Makətūbə̄ ń Pol ndang adə̄ Rom gə̄ ní 12:13 - Bibəl ta Sar̄

¹³ Ādī de gə̄ yā Nə́ɓā yá̰á̰ ń ndoōn rāādə́ ní. Ī-lōōī gír kəhɔ mbā gə̄ kə̄ rɔ̄sí tə́ alé.

Bible sar

¹³ Ādī de gə̄ yā Nə́ɓā yá̰á̰ ń ndoōn rāādə́ ní. Ī-lōōī gír kəhɔ mbā gə̄ kə̄ rɔ̄sí tə́ alé.

Makətūbə̄ ń Pol ndang adə̄ Rom gə̄ ní 12:13 Referans Kwoze

HEBƏRO 13:16

Ādə̄ dɔsí ndígə̄nal rāā majə kə deé aĺ ō, rāā kə naá aĺ ō. Tām̄ i yá̰a̰ tun̄ kə́ tītə̄ ń noō gə̄ n nelə̄n̄ Nə́ɓā ní.

2 KORḚNTƏ 9:12

Tɔdɔ̄ kəla ń toō ń ī-rāāī ní, a rāā kadə̄ de gə̄ yā Nə́ɓā əngen̄ yá̰á̰ ń ndoōn rāādə́ ní ngóy alé, ba a rāā kadə̄ de gə̄ ngá̰ý a ndadə̄n̄ Nə́ɓā.

1 JA̰A̰ 3:17

Ré deē kógə̄ḿ aw̄ kə yá̰a̰ kənge kə́ dɔ nang tə́ laā ō, a̰a̰ ngōkó̰o̰n kə́ yá̰a̰ tōr̄ rɔ̄n ō, ba kumən o̰o̰n tām̄ yān tə́ aĺ ní, ni-táŕ Nə́ɓā i ba̰ý?

HEBƏRO 6:10

Tɔdɔ̄ Nə́ɓā i kə́ gōtə́ aĺ alé. Dɔn a ndígə̄nal kəla gə̄ ń ī-rāāī ní aĺ ō, táŕ kə́ tām̄ yān tə́ ń ɔ́jiī kə̄ ndágá ní aĺ ō. Sḭḭ̄ ɔ́jiī táŕ ní kə̄ ndágá, i kə ta kūl̄ rāā kəlaá kadə̄ de gə̄ yān gə̄. Kəla ní ī-rāāī kété ō, ā ī-rāāī ngɔlaā ɓáý ō.

1 PIYER 4:9

Əhɔī naā kə̄ rɔ̄sí tə́ kanjə̄ ɓar̄ najə̄ gō tə́.

GALATƏ 6:10

I tām̄ ń toō tə́ n, dan ń j-əngeī loon ɓáý ní, ādə̄ jə-rāāī yá̰á̰ kə́ majə kə de gēé malang. Ba mandang ɓáa ādə̄ i kə ngákó̰ó̰jí kə́ ngé taā kem madə̄jí gēé.

HEBƏRO 13:2

Ādī dɔsí ndígə̄nal dɔ rāā mbā tə́ alé. Tɔdɔ̄ loo rāā mbā tə́ ní, de kə́rēý gə̄ rāān̄ de kə́ dɔ rā̰ tə́ gə̄ mbā kanjə̄ kadə̄ ger̄ gō.

1 TIMOTE 3:2

Adə̄ majə kadə̄ ni i de kə́ najə̄ gətóo dɔn tə́ ō, nə̄yá̰n i kógə̄ḿ beē ō, ni i de kə́ nge kəhɔ rɔ̄n dɔ yá̰á̰ tə́ ō, nge rāā yá̰a̰ kadə̄ mān̄ dɔ loon aĺ ō, i de kə́ de gə̄ a rɔȳnən̄ ō, i de kə́ nge kəhɔ de gə̄ kə̄ rɔ̄n tə́ majə ō, kə́ ger̄ loo ndóō de gə̄ yá̰a̰ ō,

1 TIMOTE 5:10

Majə kadə̄ de gə̄ ger̄nən̄ tām̄ kəla rāān gə̄ kə́ majə tə́. Ādə̄ ni-ətō ngán gə̄ ō, əhɔ de gə̄ kə̄ rɔ̄n tə́ majə ō, tə́go nja de gə̄ yā Nə́ɓā ō, rāā kə ngé gə̄ n wurdə́ ɔldə́ ní ō, əndā rɔ̄n ta kəla malang kə́ majə tə́ ō.

MATIYE 25:35

Tɔdɔ̄ ɓō rāām̄ anī ādə̄mī yá̰a̰ kəsa ō, kəndā rāām̄ anī ādə̄mī man̄ ka̰ȳ ō. Mā i mbā a ə́hɔmī kə̄ rɔ̄sí tə́ ō.

PILEMO̰ 1:7

Tām̄, ngōkó̰ó̰ḿ, m-ə́nge rɔ̄nel̄ ngá̰ý ō, m-ə́nge tɔ́gə ō, najə̄ tár yāí tə́. Tɔdɔ̄ ḭ̄ ī-sɔl̄ kem de gə̄ yā Nə́ɓā.

