Makətūbə̄ ń Pol ndang adə̄ Rom gə̄ ní 10:6 - Bibəl ta Sar̄

⁶ Ba á̰a̰ī najə̄ ń ədan̄ dɔ loo téĺ ń de gə̄ a télən̄ de kə́ gōtə́ gə̄ ta kum Nə́ɓā tə́ tām̄ taā kem yādə́ tə́ ní. Ədan̄ na kə ī-lōō gír̄ kəda kemií tə́ na ké i náā n a aw̄ dɔ rā̰ tə́ yā reē kə Kərist ní wa,

Bible sar

⁶ Ba á̰a̰ī najə̄ ń ədan̄ dɔ loo téĺ ń de gə̄ a télən̄ de kə́ gōtə́ gə̄ ta kum Nə́ɓā tə́ tām̄ taā kem yādə́ tə́ ní. Ədan̄ na kə ī-lōō gír̄ kəda kemií tə́ na ké i náā n a aw̄ dɔ rā̰ tə́ yā reē kə Kərist ní wa,

Makətūbə̄ ń Pol ndang adə̄ Rom gə̄ ní 10:6 Referans Kwoze

Gōsə̄ najə̄ gə̄ 30:4

I náā n ndem̄ man̄ kem kūbə̄ yān tə́ kɔ̄ɔ́ ɓá ní? I náā n əndā dɔ nin̄ dɔ nang ní? Rīn na i rí? Rī ngōnən na i rí? Ré ī-ger̄ anī ə́dam̄!

JA̰A̰ 6:58

Mápá ń ḭḭ dɔ rā̰ tə́ reē dɔ nang tə́ ní n toó. Ni to i tītə̄ máná ń kaasí gə̄ əsan̄ ní alé. Nin̄-əsan̄ mána ba oyn̄ kɔ̄ɔ́. Nge ń əsa mápá ń toō ní, a ndi kə kumneé ngándáńg.

PILIPƏ 3:9

Ɓoo naā yājí seneé i ɓoo naā kə́ líbə́ri a mān̄ mbo̰ō̰ tə́ alé. Loo ń noō tə́ m̄-tél de kə́ nge rāā yá̰á̰ kə́ gō tə́ ta kum Nə́ɓā tə́, i kə ta kūl̄ rāā kə́ m̄-rāā yá̰a̰ gə̄ ń ndū najə̄ yā Nə́ɓā əda ní to̰ alé, ba i kə ta kūl̄ taā kə́ m̄-taā kem Kərist. Yá̰á̰ kə́ gōtə́ ń noō i yā Nə́ɓā. I deē ń taā kem ní n Nə́ɓā rāān de kə́ gōtə́ tə́ ní.

Makətūbə̄ ń Pol ndang adə̄ Rom gə̄ ní 4:13

Tɔdɔ̄ Nə́ɓā ənī míndən adə̄ Abəraham ō, ngán kaan gə̄ ō na a əngen̄ dɔ nang malang yá̰a̰ haladə́ tə́. Kənī ń Nə́ɓā ənī míndən toó i tām̄ rāā kə́ Abəraham rāā yá̰á̰ kə́ ndū najə̄ ɔjə tə́ alé, banī i tām̄ ni ń i de kə́ gōtə́ ta kum Nə́ɓā tə́ najə̄ taā kem yān tə́ ní.

Makətūbə̄ ń Pol ndang adə̄ Rom gə̄ ní 3:22

kadə̄ Nə́ɓā rāā de gə̄ adə̄ télən̄ de kə́ gōtə́ gə̄ ta kumən tə́, i tām̄ taā ń nin̄-taān̄ kem Jeju Kərist tə́ ní. Ni-rāā tām̄ yādə́ tə́, i tɔdɔ̄ nin̄-tītə̄n̄ naā malang ta kumən tə́.

HEBƏRO 11:7

I kə ta kūl̄ taā kem n Noe oōń tā yā Nə́ɓā ní. Nə́ɓā tāān najə̄ yá̰á̰ ń a rāā yā rāā yá̰a̰, banī ni asə ka̰ā̰ kə kumneé aĺ ɓáý ní. Ni oō ta Nə́ɓā adə̄ rāā to bo yā kajəń gír kojə yān ō, dā̰ rɔ̄n nəkɔ́ ō. Dan ń ni-rāā yá̰á̰ ń noō ní, ni-gān̄g i sarya dɔ de kə́ dɔ nang tə́ gə̄ tə́ ō, Nə́ɓā rāān de kə́ gōtə́ tə́ kə ta kūl̄ taā kem yānneé ní ō.

HEBƏRO 1:3

Ngōn̄ Nə́ɓā ní i kɔsə gɔn yā Bɔbə̄n kə́ ndə́lē i ndə́lē yā Nə́ɓā ō, i ngarān̄g kum Nə́ɓā Bɔbə̄n nəkɔ́ kə́ ɔjə rɔ̄n kə̄ ndágá ō. Ni-rāā adə̄ yá̰a̰ gə̄ malang ndin̄ ngan̄g kə ta kūl̄ tɔ́gə najə̄ yānneé. Dan ń ni-ɔr̄ majaĺ kə́ kem de gə̄ tə́ kɔ̄ɔ́ ní, ni-ndi dɔ jī ko̰ Nə́ɓā tə́ dɔ rā̰ tə́. Nə́ɓā i tɔ́gə́ kə́ dɔ tɔ́gə gə̄ tə́ malang.

Makətūbə̄ ń Pol ndang adə̄ Rom gə̄ ní 3:25

I Jeju ngeé ń toō n Nə́ɓā əndān nojí tə́ tām̄ kadə̄ ni-tél yá̰á̰ kə́ tun̄ kɔrə̄ń majaĺ ní. Ni-adə̄ mósən nəkɔ́ tām̄ yā ngé gə̄ ń taān̄ kem tə́ ní. Nə́ɓā əhɔ gír majaĺ kə́ kété jóo gə̄ to̰ alé, yā kɔjəń kadə̄ ni i de kə́ gōtə́.

JA̰A̰ 6:38

Tɔdɔ̄ m-ḭ́ḭ dɔ rā̰ tə́ m̄-reē dɔ nang tə́ i yā rāā yá̰a̰ kə gō kem ndigə yāḿ alé, banī i yā rāā yá̰a̰ kə gō kem ndigə yā Nge ń əlam̄ ní.

JA̰A̰ 6:33

Tɔdɔ̄ mápa yā Nə́ɓā i nge ń ḭḭ dɔ rā̰ tə́ reē dɔ nang tə́, ba rāā adə̄ de kə́ dɔ nang tə́ gə̄ ndin̄ kə kumdə́ ní.