Makətūbə̄ ń Pol ndang adə̄ Rom gə̄ ní 11:28 - Bibəl ta Sar̄

²⁸ Tām̄ Najə̄ kə́ Majə yā Nə́ɓā ń Jipə gə̄ mbātə́n̄ ní, nin̄ i madə̄ ba̰ā̰ Nə́ɓā gə̄. I nge ń noō n majə sesí ní. Ba tām̄ gə̄rā ń Nə́ɓā gə̄rādə́ tə́ ní, nin̄ i kó tár yān gə̄. Ba nge ń noō sɔɔ̄ń i kaasí gə̄.

Bible sar

²⁸ Tām̄ Najə̄ kə́ Majə yā Nə́ɓā ń *Jipə gə̄ mbātə́n̄ ní, nin̄ i madə̄ ba̰ā̰ Nə́ɓā gə̄. I nge ń noō n majə sesí ní. Ba tām̄ gə̄rā ń Nə́ɓā gə̄rādə́ tə́ ní, nin̄ i kó tár yān gə̄. Ba nge ń noō sɔɔ̄ń i kaasí gə̄.

Makətūbə̄ ń Pol ndang adə̄ Rom gə̄ ní 11:28 Referans Kwoze

NDŪ NAJƏ̄ 10:15

Ɓá tā ba i kaasí gə̄ ngóy n Kɔ́ɔ̄ɓē əhɔ gōdə́ táŕdə́ kété ní. Tá i sḭḭ̄ ngán kaadə́ gə̄ n ni gə̄rāsí dan gír de gə̄ tə́ tītə̄ ń á̰a̰īń ɓōólaā ní.

Makətūbə̄ ń Pol ndang adə̄ Rom gə̄ ní 11:7

Kə j-ədaī na i rí? Yá̰á̰ ń ngán Israel gə̄ a sāān̄ ní əngen̄ alé, ba ngé gə̄ ń gə̄rān̄də́ ní əngen̄. Gotə gə̄ rāān̄də́ kadə̄ kemdə́ ngan̄g ngóróró,

Makətūbə̄ ń Pol ndang adə̄ Rom gə̄ ní 9:5

I nin̄ ɓáý to̰ n i ngán kaa ngé taā kem kə́ jóo gə̄ ní. Kə́ ta yā deē ndul gə̄ tə́ ɓáa Kərist i deē yādə́. Ni i dɔ yá̰a̰ gə̄ tə́ malang ō, i Nə́ɓā kə́ de gə̄ a tɔ̄ȳnən̄ ngándáńg ō. Adə̄ i tītə̄ ń noō.

MATIYE 21:43

Ní, ādə̄ m-ə́dásí, a taān̄ Ɓē ko̰o̰ yā Nə́ɓā jīsí tə́ yā kadə̄ nápar de gə̄ kə́ a rāān̄ kadə̄ kanə̄n teē.

Makətūbə̄ ń Pol ndang adə̄ Rom gə̄ ní 11:11

m̄-dəjesí ɓáý to̰: Kəsō ń ngán Israel gə̄ əsōn̄ ní, i kə́ njɔ́ḿ gə̄ tə́ a? Sḛ́ý aĺ bátə́! Banī i kə ta kūl̄ kəsō ń əsōn̄ ní n, de gə̄ ń i Jipə aĺ gə̄ ní əngenə̄ń kajə, yā kadə̄ Jipə gə̄ tél əndānńdə́ nii dɔ tə́ ní.

MISE 7:20

De gə̄ kə́ kem kojə yā Jakob tə́ ní, ā ɔ́jə́də́ kadə̄ ḭ̄ i de kə́ nge ra dɔ ndūí tə́ ō, de gə̄ kə́ kem kojə yā Abəraham tə́ ní, ā ɔ́jə́də́ kadə̄ ḭ̄ i de kə́ nge əhɔ madə̄ naā ō, tītə̄ ń ī-túbə ə̄niń ndūí ādə̄ kaají gə̄ kété ní.

JEREMI 31:3

Kɔ́ɔ̄ɓē ndɔ̄bə̄m̄ sa̰y adə̄ m-á̰a̰n, ni ədam̄ na: m̄-táriī i kə táŕ kə́ a to ngándáńg. m̄-ndɔ́rī kə̄ rɔ̄ḿ tə́ i tām̄ ra kə́ m̄-rā dɔ ndūḿ tə́.

NDŪ NAJƏ̄ 9:5

I tām̄ kəla rāāsí kə́ gōtə́ tə́, aké ngarā̰ kemsí kə́ súmūú tə́ n ā ī-taāīneé dɔ nang yādə́ ní alé. Kɔ́ɔ̄ɓē a tə̄ɓā nápar de gə̄ ń noō kɔ̄ɔ́ nosí tə́ i tām̄ háĺdə́ kə́ majaĺ tə́ ō, i tām̄ míndən ń ənī adə̄ kaasí gə̄ Abəraham ō, Isaak ō, Jakob ō ní tə́.

