Makətūbə̄ ń Pol ndang adə̄ Rom gə̄ ní 11:33 - Bibəl ta Sar̄

³³ Yá̰a̰ kənge yā Nə́ɓā ō, kum kedə̄ yān ō, yá̰a̰ ger̄ yān ō, i yá̰á̰ kə́ to ɓōĺ ngá̰ý, adə̄ deē a asə ka̰a̰ ta tɔ̄l̄ tan alé. De kə́ asə ndō̰ gíŕ yá̰a̰ rāān ní gətóo. De kə́ asə ger̄ gō róbə yān gə̄ gətóo ō.

Bible sar

³³ Yá̰a̰ kənge yā Nə́ɓā ō, kum kedə̄ yān ō, yá̰a̰ ger̄ yān ō, i yá̰á̰ kə́ to ɓōĺ ngá̰ý, adə̄ deē a asə ka̰a̰ ta tɔ̄l̄ tan alé. De kə́ asə ndō̰ gíŕ yá̰a̰ rāān ní gətóo. De kə́ asə ger̄ gō róbə yān gə̄ gətóo ō.

Makətūbə̄ ń Pol ndang adə̄ Rom gə̄ ní 11:33 Referans Kwoze

Makətūbə̄ yā Job 5:9

Nge rāā yá̰á̰ kə́ bo gə̄ kə́ deē asə ger̄ kum aĺ gə̄, ni ń deē asə tə́da kutə yá̰á̰ kə́ to kɔr kum gə̄ ń ni-rāā ní malang aĺ ní.

PĀ GƏ̄ 92:5

Tɔdɔ̄ Kɔ́ɔ̄ɓē, yá̰a̰ rāāí adə̄m̄ rɔ̄nel̄ ō, ré m̄-rā ta kəla gə̄ ń ī-rāādə́ kə jīí tə́ ní ɓáa, m-úr i kɔĺ rɔ̄nel̄ ō.

Makətūbə̄ ń Pol ndang adə̄ Rom gə̄ ní 2:4

Aké ī-kídə̄ i Nə́ɓā ń a rāā kem majə ngá̰ý ō, a tə́gā tan dɔ yá̰a̰ gə̄ tə́ ō, a əre wurən njam dɔ tə́ ō ní ḿ? Ī-ger̄ kadə̄ kem majə ń Nə́ɓā a rāā ní i kadə̄ ī-tūrəń hálí aĺ a?

Makətūbə̄ yā Job 37:23

Ni i Nə́ɓā kə́ tógən i ngá̰ý, j-asiī kugə̄ rɔ̄n tə́ alé. Ni i kə́ bo kə ta kūl̄ tɔ́gən ō, kə ta kūl̄ hálən kə́ gōtə́ ō. Deē ń hálən kə́ gōtə́ i ngá̰ý ní, ni-rāā kumən ndoō tə́ alé.

EPEJƏ 3:10

I yā kadə̄ ngé ko̰o̰ ɓē gə̄ ō, kɔ́ɔ̄ yá̰a̰ gə̄ ō ń ndin̄ dɔ rā̰ tə́ ní, gerə̄n̄neé kum kedə̄ kə́ tayā tayā gə̄ yā Nə́ɓā ngɔlaā kə ta kūl̄ ngé kán̄ naā gēé.

KOHELET 3:11

Nə́ɓā ɔjə kum mbang ń kadə̄ yá̰a̰ gə̄ a rāān̄neé yá̰á̰ ní kógə̄ḿ kógə̄ḿ kə gō naá. Ni-əndā ɓō ger̄ gír yá̰á̰ kə́ mān̄ kɔ̄ɔ́ ō, kə́ a reē ɓáý ō kem de gə̄ tə́. Banī j-asiī ger̄ kum kəla rāā Nə́ɓā kə ta njaá malang alé.

PĀ GƏ̄ 36:6

Kɔ́ɔ̄ɓē, kem majə yāí asə naā kə dɔ rā̰á̰ ō, ra dɔ ndūí tə́ yāí aw̄ bátə́ ənge kil̄ man̄ gə̄ dɔɔ́ ō.

EPEJƏ 1:7

Ngōnən gān̄g dɔjí kə mósəneé ō, j-əngeī mā̰ȳ rɔ̄ i kə ta kūl̄neé ō.

