Makətūbə̄ ń Pol ndang adə̄ Rom gə̄ ní 12:14 - Bibəl ta Sar̄

¹⁴ Ī-dəjeī Nə́ɓā kadə̄ rāā majə kə ngé gə̄ ń rāān̄sí ndoō tə́ ní. Ī-tɔ́rī tasí dɔdə́ tə́ ba ī-lōōī ndɔ̄ĺdə́.

Bible sar

¹⁴ Ī-dəjeī Nə́ɓā kadə̄ rāā majə kə ngé gə̄ ń rāān̄sí ndoō tə́ ní. Ī-tɔ́rī tasí dɔdə́ tə́ ba ī-lōōī ndɔ̄ĺdə́.

Makətūbə̄ ń Pol ndang adə̄ Rom gə̄ ní 12:14 Referans Kwoze

1 PIYER 3:9

Ré rāān̄sí yá̰á̰ kə́ majanī, ī-lōōī tél rāādə́ yá̰á̰ kə́ majaĺ kum gotə ō, ré tájə̄n̄sí anī, ī-lōōī tél tájə̄də́ kum gotə ō. Banī ī-tɔ́rī tasí tá dɔdə́ tə́. Tām̄ sḭḭ̄ kɔ́ gə̄ kə dɔsí ní, Nə́ɓā ɓāŕsí i yā tɔ́r̄ tan dɔsí tə́.

MATIYE 5:44

Ba mā m-ə́dásí na: Ī-táriī madə̄ ba̰ā̰sí gə̄ ō, ī-ndɔ̄yī tām̄ yā ngé gə̄ ń rāān̄sí ndoō tə́ ní ō,

1 TESALONIK 5:15

Á̰a̰ī majə tá kadə̄ deē kógə̄ḿ tél kə majaĺ kum gotə majaĺ adə̄ madə̄n alé, ba ī-sāāī loo rāā yá̰á̰ kə́ majə ngándáńg kə naá dɔ dáńsí tə́ ō, tām̄ yā de gə̄ tə́ malang ō.

Makətūbə̄ ń Pol ndang adə̄ Rom gə̄ ní 12:21

Ī-lōō kadə̄ yá̰á̰ kə́ majaĺ tetiī rɔ̄ɔ̄, ba ī-rāā yá̰á̰ kə́ majə ī-tetənəń rɔ̄ɔ̄.

Najə̄ kə́ Majə yā Jeju ń Luk ndang ní 6:28

ī-rāāī Nə́ɓā ɓɔ́ kadə̄ rāā majə kə ngé ndɔ̄ĺsí gə̄ ō, ī-ndɔ̄yī tām̄ yā ngé tétə̄ najə̄ dɔsí tə́ gə̄ ō.

JAKƏ 3:10

Tɔ́r̄ ta ō, ndɔ̄ĺ ō, teēn̄ i tají kə́ kógə̄ḿ beē tə́. Ngákó̰ó̰ḿ gə̄, majə kadə̄ i tītə̄ ń noō alé.

Najə̄ kə́ Majə yā Jeju ń Luk ndang ní 23:34

Anī Jeju əda na: Bɔbə́ḿ, ī-māȳ rɔ̄í dɔdə́ tə́, tɔdɔ̄ nin̄-gerə̄n̄ kum yá̰á̰ ń nin̄-rāān̄ toó alé. Gō tə́ anī nin̄-túgə̄n̄ wə̄lā kēgə̄n̄neé naā kūbə̄ yān gə̄.

KƏLA RĀĀ 7:60

Gō tə́ anī ɔsə kejən nang tə́ ba əga kɔŕ ngá̰ý əda na: Kɔ́ɔ̄ɓē, ī-lōō kəndā najə̄ yá̰á̰ kə́ majaĺ ń toō dɔdə́ tə́. Dan ń əda najə̄ ń noō oy anī əhɔ tan kə̄ naā tə́.