Makətūbə̄ ń Pol ndang adə̄ Rom gə̄ ní 11:9 - Bibəl ta Sar̄

⁹ Dabid əda yān ō na: Kadə̄ yá̰a̰ kəsa yādə́ tél i gūmbə̄ kə́ kadə̄ əhɔdə́ ō, réng ō, mbḛ̄ kə́ kadə̄ tə́sōn̄ kemeé ō, yá̰á̰ kə́ tōr̄ kə́ kadə̄ rāādə́ ō.

Bible sar

⁹ Dabid əda yān ō na: Kadə̄ yá̰a̰ kəsa yādə́ tél i gūmbə̄ kə́ kadə̄ əhɔdə́ ō, réng ō, mbḛ̄ kə́ kadə̄ tə́sōn̄ kemeé ō, yá̰á̰ kə́ tōr̄ kə́ kadə̄ rāādə́ ō.

Makətūbə̄ ń Pol ndang adə̄ Rom gə̄ ní 11:9 Referans Kwoze

PĀ GƏ̄ 28:4

Ī-rāādə́ yá̰á̰ kə́ tōr̄ tām̄ yá̰a̰ rāādə́ tə́, tām̄ yá̰a̰ rāādə́ kə́ majaĺ tə́. Ī-rāādə́ yá̰á̰ ń nin̄ rāān̄ kə madə̄də́ gēé ní. Ī-rāā ādə̄ yá̰a̰ rāādə́ kə́ majaĺ tél ənda dɔdə́ nin̄ kɔ́ gə̄ gogə́.

HEBƏRO 2:2

Tɔdɔ̄ ré najə̄ ń de kə́ dɔ rā̰ tə́ gə̄ ədan̄ ní rāā yá̰á̰ rɔ̄kum, adə̄ ngé gə̄ ń mānə̄n̄ dɔ aláa mbatə́n̄ kun gō ní, əngen̄ ndéý ń asə kadə̄ əngen̄ ní anī,

Najə̄ kə́ Majə yā Jeju ń Luk ndang ní 12:20

Banī Nə́ɓā əda deē ní na: Ḭ̄ i de kə́ ger̄ yá̰a̰ alé! Ndɔ̄ɔ́ ɓōólaā nəkɔ́ ń toō ā óy kɔ̄ɔ́. Ní, yá̰á̰ ń ī-kán̄ kə̄ naā tə́ tām̄ yāí tə́ ní i náā n a tél kɔ́ɔ̄n tā?

IJAI 66:9

Kɔ́ɔ̄ɓē Nə́ɓā yāí dəje najə̄ əda na: Ré m̄-rāā adə̄ dəyá̰ ndān̄ ngōn̄ nāā ndōhó anī, i yā kadə̄ m-ɔ̄gə̄ ngōn̄ ní teē kem kó̰o̰n tə́ a? Ré i mā n i nge rāā kadə̄ ngōn̄ ndi kə kumneé anī, m-ā m-ɔ̄gə̄n ka̰a̰ loo kə́ ndángá a?

IJAI 59:18

Yá̰á̰ ń de gə̄ asən̄ kənge ní, ni a téləń yā kadə̄də́. Wōn̄g yān i tām̄ yā ngé rɔ̄ɔ̄ seneé gə̄ tə́, ndéy i tām̄ yā madə̄ ba̰ā̰n gə̄ tə́, ɓē kə́ sa̰y gə̄ gə̄gē i tām̄ yādə́ tə́.

Gōsə̄ najə̄ gə̄ 1:32

Tɔdɔ̄ i mbātə́ kum kedə̄ n tɔ̄l̄ de kə́ mbóo ō, i kusə kə́ usən dɔ yá̰á̰ tə́ aĺ n ta de kə́ kur dɔn gətóo tḭ̄ḭ̄iń ō ní.

NDŪ NAJƏ̄ 32:35

Dal ba̰ā̰ i yāḿ, m-ā m-ə̄gādə́ tām̄ kəla rāādə́ gə̄ tə́ ndɔ̄ ń nin̄ a əsōn̄neé tə́ ní. Tɔdɔ̄ ndɔ̄ yá̰á̰ kə́ to kum kaȳ aĺ yādə́ dɔ i ngɔr.

MATIYE 16:23

Anī Jeju tūr̄ rɔ̄n ba əda Piyer na: Sətan, ī-tél kɔ̄ɔ́ gōḿ tə́! Ḭ̄ i bə̄dē kə́ əga njaḿ kadə̄ m-ə̄sō. Tɔdɔ̄ gír̄ kə́ kemií tə́ i gír̄ yā Nə́ɓā alé, ba i gír̄ yā de gə̄.

Makətūbə̄ ń Pol ndang adə̄ Rom gə̄ ní 14:13

Ní, ādī jə-gāngī sarya dɔ naā tə́ to̰ aĺ tā. Ré yá̰á̰ kə́ kadə̄ ī-gāngī najə̄ dɔ tə́ to ɓáa, i nge ń toō: Ī-lōōī rāā yá̰á̰ kógə̄ḿ kə́ kadə̄ rāā ngōkó̰ó̰sí kadə̄ teē əsō, aláa əgan bə̄dē tə́.

Makətūbə̄ yā Job 18:10

Kəlā ń a əhɔn ní, i kə́ rāān̄ nán̄g dɔ tə́ kɔ̄ɔ́ ō, əjan̄ bəlo mbḛ̄ dɔ róbə njān tə́ ō.