Makətūbə̄ ń Pol ndang adə̄ Rom gə̄ ní 12:16 - Bibəl ta Sar̄

¹⁶ Ādī kemsí i kógə̄ḿ kə naá. Ī-lōōī ka̰a̰ rɔ̄sí yá̰á̰ kə́ ngá̰ý tə́ ba rāā madə̄sí gə̄ yá̰a̰ aĺ tə́. Banī ī-rāāī kəla kə́ to kɔjə rɔ̄ aĺ gə̄. Ī-lōōī ka̰a̰ rɔ̄sí ngé kum kedə̄ gə̄ tə́.

Bible sar

¹⁶ Ādī kemsí i kógə̄ḿ kə naá. Ī-lōōī ka̰a̰ rɔ̄sí yá̰á̰ kə́ ngá̰ý tə́ ba rāā madə̄sí gə̄ yá̰a̰ aĺ tə́. Banī ī-rāāī kəla kə́ to kɔjə rɔ̄ aĺ gə̄. Ī-lōōī ka̰a̰ rɔ̄sí ngé kum kedə̄ gə̄ tə́.

Makətūbə̄ ń Pol ndang adə̄ Rom gə̄ ní 12:16 Referans Kwoze

1 PIYER 3:8

Yā tɔ̄ləń ta ɓáa, sḭḭ̄ malang ní, ādī kemsí i gō naā tə́ ō, kumsí o̰o̰sí kə naá ō, ī-táriī naā tītə̄ ń ngákó̰o̰ naā gə̄ a tárən̄neé naā ní ō, á̰a̰ī kum tō ndoō yā madə̄sí gə̄ ō, ī-téliī kə rɔ̄sí kə̄ nang tə́ ō.

Gōsə̄ najə̄ gə̄ 3:7

Ī-lōō ka̰a̰ rɔ̄í nge kum kedə̄ tə́, banī ī-ɓōĺ ndíĺ Kɔ́ɔ̄ɓē ō, ī-tūr̄ gidií kɔ̄ɔ́ ta yá̰á̰ kə́ majaĺ tə́ ō.

HEBƏRO 13:5

Kadə̄ háĺsí i háĺ ngé rāā ta nar gə̄ alé, ba kadə̄ yá̰á̰ ń ə́ngeī ngɔlaā ní asəsí. Tɔdɔ̄ Kɔ́ɔ̄ɓē nəkɔ́ əda na: M-ā m-ə́ya̰ī kɔ̄ɔ́ aĺ ō, m-ā m̄-mbātíī aĺ ō.

IJAI 5:21

I yá̰á̰ kə́ to kum kaȳ aĺ kə́ ba̰ý beē, tām̄ yā de gə̄ ń noō ń a̰a̰n̄ rɔ̄də́ kadə̄ nin̄ i ngé kum kedə̄ gə̄ ō, nin̄ ɔjənə̄ń na kur̄ dɔdə́ na to ō ní!

Makətūbə̄ ń Pol ndang adə̄ Rom gə̄ ní 15:5

Kadə̄ Nə́ɓā kə́ nge rāā kadə̄ deē tə́gā tan ō, kə́ nge sɔl̄ kem deē ō, rāā tá kadə̄ kemsí i gō naā tə́, tītə̄ ń Jeju Kərist nəkɔ́ ndigəń ní,

Makətūbə̄ ń Pol ndang adə̄ Rom gə̄ ní 12:3

Sɔɔ̄ń yá̰á̰ ń Nə́ɓā adə̄m̄ karī kə ta kūl̄ kem majə yānneé ní, m-ə́dásí sḭḭ̄ malang najə̄ ń toō: Ī-lōōī kɔjə rɔ̄sí kadə̄ mān̄ dɔ majən, banī ādī gír̄ yāsí i gír̄ kə́ kə looneé, kadə̄ náā náā nəkɔ́ ɓáa ɔjə rɔ̄n kadə̄ mān̄ dɔ majən alé, ba kadə̄ asə kə gō taā kem ń Nə́ɓā mbɔ̄jə́ adə̄sí ní.

