Makətūbə̄ ń Pol ndang adə̄ Rom gə̄ ní 12:19 - Bibəl ta Sar̄

¹⁹ Kó tár yāḿ gə̄, ī-lōōī dal ba̰ā̰. Əya̰ī ba̰ā̰ ādī Nə́ɓā, tɔdɔ̄ Kɔ́ɔ̄ɓē əda tītə̄ ń toō beé kem makətūbūú na: Ī mə̄kɔ́ ń m-ā m̄-dal ba̰ā̰, i mə̄kɔ́ n m-ā m-ə̄ndā nja deē kógə̄ḿ kógə̄ḿ malang kə gō kəla rāādə́ gēé ní.

Bible sar

¹⁹ Kó tár yāḿ gə̄, ī-lōōī dal ba̰ā̰. Əya̰ī ba̰ā̰ ādī Nə́ɓā, tɔdɔ̄ Kɔ́ɔ̄ɓē əda tītə̄ ń toō beé kem makətūbūú na: Ī mə̄kɔ́ ń m-ā m̄-dal ba̰ā̰, i mə̄kɔ́ n m-ā m-ə̄ndā nja deē kógə̄ḿ kógə̄ḿ malang kə gō kəla rāādə́ gēé ní.

Makətūbə̄ ń Pol ndang adə̄ Rom gə̄ ní 12:19 Referans Kwoze

NDŪ NAJƏ̄ 32:35

Dal ba̰ā̰ i yāḿ, m-ā m-ə̄gādə́ tām̄ kəla rāādə́ gə̄ tə́ ndɔ̄ ń nin̄ a əsōn̄neé tə́ ní. Tɔdɔ̄ ndɔ̄ yá̰á̰ kə́ to kum kaȳ aĺ yādə́ dɔ i ngɔr.

HEBƏRO 10:30

Tɔdɔ̄ jə-gerī nge ń əda na: I mā n i nge dal ba̰ā̰ ní, i mā n i nge kəndā nja de gə̄ tām̄ kəla rāādə́ gə̄ tə́ ní. Ni-əda ɓáý to̰ na: Kɔ́ɔ̄ɓē a gān̄g sarya dɔ deē yān gə̄ tə́.

Gōsə̄ najə̄ gə̄ 24:29

Ī-lōō kəda na: Yá̰á̰ ń rāā seḿ ní m-ā m̄-rāā seneé ō, m-ā m-ə̄gā deē kógə̄ḿ kógə̄ḿ kə̄rā yá̰a̰ rāān kə́ majaĺ gə̄ ō.

Gōsə̄ najə̄ gə̄ 20:22

Ī-lōō kəda na yá̰á̰ kə́ majaĺ ń rāān̄ seí ní na ā ə̄gā kə̄rān, əndā kemií dɔ Kɔ́ɔ̄ɓē tə́ anī ni a ajiī.

Makətūbə̄ ń Pol ndang adə̄ Rom gə̄ ní 12:17

Ī-téliī kə majaĺ kum gotə majaĺ alé. Ādī o̰o̰sí ta rāā yá̰á̰ kə́ majə ta kum de gə̄ tə́ malang.

1 TESALONIK 4:6

Tū najə̄ ń noō tə́ ní, ādə̄ deē kógə̄ḿ rāā ngōkó̰o̰n yá̰á̰ kə́ gō tə́ aĺ loon tə́ aĺ ō, əsa tətōn loon tə́ aĺ ō. Tɔdɔ̄ Kɔ́ɔ̄ɓē a rāā ba̰ā̰ yá̰a̰ gə̄ ń noō malang. J-ədasí najə̄ ń noō kété ō, j-ɔjəsí kadə̄ i rɔ̄kum ō.

LEBI GƏ̄ 19:18

Ə̄ndā ba̰ā̰ aĺ ō, ə́hɔ́ ngáń nge ɓē madí gə̄ kemií tə́ aĺ ō. Ī-tár madí tītə̄ rɔ̄í īkɔ́. Mā i Kɔ́ɔ̄ɓē.

Makətūbə̄ ń Pol ndang adə̄ Rom gə̄ ní 12:14

Ī-dəjeī Nə́ɓā kadə̄ rāā majə kə ngé gə̄ ń rāān̄sí ndoō tə́ ní. Ī-tɔ́rī tasí dɔdə́ tə́ ba ī-lōōī ndɔ̄ĺdə́.

