Makətūbə̄ ń Pol ndang adə̄ Rom gə̄ ní 11:20 - Bibəl ta Sar̄

²⁰ I gō tə́, ɓá tā ba jéngə̄n̄də́ i najə̄ yā taā kem aĺ yādə́ tə́, ba ḭ̄, yá̰á̰ ń ra seí loo ń noō tə́ ní i taā kem yāí. Ní ɔ́jə rɔ̄í alé, ba ngá̰ý a ī-ɓōĺ i mbéé tá.

Bible sar

²⁰ I gō tə́, ɓá tā ba jéngə̄n̄də́ i najə̄ yā taā kem aĺ yādə́ tə́, ba ḭ̄, yá̰á̰ ń ra seí loo ń noō tə́ ní i taā kem yāí. Ní ɔ́jə rɔ̄í alé, ba ngá̰ý a ī-ɓōĺ i mbéé tá.

Makətūbə̄ ń Pol ndang adə̄ Rom gə̄ ní 11:20 Referans Kwoze

Makətūbə̄ ń Pol ndang adə̄ Rom gə̄ ní 12:16

Ādī kemsí i kógə̄ḿ kə naá. Ī-lōōī ka̰a̰ rɔ̄sí yá̰á̰ kə́ ngá̰ý tə́ ba rāā madə̄sí gə̄ yá̰a̰ aĺ tə́. Banī ī-rāāī kəla kə́ to kɔjə rɔ̄ aĺ gə̄. Ī-lōōī ka̰a̰ rɔ̄sí ngé kum kedə̄ gə̄ tə́.

2 KORḚNTƏ 1:24

Jə-sāā i ko̰o̰ ɓē dɔ taā kem yāsí tə́ alé, banī jə-rāā kəla i naā tə́ sesí tām̄ yā rɔ̄nel̄ yāsí tə́. Tɔdɔ̄ sḭḭ̄ ī-raī ngan̄g dɔ taā kem tə́.

1 KORḚNTƏ 10:12

I beé ní, deē ń gír̄ kadə̄ ni i de kə́ ra dɔɔ́ anī, ādə̄ a̰a̰ rɔ̄n majə na sōgə́ əsō.

1 PIYER 1:17

Nə́ɓā ń i nge gān̄g sarya dɔ de gə̄ tə́ malang, kə gō yá̰a̰ rāādə́ gēé kógə̄ḿ kógə̄ḿ ba i tām̄ ta kumdə́ tə́ aĺ ní, ré sḭḭ̄ ī-ɓār̄niī na i Bɔbə̄sí anī, ɔ́jiī kə̄ ndágá tū kəla rāāsí gə̄ tə́ kadə̄ ī-ɓōlíī ndílən, kə dɔ ndɔ̄ gə̄ malang ń ī-ndiīneé kə kumsí dɔ nang tə́ ní.

PILIPƏ 2:12

I beé ní kó tár yāḿ gə̄, dan ń mā i rɔ̄sí tə́ ní, sḭḭ̄ ōōī taḿ ngándáńg. Ba ngɔlaā ń m̄-gətóo rɔ̄sí tə́ toō ní, majə kadə̄ ōōī taḿ kadə̄ tɔȳ kə́ kété. Ī-rāāī kəla kə́ tām̄ yā kajə ń ajən̄sí tə́ ní kə ɓōló ō, kə rɔ̄ ndeweé ō.

HEBƏRO 3:12

Ngákó̰ó̰ḿ gə̄, ə̄ndāī kum kedə̄ dɔ rɔ̄sí tə́, tɔdɔ̄ majanī deē kógə̄ḿ dɔ dáńsí tə́ i nge kem majaĺ, adə̄ taā kem aĺ yān ɔrə̄n kɔ̄ɔ́ rɔ̄ Nə́ɓā kə́ ndi kə kumneé tə́.

1 TIMOTE 6:17

Ə́dá ngé kənge yá̰á̰ ngá̰ý kə́ dɔ nang tə́ laā gə̄ kadə̄ ɔjən̄ rɔ̄də́ alé. Ə́dádə́ ādə̄ əndān̄ kemdə́ dɔ yá̰a̰ kənge kə́ a mān̄ kɔ̄ɔ́ tə́ alé, banī kadə̄ əndān̄ kemdə́ dɔ Nə́ɓā ń i nge kadə̄jí yá̰a̰ malang ngá̰ý tə́ kadə̄ jə-gerī nelə̄n̄ ní tə́.

KOLOSƏ 2:7

Ə́laī ngərasí kemən tə́ ō, ī-raī ngan̄g dɔn tə́ ō, dɔ taā kem tə́ tītə̄ ń ndóōn̄neésí ní ō, ī-ndadī Nə́ɓā ngá̰ý ō.

