Makətūbə̄ ń Pol ndang adə̄ Rom gə̄ ní 12:17 - Bibəl ta Sar̄

¹⁷ Ī-téliī kə majaĺ kum gotə majaĺ alé. Ādī o̰o̰sí ta rāā yá̰á̰ kə́ majə ta kum de gə̄ tə́ malang.

Bible sar

¹⁷ Ī-téliī kə majaĺ kum gotə majaĺ alé. Ādī o̰o̰sí ta rāā yá̰á̰ kə́ majə ta kum de gə̄ tə́ malang.

Makətūbə̄ ń Pol ndang adə̄ Rom gə̄ ní 12:17 Referans Kwoze

Gōsə̄ najə̄ gə̄ 20:22

Ī-lōō kəda na yá̰á̰ kə́ majaĺ ń rāān̄ seí ní na ā ə̄gā kə̄rān, əndā kemií dɔ Kɔ́ɔ̄ɓē tə́ anī ni a ajiī.

1 TESALONIK 5:15

Á̰a̰ī majə tá kadə̄ deē kógə̄ḿ tél kə majaĺ kum gotə majaĺ adə̄ madə̄n alé, ba ī-sāāī loo rāā yá̰á̰ kə́ majə ngándáńg kə naá dɔ dáńsí tə́ ō, tām̄ yā de gə̄ tə́ malang ō.

MATIYE 5:39

Ba mā m-ə́dásí na: Ī-lōōī dum̄ ta nge kem ndul. Ré deē ənda mbɔ́rí kə́ ko̰ó̰ anī, ī-tūr̄ kə́ geleé ādə̄n to̰.

1 PIYER 3:9

Ré rāān̄sí yá̰á̰ kə́ majanī, ī-lōōī tél rāādə́ yá̰á̰ kə́ majaĺ kum gotə ō, ré tájə̄n̄sí anī, ī-lōōī tél tájə̄də́ kum gotə ō. Banī ī-tɔ́rī tasí tá dɔdə́ tə́. Tām̄ sḭḭ̄ kɔ́ gə̄ kə dɔsí ní, Nə́ɓā ɓāŕsí i yā tɔ́r̄ tan dɔsí tə́.

Makətūbə̄ ń Pol ndang adə̄ Rom gə̄ ní 12:19

Kó tár yāḿ gə̄, ī-lōōī dal ba̰ā̰. Əya̰ī ba̰ā̰ ādī Nə́ɓā, tɔdɔ̄ Kɔ́ɔ̄ɓē əda tītə̄ ń toō beé kem makətūbūú na: Ī mə̄kɔ́ ń m-ā m̄-dal ba̰ā̰, i mə̄kɔ́ n m-ā m-ə̄ndā nja deē kógə̄ḿ kógə̄ḿ malang kə gō kəla rāādə́ gēé ní.

1 PIYER 3:16

Banī ə̄nīī rɔ̄sí lɔm ɔ́jiīneédə́ gír ō, ī-ɓōlíī ndíĺdə́ ō. Ādī najə̄ gətóo dɔsí tə́, yā kadə̄ ré tetən̄ najə̄ dɔsí tə́ anī, ngé tə́da najə̄ kə́ majaĺ dɔ háĺ kə́ majə ń sḭḭ̄ ə́ngeī kə ta kūl̄ ɓoo naā yāsí kə Kərist ní, rɔ̄də́ sɔl̄də́ tām̄ najə̄ kɔr̄də́ tə́.

1 TESALONIK 5:22

Ɔ̄rī rɔ̄sí kɔ̄ɔ́ tū yá̰á̰ kə́ majaĺ gə̄ tə́ malang.

1 PIYER 2:12

Ādī háĺsí majə dɔ dán de kə́ ndágá gə̄ tə́. I beé tá, ká ré nin̄-tetən̄ najə̄ dɔsí tə́ na sḭḭ̄ na i ngé rāā yá̰a̰ majaĺ gə̄ gə̄gē anī, a a̰a̰n̄ yá̰á̰ kə́ majə gə̄ ń sḭḭ̄ ī-rāāī ní ō, a tɔ̄ȳn̄ Nə́ɓā ndɔ̄ ń ni-reē go̰ō̰ńdə́ tə́ ní ō.

