Makətūbə̄ ń Pol ndang adə̄ Rom gə̄ ní 11:1 - Bibəl ta Sar̄

¹ Ādī m̄-dəjesí m-ōō: Adə̄ ń noō ní Nə́ɓā əya̰ i ngán Israel gə̄ kɔ̄ɔ́ tā ḿ? Sḛ́ý yḛtə aĺ bátə́. Tɔdɔ̄ mə̄kɔ́ ń toō, mā i ngōn̄ Israel ō, mā i de kə́ gír kaa yā Abəraham tə́ ō, de kə́ gír ɓē yā Benjamḛ tə́ ō.

Bible sar

¹ Ādī m̄-dəjesí m-ōō: Adə̄ ń noō ní Nə́ɓā əya̰ i ngán *Israel gə̄ kɔ̄ɔ́ tā ḿ? Sḛ́ý yḛtə aĺ bátə́. Tɔdɔ̄ mə̄kɔ́ ń toō, mā i ngōn̄ Israel ō, mā i de kə́ gír kaa yā Abəraham tə́ ō, de kə́ gír ɓē yā Benjamḛ tə́ ō.

Makətūbə̄ ń Pol ndang adə̄ Rom gə̄ ní 11:1 Referans Kwoze

2 KORḚNTƏ 11:22

Nin̄ i Hebəro gə̄ a? Mā i Hebəro ō. Nin̄ i ngán Israel gə̄ a? Mā i ngōn̄ Israel ō. Nin̄ i ngán kaa Abəraham gə̄ a? Mā i ngōn̄ kaa Abəraham ō.

1 SAMUEL 12:22

Kɔ́ɔ̄ɓē a əya̰sí kɔ̄ɔ́ alé. Tɔdɔ̄ i nəkɔ́ n ndigə rāāsí gír deē yān gə̄ tə́ tām̄ yā rīn kə́ to kɔsə gɔn ngá̰ý tə́ ní.

PILIPƏ 3:5

Tɔdɔ̄ əjan̄ mɔtəḿ i gō ndɔ̄ kojəḿ kə́ nge ko̰ sɔ́sɔ́ tə́ ō, mā i Israel kə́ kojə ō, mā i de kə́ gír ɓē yā Benjamḛ tə́ ō, mā i Hebəro kə́ i Hebəro gə̄ n ojəmə̄n̄ ō. Kə́ ɔjə dɔ yá̰a̰ rāā kə́ kə gō ndū najə̄ yā Jipə gə̄ ɓáa, mā i de kə́ dan ɓūtə̄ yā Parijiyḛ gə̄ tə́.

KƏLA RĀĀ 26:4

Yá̰a̰ gə̄ ń m̄-rāādə́ dan nápar deē yāḿ gə̄ tə́ ō, kem ɓē kə́ Jerusalem tə́ ō, kə dūúḿ bátə́ m̄-tɔgəń ní, Jipə gə̄ malang gerə̄n̄.

KƏLA RĀĀ 22:3

Mā i Jipə, ojəmə̄n̄ i Tarsə, dɔ nang kə́ Silisi tə́. Ba ətōmə̄n̄ i kem ɓē ń toō tə́ ō, i Gamaliyel n i nge ndóōm̄ yá̰a̰ ō ní. Ni ɔjəm̄ ndū najə̄ yā kaají gə̄ kə ta njaá ndetə ndetə, adə̄ m̄-ger̄ kə gōó majə. Tá kété ní o̰o̰m̄ tɔdɔ̄ Nə́ɓā ngá̰ý tītə̄ ń sḭḭ̄ malang ī-ra ā ī-rāāīneé ɓōólaā toó ō.

OJEE 9:17

Nə́ɓā yāḿ a mbātə́ Epəraim gə̄, tɔdɔ̄ nin̄ oōn̄ najə̄ yān alé. Nin̄ a aw̄n̄ kə̄ loo gə̄ tə́ malang dan nápar de gə̄ tə́.

PĀ GƏ̄ 94:14

Tɔdɔ̄ Kɔ́ɔ̄ɓē əya̰ gír deē yān gə̄ kɔ̄ɔ́ alé, ni əya̰ yá̰a̰ yān kɔ̄ɔ́ alé.

Makətūbə̄ ń Pol ndang adə̄ Rom gə̄ ní 9:3

m̄-ndə̄ngā kadə̄ Nə́ɓā kōnjə̄m̄ ō, ɔrə̄m̄ kɔ̄ɔ́ kadə Kərist tə́ ō, yā kajəń ngákó̰ó̰ḿ kə́ gír kojə yāḿ tə́ gə̄.

Makətūbə̄ ń Pol ndang adə̄ Rom gə̄ ní 3:4

I tītə̄ ń noō alé. Tɔdɔ̄ ká ré de gə̄ malang i ngé sor̄ gə̄ gə̄gē anī, Nə́ɓā i nge kəda najə̄ kə́ rɔ̄kum ngándáńg, tītə̄ ń makətūbə̄ yān ədań ní. Ndangən̄ na: Ḭ̄ Nə́ɓā ḭ̄ i de kə́ súmūú kem najə̄ kɔrīí gə̄ tə́, adə̄ ré de gə̄ ɔsənī rāā yá̰á̰ kə́ gō tə́ aĺ gə̄gē anī, najə̄ a əhɔdə́.

2 MBAN̄G 23:27

Adə̄ Kɔ́ɔ̄ɓē əda na tītə̄ ń na n-gḛyń ka̰a̰ de kə́ kem ɓē ko̰o̰ kə́ Israel tə́ gə̄ ta kumən tə́ to̰ aĺ ní, na n-gḛy ka̰a̰ ngé kə́ Juda tə́ gə̄ ta kumən tá aĺ ō. Na n-mbātə́ ɓē kə́ Jerusalem ń na n-gə̄rā ní ō, kújə yān ń n-ənī ndūn yā kəndā rīn dɔ tə́ ní ō.

PĀ GƏ̄ 77:7

Ndɔ̄ɔ́ anī əga kemḿ dɔ pā yāḿ tə́, m̄-tél m̄-gír̄ dɔ tə́ ɓáý ō, m̄-dəje rɔ̄ḿ najə̄ ō.

Najə̄ kə́ Majə yā Jeju ń Luk ndang ní 20:16

Ni a reē yā tɔ̄l̄ ngé ndɔr̄ gə̄ ní, ba a əndā de kə́ rang gə̄ ta kāgə̄ nduú yān tə́. Dan ń nin̄-oōn̄ tītə̄ ń noō anī, ədan̄ na: Ādə̄ yá̰á̰ kə́ tītə̄ ń noō rāā yá̰a̰ aĺ ɓɔ́ nəkɔ́ tá.

Makətūbə̄ ń Pol ndang adə̄ Rom gə̄ ní 11:11

m̄-dəjesí ɓáý to̰: Kəsō ń ngán Israel gə̄ əsōn̄ ní, i kə́ njɔ́ḿ gə̄ tə́ a? Sḛ́ý aĺ bátə́! Banī i kə ta kūl̄ kəsō ń əsōn̄ ní n, de gə̄ ń i Jipə aĺ gə̄ ní əngenə̄ń kajə, yā kadə̄ Jipə gə̄ tél əndānńdə́ nii dɔ tə́ ní.