Makətūbə̄ ń Pol ndang adə̄ Rom gə̄ ní 12:1 - Bibəl ta Sar̄

¹ Ngákó̰ó̰ḿ gə̄, i tām̄ ko̰o̰ kə́ kum Nə́ɓā o̰o̰n sesí ngá̰ý tə́ n m-ā m̄-dəjeńsí yá̰á̰ ń toō ní: Ī-ndējī Nə́ɓā rɔ̄sí tītə̄ yá̰a̰ tun̄ kə́ kə kumuú, kə́ kɔr̄ kam̄ tām̄ yā Nə́ɓā tə́ ō, kə́ nelə̄n ō. I nge ń noō n i rāā kəla kadə̄ Nə́ɓā kə́ gōtə́ yāsí ní.

Bible sar

¹ Ngákó̰ó̰ḿ gə̄, i tām̄ ko̰o̰ kə́ kum Nə́ɓā o̰o̰n sesí ngá̰ý tə́ n m-ā m̄-dəjeńsí yá̰á̰ ń toō ní: Ī-ndējī Nə́ɓā rɔ̄sí tītə̄ *yá̰a̰ tun̄ kə́ kə kumuú, kə́ kɔr̄ kam̄ tām̄ yā Nə́ɓā tə́ ō, kə́ nelə̄n ō. I nge ń noō n i rāā kəla kadə̄ Nə́ɓā kə́ gōtə́ yāsí ní.

Makətūbə̄ ń Pol ndang adə̄ Rom gə̄ ní 12:1 Referans Kwoze

1 PIYER 2:5

Ī-ndɔ́tī kə̄ ngɔr tītə̄ mbal̄ gə̄ kə́ ndin̄ kə kumdə́ beē ādə̄ ɔyn̄sí rāān̄neé kújə ndi Ndíl. Loo ń noō tə́ ā ī-téliī ɓūtə̄ ngé tun̄ yá̰a̰ gə̄ kə́ nin̄-ɔrə̄n̄ kam̄də́ tām̄ yā Nə́ɓā tə́, yā kadə̄ əndān̄ kəla ndējə̄ Nə́ɓā yá̰á̰ kə́ tun̄ gə̄ yā Ndíl dɔsí tə́. Yá̰a̰ kə́ tun̄ gə̄ yā Ndíĺ ní, a nel̄ Nə́ɓā i kə ta kūl̄ Jeju Kərist.

Makətūbə̄ ń Pol ndang adə̄ Rom gə̄ ní 6:13

Ī-lōōī kun ngōn̄ rɔ̄sí kógə̄ḿ rāań yá̰á̰ kə́ majaĺ, tītə̄ kə́ dām̄ rɔ̄sí ní i yá̰a̰ rāā kəla yā yá̰á̰ kə́ majaĺ beē. Banī ādī Nə́ɓā rɔ̄sí tītə̄ de gə̄ kə́ oyn̄ tá ndólə̄n̄ beé ō, ə̄ndāī rɔ̄sí kə taá malang ta kəla yān tə́ tītə̄ kə́ sḭḭ̄ i yá̰a̰ rāā kəla yā yá̰á̰ kə́ gōtə́ beē ō.

Makətūbə̄ ń Pol ndang adə̄ Rom gə̄ ní 6:19

M-ɔ̄r̄ najə̄ sesí i tītə̄ deē ndul gə̄, tɔdɔ̄ ré i beé aĺ anī, sḭḭ̄ ā ásiī ger̄ kum alé. Tītə̄ ń kété sḭḭ̄ ī-rāāī rɔ̄sí i ɓəlo gə̄ tə́ adə̄ ī-ndiī i kə rī rāā yá̰á̰ kə́ yḛr to kum gə̄ ō, kə rī rāā yá̰á̰ kə́ gōtə́ aĺ gə̄ ń a rāān̄sí kadə̄ ī-téliī de kə́ gōtə́ aĺ gə̄ ō ní, ngɔlaā majə kadə̄ ī-rāāī rɔ̄sí ɓəlo gə̄ tə́, ba i kadə̄ ī-ndiīń kə rī rāā yá̰á̰ kə́ gōtə́ gə̄ ń a rāān̄sí kadə̄ ī-téliī de kə́ táĺ gə̄ ní ō.