NDŪ NAJƏ̄ 32:43

Ādə̄ nápar de gə̄ malang tɔ̄ȳn̄ gír de gə̄ yā Kɔ́ɔ̄ɓē. Tɔdɔ̄ Kɔ́ɔ̄ɓē a dal ba̰ā̰ mósə́ ngé rāā kəla yān gə̄. Ni a rāā kadə̄ ba̰ā̰ əsō dɔ madə̄ kɔ̄lən gə̄ tə́. I beé n a utə̄ń dɔ majaĺ yā dɔ nang yān ō, dɔ majaĺ yā gír deē yān gə̄ ō ní.

MATIYE 5:39

Ba mā m-ə́dásí na: Ī-lōōī dum̄ ta nge kem ndul. Ré deē ənda mbɔ́rí kə́ ko̰ó̰ anī, ī-tūr̄ kə́ geleé ādə̄n to̰.

Makətūbə̄ ń Pol ndang adə̄ Rom gə̄ ní 13:4

Tɔdɔ̄ ni i nge kəla yā Nə́ɓā tām̄ yāí tə́, yā rāań seí kadə̄ ī-rāā yá̰á̰ kə́ majə gə̄. Ba ré ī-rāā yá̰á̰ kə́ majaĺ tā anī, ādə̄ ɓōĺ rāāī, tɔdɔ̄ ré kaskar i jīn tə́ anī, i karī alé. Tɔdɔ̄ ni i nge kəla yā Nə́ɓā kə́ nge kɔjə wōn̄g yā Nə́ɓā kə̄ ndágá dɔ nge rāā yá̰á̰ kə́ majaĺ tə́.

1 SAMUEL 25:33

m̄-ndadə̄ m-ādī īkɔ́ tām̄ yā gír̄ kə́ majə yāí tə́ ō, tɔdɔ̄ ɔ̄gə̄m̄ kadə̄ m-āw̄ bátə́ m̄-tɔ̄l̄ deē m-ə̄gań kə̄rā rɔ̄ḿ.

1 SAMUEL 25:26

Ba kə́ ngɔr ń toō tə́ ní, tītə̄ ń Kɔ́ɔ̄ɓē ndiń noō ō tītə̄ ń ī-ndiń kə taí toō ō ní, i Kɔ́ɔ̄ɓē nəkɔ́ n ɔgī kadə̄ āw̄ bátə́ ī-tɔ̄l̄ deē ə̄gań kə̄rā rɔ̄í īkɔ́ ní. Kɔ́ɔ̄ḿ, ādə̄ ngé ba̰ā̰í gə̄ ō ngé gə̄ ń sāān̄ rāāī yá̰á̰ kə́ majaĺ ō ní, ādə̄ ta tɔ̄l̄ tadə́ i tītə̄ yā Nabal.

EJEKIEL 25:12

Najə̄ ń Kɔ́ɔ̄ɓē Nə́ɓā ɔr̄ ní n toó: Edom gə̄ rāān̄ yá̰á̰ majaĺ ngá̰ý gə̄ dalnə̄ń ba̰ā̰ dɔ gír de gə̄ yā Juda tə́. I tām̄ najə̄ ń noō tə́ n najə̄ i dɔdə́ tə́ ní.

1 SAMUEL 26:10

Tītə̄ ń Kɔ́ɔ̄ɓē ndiń kə kumneé noō ní, m-ə́daī najə̄ kə́ rɔ̄kum, Kɔ́ɔ̄ɓē nəkɔ́ a tɔ̄lən. Majanī a oy i yo kə́ karī, aláa a oy i ta rɔ̄ɔ̄ tə́.

1 SAMUEL 26:11

Ré m̄-tɔ̄l̄ mban̄g ń Kɔ́ɔ̄ɓē ur yibə̄ ngār dɔn tə́ ní anī, ādə̄ mā i yá̰á̰ kə́ to yḛr kum tām̄ yā Kɔ́ɔ̄ɓē tə́. Ní ɔ̄r̄ nənga ń ra kum kə̄ dɔn tə́ noō ō, ún gaĺ man̄ yān ō, ba ādə̄ j-aw̄.

JEREMI 51:36

I tāmə̄n̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: M-ā m-ə̄ndā rɔ̄ḿ ta najə̄ yāí tə́ ō, m-ā m̄-dal ba̰ā̰í ō. M-ā m̄-rāā kadə̄ bā bo kə́ Babilon tə́ tél loo kə́ tutə kɔ̄ɔ́ ō, kadə̄ kəɓa man̄ yān iī kɔ̄ɔ́ ō.

EPEJƏ 4:27

Ādī diabəl ta róbə kadə̄ o̰o̰ń ɓē dɔsí tə́ alé.

2 TIMOTE 4:14

Alekjandər ń i kɔdə̄ kə́ nge koo yá̰á̰ ní, rāā yá̰á̰ kə́ majaĺ ngá̰ý seḿ. Ba Kɔ́ɔ̄ɓē a əgān kə̄rān.