Makətūbə̄ ń Pol ndang adə̄ Rom gə̄ ní 11:18

Loo ń noō tə́ ní, ḭ̄ i de kə́ kadə̄ ɔ́jə rɔ̄í dɔ ta jī kāgə̄ olibə gə̄ ń tə́gān̄də́ kɔ̄ɔ́ tə́ ní alé. Ā ɔ́jə rɔ̄í i ba̰ý? I ḭ̄ n i nge kətō ngə̄rā kāgə̄ olibə kə́ ɓēé ní alé, banī i ni n i nge kətōī ní.

2 KORḚNTƏ 10:5

yá̰a̰ gə̄ malang ń de gə̄ rāān̄ kə kɔjə rɔ̄ɔ́ yā kɔgə̄ń de gə̄ ger̄ Nə́ɓā ní ō. J-əhɔ j-a gír̄ kə́ kem de gə̄ tə́ malang ɓəlo tə́ kadə̄ oōn̄ ta Kərist.

HABAKUK 2:4

Ī-ndang najə̄ ń toō: Deē ń gír̄ kə́ kemən tə́ i kə́ majaĺ ní, tɔ́gən gətóo. Banī deē ń ra dɔ ndūn tə́ kə Nə́ɓāá ní, i nge rāā yá̰á̰ kə́ gōtə́. I tītə̄ ń noō n ni ndiń kə kumneé ní

IJAI 66:2

I mā n m̄-rāā yá̰a̰ gə̄ ń noō malang ní. Yá̰a̰ malang ń noō i yá̰a̰ yāḿ, i najə̄ ń Kɔ́ɔ̄ɓē əda ní n noó. Banī deē ń m-á̰a̰n kə kumḿ kə́ majaá ní, i de kə́ nge rɔ̄ to ndoō ń tɔ́gən ur̄ wak kɔ̄ɔ́ ní, i deē ń oō najə̄ yāḿ anī ɓōĺ gidə ngá̰ý ní.

Gōsə̄ najə̄ gə̄ 28:14

Rɔ̄nel̄ i kə deē ń ɓōĺ najə̄ kadə̄ na n-rāā yá̰á̰ kə́ majaĺ ní, banī deē ń rāā kem ngan̄g ní, a əsō kum yá̰á̰ kə́ to kum kaȳ aĺ tə́.

JEJU TEĒ KUM JA̰A̰ 18:7

Ī-rāāin̄ yá̰á̰ kə́ tōr̄ gə̄ ō, ī-rāāin̄ ādə̄ əhɔ ndoō ō, ādə̄ asə kə gō kɔr ń ni ɔr ta rɔ̄n ní ō, ādə̄ asə kə gō tə́ndā ń ni tə́ndā yá̰á̰ kə́ majə ngá̰ý yān gə̄ kə ta naá ní ō. Tɔdɔ̄ ni-əda kemən tə́ na n ndi na i kə́ mban̄g kə́ dəyá̰ tə́ ō, ngaan na oy aĺ ō, na n əhɔ ndoō aĺ i kə́ bátə́ gə̄ tə́ ō.

JEJU TEĒ KUM JA̰A̰ 3:17

Tām̄ ḭ̄ ə́da na ə́ngé yá̰á̰ ngá̰ý ō, na ī-kán̄ yá̰a̰ kənge kə̄ dɔ naā tə́ ō, ndoō yá̰á̰ kógə̄ḿ na rāāī aĺ ō, ba ī-ger̄ kadə̄ ḭ̄ i de kə́ rɔ̄í tō ndoō aĺ ō, kumií to ndoō aĺ ō, ī-ndoō aĺ ō, kumií a̰a̰ loo aĺ ō, rɔ̄í i karī aĺ ō ní,

1 PIYER 5:12

m̄-ndang makətūbə̄ kə́ sḛ́ý beē ń toō m-ādə̄sí i kə ta kūl̄ Silas ń m̄-rāān i ngōkó̰ó̰jí kə́ nge ra dɔ ndūn tə́ ní. m̄-sāā i kəla go̰ kemsí tə́ ō, m̄-sāā i kədasí na kem majə yā Nə́ɓā ń sḭḭ̄ ə́hɔī gō ní, i rajə kə́ rɔ̄kum, ba kə ī-raī dɔ tə́ kadə̄ ngan̄g ō.

1 PIYER 5:9

Ī-raī ngan̄g dɔ taā kem yāsí tə́ ō, ī-dumī tan ō. Tɔdɔ̄ ī-gerī kadə̄ ngákó̰ó̰sí kə́ dɔ nang tə́ gə̄ ndin̄ i kum tápə̄ kə́ kógə̄ḿ beē nəkɔ́ ń toō tə́ ō.

