Makətūbə̄ ń Pol ndang adə̄ Rom gə̄ ní 11:16 - Bibəl ta Sar̄

¹⁶ Ba á̰a̰ī, dan ń dɔ mur̄ kə́ kugə i kə́ táĺ anī, gá̰a̰ mur̄ ń na̰y ní i kə́ táĺ ō aĺ a? Ré ngəra kāgə̄ i kə́ táĺ anī, ta jīn gə̄ i kə́ táĺ ō aĺ a?

Bible sar

¹⁶ Ba á̰a̰ī, dan ń dɔ mur̄ kə́ kugə i kə́ *táĺ anī, gá̰a̰ mur̄ ń na̰y ní i kə́ táĺ ō aĺ a? Ré ngəra kāgə̄ i kə́ táĺ anī, ta jīn gə̄ i kə́ táĺ ō aĺ a?

Makətūbə̄ ń Pol ndang adə̄ Rom gə̄ ní 11:16 Referans Kwoze

JAKƏ 1:18

Ni-ojəjí kə gō kem ndigə yānneé, kə ta kūl̄ najə̄ kə́ rɔ̄kum, ba əndājí loo kə́ kété tə́ dɔ yá̰a̰ rāān gə̄ tə́ malang.

EJEKIEL 44:30

Núsə kōō kə́ ta kəga dɔ ní, i ngé tun̄ yá̰a̰ gə̄ n a taān̄ ō, yá̰a̰ malang kə́ kɔr̄ kam̄ tām̄ yāḿ tə́ dan yá̰a̰ kənge gə̄ yā ngán Israel gə̄ tə́ ní, nin̄ a taān̄ ō. De gə̄ a adə̄n̄də́ ndujə̄ yādə́ kə́ majə ngá̰ý gə̄ yā kadə̄ m̄-tɔ́rəń taḿ dɔ kem kújə yādə́ gə̄ tə́.

Gōsə̄ najə̄ gə̄ 3:9

Ī-kēgə̄ yá̰á̰ ń ə́ngé ní ī-ndējə̄ Kɔ́ɔ̄ɓē ō, ādə̄n kan̄ yá̰a̰ yāí kə́ ta kəga dɔ gə̄ ī-rɔȳnneé ō.

JEREMI 2:21

Mā m-ə̄ndāī, adə̄ ī-to tītə̄ kāgə̄ nduú kə́ majə ngá̰ý, tītə̄ kāgə̄ kə́ majən to tayā. I ba̰ý á ī-tél kāgə̄ nduú kə́ deē ger̄ aĺ ō, kə́ kanə̄n gə̄ majən̄ aĺ ō ní.

Makətūbə̄ ń Pol ndang adə̄ Rom gə̄ ní 11:17

Ngán Israel gə̄ rāān̄ rɔ̄də́ i kāgə̄ olibə kə́ ɓēé kə́ tə́gān̄ ta jīn kə́rēý gə̄ kɔ̄ɔ́ tə́. Ḭ̄ ń i Jipə aĺ ní, ī-rāā rɔ̄í i kāgə̄ olibə kə́ bembeé, kə́ əhɔīn̄ gotədə́ tə́, adə̄ ī-ndi kə ta kūl̄ bəto ń ngəra kāgə̄ olibə kə́ ɓēé a adī ní.

LEBI GƏ̄ 23:10

kəda ngán Israel gə̄ ndū najə̄ gə̄ ń toō: Ré ūgī dɔ nang ń m-ādə̄sí tə́ ní ba ī-sāāī kōō tū tə́ anī, ā ī-reēī kə dɔ kōō kə kijə yāsí kə́ do̰ō̰ yā kadə̄ nge tun̄ yá̰a̰.

NDŪ NAJƏ̄ 26:10

Adə̄ ngɔlaā ní, Kɔ́ɔ̄ɓē m̄-reē kə dɔ kōō kə́ kijə gə̄ kə́ dɔ nang ń ādə̄m̄ tə́ ní m̄-ndējī. Ā ə̄ndā dɔ kōō kə́ kijə gə̄ ní no Kɔ́ɔ̄ɓē Nə́ɓā yāí tə́ ō, ā ɔ́sə noí nang tə́ non tə́ ō.

