Makətūbə̄ ń Pol ndang adə̄ Rom gə̄ ní 11:36 - Bibəl ta Sar̄

³⁶ Tɔdɔ̄ yá̰a̰ malang teē i rɔ̄n tə́ ō, ndin̄ i kə kūl̄neé ō, i tām̄ yān tə́ ō. Ādə̄ de gə̄ malang ɔsən̄ gɔnən ngándáńg! Adə̄ i tītə̄ ń noō.

Bible sar

³⁶ Tɔdɔ̄ yá̰a̰ malang teē i rɔ̄n tə́ ō, ndin̄ i kə kūl̄neé ō, i tām̄ yān tə́ ō. Ādə̄ de gə̄ malang ɔsən̄ gɔnən ngándáńg! *Adə̄ i tītə̄ ń noō.

Makətūbə̄ ń Pol ndang adə̄ Rom gə̄ ní 11:36 Referans Kwoze

1 KORḚNTƏ 8:6

Banī tām̄ yājí tə́ ɓáa Nə́ɓā i kógə̄ḿ beē. Ni i Bɔbə̄jí ń yá̰a̰ malang teē i rɔ̄n tə́ ō, j-a j-awī i kə̄ rɔ̄n tə́ ō ní. Kɔ́ɔ̄ɓē i kógə̄ḿ beē ngóy, i Jeju Kərist ń yá̰a̰ gə̄ malang teēn̄ i kə kūl̄neé ō, jə-ndiī i kə kūl̄neé ō ní.

HEBƏRO 2:10

Tɔdɔ̄ i gōtə́ kadə̄ Nə́ɓā ń rāā yá̰a̰ malang ō, əhɔ yá̰a̰ malang gotə kógə̄ḿ ō ní, rāā adə̄ Jeju majə ɔtə̄ kə taá, kə ta kūl̄ ka̰a̰ tápə̄. I yā kaw̄ń kə ngáń Nə́ɓā gə̄ ngá̰ý tū kɔsə gɔn yā Nə́ɓā tə́. Tɔdɔ̄ Jeju i nge kajə de gə̄.

1 TIMOTE 1:17

Mban̄g kə́ nge ndi kə dɔ ɓāl̄ gə̄ ɓāl̄ gə̄ ń i Nə́ɓā kə́ a oy aĺ ō, kum deē a̰a̰n aĺ ō, ni i kal kógə̄ḿ beē ō ní, ādə̄ de gə̄ rɔȳnən̄ ō, ɔsən̄ gɔnən ō, kə dɔ ɓāl̄ gə̄ ɓāl̄ gə̄. Adə̄ i tītə̄ ń noō!

Makətūbə̄ ń Pol ndang adə̄ Rom gə̄ ní 16:27

Kɔsə gɔn i yā Nə́ɓā, i nəkɔ́ kal kógə̄ḿ beē ngóy n i de kə́ nge kum kedə̄. Kadə̄ de gə̄ ɔsən̄ gɔnən kə ta kūl̄ Jeju Kərist kə dɔ ɓāl̄ gə̄ ɓāl̄ gə̄! Adə̄ i tītə̄ ń noō.

Makətūbə̄ ń Jud ndang ní 1:25

ni ń i Nə́ɓā kə́ kal kógə̄ḿ beē kə́ nge kajəjí kə ta kūl̄ Kɔ́ɔ̄ɓē yājí Jeju Kərist ní, kɔsə gɔn i yān ō, i ni n i de kə́ bo ō, tɔ́gə i yān ō, ko̰o̰ ɓē i yān ō, kem ɓāl̄ gə̄ ń mānə̄n̄ kɔ̄ɔ́ tə́ ní ō, ngɔlaā ō, mbóńg kə̄ no tə́ ō. Adə̄ i tītə̄ ń noō.

KƏLA RĀĀ 17:28

Tɔdɔ̄ i tītə̄ ń gōsə̄ pā yāsí kə́rēý gə̄ ədan̄neé ní: Jə-ndiī kə kumjí ō, jə-rāāī rɔ̄jí ō, jə-ndiī ō i kemən tə́. Nin̄-ədan̄ ɓáý to̰ na: Tɔdɔ̄ jḭḭ̄ i gír kaa kə́ kógə̄ḿ beē seneé.