JAKƏ 4:6

Ba Nə́ɓā rāā yá̰á̰ kə́ bo ngá̰ý yā kɔjəńjí kem majə yān, adə̄ i tām̄ ń noō tə́ n i kə́ ndang na: Nə́ɓā ndi garara ta kum ngé kɔjə rɔ̄də́ gə̄ tə́, ba a rāā kem majə kə ngé gə̄ ń dɔdə́ sɔl̄ ní.

JAKƏ 2:19

Ré ī-taā kem kadə̄ Nə́ɓā i kal kógə̄ḿ beē anī, ī-rāā i yá̰á̰ kə́ majə, ba ndíĺ kə́ majaĺ gə̄ taān̄ kem ō, ɓōĺ rāādə́ adə̄ ndewn̄ yakə yakə ō.

HEBƏRO 4:11

I beé ní, adə̄ j-əhɔī rɔ̄jí ba j-udiī tū kɔr̄ koō ngeé ń toō tə́. Jə-rāāī adə̄ deē kógə̄ḿ danjí tə́ mbātə́ najə̄ tītə̄ yā kaají gə̄ alé, na sōgə́ deē ní nal̄ ta róbə́ kə́ yā kudəń tū kɔr̄ koō ní tə́.

HEBƏRO 4:6

Ngé gə̄ ń i nin̄ n oōn̄ Najə̄ kə́ Majə ń toō ta kəga dɔ ní, udən̄ tū kɔr̄ koō ngeé ń toō tə́ alé, i tɔdɔ̄ nin̄-taān̄ kem alé. Adə̄ ta róbə to tām̄ yā de kə́ rang gə̄ tə́ ɓáý kadə̄ nin̄-udən̄ tū tə́.

HEBƏRO 3:19

Ba j-a̰ā̰ī kadə̄ nin̄-asən̄ kugə̄ tū kɔr̄ koō ní tə́ alé, tɔdɔ̄ nin̄-taān̄ kem alé.

2 TESALONIK 2:4

Ni ń i nge mbātə́ Nə́ɓā ō, i nge kɔsə rɔ̄n kə̄ dɔɔ́ dɔ yá̰a̰ malang ń a ɓārə́n̄ na i nə́ɓā á de gə̄ a rɔȳn̄ ō ní, ni-aw̄ bátə́ ndi kem kújə yā Nə́ɓā tə́, ba əda kə̄ ndágá na ni na i Nə́ɓā.

Makətūbə̄ ń Pol ndang adə̄ Rom gə̄ ní 3:3

Ba ré ngé kə́rēý gə̄ dandə́ tə́ ngɔ̄mə̄n̄ najə̄ gə̄ ń toō aĺ anī, kə yā kəda na i rí? Kadə̄ Nə́ɓā na a ndi dɔ míndən tə́ alé tām̄ nin̄ na ngɔ̄mə̄n̄ najə̄ yān gə̄ alé a?

KƏLA RĀĀ 18:6

Banī Jipə gə̄ mbātə́n̄ najə̄ yān ō, tájə̄nən̄ ō. Loo ń noō tə́ Pol yéȳ kūbə̄ yān yakə yakə ba ədadə́ na: Ādə̄ mósə́sí tél əsō dɔsí sḭḭ̄ kɔ́ gə̄ tə́! Najə̄n i dɔḿ tə́ alé. Əla gír ngɔr ń toō tə́ ní m-ā m-āw̄ kə̄ rɔ̄ ngé gə̄ ń nin̄ i Jipə aĺ gə̄ ní tə́.

Najə̄ kə́ Majə yā Jeju ń Luk ndang ní 18:14

Ādə̄ m-ə́dásí, dan ń nge taā lambóó ń toō tél aw̄ ɓēé ní, ni-tél de kə́ súmūú, ba madə̄n tá tél de kə́ súmūú alé. Tɔdɔ̄ deē malang ń a ɔsə rɔ̄n kə̄ dɔɔ́ ní, a télən̄ seneé kə̄ nang tə́, ba deē ń a tél kə rɔ̄neé kə̄ nang tə́ ní, a ɔsənən̄ kə̄ dɔɔ́.