1 KORḚNTƏ 3:18

Ādə̄ deē kógə̄ḿ gól̄ rɔ̄n nəkɔ́ alé. Ré de kə́rēý dɔ dansí tə́ gír̄ kadə̄ ni i de kə́ nge kum kedə̄ tītə̄ de kə́ dɔ nang tə́ laā gə̄ anī, ādə̄ ni-tél de kə́ mbóo yā télən̄ de kə́ nge kum kedə̄.

2 KORḚNTƏ 13:11

Kə́ tām̄ yā gotə yá̰á̰ kə́ rang gə̄ tə́ ɓáa, ngákó̰ó̰ḿ gə̄, ī-ndiī kə rɔ̄nelēé ō, ī-rāāī tá kadə̄ ī-téliī de gə̄ kə́ majə ɔtə̄n̄ kə taá gə̄ ō, ə́laī go̰ kem naā tə́ ō, ādī míndə́sí asə naā ō, ī-ndiī lɔm kə naá ō. Loo ń noō tə́ Nə́ɓā kə́ nge tár ō, kə́ nge rāā kadə̄ lɔm to ō, a ndi sesí.

Makətūbə̄ ń Pol ndang adə̄ Rom gə̄ ní 11:25

Ngákó̰ó̰ḿ gə̄, m̄-gḛy kadə̄ ī-gerī yá̰á̰ kə́ to loo mundə̄ tə́ kem Nə́ɓā tə́ ɓáý ń toō, na sōgə́ ī-gírī kemsí tə́ na sḭḭ̄ i ngé kum kedə̄ ngá̰ý gə̄. Yá̰á̰ ní n toó: Kem ngan̄g ń Nə́ɓā adə̄ kem ngán Israel kə́rēý gə̄ ngan̄g ngóróró ní, a to bátə́ kadə̄ ré de gə̄ malang ń i Jipə aĺ gə̄ ní ajən̄ pá tá.

Najə̄ kə́ Majə yā Jeju ń Luk ndang ní 14:13

Banī, dan ń ī-rāā yá̰a̰ kəsa yā ɓārəń de gə̄ ní anī, ī-mēr̄ de kə́ ngé ndoō gə̄ ō, de kə́ nujə gə̄ ō, ngé tə́sō motə gə̄ ō, de kə́ kum tɔ̄ɔ̄ gə̄ ō.

Gōsə̄ najə̄ gə̄ 26:12

Ré ə́nge de kə́ taā kem kadə̄ kumən edə ngá̰ý anī, majə kadə̄ ī-ger̄ na kəndā kem dɔ de kə́ mbóó tə́ i só tə́ t ɔȳ kəndā kem dɔ de kə́ beé tə́.

1 KORḚNTƏ 8:2

Ré de kə́rēý gír̄ kemən tə́ kadə̄ ni na i de kə́ ger̄ yá̰a̰ anī, ni-ger̄ yá̰a̰ tītə̄ ń sɔɔ̄ kadə̄ gerə̄ń ní aĺ ɓáý.

1 KORḚNTƏ 6:5

M-ə́dásí beé i yā kəlań rɔ̄sɔl̄ dɔsí tə́. Deē kógə̄ḿ kə́ nge kum kedə̄ kə́ asə gān̄g sarya yā ngákó̰o̰n gə̄ gətóoń dɔ dáńsí tə́ bátə́,

JEREMI 45:5

Ḭ̄ ī-sāā rāā yá̰á̰ kə́ bo ngá̰ý gə̄ ní, ī-lōō gír̄ dɔ tə́ to̰. M-ā m̄-rāā kadə̄ yá̰á̰ kə́ to kum kaȳ aĺ əsō dɔ de gə̄ tə́ malang, banī m-ā m-ādə̄ ā ī-teē ta yo tə́, loo malang ń ā āw̄ tū tə́ ní tə́. Najə̄ ń Kɔ́ɔ̄ɓē əda ní n noó.

