Makətūbə̄ ń Pol ndang adə̄ Rom gə̄ ní 11:8 - Bibəl ta Sar̄

⁸ tītə̄ ń makətūbə̄ yā Nə́ɓā ədań ní. Ndangən̄ na: Nə́ɓā rāā adə̄ ndíĺdə́ a ɓīī i mbée ō, kumdə́ a̰a̰ loo aĺ ō, mbīdə́ oō loo aĺ ō, bátə́ ɓōólaā.

Bible sar

⁸ tītə̄ ń makətūbə̄ yā Nə́ɓā ədań ní. Ndangən̄ na: Nə́ɓā rāā adə̄ ndíĺdə́ a ɓīī i mbée ō, kumdə́ a̰a̰ loo aĺ ō, mbīdə́ oō loo aĺ ō, bátə́ ɓōólaā.

Makətūbə̄ ń Pol ndang adə̄ Rom gə̄ ní 11:8 Referans Kwoze

NDŪ NAJƏ̄ 29:4

Ni-rāāsí adə̄ ī-njə̄rāī kem dəla loo tə́ ɓāl̄ kutə sɔ́, banī kūbə̄ kə́ rɔ̄sí tə́ ngísə aĺ ō, sākə̄rā kə́ njasí tə́ gán̄g aĺ ō.

IJAI 29:10

Tām̄ Kɔ́ɔ̄ɓē rāā adə̄ kur̄ dɔsí oy kɔ̄ɔ́. Ngé koō ta yāsí gə̄ ń nin̄ i kumsí gə̄ ní, ni ɔgə̄də́ ka̰a̰ loo ō, ngé ka̰a̰ yá̰a̰ yāsí gə̄ ń nin̄ i dɔsí gə̄ ní, ni seĺ kūbə̄ kógə̄ḿ dɔm dɔdə́ tə́ kɔ̄ɔ́ ō.

EJEKIEL 12:2

Ḭ̄ ngōn̄ deē, ī-ndi dan de kə́ ngé mbātə́ najə̄ gə̄ tə́. Kumdə́ i noó yā ka̰a̰ń loo ɓá ta banī nin̄ a̰ā̰n̄ loo alé. Mbīdə́ i noó kadə̄ koōń loo ɓá tā banī nin̄ oōn̄ loo alé. Tɔdɔ̄ i gír de kə́ ngé mbātə́ najə̄ gə̄.

Najə̄ kə́ Majə yā Jeju ń Luk ndang ní 8:10

Anī ni tūr̄ ədadə́ na: I sḭḭ̄ n Nə́ɓā rāā adə̄ ī-gerī yá̰á̰ kə́ dɔ Ɓē ko̰o̰ yān tə́ gə̄ ń ton̄ loo mundə̄ tə́ kété ní. Ba gotə de kə́ rang gə̄ ní a ɔjən̄də́ i kə kūjə́ najá yā kadə̄ nin̄-a̰a̰n̄ loo, ba a̰a̰n̄ yá̰a̰ aĺ ō, oōn̄ loo ba gerə̄n̄ kum najə̄ ń oōn̄ ní aĺ ō.

JEREMI 5:21

Gír de kə́ mbóo gə̄ ō, kə́ kur̄ dɔdə́ gətóo gə̄ ō, ōōī najə̄ ń toō. Kumsí i noó banī á̰a̰ī loo alé. Mbīsí i noó banī ōōī loo alé.

KƏLA RĀĀ 28:26

Najə̄ ń Ndíĺ kə́ Táĺ əndā ta Ijai ngé koō ta tə́ adə̄ əda kaasí gə̄ ní i najə̄ kə́ rɔ̄kum! Ni-əda na: Āw̄ ə́ngé gír de gə̄ ń toō ba ə́dádə́: Ā ōōī najə̄ kə mbīsí, banī ā ī-gerī kum alé. Ā á̰a̰ī loo majə kə kumsí, banī ā á̰a̰ī yá̰a̰ alé.

IJAI 6:9

Anī Kɔ́ɔ̄ɓē ədam̄ na: Āw̄ ə́dá gír de gə̄ ń toō: Ā ōōī najə̄ majə, banī ā ī-gerī kum alé. Ā á̰a̰ī loo majə, banī ā á̰a̰ī yá̰á̰ kógə̄ḿ alé.

2 MBAN̄G 17:41

Adə̄ a ndɔ̄ȳn̄ Kɔ́ɔ̄ɓē dām̄ kə́rēý tə́ ō, dām̄ kə́ rang tə́ anī a rāān̄ kəla adə̄n̄ ɓesə̄ yādə́ gə̄ ō. Ba gotədə́ tə́ ní, ngáńdə́ gə̄ ō, ngán kaadə́ gə̄ ō, a rāān̄ i yá̰á̰ kə́ kógə̄ḿ beē nəkɔ́ ń noō ɓáý bátə́ ɓōólaā gə̄gē.

2 MBAN̄G 17:34

Ɓōólaā gə̄gē ngán kaadə́ gə̄ a rāān̄ yá̰a̰ kāgə̄ ɓē yādə́ kə́ jóo gə̄ noó ɓáý. Nin̄ ndɔ̄ȳn̄ Kɔ́ɔ̄ɓē kə́ rɔ̄ rɔ̄ gə̄ tə́ alé. Rāān̄ gō míndə gə̄ ń əndān̄ dɔdə́ tə́ kadə̄ rāān̄ ní aĺ ō, rāān̄ yá̰a̰ kāgə̄ ɓē yā Israel aĺ ō, rāān̄ yá̰á̰ ń ndū najə̄ yā Kɔ́ɔ̄ɓē əda ní aĺ ō, yá̰a̰ gə̄ ń Kɔ́ɔ̄ɓē əda kadə̄ ngán Jakob gə̄ rāān̄ ní aĺ ō. I Jakob ngeé ń toō n Kɔ́ɔ̄ɓē əndā rīn na i Israel ní.

EJEKIEL 20:26

M-ə́yá̰də́ adə̄ nin̄ télən̄ de kə́ yḛr gə̄ kə ta kūl̄ kadə̄ yá̰a̰ ndējə̄ gə̄. Yá̰a̰ ndējə̄ gə̄ ní i ngáń hágə́də́ gə̄ kə́ nin̄ róōn̄də́ horoó. m̄-ndigə kadə̄ yá̰a̰ rāādə́ nin̄ kɔ́ gə̄ əla ɓōĺ kemdə́ tə́. I tītə̄ ń noō n nin̄ ger̄nəń kadə̄ Kɔ́ɔ̄ɓē i mā ní.