Makətūbə̄ ń Pol ndang adə̄ Rom gə̄ ní 10:9 - Bibəl ta Sar̄

⁹ Ré ə́da taí tə́ na Jeju i Kɔ́ɔ̄ɓē ō, ré ī-taā kem mámák kadə̄ Nə́ɓā ndólə̄n̄ dan de kə́ koy gə̄ tə́ ō anī, ā ájə.

Bible sar

⁹ Ré ə́da taí tə́ na Jeju i Kɔ́ɔ̄ɓē ō, ré ī-taā kem mámák kadə̄ Nə́ɓā ndólə̄n̄ dan de kə́ koy gə̄ tə́ ō anī, ā ájə.

Makətūbə̄ ń Pol ndang adə̄ Rom gə̄ ní 10:9 Referans Kwoze

Najə̄ kə́ Majə yā Jeju ń Luk ndang ní 12:8

Ādə̄ m-ə́dásí: Deē ń a əda ta kum de gə̄ tə́ na ni na i deē yāḿ mā ní, Ngōn̄ Deē a əda ta kum de kə́ dɔ rā̰ tə́ gə̄ yā Nə́ɓā tə́ na ni na i deē yān ō.

KƏLA RĀĀ 16:31

Anī nin̄-tél ədanən̄ na: Ī-taā kem Kɔ́ɔ̄ɓē Jeju, anī ā ájiī sḭḭ̄ kə ngééí gēé.

PILIPƏ 2:11

kadə̄ de gə̄ malang ədan̄ na Jeju Kərist i Kɔ́ɔ̄ɓē, yā kɔsəń gɔn Bɔbə̄n Nə́ɓā.

1 PIYER 1:21

I kə ta kūlən n sḭḭ̄ ī-taāīneé kem Nə́ɓā ń ndólə̄n dan de kə́ koy gə̄ tə́ ō, ɔsə gɔnən ō ní. Adə̄ deē ń sḭḭ̄ ī-taāī kemən ō, əndāī tɔ́gə́sí dɔn tə́ ō ní i Nə́ɓā.

Makətūbə̄ ń Pol ndang adə̄ Rom gə̄ ní 8:34

I náā n a gān̄g sarya dɔdə́ tə́ ní? I Kərist Jeju ń oy ba ndól̄ ō, ndi dɔ jī ko̰ Nə́ɓā tə́ ō, a ndɔ̄ȳ tām̄ yājí tə́ ō ní.

Makətūbə̄ ń Pol ndang adə̄ Rom gə̄ ní 14:11

Tɔdɔ̄ Nə́ɓā ɔr̄ najə̄ tītə̄ ń toō beé kem makətūbūú na: Kə́ rɔ̄kum tə́, tītə̄ ń m̄-ndi kə kumḿ njóý njóý toō ní, de gə̄ kógə̄ḿ kógə̄ḿ malang a tétēn̄ kejədə́ nang tə́ noḿ tə́ ō, a unən̄ ndūdə́ kə̄ dɔɔ́ yā kədań na mā i Nə́ɓā ō.

1 KORḚNTƏ 12:3

I tām̄ najə̄ ń noō tə́ n m-ə́dásí najə̄ ń toō kadə̄ ī-gerī ní: De kə́ ɔr̄ najə̄ kə ta kūl̄ Ndíl yā Nə́ɓāá kə́ əda na Jeju na i de kə́ ndɔ̄ĺnən̄ kɔ̄ɔ́ ní gətóo ō, de kə́ asə kəda na Jeju i Kɔ́ɔ̄ɓē kanjə̄ kadə̄ i Ndíĺ kə́ Táĺ n əndā tan tə́ ní gətóo ō.

2 JA̰A̰ 1:7

Tɔdɔ̄ de gə̄ ngá̰ý kə́ ngé gól̄ de gə̄ tə̄ndān̄ naā tḭ̄ḭ̄n̄ kə̄ loo gə̄ tə́ malang dɔ nang tə́ laā. Nin̄-ədan̄ najə̄ yā Jeju Kərist ń reē i kə́ deē tə́ ní alé. De kə́ nge gól̄ loo ń i nge rɔ̄ɔ̄ Kərist ní, a ɔjə rɔ̄n kə̄ ndágá i tītə̄ ń noō.

JA̰A̰ 9:22

Ngé kojən gə̄ ɔrə̄n̄ najə̄ tītə̄ ń noō i tɔdɔ̄ nin̄-ɓōlə́n̄ i Jipə gə̄. Tɔdɔ̄ Jipə gə̄ oōn̄ naā kadə̄ náā nəkɔ́ ń a əda ta kum de gə̄ tə́ na Jeju i Kərist ní ɓáa kə n-tə̄ɓānən̄ kújə kán̄ naā tə́ kɔ̄ɔ́.

KƏLA RĀĀ 8:36

Dan ń unən̄ róbə́ á ugə̄n̄ loo ń man̄ i tū tə́ ní tə́ anī de kə́ bo ní əda na: Man̄ n toó ō ba i rí n ɔgə̄ kadə̄ ī-rāām̄ batém ní?

KƏLA RĀĀ 2:24

Banī Nə́ɓā ndólə̄n adə̄ ndi kə kumneé, ni-ɔrə̄n kɔ̄ɔ́ ta rɔ̄ tōr̄ gə̄ yā yo tə́, tɔdɔ̄ yo asə ko̰o̰ ɓē dɔn tə́ alé.

KƏLA RĀĀ 2:32

Jeju ngeé ń toō oy ba Nə́ɓā ndólə̄n, adə̄ jḭḭ̄ malang i de kə́ kum tə́ gə̄.

Makətūbə̄ ń Pol ndang adə̄ Rom gə̄ ní 4:24

banī i tām̄ yājí jḭḭ̄ tə́ ō. I tām̄ yājí jḭḭ̄ ń a tə́dan̄jí dan de kə́ súmūú gə̄ tə́ najə̄ taā kem yājí tə́ ní. Tɔdɔ̄ jḭḭ̄ jə-taāī kem nge ń ndól̄ Kɔ́ɔ̄ɓē yājí Jeju dan de kə́ koy gə̄ tə́ ní.

Makətūbə̄ ń Pol ndang adə̄ Rom gə̄ ní 10:10

Tɔdɔ̄ i taā kem kə́ mámák n a rāāī kadə̄ ī-tél de kə́ gōtə́ ní ō, i kəda kə́ əda taí tə́ na Jeju i Kɔ́ɔ̄ɓē ní n a ajiī ní ō.

Makətūbə̄ ń Pol ndang adə̄ Rom gə̄ ní 14:9

Tɔdɔ̄ i tām̄ najə̄ ń noō tə́ n Kərist oy ba tél ndiń kə kumneé ō ní, yā kadə̄ ni i Kɔ́ɔ̄ɓē yā de kə́ koy gə̄ ō, yā ngé kə́ ndin̄ kə kumdə́ ɓáý gə̄ ō.

1 JA̰A̰ 4:15

Deē ń əda na Jeju i Ngōn̄ Nə́ɓā ní, Nə́ɓā ndi kemən tə́ ō, ni-ndi kem Nə́ɓā tə́ ō.