KOLOSƏ 1:27

Tɔdɔ̄ Nə́ɓā gḛy kɔjədə́ najə̄ yā yá̰á̰ kə́ to kɔsə gɔn kə́ to loo mundə̄ tə́ ń ni-rāā kə ta kūl̄ Kərist tām̄ yājí tə́ ní, kadə̄ gerə̄n̄. Dan de gə̄ ń nin̄ i Jipə aĺ gə̄ tə́ ní, yá̰á̰ kə́ to loo mundə̄ tə́ ngeé ń toō i Kərist. J-əndāī kemjí dɔ kɔsə gɔn yā Nə́ɓā tə́ i kə ta kūl̄neé.

Makətūbə̄ ń Pol ndang adə̄ Rom gə̄ ní 9:23

Nə́ɓā gḛy i kɔjə kɔsə gɔn yān kə́ to ɓōĺ ngá̰ý tām̄ yājí jḭḭ̄ ń kumən o̰o̰n sejí ō, jḭḭ̄ ń nəkɔ́ əndājí dɔ jīn kadə̄ j-udiī kem kɔsə gɔn yān tə́ ní ō.

PĀ GƏ̄ 97:2

Loo kə́ ndul ndí ndḭ́ ō kil̄ man̄ ō gīrə̄n̄ gidən, yá̰a̰ rāā kə́ gōtə́ ō kə́ súmūú ō i bir̄ nja kōr̄ kāgə̄ mbang yān gə̄.

PĀ GƏ̄ 77:19

Dan ń man̄ yāí ndang á kōōn ɓār̄ ní anī, man̄ gə̄ ń telə̄n̄ ní, rāān̄ adə̄ loo unjə̄ dɔ nang tə́. Dɔ nang ndebə ō, ndām̄ ngin ngin ō.

Makətūbə̄ yā Job 26:14

Kəla rāān gə̄ ní ré i núsən kə́ sḛ́ý beē ngóy n noó, i kōōn kə́ sḛ́ý beē ngóy n j-ōōī noó anī, kəla rāān kə́ bo gə̄ ń kōōdə́ ɓār̄ tītə̄ ndán̄g man̄ beé ní, i náā n a ger̄ kum ní?

EPEJƏ 2:7

Kem majə kə́ ngá̰ý ń ni-rāā sejí kə ta kūl̄ Jeju Kərist ní, ni sāań i kɔjə kadə̄ kem ɓāl̄ gə̄ ń a reēn̄ tə́ ní, nge kə́ tītə̄ yān gətóo.

PĀ GƏ̄ 40:5

Rɔ̄nel̄ i kə deē ń ənī kemən adə̄ Kɔ́ɔ̄ɓē, ba tūr̄ gidən adə̄ ngé kɔjə rɔ̄ gə̄ ō, ngé sor̄ gə̄ ō ní.

Makətūbə̄ yā Job 9:10

Ni-rāā yá̰á̰ kə́ bo gə̄ kə́ deē asə ger̄ aĺ gə̄. Yá̰á̰ kə́ majə kə́ to kɔr kum gə̄ ń ni-rāā ní, deē asə tə́da kutədə́ alé.

EPEJƏ 3:16

Ādə̄ ni ń kɔsə gɔn yān al̄ naā páráńg ní, adə̄sí tɔ́gə kə ta kūl̄ Ndílneé.

EPEJƏ 3:8

Mā i kə́ dūú ngá̰ý dan de gə̄ malang yā Nə́ɓā tə́, ɓá tā ba kɔjə de kə́ nin̄ i Jipə aĺ gə̄ najə̄ kə́ dɔ yá̰á̰ kə́ majə gə̄ yā Kərist tə́ kə́ dum̄ deē ger̄ gír tə́ ní, i mā n Nə́ɓā adə̄m̄ rāań kem majə seḿ ní.

Gōsə̄ najə̄ gə̄ 25:3

Loo ń dɔ rā̰ ḭḭ kum kə̄ dɔɔ́ bátə́ ugə̄ tū tə́ ō, dɔ nang lú bátə́ ugə̄ tū tə́ ō ní, jə-gerī alé. Jə-gerī gír̄ kə́ kem mban̄g gə̄ tə́ aĺ ō.

EPEJƏ 3:18

Loo ń noō tə́ ā ī-gerī yá̰á̰ ń ni-gḛy rāā tām̄ yāsí tə́ ní, naā tə́ kə ngé gə̄ malang yā Nə́ɓā. Ā ī-gerī ngālə̄n ō, laan ō, ngālə̄n kə́ kə̄ dɔɔ́ ō, ɗúun ō.

Makətūbə̄ yā Job 37:19

Yá̰á̰ ń j-asə kəda Nə́ɓā ní, ī-ndóōm̄ ādə̄ m̄-ger̄! Najə̄ kə́ əhɔ naā majə kə́ kadə̄ j-ɔr̄ seneé gətóo! Tɔdɔ̄ jə-ndi i kum loo kə́ risə til nding tə́.