Makətūbə̄ ń Pol ndang adə̄ Rom gə̄ ní 12:2

Ī-lōōī ndájə̄ hál de kə́ dɔ nang tə́ gə̄. Banī ādī Nə́ɓā tūr̄ kemsí ō, adə̄sí kur̄ dɔ kə́ kijə ō. Loo ń noō tə́ ā ásiī ka̰a̰ yá̰á̰ ń Nə́ɓā ndigə ní yā ger̄. Adə̄ i yá̰á̰ kə́ majə ō, nel̄ Nə́ɓā ō, kə́ majə ɔtə kə taá ō.

EPEJƏ 4:1

I beé ní, mā ń i dəngáy kə gō ɓoo naā yāḿ kə Kɔ́ɔ̄ɓēé ní, m̄-rāāsí ɓɔ́ kadə̄ háĺsí ndetə naā kə ɓār̄ ń Nə́ɓā ɓāŕsí ní.

PĀ GƏ̄ 19:14

Ɔ̄r̄ nge kəla yāí kɔ̄ɔ́ dan ngé kɔjə rɔ̄də́ gə̄ tə́. Ī-rāā ādə̄ asən̄ yá̰a̰ rɔ̄n tə́ alé. Ɓá anī najə̄ a gətóo dɔn tə́ ō, deē a ɓār̄ rī majaĺ kə́ ngá̰ý dɔn tə́ aĺ ō.

Makətūbə̄ ń Pol ndang adə̄ Rom gə̄ ní 6:16

Dan ń ḭ̄ i ɓəlo yā deē ní ā ōō tan, adə̄ ā ī-rāā kəla yān. Ré ōō i ta yá̰á̰ kə́ majanī yá̰á̰ kə́ majaĺ a aw̄ seí yā kəlaī ta yo tə́, ba ré ōō i ta Nə́ɓā anī ā ī-tél de kə́ gōtə́.

2 KORḚNTƏ 4:16

I tām̄ najə̄ ń noō tə́ n j-əhɔń rɔ̄jí tɔgə ní. Ré rɔ̄jí kə́ ndágá a nujə i mbée gə̄gē anī, ndíĺjí kə́ kemeé a tél i kə́ kijə kə dɔ ndɔ̄ gə̄.

PĀ GƏ̄ 116:12

I rí n kə m̄-rāā m-ādə̄ Kɔ́ɔ̄ɓē kum gotə yá̰a̰ malang kə́ majə ń ni-rāā tām̄ yāḿ tə́ ní?

1 TESALONIK 4:1

Yā tɔ̄ləń ta ní, ngákó̰ó̰jí gə̄, háĺ kə́ kadə̄ nel̄ Nə́ɓā ní, sḭḭ̄ ī-ndóōī rɔ̄jí tə́, adə̄ i ni n ī-rāāī ní. Ba ngɔlaā ń toō ní jə-dəjesí ō, jə-rāāsí ɓɔ́ kə rī Kɔ́ɔ̄ɓē Jeju ō, kadə̄ ī-rāāī kadə̄ majə tɔȳ kə́ kété.

2 KORḚNTƏ 5:20

I Kərist n əlají rɔ̄sí tə́ yā kɔr̄ najə̄ sesí kə rīneé ní. Adə̄ i tītə̄ kə́ i ngarān̄g kum Nə́ɓā nəkɔ́ n ndə̄mā tají adə̄ńsí kɔjə̄ beé. Ní, jə-rāāsí ɓɔ́ kə rī Kərist, ādī əndān̄sí naā tə́ kə Nə́ɓāá, ba ī-lōōī mbātə́.

