Makətūbə̄ ń Pol ndang adə̄ Rom gə̄ ní 12:11 - Bibəl ta Sar̄

¹¹ Ɔ́liī loo rāā kəla yā Kɔ́ɔ̄ɓē tə́, ī-yayiī ta tə́ alé, ādī kemsí təngāsí tām̄ kəla yān tə́.

Bible sar

¹¹ Ɔ́liī loo rāā kəla yā Kɔ́ɔ̄ɓē tə́, ī-yayiī ta tə́ alé, ādī kemsí təngāsí tām̄ kəla yān tə́.

Makətūbə̄ ń Pol ndang adə̄ Rom gə̄ ní 12:11 Referans Kwoze

KƏLA RĀĀ 18:25

Ɔjənən̄ gō róbə yā Kɔ́ɔ̄ɓē kété, adə̄ ni-tḭ̄ḭ̄ rɔ̄n ɔjəń de gə̄ najə̄ yā Nə́ɓā ō, ni-ndóō de gə̄ yá̰á̰ kə́ dɔ Jeju tə́ i kə gōó ō.

1 PIYER 4:8

Yá̰á̰ ń kadə̄ ī-rāāī kété no yá̰á̰ gə̄ tə́ malang ní, i kadə̄ ī-táriī naā ngá̰ý dɔ dáńsí tə́, tām̄ tár i yá̰á̰ kə́ a rāā kadə̄ deē əndā njan dɔ majaĺ kə́ ngá̰ý gə̄ tə́.

Gōsə̄ najə̄ gə̄ 13:4

De kə́ yay ndə̄ngā yá̰a̰ ba ənge alé, banī de kə́ tḭ̄ḭ̄ rɔ̄n rāań kəla a ənge yá̰á̰ ń a sāā ní.

HEBƏRO 12:28

Tām̄ najə̄ ń toō tə́, jḭḭ̄ ń j-əngeī i ɓē ko̰o̰ kə́ a yéȳ aĺ ní, ādə̄ jə-ndadə̄ j-adī Nə́ɓā ō, jə-rāāī kəla j-adə̄niī kə gō nelə̄n ō. J-ənī kemjí j-adə̄niī ō, jə-ɓōlíī ndílən ō.

EPEJƏ 4:28

Kadə̄ de kə́ ɓogə kété ɓogə to̰ alé, ba rāā kəla kə́ majə kə jīneé, yā kadə̄ ni-əngeń yá̰á̰ kə́ yā kadə̄ ngé gə̄ ń ndoō rāādə́ ní.

1 PIYER 1:22

Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.

KƏLA RĀĀ 20:19

m̄-rāā kəla yā Kɔ́ɔ̄ɓē i kə dɔ sɔlɔ́ ō, i kə man̄ noó kumḿ tə́ ō, i dan yá̰á̰ kə́ tōr̄ gə̄ tə́ ō, sɔɔ̄ń Jipə gə̄ ń oōn̄ naā dɔḿ tə́ ní.

MATIYE 24:12

Táŕ yā de gə̄ ngá̰ý a sɔl̄ kɔ̄ɔ́ sɔɔ̄ń yá̰á̰ kə́ majaĺ kə́ i ngá̰ý.

Gōsə̄ najə̄ gə̄ 10:26

Tītə̄ ń kasə kə́ masə̄ a tɔ̄ləń ngān̄g deē ō, sa hor a rāań kum deē ō ní, de kə́ yay to i tītə̄ ń noō tām̄ yā ngé kəlan gə̄ tə́.

Gōsə̄ najə̄ gə̄ 22:29

De kə́ jīn ger̄ kəla yān majə ní á̰a̰n a? Ni asə kaw̄ ra no mban̄g gə̄ tə́. De kə́ deē ger̄də́ aĺ gə̄ ní ni a ndi dandə́ tə́ alé.

Gōsə̄ najə̄ gə̄ 18:9

De kə́ nge lōō gír rāā kəla tə́ rɔ̄ tḭ̄ḭ́ kə i ngōkó̰o̰ de kə́ nge nujə yá̰a̰.

Teē Ngán Israel gə̄ 5:17

Parao̰ tél ədadə́ na nin̄ na i de kə́ yay gə̄, de kə́ yay gə̄, na i tām̄ najə̄ ń noō tə́ n na a sāān̄ kaw̄ tun̄ yá̰a̰ kadə̄ Kɔ́ɔ̄ɓē ní.