SOPONI 3:11

Ndɔ̄ ń noō tə́ ní, rɔ̄ gír deē yāḿ gə̄ a sɔl̄də́ najə̄ yá̰a̰ rāādə́ gə̄ malang kə́ majaĺ tə́ to̰ aĺ ō, najə̄ yá̰á̰ ń nin̄ rāān̄ seḿ tə́ ní to̰ aĺ ō. Tām̄ kum mbang ngeé ń noō tə́ ní, de gə̄ ń noō malang ń əgōn̄ ɔjənə̄ń rɔ̄də́ ní, m-ā m-ɔ̄r̄də́ kɔ̄ɔ́ ɓēé loosí ō, a asəsí jā̰ā̰ bɔ̄gə̄sí dɔ mbal̄ bo yāḿ kə́ táĺ tə́ ō.

IJAI 2:17

I gáŕ kadə̄ ngé kɔjə rɔ̄də́ gə̄ malang rugən̄ nang tə́ ō, ngé kənda kadədə́ gə̄ télən̄ kə rɔ̄də́ kə̄ nang tə́ ō. Ndɔ̄ ngeé ń noō tə́ ní, i Kɔ́ɔ̄ɓē kal kógə̄ḿ beē ngóy n i de kə́ bo ní.

IJAI 2:11

Ngé ka̰a̰ madə̄də́ gə̄ ba kídə̄də́ ní, i gáŕ kadə̄ nin̄ əgan̄ kumdə́ nang tə́ ō, i gáŕ kadə̄ ngé kɔjə rɔ̄də́ gə̄ rugən̄ nang tə́ ō. Ndɔ̄ ngeé ń noō tə́ ní, Kɔ́ɔ̄ɓē kal kógə̄ḿ beē ngóy n i de kə́ bo ní.

Gōsə̄ najə̄ gə̄ 28:26

De ń ənī kemən mámák kadə̄ ngarā̰ kemən nəkɔ́ ní i mbóo deē. Ba deē ń a rāā yá̰a̰ i kə kum kedēé ní yá̰á̰ kógə̄ḿ a rāān alé.

PĀ GƏ̄ 138:6

Kɔ́ɔ̄ɓē ndi i dɔɔ́ sa̰y ɓá tā ba a̰a̰ deē ń tél kə rɔ̄neé kə̄ nang tə́ ngá̰ý ní ō, a̰a̰ nge kɔjə rɔ̄ sa̰y gerə̄n ō.

2 YÁ̰A̰ GƏ̄ 20:20

Nin̄ ḭḭn̄ dɔɔ́ kə gír looí ɓatə əsōn̄ róbó ta kaw̄ kə̄ dəla loo kə́ Tekoa tə́. Dan ń a rāān̄ yā kɔr̄ dɔɔ́ anī Josapat ədadə́ na: De kə́ Jerusalem gə̄ ō, Juda gə̄ ō, ōōī najə̄ ń m-ā m-ɔ̄r̄ ní! Ī-taāī kem Kɔ́ɔ̄ɓē Nə́ɓā yāsí anī ā ə́ngeī tɔ́gə adə̄ ā ī-raī ngan̄g. Ī-taāī kem ngé koō ta yān gə̄ anī ā ī-tetiī rɔ̄ɔ̄.

1 KORḚNTƏ 16:13

Ī-ndiī dɔ rɔ̄sí tə́ ō, ī-raī ngan̄g dɔ taā kem tə́ ō, əhɔī rɔ̄sí tɔgə ō, ādī tɔ́gə́sí to ō.

Makətūbə̄ ń Pol ndang adə̄ Rom gə̄ ní 11:21

Tɔdɔ̄ ré Jipə gə̄ ń i ta jī kāgə̄ olibə kə́ ɓēé gə̄ ní, Nə́ɓā tə́gādə́ kɔ̄ɔ́ anī, ḭ̄ ń i kə́ ndə̄mā dɔɔ́ ní tá a əya̰ī a?

Makətūbə̄ ń Pol ndang adə̄ Rom gə̄ ní 12:3

Sɔɔ̄ń yá̰á̰ ń Nə́ɓā adə̄m̄ karī kə ta kūl̄ kem majə yānneé ní, m-ə́dásí sḭḭ̄ malang najə̄ ń toō: Ī-lōōī kɔjə rɔ̄sí kadə̄ mān̄ dɔ majən, banī ādī gír̄ yāsí i gír̄ kə́ kə looneé, kadə̄ náā náā nəkɔ́ ɓáa ɔjə rɔ̄n kadə̄ mān̄ dɔ majən alé, ba kadə̄ asə kə gō taā kem ń Nə́ɓā mbɔ̄jə́ adə̄sí ní.

1 KORḚNTƏ 15:1

Ngákó̰ó̰ḿ gə̄, Najə̄ kə́ Majə ń m-ɔ́jə́sí á ī-ndigiī ō, ī-tāāī kem mámák ō ní, ngɔlaā m̄-ndigə ter̄ kemsí dɔ tə́.