PILIPƏ 4:2

Ebodi ō, Sḛntisə ō, m̄-rāāsí ɓɔ́, ādī gír̄ yāsí i kógə̄ḿ beē tītə̄ ngákó̰o̰ naā kə́ dəyá̰ gə̄ kə́ ɓoon̄ naā kə Kɔ́ɔ̄ɓēé.

1 KORḚNTƏ 4:10

Jḭḭ i mbóo de gə̄ tām̄ yā Kərist tə́, ba sḭḭ̄ i ngé kum kedə̄ gə̄ kə gō ɓoo naā yāsí kə Kərist tə́. Jḭḭ i de kə́ ngan̄g aĺ gə̄, ba sḭḭ̄ i de kə́ ngan̄g gə̄. De gə̄ rɔȳn̄sí sḭḭ̄, ba kídə̄n̄jí jḭḭ!

Najə̄ kə́ Majə yā Jeju ń Luk ndang ní 6:20

Loo ń noō tə́ Jeju ɔr̄ dɔn dɔɔ́ a̰a̰ ngé ndóō yá̰a̰ yān gə̄ ba əda na: Rɔ̄nel̄ i yāsí sḭḭ̄ ngé ndoō gə̄, tɔdɔ̄ Ɓē ko̰o̰ yā Nə́ɓā i yāsí!

MATIYE 26:11

Tɔdɔ̄ ngé ndoō gə̄ a ndin̄ sesí i kə ndɔ̄ gə̄, ba mā m-ā m̄-ndi sesí kə ndɔ̄ gə̄ alé.

MATIYE 11:5

Ngé kum tɔ̄ɔ̄ gə̄ a̰a̰n̄ loo ō, ngé tə́sō motə gə̄ tél njə̄rān̄ majə ō, bānjə̄ ur̄ kɔ̄ɔ́ rɔ̄ ngé bānjə̄ gə̄ tə́ ō, mbíkī gə̄ oōn̄ loo ō, de kə́ koy gə̄ ndólə̄n̄ ō, ngé ndoō gə̄ oōn̄ Najə̄ kə́ Majə ō.

1 PIYER 5:3

Ngé gə̄ ń ɓɔ̄ɔ̄n̄də́ sesí kadə̄ á̰a̰ī gōdə́ ní, ī-lōōī rāā ngār dɔdə́ tə́, banī ādə̄ sḭḭ̄ i yá̰á̰ ndájə̄ tām̄ yā ɓūtə̄ yá̰a̰ kul̄ gə̄ tə́.

PILIPƏ 3:16

Ká i rí gə̄gē anī loo ń j-ugī tū tə́ toō ní, ādə̄ jə-njə̄rāī kumjí kə̄ loo kə́ kógə̄ḿ beē tə́.

PILIPƏ 1:27

Banī ādī háĺsí ń ī-ndiīneé ní, əhɔ naā kə Najə̄ kə́ Majə yā Kərist, yā kadə̄ ká ré m-āw̄ go̰ō̰sí tə́, aláa m̄-gətóo rɔ̄sí tə́ gə̄gē anī, m-ōō kadə̄ ī-raī ngan̄g ō, gír̄ yāsí i kógə̄ḿ ō, sḭḭ̄ malang ī-rɔ̄ɔ̄ī dɔ taā kem Najə̄ kə́ Majə tə́ kə kem kə́ kógə̄ḿ ō.

1 KORḚNTƏ 1:10

Ngákó̰ó̰ḿ gə̄, m̄-dəjesí kə rī Kɔ́ɔ̄ɓē yājí Jeju Kərist, ōōī naā ba ādī kēgə̄ naā gətóo dansí tə́. Ādī gír̄ yāsí i kógə̄ḿ ō, yá̰á̰ ń ī-gḛyiī rāā ní i yá̰á̰ kə́ kógə̄ḿ beē ō.

KƏLA RĀĀ 4:32

Kósə de gə̄ ń taān̄ kem ní kemdə́ i gō naā tə́ ō, gír̄ yādə́ i gō naā tə́ ō, de kə́ rāā yá̰a̰ halan yá̰a̰ kənge yān nəkɔ́ tə́ kə kérneé ní gətóo ō. Yá̰a̰ malang i yá̰a̰ yādə́ mbak.