KOLOSƏ 4:5

Kadə̄ hál njə̄rāsí kə́ dan de kə́ ndágá gə̄ tə́ i kə kum kedēé. Dan ń ə́ngeī loo rāā yá̰á̰ kógə̄ḿ anī, ī-rāāī.

Makətūbə̄ ń Pol ndang adə̄ Rom gə̄ ní 14:16

Ī-lōōī kadə̄ de gə̄ ədan̄ najə̄ kə́ majaĺ dɔ yá̰á̰ ń sḭḭ̄ á̰a̰ī kadə̄ i kə́ majə tām̄ yāsí tə́ ní.

1 TIMOTE 5:14

Adə̄ dəyá̰ kə́ ngaa koy kə́ na̰y mandə ɓáý gə̄ ní, m̄-gḛy kadə̄ táān̄ dəngam gə̄ ō, ojən̄ ngán gə̄ ō, əndān̄ kumdə́ gír de kə́ kem kújə yādə́ gə̄ tə́ majə ō. I beé tá nin̄ a adə̄n̄neé ngé rɔ̄ɔ̄ sejí gə̄ ta róbə kəda najə̄ kə́ majaĺ dɔjí tə́ alé.

1 TESALONIK 4:12

Yā kadə̄ de kə́ ndágá gə̄ ɓōlə́n̄neé ndíĺsí ō, ɔ̄yīneé deē kógə̄ḿ aĺ ō.

TA KƏLA 42:25

Jəjep adə̄ ndūn kadə̄ tūrə̄n̄ kōō kem ngɔng yādə́ gə̄ tə́ kadə̄ rosə ō, kadə̄ tél tə́lan̄ nar yādə́ gə̄ gogə́ kem ngɔng yādə́ gə̄ tə́ kógə̄ḿ kógə̄ḿ ō, kadə̄ adə̄n̄də́ sádə̄ ō. De gə̄ rāān̄ yá̰a̰ gə̄ ní tītə̄ ń Jəjep ədań ní.

1 SAMUEL 26:11

Ré m̄-tɔ̄l̄ mban̄g ń Kɔ́ɔ̄ɓē ur yibə̄ ngār dɔn tə́ ní anī, ādə̄ mā i yá̰á̰ kə́ to yḛr kum tām̄ yā Kɔ́ɔ̄ɓē tə́. Ní ɔ̄r̄ nənga ń ra kum kə̄ dɔn tə́ noō ō, ún gaĺ man̄ yān ō, ba ādə̄ j-aw̄.

Gōsə̄ najə̄ gə̄ 24:29

Ī-lōō kəda na: Yá̰á̰ ń rāā seḿ ní m-ā m̄-rāā seneé ō, m-ā m-ə̄gā deē kógə̄ḿ kógə̄ḿ kə̄rā yá̰a̰ rāān kə́ majaĺ gə̄ ō.

MATIYE 5:24

ə́yá̰ yá̰a̰ ndējə̄ yāí ní kə̄ loo tun̄ yá̰á̰ tə́ noó, ba āw̄ ə̄sō ngōkó̰ó̰í ní naā pá tā ī-tél ī-reē ī-ndējə̄ Nə́ɓā yá̰a̰ yāí ní ɓáý.

RUTƏ 3:14

Adə̄ Rutə to nang tə́ nja Boj tə́ bátə́ ta gír loo tə́. Dan ń loo to pipitə ɓáý á deē a̰a̰ madə̄n a gerə̄n aĺ noō anī Rutə ḭḭ dɔɔ́ kɔ̄ɔ́. Tɔdɔ̄ Boj əda na: Ādə̄ deē ger̄ kadə̄ Rutə reē kem gárāá alé.