IJAI 56:7

m-ā m̄-rāā kadə̄ nin̄ a reēn̄ dɔ mbal̄ bo yāḿ kə́ táĺ tə́, m-ā m̄-rāā kadə̄ rɔ̄də́ a nel̄də́ ngá̰ý kem kújə ndɔ̄ȳ yāḿ tə́. M-ā m̄-ndigə yá̰á̰ kə́ tun̄ gə̄ ō, yá̰á̰ kə́ kadə̄ karī yādə́ gə̄ ō ń nin̄ ndējə̄mə̄n̄ dɔ loo tun̄ yá̰á̰ tə́ ní. A̰á̰ā̰, a ɓārə́n̄ kújə yāḿ na i kújə ndɔ̄ȳ kə́ tām̄ yā gír de gə̄ tə́ malang.

EPEJƏ 5:10

Yá̰á̰ ń nel̄ Kɔ́ɔ̄ɓē ní, majə kadə̄ á̰a̰ ī-gerī.

PILIPƏ 2:17

Ká ré i gáŕ kadə̄ tə́ten̄ mósə́ḿ dɔ yá̰á̰ kə́ tun̄ yāsí tə́ ō, dɔ kəla yāsí tə́ ō, tām̄ taā kə́ sḭḭ̄ ī-taāī kem tə́ anī, rɔ̄ḿ a nelə̄m̄ najə̄n tə́ ō, m̄-rāā rɔ̄nel̄ sesí malang ō.

1 KORḚNTƏ 1:10

Ngákó̰ó̰ḿ gə̄, m̄-dəjesí kə rī Kɔ́ɔ̄ɓē yājí Jeju Kərist, ōōī naā ba ādī kēgə̄ naā gətóo dansí tə́. Ādī gír̄ yāsí i kógə̄ḿ ō, yá̰á̰ ń ī-gḛyiī rāā ní i yá̰á̰ kə́ kógə̄ḿ beē ō.

Makətūbə̄ ń Pol ndang adə̄ Rom gə̄ ní 2:4

Aké ī-kídə̄ i Nə́ɓā ń a rāā kem majə ngá̰ý ō, a tə́gā tan dɔ yá̰a̰ gə̄ tə́ ō, a əre wurən njam dɔ tə́ ō ní ḿ? Ī-ger̄ kadə̄ kem majə ń Nə́ɓā a rāā ní i kadə̄ ī-tūrəń hálí aĺ a?

1 PIYER 2:20

Tɔdɔ̄ ré ə́ngeī ndéy i tām̄ yá̰á̰ kə́ gō tə́ aĺ kə́ ī-rāāī tə́ anī, a ɔsən̄ gɔnsí i tām̄ rí tə́? Ba ré ī-rāāī yá̰á̰ kə́ majə tá de gə̄ rāān̄sí yá̰á̰ kə́ tōr̄ najə̄n tə́ ba ī-tə́gāī tasí anī, i yá̰á̰ kə́ majə ta kum Nə́ɓā tə́, tām̄ ni-ɓāŕsí i najə̄n tə́.

PILIPƏ 4:18

Yá̰á̰ ń ə́laīneé ādə̄mī ní, m-ə́nge malang. Yá̰á̰ ní mān̄ dɔ yá̰á̰ ń ndoōn rāām̄ ní gə̄gē ɓáý. Dan ń Epapəroditə adə̄m̄ yá̰a̰ yāsí gə̄ ń ə́laniīneé ní, yá̰a̰ malang ń ndoōn rāām̄ ní m-ə́nge. Yá̰a̰ gə̄ ń ādə̄mī ní, ton̄ i tītə̄ yá̰a̰ ndējə̄ kə́ tɔ̄l̄ ba tun̄ kadə̄ Nə́ɓā, kə́ sēēn otə nel̄ ō, i tītə̄ yá̰a̰ tun̄ kə́ Nə́ɓā ndigə ō, nel̄ kemən ō beé.

2 KORḚNTƏ 6:1

I beé ní, jḭḭ ń i ngé rāā kəla gə̄ kə Nə́ɓāá ní, j-ɔjə̄sí kadə̄ rajə ń Nə́ɓā rajəsí ní kadə̄ gotə to karī alé.