JEREMI 32:39

M-ā m-ādə̄də́ ngarā̰ kem ō, háĺ kə́ kógə̄ḿ beē ō, yā kadə̄ ɓōlə́n̄neé ndílə́ḿ ngándáńg tām̄ yā majə yādə́ tə́ ō, tām̄ majə yā ngáńdə́ gə̄ kə́ gotədə́ tə́ ō.

Gōsə̄ najə̄ gə̄ 19:22

Yá̰á̰ ń a sāān̄ rɔ̄ deē tə́ ní i kadə̄ ni i de kə́ nge rāā kem majə. De kə́ ndoō i só tə́ tɔȳ de kə́ nge sor̄.

Gōsə̄ najə̄ gə̄ 19:17

Nge ka̰a̰ kum tō ndoō yā de kə́ tɔ́gən gətóo i nge kadə̄ Kɔ́ɔ̄ɓē yá̰a̰ loo tə̄nā tə́, Kɔ́ɔ̄ɓē a télən yā kadə̄ n.

Gōsə̄ najə̄ gə̄ 19:7

Deē ń i nge ndoō ní ngákó̰o̰n gə̄gē ba im̄nən̄ ɓáý anī madə̄ tan gə̄ tá a əya̰nən̄ kɔ̄ɔ́ aĺ i ba̰ý. Dan ń ni a ɔr̄ najə̄ ɓáý ní anī nin̄ gətóon̄ kɔ̄ɔ́.

Makətūbə̄ yā Job 36:5

Á̰a̰ bo yā Nə́ɓā! Ni a əda na usəm̄ aĺ alé. Ni-rāā hál de kə́ bo ngá̰ý, kə ta kūl̄ ra kə́ ni-ra ngan̄g dɔ yá̰a̰ gə̄ ń ni gḛy rāā tə́ ní.

2 YÁ̰A̰ GƏ̄ 30:12

Kɔ́ɔ̄ɓē rāā kəla kem de gə̄ tə́ dɔ nang kə́ Juda tə́ ō, adə̄ de gə̄ malang gḛyn̄ rāā yá̰á̰ ń mban̄g ō, de kə́ bo gə̄ ō, ədan̄ kə gō ndū Kɔ́ɔ̄ɓēé ní.

3 JA̰A̰ 1:9

m̄-ndang najə̄ kógə̄ḿ m-ādə̄ de gə̄ kə́ kem Egəlijə tə́. Banī Diotərep ń gḛy kadə̄ ni i de kə́ kété dɔ madə̄n gə̄ tə́ ní ndigə alé.

Makətūbə̄ ń Pol ndang adə̄ Rom gə̄ ní 6:2

I tītə̄ ń noō alé. Tɔdɔ̄ dan ń jḭḭ̄ i kə́ koy kɔ̄ɔ́ gə̄ ta yá̰a̰ rāā kə́ majaĺ tə́ ní, loo kadə̄ jə-ndiī dan rāā majaĺ tə́ ɓáý to̰ i ba̰ý?

Gōsə̄ najə̄ gə̄ 17:5

Nge mbóo kə de kə́ nge rɔ̄ tō ndoó i nge tájə̄ nge kəndā deē ní. Nge kəgō de kə́ yá̰á̰ kə́ to kum kaȳ aĺ teē dɔn tə́ a ənge ndéy.

Gōsə̄ najə̄ gə̄ 26:5

Ī-tūr̄ de kə́ mbóo najə̄ tə́ kə gō mbóo yānneé na sōgə́ gír̄ kemən tə́ na ni i nge kum kedə̄.

Makətūbə̄ ń Pol ndang adə̄ Rom gə̄ ní 11:20

I gō tə́, ɓá tā ba jéngə̄n̄də́ i najə̄ yā taā kem aĺ yādə́ tə́, ba ḭ̄, yá̰á̰ ń ra seí loo ń noō tə́ ní i taā kem yāí. Ní ɔ́jə rɔ̄í alé, ba ngá̰ý a ī-ɓōĺ i mbéé tá.