JEJU TEĒ KUM JA̰A̰ 21:6

Ba əda ɓáý to̰ na: I kə́ rāā kɔ̄ɔ́ ɓá. Mā i Alpa ō, Omega ō, ta kəla gír ō, ta tɔ̄l̄ ta ō. Deē ń kəndā man̄ rāān anī, m-ā m-ādə̄n man̄ kə́ teē ta kəɓan tə́ karī, kadə̄ ré a̰ȳ anī, ndi kə kumneé.

PĀ GƏ̄ 115:1

Kɔsə gɔn i yājí alé, Kɔ́ɔ̄ɓē, kɔsə gɔn i yājí alé, ba i yāí ḭ̄ tām̄ kem majə yāí tə́ ō najə̄ kə́ rɔ̄kum yāí tə́ ō.

2 PIYER 3:18

Banī āwī kum kə̄ kété kété tū kem majə yā Nə́ɓā tə́ ō, tū ger̄ Jeju Kərist ń i Kɔ́ɔ̄ɓē yājí ō nge kajəjí ō ní tə́ ō. Kɔsə gɔn i yān ngɔr ń toō tə́ ō, bátə́ kə̄ no tə́ ō! Adə̄ i tītə̄ ń noō.

2 TIMOTE 4:18

Kɔ́ɔ̄ɓē a ɔrə̄m̄ kɔ̄ɔ́ kum yá̰a̰ malang kə́ majaĺ tə́ ō. Ni a ajəm̄ tām̄ yā Ɓē ko̰o̰ yān kə́ dɔ rā̰ tə́ ō. Kɔsə gɔn i yān kə dɔ ɓāl̄ gə̄ ɓāl̄ gə̄! Adə̄ i tītə̄ ń noō!

Gōsə̄ najə̄ gə̄ 16:4

Kɔ́ɔ̄ɓē rāā yá̰a̰ malang i kə kumneé, de kə́ nge kem ndul gə̄gē ni-rāān i tām̄ yā ndɔ̄ yá̰á̰ kə́ to kum kaȳ aĺ tə́.

PĀ GƏ̄ 33:6

Kɔ́ɔ̄ɓē rāā dɔ rā̰ i kə najə̄ kə́ tan tə́ ō, rāā tə́yō̰ gə̄ malang i kə koō kə́ tan tə́ ō.

1 KORḚNTƏ 11:12

Tɔdɔ̄ tītə̄ ń Nə́ɓā teē kə dəyá̰ i rɔ̄ dəngam tə́ ní, i dəyá̰ n ojə dəngam ní ō, ba yá̰a̰ malang ḭḭ i rɔ̄ Nə́ɓā tə́.

1 PIYER 5:11

Tɔ́gə i yān ni kə dɔ ɓāl̄ gə̄ ɓāl̄ gə̄! Adə̄ i tītə̄ ń noō!

PILIPƏ 4:20

Kɔsə gɔn i yā Nə́ɓā ń i Bɔbə̄jí ní ngándáńg. Adə̄ i tītə̄ ń noō.

EPEJƏ 3:21

Adə̄ kɔsə gɔn i yān dan ngé kán̄ naā gə̄ tə́, kə ta kūl̄ Kərist Jeju kə dɔ ɓāl̄ gə̄ malang. Adə̄ i tītə̄ ń noō!

GALATƏ 1:5

Kɔsə gɔn i tām̄ yān tə́ kə dɔ ɓāl̄ gə̄! Adə̄ i tītə̄ ń noō!

JEJU TEĒ KUM JA̰A̰ 19:1

Gō tə́ anī m-ōō kōō yá̰á̰ kə́ ɓār̄ tītə̄ ndū kósə de kə́ ngá̰ý gə̄ beé dɔ rā̰ tə́, əda na: Aleluya! Kajə ō, kɔsə gɔn ō, tɔ́gə ō, i yā Nə́ɓā yājí.

JEJU TEĒ KUM JA̰A̰ 7:10

Nin̄-əgan̄ kɔŕ ngá̰ý ədan̄ na: Kajə deē i yá̰a̰ yā Nə́ɓā yājí ń ndi dɔ kōr̄ kāgə̄ mbang tə́ ní ō, i yā Ngōn̄ batə̄ ō.

