Makətūbə̄ ń Pol ndang adə̄ Rom gə̄ ní 11:4 - Bibəl ta Sar̄

⁴ Ba najə̄ ń Nə́ɓā tél ədan ní ōōī a? Nə́ɓā ədan na: M-ɔ̄r̄ de gə̄ dūbú sīrí m-ə̄ndādə́ dɔ jīḿ. I ngé gə̄ ń tetən̄ kejədə́ nang tə́ no ɓesə̄ Baal tə́ aĺ ní.

Bible sar

⁴ Ba najə̄ ń Nə́ɓā tél ədan ní ōōī a? Nə́ɓā ədan na: M-ɔ̄r̄ de gə̄ dūbú sīrí m-ə̄ndādə́ dɔ jīḿ. I ngé gə̄ ń tetən̄ kejədə́ nang tə́ no ɓesə̄ Baal tə́ aĺ ní.

Makətūbə̄ ń Pol ndang adə̄ Rom gə̄ ní 11:4 Referans Kwoze

1 MBAN̄G GƏ̄ 19:18

Banī m-ā m-ə́ya̰ de gə̄ dūbú sīrí dan ngán Israel gə̄ tə́ kadə̄ ndin̄ kə kumdə́. I de gə̄ ń nin̄-tə́tēn̄ kejədə́ no Baal tə́ aĺ ō, njíbə̄nən̄ kə tadə́ aĺ ō ní.

TƏ́DA 25:3

Ngán Israel gə̄ əlan̄ dɔdə́ gír ɓesə̄ Baal kə́ Peor tə́, adə̄ wōn̄g rāā Kɔ́ɔ̄ɓē sedə́ ngá̰ý.

SOPONI 1:4

M-ā m̄-rāā yá̰á̰ kógə̄ḿ kə dɔ nang kə́ Juda ō, kə de gə̄ malang kə́ kem ɓē kə́ Jerusalem tə́ ō. Gotə jī bēl̄ loo rāā ɓesə̄ Baal ń a na̰y ní ō, yá̰á̰ ń a rāā kadə̄ əga kem de gə̄ dɔ ngé tun̄ yá̰a̰ gə̄ yā nə́ɓā ń noō tə́ ní gə̄gē, m-ā m̄-rāā kadə̄ a gətóon̄ kɔ̄ɔ́ loo ń toō tə́.

OJEE 2:8

I tām̄ najə̄ ń noō tə́ n mā Kɔ́ɔ̄ɓē m-ā m̄-də̄sə́ yá̰á̰ róbən tə́ ní, m-ā m-dēsə́ túpə kōn̄ gə̄ róbən tə́. M-ā m-ə̄ndā ndogə̄ mbal̄ yā gīrəń gidən ō, ni a ənge ta róbə yān to̰ aĺ ō.

JEREMI 19:5

Rāān̄ loo kə́ kḭḭ kə̄ dɔɔ́ gə̄ kə rī ɓesə̄ Baal ba róōn̄ ngáńdə́ gə̄ horoó dɔ tə́ adə̄nən̄. I yá̰á̰ kə́ m-ādə̄də́ ndūḿ dɔ tə́ aĺ ō, m-ɔ̄r̄ najə̄n sedə́ aĺ ō, i yá̰á̰ kə́ m̄-gír̄ dɔ tə́ aĺ ō.

NGÉ SARYA 2:13

Nin̄ əya̰n̄ Kɔ́ɔ̄ɓē kɔ̄ɔ́ ba ndɔ̄ȳn̄ ɓesə̄ Baal gə̄ kə ɓesə̄ Astarte gə̄.

OJEE 13:1

Dan ń Epəraim a ɔrə̄ń najə̄ ní, ɓōĺ rāā de gə̄ malang adə̄ ndewn̄. Kété ní, loo yān kə́ Israel tə́ i loo kə́ bo ngá̰ý. Banī nəkɔ́ rāā adə̄ sarya əhɔn, tām̄ ni rāā ɓesə̄ Baal ō, oy najə̄n tə́ ō.

1 MBAN̄G GƏ̄ 16:31

Majaĺ gə̄ yā Jeroboam ngōn̄ Nebat ń ni ndájə̄ ní asən aĺ ɓáý, adə̄ taā Jesabel ngōn̄ Etəbaal mban̄g yā Sidon gə̄ ɓáý to̰ ō, ɔsə non nang tə́ no ɓesə̄ Baal tə́ ō.

NDŪ NAJƏ̄ 4:3

Yá̰á̰ ń Kɔ́ɔ̄ɓē rāā Baal Peor ní, sḭḭ̄ kɔ́ gə̄ á̰a̰ī kə kumsí malang. De gə̄ malang ń unən̄ gō ɓesə̄ Baal kə́ Peor ní, Kɔ́ɔ̄ɓē Nə́ɓā yāsí nujə sedə́ kɔ̄ɔ́ malang dɔ dáńsí tə́.

1 MBAN̄G GƏ̄ 19:10

Anī ni tūr̄ əda Kɔ́ɔ̄ɓē na: Kemḿ təngām̄ ngá̰ý tām̄ yā Kɔ́ɔ̄ɓē Nə́ɓā kə́ bo kə́ tɔ́gən i ngá̰ý tə́. Ngán Israel gə̄ əya̰n̄ madə̄ naā yāí ń ə́hɔ sedə́ ní kɔ̄ɔ́ ō, tɔ̄ɔ̄n̄ loo tun̄ yá̰a̰ yāí gə̄ kɔ̄ɔ́ ō, tɔ̄lə̄n̄ ngé koō ta yāí gə̄ kə kaskaraá ō. I mə̄kɔ́ kógə̄ḿ beē ngóy n m̄-nay ní, ba a sāān̄ tɔ̄lə̄m̄ kɔ̄ɔ́ ɓáý to̰.

IJAI 4:3

Loo ń noō tə́ ngé gə̄ ń a ndin̄ Jerusalem ní, ngé gə̄ ń a ndin̄ kə kumdə́ ɓáý kem ɓē kə́ Siyo̰ tə́ ní, a ɓārə́n̄də́ na i ngé kə́ ɔrə̄n̄ kam̄də́ tām̄ yā Kɔ́ɔ̄ɓē tə́ gə̄. Kem ɓē kə́ Jerusalem tə́ ɓáa i de gə̄ malang ń Kɔ́ɔ̄ɓē ndang rīdə́ kem makətūbə̄ yān tə́ kadə̄ əngen̄ ndi kə kumuú ní.