Makətūbə̄ ń Pol ndang adə̄ Rom gə̄ ní 15:30

Banī ngákó̰ó̰ḿ gə̄, yá̰á̰ ń m̄-dəjesí, kə ta kūl̄ Kɔ́ɔ̄ɓē yājí Jeju Kərist ō, kə ta kūl̄ táŕ ń Ndíĺ a adə̄ deē ō ní n toó: Ī-rɔ̄ɔ̄ī naā tə́ seḿ, kə ta kūl̄ ndɔ̄ȳ Nə́ɓāá tām̄ yāḿ tə́.

Makətūbə̄ ń Pol ndang adə̄ Rom gə̄ ní 15:16

adə̄ mā i nge kəla yā Jeju Kərist, kə́ tām̄ yā gír de gə̄ kə́ nin̄ i Jipə aĺ gə̄ tə́ ní. Nə́ɓā ɔr̄ əndām̄ tayā tām̄ yān tə́ kadə̄ m-ə̄nā mbēr̄ Najə̄ kə́ Majə yān yā kadə̄ gír de gə̄ ń nin̄ i Jipə aĺ gə̄ ní télən̄ yá̰a̰ ndējə̄ kə́ táĺ kə ta kūl̄ Ndíĺ kə́ Tálá kadə̄ nēl̄ kem Nə́ɓā.

JEREMI 6:20

Usəm̄ i rí dɔ kajaja kə́ kḭḭ Saba tə́ ō, dɔ tə̄ɓā kə́ kotə majə kə́ kḭḭ dɔ ɓē kə́ sa̰y ngá̰ý tə́ ō? m̄-gḛy yá̰a̰ tun̄ yāsí kə́ róō horoó gə̄ alé, yá̰á̰ ndējə̄ yāsí gə̄ nelə̄m alé.

PILIPƏ 1:20

Tɔdɔ̄ yá̰á̰ ń m̄-ngóō ō, m-ə̄ndā kemḿ dɔ tə́ kə ngangāá ngá̰ý ō ní, i kadə̄ ndɔ̄ń tə́ anī yá̰á̰ kógə̄ḿ adə̄m̄ rɔ̄sɔl̄ alé. Ba nəkɔ́ ń jóó bátə́ ngɔlaā toó ní, m̄-sōl̄ yá̰á̰ kógə̄ḿ alé. I tītə̄ ń noō n kə ta kūl̄ ndiḿ kə kumḿ, aláa kə ta kūl̄ koyḿ, m-ā m-ɔ́jəń kə̄ ndágá kadə̄ Kərist i de kə́ bo ní.

1 TIMOTE 2:3

I nge ń noō n i yá̰á̰ kə́ majə ō, i yá̰á̰ kə́ nel̄ Nə́ɓā nge kajəjí ō ní.

1 TESALONIK 5:12

Ngákó̰ó̰jí gə̄, jə-dəjesí kadə̄ ī-ɓōlíī ndíl de kə́ dɔ dáńsí tə́ gə̄ ń ɔrən̄ sesí ō, Kɔ́ɔ̄ɓē əndādə́ dɔsí tə́ ō, a tāān̄sí ō ní.

Najə̄ kə́ Majə yā Jeju ń Luk ndang ní 7:47

Tām̄ najə̄ ń toō tə́ ní ādə̄ m-ə́daī: Táŕ ń ni-táŕ ngá̰ý ní ɔjə kadə̄ maȳn̄ rɔ̄də́ dɔ majaĺ yān gə̄ kə́ ngá̰ý tə́ kɔ̄ɔ́. Banī deē ń maȳn̄ rɔ̄də́ dɔn tə́ i sḛ́ý beē ní, a tár i sḛ́ý beē.

