰a̰ ndəbā ń ni-adə̄ ngé yān gə̄ ní ō,

2 PIYER 2:20

Tɔdɔ̄ ngé gə̄ ń teēn̄ kɔ̄ɔ́ kum yá̰á̰ kə́ yḛr gə̄ kə́ dɔ nang tə́, kə ta kūl̄ ger̄ Jeju Kərist ń i Kɔ́ɔ̄ɓē yājí ō, nge kajəjí ō ní, ré tél əya̰n̄ rɔ̄də́ adə̄ yá̰á̰ kə́ yḛr gə̄ ní ɓírə̄n̄də́ gogə́ ō, o̰o̰n̄ ɓē dɔdə́ tə́ gogə́ ō anī, ndidə́ kə́ ta tɔ̄l̄ ta tə́ ní majaĺ ngá̰ý tɔȳ kə́ kété ɓáý.

EPEJƏ 2:2

ń ī-rāāī kété dan ń ā úniīń gō nə́ɓā kə́ dɔ nang tə́ laā, ń i ngār kə́ nge ra dɔ dán dɔ rā̰ kə dɔ nangaá tə́, adə̄ i ndíĺ ń a rāā kəla ngɔlaā kə ngé dum̄ naā gēé ní.

PĀ GƏ̄ 119:174

Kɔ́ɔ̄ɓē, m̄-gḛy kadə̄ ájəm̄ kə jīí, ndū najə̄ yāí nel̄ kemḿ ngá̰ý.

GALATƏ 1:4

Jeju Kərist, i nge ń adə̄ rɔ̄n kə gō kem ndigə yā Bɔbə̄jí Nə́ɓāá tām̄ yā majaĺ yājí gə̄ tə́, yā kɔrə̄ńjí kɔ̄ɔ́ dan yá̰á̰ kə́ majaĺ kə́ dɔ nang tə́ laā tə́ ní.

1 KORḚNTƏ 3:19

Tɔdɔ̄ kum kedə̄ yā de kə́ dɔ nang tə́ laā gə̄ i yá̰á̰ kə́ to mbóo ta kum Nə́ɓā tə́. Tām̄ ndangən̄ kem makətūbə̄ yā Nə́ɓā tə́ na: Nə́ɓā əhɔ ngé kum kedə̄ gə̄ kə ngam yādə́ nin̄ kɔ́ gɔ̄ɔ́.

PĀ GƏ̄ 119:128

Yá̰a̰ gə̄ malang ń ī-ra kə de gēé ta rāā ní m-á̰a̰ kadə̄ i yá̰á̰ kə́ gōtə́ gə̄. Róbə sor̄ gə̄ malang ní nelə̄m̄ sedə́ aĺ bátə́.

Makətūbə̄ ń Pol ndang adə̄ Rom gə̄ ní 7:22

Ndū najə̄ yā Nə́ɓā nel̄ kemḿ ngá̰ý,

PĀ GƏ̄ 119:97

Ndū najə̄ yāí nelə̄m̄ ngá̰ý. m̄-gír̄ dɔ tə́ kə dɔ ndɔ̄ gə̄ malang.

PĀ GƏ̄ 119:72

Ndū najə̄ kə́ teē taí tə́ majə ngá̰ý tām̄ yāḿ tə́ tɔȳ yá̰a̰ gə̄ dūbú ngá̰ý kə́ rāā kə lɔ́rɔ́ ō kə arjā̰a̰á̰ ō.

JA̰A̰ 7:7

Banī nin̄-imə̄mə̄n̄ mā i tɔdɔ̄ kəda ń m-ə́da kə̄ ndágá wáńg na kəla rāādə́ gə̄ i kə́ majaĺ ní.

Teē Ngán Israel gə̄ 23:2

Ā ún gō de kə́ ngá̰ý gə̄ yā rāań majaĺ alé. Loo ń ā ɔ̄r̄ najə̄ dɔ yá̰á̰ kə́ ḭ̄ i kum tə́ tə́ loo sarya tə́ anī, ā ī-tetə rɔ̄í gō de kə́ ngá̰ý gə̄ tə́ yā kɔrə̄ń najə̄ kə́ rɔ̄kum aĺ alé.

JEJU TEĒ KUM JA̰A̰ 13:8

Ngōn̄ batə̄ ń əjan̄ míndən ní, de kə́ dɔ nang tə́ gə̄ malang ń kété ta kəla gír kəndā dɔ rā̰ ō dɔ nang ō tə́ ɓáa rīdə́ i kə́ ndang kem makətūbə̄ ndi kə kumuú yān tə́ aĺ ní, a rɔȳnən̄.

1 PIYER 2:3

Tɔdɔ̄ tītə̄ ń makətūbə̄ yā Nə́ɓā ədań ní: Sḭḭ̄ á̰a̰ī kadə̄ Kɔ́ɔ̄ɓē i de kə́ majə ngá̰ý.