1 PIYER 4:11

Ré deē kógə̄ḿ a ɔr̄ najə̄ anī, majə kadə̄ i yá̰a̰ gə̄ ń Nə́ɓā əda ní n ni-əda de gə̄ ní. Ré deē kógə̄ḿ a rāā kə de gēé anī, majə kadə̄ i kə tɔ́gə́ ń Nə́ɓā adə̄n ní. Yā kadə̄ tū yá̰a̰ gə̄ tə́ malang ɓáa kɔsə gɔn i yā Nə́ɓā kə ta kūl̄ Jeju Kərist, ni ń kɔsə gɔn ō, ndi dɔ de gə̄ tə́ ō, i yān kə dɔ ɓāl̄ gə̄ ɓāl̄ gə̄ ní. Adə̄ i tītə̄ ń noō!

HEBƏRO 13:21

Kadə̄ əndān̄sí kə gōó tām̄ yá̰á̰ kə́ majə gə̄ tə́ malang, yā kadə̄ ī-rāāī gō kem ndigə yān. Kadə̄ ni-rāā yá̰á̰ kə́ əsō kumən kemjí tə́ kə ta kūl̄ Jeju Kərist ń kɔsə gɔn i tām̄ yān tə́ ngándáńg ngándáńg ní. Adə̄ i tītə̄ ń noō!

Najə̄ kə́ Majə yā Jeju ń Luk ndang ní 19:38

ba ədan̄ na: Tɔ́r̄ ta i dɔ nge ń reē tə́ ní, dɔ mban̄g ń reē kə rī Kɔ́ɔ̄ɓēé tə́ ní. Kem sɔl̄ lɔm i dɔ rā̰ tə́ ō, kɔsə gɔn i yā Nə́ɓā dɔɔ́ nú ō.

DANIEL 4:34

Adə̄ ngɔlaā ní mā Nabukodonosor m̄-tɔ̄ȳ Mban̄g kə́ dɔ rā̰ tə́ ō, m̄-rāān adə̄ rɔ̄n nelə̄n ō, m-ɔ́sə gɔnən ō. Tɔdɔ̄ kəla rāān malang i kə́ rɔ̄kum ō, gō róbə yān gə̄ i gō róbə́ kə́ gōtə́ gə̄ ō, ngé kɔjə rɔ̄də́ gə̄ ní ni asə tél sedə́ kə̄ nang tə́ ō.

IJAI 42:12

Ādə̄ gír de gə̄ ń ndin̄ sa̰y ní ɔsən̄ gɔn Kɔ́ɔ̄ɓē, ādə̄ unən̄ ndūdə́ kə̄ dɔɔ́ ənīn̄neé pā tɔ̄ȳ Kɔ́ɔ̄ɓē!

1 TIMOTE 6:16

I ni ngóy n i de kə́ a oy alé ní. Ni-ndi i dan loo kə́ unjə̄ kow tə́, kə́ de kə́ asə kaw̄ rɔ̄ tə́ gətóo. Kɔsə gɔn i yān ō, tɔ́gə́ kə́ to ngándáńg i yān ō. Adə̄ i tītə̄ ń noō.

Najə̄ kə́ Majə yā Jeju ń Luk ndang ní 2:14

Ɔsən̄ gɔn Nə́ɓā dɔ rā̰ tə́ dɔɔ́ ō, de gə̄ ń ni-táŕdə́ ní sɔlə̄n̄ kemdə́ dɔ nang tə́ ō.

MATIYE 6:13

Ī-lōō kaw̄ sejí ta yá̰a̰ nāā gə̄ tə́, ba ɔ̄r̄jí kɔ̄ɔ́ jī nge nāājí tə́. Tɔdɔ̄ ko̰o̰ ɓē ō, tɔ́gə ō, kɔsə gɔn ō i yá̰a̰ yāí gə̄ kə́ njɔ́ḿ gə̄ tə́. Adə̄ i tītə̄ ń noō!

DANIEL 4:3

Adə̄ m-ə́da kadə̄ reēn̄ kə ngé kum kedə̄ gə̄ malang kə́ Babilon rɔ̄ḿ tə́ kadə̄ ɔjəmə̄n̄ kum nī ní.

JEJU TEĒ KUM JA̰A̰ 7:12

ədan̄ na: Adə̄ i tītə̄ ń noō! Tɔ̄ȳ ō, kɔsə gɔn ō, kum kedə̄ ō, ndadə̄ ō, rɔȳ ō, tɔ́gə ō, ngan̄g ō, i yá̰a̰ yā Nə́ɓā yājí, kə dɔ ɓāl̄ gə̄ ɓāl̄ gə̄! Adə̄ i tītə̄ ń noō!