HEBƏRO 13:22

Ngákó̰ó̰ḿ gə̄, m̄-rāāsí ɓɔ́ kadə̄ ī-tə́gāī tasí, ī-ndigiī yá̰á̰ ndóō kə́ yā mbūsə̄n̄ńsí ń toō. Tɔdɔ̄ yá̰á̰ ń m̄-ndang m-ādə̄sí kem makətūbə̄ ń toō tə́ ní, ngāl̄ ngá̰ý alé.

1 TIMOTE 5:4

Ré dəyá̰ kə́ ngaa koy kógə̄ḿ i kə ngánən gēé, aláa i kə ngán kaan gēé anī, i nin̄ n majə kadə̄ a̰a̰n̄ gō gír kojə yādə́ ngeé ń toō ní. Yá̰á̰ ń ngéédə́ gə̄ rāān̄ tām̄ yādə́ tə́ ní, majə kadə̄ nin̄-tél rāān̄ tām̄ yādə́ tə́ ō. Tɔdɔ̄ nge ń noō i yá̰á̰ kə́ nel̄ Nə́ɓā.

1 TESALONIK 4:10

I tītə̄ ń noō n ī-táriīń ngákó̰ó̰sí gə̄ kə́ gō nang kə́ Masedəwan tə́ malang kə taá ní. Banī ngákó̰ó̰jí gə̄, jə-dəjesí kadə̄ ī-táriī kum kə̄ kété ɓáý.

Makətūbə̄ ń Pol ndang adə̄ Rom gə̄ ní 9:23

Nə́ɓā gḛy i kɔjə kɔsə gɔn yān kə́ to ɓōĺ ngá̰ý tām̄ yājí jḭḭ̄ ń kumən o̰o̰n sejí ō, jḭḭ̄ ń nəkɔ́ əndājí dɔ jīn kadə̄ j-udiī kem kɔsə gɔn yān tə́ ní ō.

OJEE 14:2

Israel, ī-tél ī-reē rɔ̄ Kɔ́ɔ̄ɓē Nə́ɓā yāí tə́. I yá̰a̰ rāāī kə́ gōtə́ aĺ rāāī adə̄ ə̄sō ní.

2 KORḚNTƏ 4:1

Nə́ɓā a̰a̰ kum tō ndoō yājí, adə̄ ni-adə̄jí kəla ń toō. I tām̄ najə̄ ń noō tə́ n tɔ́gə́jí urə̄ń wak aĺ ní.

2 KORḚNTƏ 10:1

Mə̄kɔ́ Pol m̄-rāāsí ɓɔ́, mā ń de gə̄ ədan̄ dɔḿ tə́ na ré jə-ndi ta kum naā tə́ anī najə̄ḿ na gətóo, ba ré mā i sa̰y anī na m̄-ɓōĺsí aĺ bátə́ ní. m̄-rāāsí ɓɔ́, kə ta kūl̄ háĺ kə́ sɔl̄ lɔm yā Kərist ō, kə ta kūl̄ kem majə yān ō.

NDŪ NAJƏ̄ 14:2

Tɔdɔ̄ sḭḭ̄ i gír de kə́ ɔrə̄n̄ kam̄sí tayā gə̄ tām̄ yā Kɔ́ɔ̄ɓē Nə́ɓā yāsí tə́. I sḭḭ̄ n Kɔ́ɔ̄ɓē gə̄rāsí dan gír de gə̄ malang kə́ dɔ nang tə́ tə́ kadə̄ ī-téliī gír deē yān gə̄ ní.

PILEMO̰ 1:9

m̄-gír̄ kadə̄ i só tə́ kadə̄ m-ə̄ndā tɔ́gə́ḿ dɔ tár tə́ m̄-rāāīneé ɓɔ́: Mā Pol ń i ɓə́ga ō, i dəngáy tām̄ yā Jeju Kərist tə́ kə̄ dɔ tə́ ɓáý to̰ ngɔlaā ō ní,

PILEMO̰ 1:10

m̄-rāāī ɓɔ́ tām̄ yā ngōnə̄ḿ Onejim ń m-ójən kə súlú jīḿ tə́ ní.