1 TIMOTE 5:13

Tá ɓáý to̰ ní, dan ń yá̰á̰ kə́ yā kadə̄ nin̄-rāān̄ gətóó ní, kəla rāādə́ i njə̄rā kaw̄ kə̄ ta de gə̄ tə́, kə̄ kem kújə gə̄ tə́. Ba kə́ majaĺ tɔȳ nge ń noō ní, nin̄ i ngé najə̄ wa gə̄ ō, ngé ger̄ kəhɔ tadə́ dɔ najə̄ tə́ aĺ gə̄ ō, ngé kɔr̄ najə̄ kə́ ndetədə́ aĺ gə̄ ō.

IJAI 56:10

Ngé ngɔ̄m̄ Israel gə̄ malang i məndō gə̄, nin̄ a̰a̰n̄ yá̰á̰ kógə̄ḿ gerə̄n̄ aĺ bátə́. Nin̄ malang i bísə́ kə́ gír kəlā ndo̰də́ gə̄ do̰ō̰ naā kɔ̄ɔ́ gə̄, ndōgə̄ gə̄gē nin̄ asən̄ ndōgə̄ alé. Nin̄ ton̄ nang tə́ ō, nī rāādə́ ō, ɓīī nel̄ tadə́ ō.

JEJU TEĒ KUM JA̰A̰ 2:4

Ba yá̰á̰ ń m̄-mbātə́ gōí tə́ ní, i kəya̰ ń ə́yá̰ tár yāí kə́ ta kəla gíŕ tə́ kɔ̄ɔ́ ní.

KOLOSƏ 4:1

Sḭḭ̄ kɔ́ɔ̄ ɓəlo gə̄, ī-rāāī yá̰á̰ kə́ súmūú ō, yá̰á̰ kə́ gō tə́ ō, kə ɓəlo yāsí gēé. Tɔdɔ̄ ī-gerī kadə̄ Kɔ́ɔ̄sí ndi dɔ rā̰ tə́ noō ō.

1 KORḚNTƏ 7:22

Tɔdɔ̄ ɓəlo ń Kɔ́ɔ̄ɓē ɓārə́n ní, i de kə́ Kɔ́ɔ̄ɓē gān̄g dɔn kɔ̄ɔ́. Tītə̄ ń toō ɓáý to̰ ní, deē ń i kɔ́ɔ̄ rɔ̄n tá kadə̄ Kərist ɓārə́n ní, ni-tél i ɓəlo yā Kərist.

MATIYE 25:26

Banī kɔ́ɔ̄n ní tél ədan na: Ḭ̄ i nge kəla kə́ majaĺ ō, kə́ nge yay ō. Ḭ̄ ī-ger̄ kadə̄ mā i de kə́ nge kəja kōō loo kə́ m̄-dubə̄ kōō tū tə́ aĺ tə́ ō, nge kɔy yá̰a̰ loo kə́ m̄-ɓōkə́ yá̰a̰ tū tə́ aĺ tə́ ō.

KOHELET 9:10

Yá̰a̰ malang ń jīí asə rāā ní ī-rāā kə tɔ́gí īkɔ́. Tām̄ loo kə́ ɓádá ń de kə́ koy gə̄ i tū tə́, á ā ī-rāā yā kaw̄ gōdə́ tə́ tū tə́ ní, kəla aláa ka̰a̰ gō tóo kəla kə́ majə aké kə́ majaĺ, aláa ger̄ yá̰a̰, aláa kum kedə̄ gətóo tū tə́.

JAKƏ 5:16

Ədaī naā gír majaĺ yāsí gə̄ ō, ī-ndɔ̄yī tām̄ yā naā tə́ ō, yā kadə̄ rɔ̄sí ngáań. Ndɔ̄ȳ yā de kə́ gōtə́ ní tɔ́gən i ngá̰ý ō, a rāā kəla ō.

Gōsə̄ najə̄ gə̄ 31:15

Ni-ḭḭ dɔɔ́ pá tá kadə̄ loo tīī, yā ndīr̄ yá̰á̰ kə́ tām̄ yā de kə́ kem kújə yān tə́ gə̄ ō, yā kɔjə ngé kəla yān kə́ dəyá̰ gə̄ kəla kə́ kadə̄ rāān̄ ō.