Makətūbə̄ yā Job 33:13

Ni ń i nge kɔjə gíŕ yá̰a̰ rāān gə̄ aĺ ní, ī-rāā sarya seneé i tām̄ rí tə́?

Makətūbə̄ yā Job 15:8

Koō naā yā Nə́ɓā ní ḭ̄ i kum tə́, adə̄ ɔ́y kum kedə̄ kə́ tū tə́ tām̄ yāí īkɔ́ tə́ ngóý a?

PĀ GƏ̄ 139:6

I yá̰a̰ ger̄ kə́ to loo mundə̄ tə́ kə́ tɔȳ dɔḿ, i dɔɔ́ sa̰y ngá̰ý adə̄ m-ásə kugə̄ gō tə́ alé!

PĀ GƏ̄ 145:3

Kɔ́ɔ̄ɓē i de kə́ bo, i náā n asə ger̄ gír. Ɓōkə́nən̄ tɔ̄ȳ asə kə̄ ta tə́ ta ngóy boon̄ gətóo.

Gōsə̄ najə̄ gə̄ 25:2

Jə-rɔyī Nə́ɓā i tām̄ ni ɓɔ̄ɔ̄ dɔ yá̰á̰ kə́rēý gə̄ kɔ̄ɔ́ ō, jə-rɔyī mban̄g gə̄ i tām̄ nin̄ əndān̄ ma̰ȳ yá̰a̰ gə̄ pá tá rāān̄ ō.

KOHELET 7:24

Yá̰á̰ ń to kɔ̄ɔ́ ɓá ní i yá̰á̰ kə́ sa̰y ō, i yá̰á̰ kə́ lú ngá̰ý ō. I náā n a teē dɔ tə́ ní?

KOHELET 8:17

i loo ń noō tə́ n m-á̰a̰ kəla malang ń Nə́ɓā rāā ní. Kum deē ndul asə teē dɔ kəla ń a ra dɔ nang tə́ ní alé. Deē sāā ɓá tā ba teē dɔ tə́ alé. Ká ré nge kum kedə̄ ədań na n-ger̄ gə̄gē anī, ni a asə teē dɔ tə́ alé.

IJAI 28:29

Kɔ́ɔ̄ɓē kə́ bo kə́ tɔ́gən i ngá̰ý ní, loo rāā kəla kə́ tītə̄ ń noō ḭḭ i rɔ̄n tə́ ō. Ni i nge kadə̄ kɔjə̄ kə́ majə ngá̰ý. Ni ger̄ rāā yá̰á̰ ngá̰ý.

IJAI 40:28

Tá Kɔ́ɔ̄ɓē i Nə́ɓā, əla gír i jóó ngá̰ý ō, i mbóńg kə̄ non tə́ ō. Ədan̄ nge ń noō adə̄ sḭḭ̄ ōōī aĺ a? Ni-rāā dɔ nang malang kə taá. Tɔ́gən gətóo nja kógə̄ḿ alé, kɔr rāān nja kógə̄ḿ alé. De kə́ asə ger̄ rúu ter kə́ kemən tə́ gətóo.

1 KORḚNTƏ 2:10

Tá i jḭḭ̄ n Nə́ɓā teē kumjí dɔ tə́ kə ta kūl̄ Ndíĺ kə́ Táĺ ní. Tɔdɔ̄ Ndíĺ asə kəndā ma̰ȳ yá̰a̰ malang, ká i yá̰á̰ kə́ Nə́ɓā núm̄ kə́ to loo mundə̄ tə́ ɓáý gə̄gē, ni-asə kəndā ma̰ȳ.

ESTER 2:22

Banī Mardose ger̄ gō adə̄ əda Ester nə̄yá̰ mban̄g. Ester tél kə najə̄ ní əda mban̄g kə rī Mardose.

Makətūbə̄ yā Job 10:13

Tá āw̄ kə yá̰á̰ kógə̄ḿ kə́ ī-mundə̄m̄ kemií tə́ noō. Banī yá̰á̰ ń ī-gír̄ kemií tə́ ní, m̄-ger̄.

Makətūbə̄ yā Job 23:14

Ni a rāā i yá̰á̰ ń əndān̄ dɔḿ tə́ á i kə́ ndang ní, tītə̄ ń a rāań ngé kə́ rang gə̄ ń na̰yn̄ ngá̰ý ɓáý ní ō.