TITƏ 1:8

Majə kadə̄ ni i de kə́ nge kəhɔ de gə̄ mbā ō, de kə́ yá̰á̰ kə́ majə nelə̄n ō. Ni a a̰a̰ i yá̰á̰ kə́ majə tá a rāā ō, i de kə́ nge rāā yá̰á̰ kə́ gōtə́ ō, yá̰á̰ kə́ nel̄ Nə́ɓā ō, de kə́ a əhɔ rɔ̄n dɔ yá̰á̰ tə́ ō.

2 KORḚNTƏ 9:1

Kadə̄ m̄-ndang makətūbə̄ m-ādə̄sí tām̄ yā yá̰á̰ ń əlan̄neé adə̄n̄ de gə̄ yā Nə́ɓā ń ndin̄ dɔ nang kə́ Jude tə́ ní, i yá̰á̰ kə́ kumən gətóo.

KƏLA RĀĀ 10:4

Kɔrney əndā kumən dɔn tə́ ba ɓōĺ rāān adə̄ əda na: I rí Kɔ́ɔ̄ɓē? Nge kəla ní tél ədan na: Nə́ɓā ndigə ndɔ̄ȳ yāí gə̄ ō, ndigə yá̰a̰ gə̄ ń ī-rāań kə ngé ndoō gēé ní ō, dɔn ndígə̄nalií aĺ ō.

KƏLA RĀĀ 4:35

ba reēn̄ kə narneé ɓōkə́n̄ no ngámbang kəla gə̄ tə́, adə̄ nə̄ɓōn̄ de gə̄ kógə̄ḿ kógə̄ḿ kə gō ndoōdə́ gēé.

1 KORḚNTƏ 16:15

Ī-gerī Esətepanas nin̄ kə de kə́ kem kújə yān tə́ gə̄: Ī-gerī kadə̄ dɔ nang kə́ Akayi tə́ ní, i nin̄ n taān̄ kem kété ō, əndān̄ rɔ̄də́ ta kəla yā de gə̄ yā Nə́ɓā tə́ ō ní.

Makətūbə̄ ń Pol ndang adə̄ Rom gə̄ ní 12:8

Deē ń ni i nge kadə̄ karī yā kadə̄ madə̄n gə̄ tɔ́gə anī, majə kadə̄ ni-adə̄ńdə́ tɔ́gə. Deē ń ni i nge kadə̄ karī yā kadə̄ deē yá̰á̰ ní, ādə̄ kɔ́ɔ̄ adə̄ kə kem ndaá. Deē ń ni i nge kadə̄ karī yā kɔr madə̄n gə̄ ta róbə́ ní, ādə̄ o̰o̰n tɔdɔ̄ kəla yān ní. Deē ń ni i nge kadə̄ karī yā rāā kə ngé ndoō gēé ní, ādə̄ ni-rāā sedə́ kə rɔ̄nelēé.

PĀ GƏ̄ 41:1

Pā kə́ kem makətūbə̄ yā ngār yā gōsə̄ pā gə̄ tə́, i pā yā Dabid.

2 SAMUEL 17:29

kə yibə̄ tejə gə̄ ō, kə yibə̄ man̄g gə̄ ō, kə mba man̄g kə́ sīsə̄rī gə̄ ō, kə mba batə̄ kə́ sīsə̄rī gə̄ ō, adə̄n̄ Dabid nin̄ kə̄ de gə̄ ń seneé ní. Tɔdɔ̄ nin̄ gírə̄n̄ kadə̄ de gə̄ ń mānə̄n̄ kem dəla loo tə́ ní ɓō rāādə́ ō, kɔr rāādə́ ō, kəndā man̄ rāādə́ ō.

2 MBAN̄G 4:10

Adə̄ majə kadə̄ jə-rāā ngōn̄ kújə́ dɔ kújə́ dúŕ dur yājí tə́ dɔɔ́, ba j-udə̄ tə̄rá ō, j-əndā tábəl ō, kōmbēré ō, lámba ō kemeé, kadə̄ ré reē ɓēé loojí anī, ndiń.

Gōsə̄ najə̄ gə̄ 31:20

Ni teē jīn rāań kə nge rɔ̄ tō ndoó ō, əla jīn adə̄ nge ndoō ō.

TITƏ 3:14

Majə kadə̄ deē yājí gə̄ ndóōn̄ rāā kəla kə́ majə gə̄ ō, tá kadə̄ nin̄-əndān̄ rɔ̄də́ ta yá̰á̰ kə́ tōr̄ rɔ̄ gə̄ tə́. Loo ń noō tə́, nin̄ a télən̄ de kə́ teē yá̰a̰ aĺ gə̄ alé.

3 JA̰A̰ 1:5

Kó tár yāḿ, ḭ̄ ɔ́jə kə̄ ndágá kadə̄ ḭ̄ i de kə́ nge ra dɔ ndūí tə́ tū yá̰a̰ rāāí gə̄ tə́ kə ngákó̰ó̰jí gēé, kə ngákó̰ó̰jí gə̄ ń nin̄ i tə̄rā gə̄ ní.