PĀ GƏ̄ 119:103

Yá̰a̰ gə̄ ń ɔ́sə kə de gēé ta rāā ní nel̄ taḿ tɔȳ yibə̄ tejə.

Makətūbə̄ ń Pol ndang adə̄ Rom gə̄ ní 7:12

Adə̄ ndū najə̄ i yá̰á̰ kə́ majaĺ alé ba i yá̰á̰ kə́ táĺ ō, gō míndə i yá̰á̰ kə́ táĺ ō, kə́ gōtə́ ō, kə́ majə ō.

KOLOSƏ 4:12

Epapəras ń i de kə́ loosí ní rāāsí lápə́ya. Nge kəla yā Kərist Jeju ń toō rɔ̄ɔ̄ tām̄ yāsí tə́ kə ndɔ̄yɔ̄ɔ́ yā kadə̄ ī-raī gágájə́ kə́ de kə́ majə ɔtə̄ kə taá gə̄ tə́, kə́ rāān̄ yá̰a̰ gə̄ ń kem Nə́ɓā ndigə ní.

1 PIYER 1:18

Tɔdɔ̄ sḭḭ̄ kɔ́ gə̄ ī-gerī yá̰á̰ ń rāā yá̰á̰ á gāngə̄n̄neé dɔsí kɔ̄ɔ́ tū yá̰a̰ rāā kə́ kanjə̄ kumən gə̄ tə́ ń kaasí gə̄ ndóōn̄sí kə̄ kété ní. I yá̰a̰ gə̄ kə́ a nujən̄ kɔ̄ɔ́ tītə̄ gində̄ arjā̰a̰ aláa lɔ́r n gāngə̄n̄neé dɔsí ní alé.

JA̰A̰ 14:30

M-ā m-ɔ̄r̄ najə̄ sesí ngá̰ý to̰ alé, tɔdɔ̄ ngār yā de kə́ dɔ nang ń toō tə́ gə̄ a reē i mbée. Ni-aw̄ kə tɔ́gə yā rāā yá̰á̰ kógə̄ḿ seḿ alé,

Makətūbə̄ ń Pol ndang adə̄ Rom gə̄ ní 7:14

Jə-ger̄ majə kadə̄ ndū najə̄ i yá̰á̰ yā Ndíĺ. Ba mā i de kə́ kə dā̰ rɔ̄ḿ ō, mā i ɓəlo yā majaĺ ō.

JEJU TEĒ KUM JA̰A̰ 12:9

Adə̄ dā̰ kə́ to ɓōĺ kə́ bo ngá̰ý ń i lī kə́ jóó ń a ɓāŕnən̄ na i diabəl ō, Sətan ō ní, ni ń i nge gól̄ de gə̄ malang kə́ dɔ nang tə́ ní, mbəre ənīnən̄ dɔ nang tə́, naā tə́ kə deē yān kə́ dɔ rā̰ tə́ gēé.

ESDRAS 10:11

Ngɔlaā ní ə́daī Kɔ́ɔ̄ɓē Nə́ɓā yā kaasí gə̄ yá̰á̰ kə́ gōtə́ aĺ ń ī-rāāī ní ō, ī-rāāī yá̰á̰ ń kemən ndigə ní ō. Ɔ̄rī rɔ̄sí kɔ̄ɔ́ rɔ̄ de kə́ kem ɓēé gə̄ tə́ ō, ī-mbātíī nə̄yá̰sí kə́ tə̄rā gə̄ kɔ̄ɔ́ ō.

MATIYE 13:22

Kōō ń tə́sō dan kōn̄ gə̄ tə́ ní, i ngé gə̄ ń oōn̄ najə̄ ba gír̄ gə̄ kə́ dɔ nang tə́ ō, ɓō yá̰a̰ kənge ō, taān̄ dɔ najə̄ ní kɔ̄ɔ́ adə̄ teē yá̰a̰ alé ní.

MARK 4:19

ba sōl̄ yá̰á̰ kə́ dɔ nang tə́ gə̄ ō, gól̄ yā yá̰a̰ kənge yādə́ kə́ ngá̰ý gə̄ ō, ngur yá̰á̰ kə́ rang gə̄ ō, udən̄ kemdə́ tə́ ba taān̄ dɔ najə̄ kɔ̄ɔ́, adə̄ teēn̄ yá̰a̰ aĺ ní.

KOLOSƏ 1:9

I tām̄ najə̄ ń toō tə́ n əla gír ndɔ̄ ń j-oōń najə̄ ń toō tə́ ní, jə-lōō ndɔ̄ȳ tām̄ yāsí tə́ aĺ ní. Jə-dəje Nə́ɓā kadə̄ rāā sesí, kadə̄ ī-gerī yá̰a̰ malang ń kemən ndigə ní, kə ta kūl̄ Ndíl ń i nge rāā kadə̄ kumsí edə̄ ō, kemsí ger̄ yá̰á̰ ō ní.