NDŪ NAJƏ̄ 18:4

Ā ādīdə́ kōō gémē ō, kasə nduú kə́ kijə ō, yibə̄ ō, kə́ ta kəga dɔ yāsí gə̄. Ā ādīdə́ bḭḭ̄ batə̄ kə́ ta kəga dɔ yāsí gə̄ ń ā ə́jaī ní ō.

Teē Ngán Israel gə̄ 23:16

Gō tə́ anī ā ī-rāāī nāā sāā kōō ń i nāā kəja kōō yāsí kə́ ta kəga dɔ ō, i nāā yá̰a̰ gə̄ ń ī-dubī kem ndɔrɔ́ ní ō. Ré ɓāl̄ ndɔ̄ adə̄ ī-kánī nja kōō yāsí kə́ ndɔrɔ́ gə̄ malang kɔ̄ɔ́ anī, ī-rāāī nāā kán̄ nja kōō.

TA KƏLA 17:7

M-ā m-ə́hɔ madə̄ naā seí ō, kə ngán kaaí gə̄ ń a utə̄n̄ gōí ní ō, kə gō kojədə́ gēé. I madə̄ naā kə́ a to ngándáńg, adə̄ mā i Nə́ɓā yāí ō, yā gír kojə yāí ń a utə̄ gōí ní ō.

JEJU TEĒ KUM JA̰A̰ 14:4

Nin̄ i ngé gə̄ ń yḛrən̄ rɔ̄də́ kə dəyá̰ gēé aĺ ní, tɔdɔ̄ nin̄-unjə̄n̄ njáý njáý. Nin̄-unən̄ gō Ngōn̄ batə̄ loo malang ń ni-aw̄ tū tə́ ní tə́. I nin̄ n gāngə̄n̄ dɔdə́ dan de gə̄ tə́ tām̄ yā Nə́ɓā tə́ ō, Ngōn̄ batə̄ tə́ ō ní.

1 KORḚNTƏ 7:14

Tɔdɔ̄ dəngam ń taā kem aĺ ní ɔrə̄n̄ kamə̄n tayā i kə ta kūl̄ nə̄yá̰n ō, dəyá̰ ń taā kem aĺ ní, ɔrə̄n̄ kamə̄n tayā i kə ta kūl̄ ngaan ō. Nə́ngētə́ i beé aĺ anī, ngáńsí gə̄ i ngáń kə yḛr gə̄, banī nin̄ i ngán gə̄ kə́ ɔrə̄n̄ kam̄də́ tayā.

Teē Ngán Israel gə̄ 23:19

Ā ī-reēī kə yá̰á̰ kə́ kijə kə́ ndɔr̄ yāsí gə̄ tə́ kem kújə yā Kɔ́ɔ̄ɓē Nə́ɓā yāsí tə́. Ā ī-ndīrī ngōn̄ bə̄yā̰ kə mba kó̰o̰neé alé.

Teē Ngán Israel gə̄ 22:29

A ādə̄m̄ hágə man̄g yāí ō, hágə batə̄ yāí ō, hágə bə̄yā̰ yāí ō. Ā rāā ndɔ̄ sīrí gíŕ kó̰ó̰ tə́, ba ndɔ̄ kə́ nge ko̰ sɔ́sɔ́ anī ā ādə̄m̄ seneé.

Makətūbə̄ ń Pol ndang adə̄ Rom gə̄ ní 8:23

Banī i nin̄ ngóy alé, tɔdɔ̄ jḭḭ kɔ́ gə̄ ń j-əngeī Ndíĺ kə́ i yá̰á̰ kə́ ta kəga dɔ kə́ Nə́ɓā adə̄jí ní, jə-to̰ō̰ī kemjí tə́ loo ngóō ta Nə́ɓā tə́ kadə̄ gān̄g dɔ dā̰ rɔ̄jí ō.