NDŪ NAJƏ̄ 8:18

Ādə̄ əga kemsí na i Kɔ́ɔ̄ɓē Nə́ɓā yāsí n i nge kadə̄sí tɔ́gə kadə̄ ə́ngeīneé yá̰a̰ gə̄ ń noō ní. Rāā beé i yā kɔjəń na ɓōólaā gə̄gē ní ni-əhɔ ta madə̄ naā ń ni-əhɔ kə kaasí gēé ní ɓáý.

NDŪ NAJƏ̄ 4:31

Tɔdɔ̄ Kɔ́ɔ̄ɓē Nə́ɓā yāsí i Nə́ɓā kə́ kumən a o̰o̰n, adə̄ ni a əya̰sí kɔ̄ɔ́ aĺ ō, a nujə sesí kɔ̄ɔ́ malang aĺ ō. Madə̄ naā ń ənī míndən rāań kə kaasí gēé ní dɔn a ndígə̄nal aĺ ō.

Makətūbə̄ ń Pol ndang adə̄ Rom gə̄ ní 11:30

Kété ní sḭḭ̄ ī-mbātíī koō najə̄ yā Nə́ɓā, ba ngɔlaā i mbātə́ ń nin̄-mbātə́n̄ koō ta Nə́ɓā ní n rāā adə̄ kum Nə́ɓā o̰o̰nneé sesí sḭḭ̄ ní.

Makətūbə̄ ń Pol ndang adə̄ Rom gə̄ ní 5:10

Dan ń jḭḭ̄ i madə̄ ba̰ā̰ Nə́ɓā gə̄ ɓáý ní, Nə́ɓā rāā adə̄ yo Ngōn̄ kemən əndājí naā tə́ seneé. Dan ń ngɔlaā á əndājí naā tə́ seneé toō ní, loo kadə̄ ajəjí kə ta kūl̄ Ngōnən kə́ ndi kə kumneé aĺ ní i ba̰ý?

KƏLA RĀĀ 18:6

Banī Jipə gə̄ mbātə́n̄ najə̄ yān ō, tájə̄nən̄ ō. Loo ń noō tə́ Pol yéȳ kūbə̄ yān yakə yakə ba ədadə́ na: Ādə̄ mósə́sí tél əsō dɔsí sḭḭ̄ kɔ́ gə̄ tə́! Najə̄n i dɔḿ tə́ alé. Əla gír ngɔr ń toō tə́ ní m-ā m-āw̄ kə̄ rɔ̄ ngé gə̄ ń nin̄ i Jipə aĺ gə̄ ní tə́.

KƏLA RĀĀ 14:2

Banī Jipə gə̄ ń taān̄ kem aĺ ní, sə̄lān̄ de gə̄ ń i Jipə aĺ gə̄ ní adə̄ gírə̄n̄ yá̰á̰ kə́ majaĺ kə ngákó̰ó̰jí gēé.

Najə̄ kə́ Majə yā Jeju ń Luk ndang ní 1:54

Ni-ənī míndən yā rāā kem majə kə kaají gēé, yā rāā kem majə ngándáńg kə Abəraham ō, ngánən gə̄ ō, ngán kaan gə̄ ō. Əga kemən dɔ kem majə yān ní tə́, adə̄ ni-rāā kə ngán Israel gə̄ ń i ngé kəla yān gə̄ ní.

TA KƏLA 28:14

Kutə ngání gə̄ ō, ngán kaaí gə̄ ō, a to tītə̄ bumbə́rú kə́ dɔ nang tə́. Ā ɔ̄rī kem loo yāsí kə̄ gogə́ kum kə̄ no ɓē tə́ ō, dūn̄ ɓē tə́ ō, mbɔ́r ɓē kə́ ko̰ó̰ tə́ ō, kə́ geleé tə́ ō. M-ā m̄-rāā majə kə gír kojə kə́ dɔ nang tə́ gə̄ malang sɔɔ̄iń ḭ̄ ō, ngání gə̄ ō, ngán kaaí gə̄ ō.

TA KƏLA 26:4

M-ā m̄-rāā kadə̄ ngání gə̄ ō, ngán kaaí gə̄ ō, a bəlan̄ tītə̄ tə́yō̰ gə̄ kə́ dɔ rā̰ tə́ ō, m-ā m-ādə̄də́ dɔ nang ń toō malang ō. M-ā m̄-rāā majə kə nápar de kə́ dɔ nang tə́ gə̄ malang sɔɔ̄ńdə́ nin̄,