Makətūbə̄ ń Pol ndang adə̄ Rom gə̄ ní 11:24 - Bibəl ta Sar̄

²⁴ Ḭ̄ ń i Jipə aĺ ní, ī-rāā rɔ̄í i ta jī kāgə̄ olibə kə́ bembeé tə́. Gāngə̄n̄ ta jī kāgə̄ olibə kə́ bembeé ní, ba do̰ō̰n̄ tū gír gisə kāgə̄ olibə kə́ ɓēé tə́, adə̄ i kə gō jī loo rāā ń a rāān̄nəń kété gə̄ ní alé. Ba Jipə gə̄ nin̄ i ta jī kāgə̄ olibə kə́ kəhɔ ɓēé, adə̄ tél kəhɔdə́ gogə́ ta gūrūdə́ tə́ i yá̰á̰ kə́ tōr̄ alé.

Bible sar

²⁴ Ḭ̄ ń i Jipə aĺ ní, ī-rāā rɔ̄í i ta jī *kāgə̄ olibə kə́ bembeé tə́. Gāngə̄n̄ ta jī kāgə̄ olibə kə́ bembeé ní, ba do̰ō̰n̄ tū gír gisə kāgə̄ olibə kə́ ɓēé tə́, adə̄ i kə gō jī loo rāā ń a rāān̄nəń kété gə̄ ní alé. Ba *Jipə gə̄ nin̄ i ta jī kāgə̄ olibə kə́ kəhɔ ɓēé, adə̄ tél kəhɔdə́ gogə́ ta gūrūdə́ tə́ i yá̰á̰ kə́ tōr̄ alé.

Makətūbə̄ ń Pol ndang adə̄ Rom gə̄ ní 11:24 Referans Kwoze

Makətūbə̄ ń Pol ndang adə̄ Rom gə̄ ní 11:30

Kété ní sḭḭ̄ ī-mbātíī koō najə̄ yā Nə́ɓā, ba ngɔlaā i mbātə́ ń nin̄-mbātə́n̄ koō ta Nə́ɓā ní n rāā adə̄ kum Nə́ɓā o̰o̰nneé sesí sḭḭ̄ ní.

Makətūbə̄ ń Pol ndang adə̄ Rom gə̄ ní 11:23

Ba nin̄ Jipə gə̄, ré əya̰n̄ gír taā kem aĺ yādə́ kɔ̄ɔ́ anī, a télən̄ yā sitə gogə́ ta gūrūdə́ tə́. Tɔdɔ̄ Nə́ɓā i kə tɔ́gə yā rāāńdə́ kadə̄ sitən̄ gogə́ karī.

Makətūbə̄ ń Pol ndang adə̄ Rom gə̄ ní 11:25

Ngákó̰ó̰ḿ gə̄, m̄-gḛy kadə̄ ī-gerī yá̰á̰ kə́ to loo mundə̄ tə́ kem Nə́ɓā tə́ ɓáý ń toō, na sōgə́ ī-gírī kemsí tə́ na sḭḭ̄ i ngé kum kedə̄ ngá̰ý gə̄. Yá̰á̰ ní n toó: Kem ngan̄g ń Nə́ɓā adə̄ kem ngán Israel kə́rēý gə̄ ngan̄g ngóróró ní, a to bátə́ kadə̄ ré de gə̄ malang ń i Jipə aĺ gə̄ ní ajən̄ pá tá.