Makətūbə̄ ń Pol ndang adə̄ Rom gə̄ ní 11:26 - Bibəl ta Sar̄

²⁶ Loo ń noō tə́ ngán Israel gə̄ malang a ajən̄. Tītə̄ ń makətūbə̄ yā Nə́ɓā ədań ní, ndangən̄ na: Nge gān̄g dɔ de gə̄ a teē i kem ɓē kə́ Siyo̰ tə́. Ni a ɔr̄ háĺ ngán Jakob gə̄ ń i hál rāā yá̰a̰ kə gō ń Nə́ɓā ndigə alé ní kɔ̄ɔ́.

Bible sar

²⁶ Loo ń noō tə́ ngán Israel gə̄ malang a ajən̄. Tītə̄ ń makətūbə̄ yā Nə́ɓā ədań ní, ndangən̄ na: Nge gān̄g dɔ de gə̄ a teē i kem ɓē kə́ *Siyo̰ tə́. Ni a ɔr̄ háĺ ngán Jakob gə̄ ń i hál rāā yá̰a̰ kə gō ń Nə́ɓā ndigə alé ní kɔ̄ɔ́.

Makətūbə̄ ń Pol ndang adə̄ Rom gə̄ ní 11:26 Referans Kwoze

IJAI 59:20

Nge gān̄g dɔ de gə̄ kógə̄ḿ a reē Siyo̰ tām̄ yā ngé gə̄ ń tūrə̄n̄ gidədə́ kɔ̄ɔ́ ta yá̰á̰ kə́ gōtə́ aĺ yādə́ gə̄ tə́ dan ngán Jakob gə̄ tə́ ní. Najə̄ ń Kɔ́ɔ̄ɓē əda ní n noó.

PĀ GƏ̄ 14:7

I náā n ndi Siyo̰ nú yā tetəń rɔ̄ɔ̄ kadə̄ Israel ní? Dan ń Kɔ́ɔ̄ɓē a tél kə ngé gə̄ ń rɔ̄ gān̄gdə́ ní yā reē sedə́ dan gír deē yān gə̄ tə́ anī, Jakob a rāā walya, Israel a ndi i kə rɔ̄nelēé.

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

KƏLA RĀĀ 3:26

Adə̄ Nə́ɓā teē kə nge kəla yānneé i tām̄ yāsí sḭḭ̄ tə́ ta kəga dɔ. Ni əlan i yā kadə̄ rāā majə sesí ō, tūr̄sí kógə̄ḿ kógə̄ḿ kɔ̄ɔ́ ta yá̰a̰ rāāsí kə́ majaĺ gə̄ tə́ ō.

IJAI 45:17

Banī Kɔ́ɔ̄ɓē ajə gír de gə̄ yā Israel, ni ajədə́ i kə́ njɔ́ḿ gə̄ tə́. A nujən̄də́ to̰ aĺ ō, a əlan̄ rɔ̄sɔl̄ dɔdə́ tə́ to̰ aĺ ō.

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

MATIYE 1:21

Ni a ojə ngōn̄ kə́ dəngam, ba ḭ̄ ā ə̄ndā rīn na i Jeju, tɔdɔ̄ i ni n a ajə gír deē yān gə̄ kum majaĺ yādə́ gə̄ tə́ ní.

PĀ GƏ̄ 106:47

Kɔ́ɔ̄ɓē Nə́ɓā yājí, ájə́jí, ɔ́sə njají kə̄ naā tə́ dan nápar de kə́ rang gə̄ tə́. Loo ń noō tə́ j-a jə-tɔ̄yī anī, j-a j-əda rīí kə́ táĺ, j-a j-a̰a̰ yá̰a̰ ta kum naā tə́ tām̄ kɔsə kə́ j-ɔsə gɔnií tə́.

EJEKIEL 39:25

I beé ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Əla gír ngɔlaā ní, kumḿ a o̰o̰m̄ tām̄ yā Israel gə̄ tə́, kumḿ a o̰o̰m̄ tām̄ yā ngé gə̄ ń Jakob ojədə́ ní tə́. M-ā m̄-tél kə dəngáy yādə́ gēé yā reē sedə́ gogə́ ō, m-ā m̄-rā kə de gə̄ malang ta ɓōĺ gidə rīḿ kə́ táĺ ō.

JEREMI 31:1

Kem ndɔ̄ gə̄ ń noō tə́ ní, m-ā m̄ tél Nə́ɓā yā gír kojə gə̄ malang kə́ Israel tə́ ō, nin̄ a télən̄ gír deē yāḿ gə̄ ō. Najə̄ ń Kɔ́ɔ̄ɓē əda ní n noó.