Makətūbə̄ ń Pol ndang adə̄ Rom gə̄ ní 10:5 - Bibəl ta Sar̄

⁵ Moijə nəkɔ́ ɔr̄ najə̄ kə́ sɔɔ̄ dɔ loo rāā ń ndū najə̄ a rāā de gə̄ kadə̄ télən̄ de kə́ gōtə́ gə̄ ta kum Nə́ɓā tə́ ní. Moijə ndang na deē ń rāā yá̰a̰ gə̄ ń ndū najə̄ ɔjə ní a ndi kə kumneé kə ta kūl̄ ndū najá.

Bible sar

⁵ Moijə nəkɔ́ ɔr̄ najə̄ kə́ sɔɔ̄ dɔ loo rāā ń *ndū najə̄ a rāā de gə̄ kadə̄ télən̄ de kə́ gōtə́ gə̄ ta kum Nə́ɓā tə́ ní. Moijə ndang na deē ń rāā yá̰a̰ gə̄ ń ndū najə̄ ɔjə ní a ndi kə kumneé kə ta kūl̄ ndū najá.

Makətūbə̄ ń Pol ndang adə̄ Rom gə̄ ní 10:5 Referans Kwoze

LEBI GƏ̄ 18:5

Ī-ngɔ̄mī ndū najə̄ yāḿ gə̄ ō, yá̰a̰ kāgə̄ ɓē ń m-āa m-ɔ́jə́sí ní ō, tām̄ i deē ń əhɔdə́ kemən tə́ rāāń yá̰á̰ ní n a ndi kə kumuú ní. Mā i Kɔ́ɔ̄ɓē.

NEHEMI 9:29

Ī-ra sedə́ ta tél reē gogə́ dɔ ndū najə̄ yāí tə́, banī nin̄ rāān̄ dɔ ngan̄g oōn̄ yá̰a̰ gə̄ ń ə́dádə́ ní alé. Gō míndə gə̄ ń ə́da kadə̄ deē rāā anī a ndi kə kumuú ní, nin̄ mbātə́n̄ rāā kɔ̄ɔ́. Nin̄ dumə̄n̄ naā ō, rāān̄ dɔ ngan̄g ō. Nin̄ mbātə́n̄ koō najə̄ yāí ō kɔ̄ɔ́.

EJEKIEL 20:21

Banī ngáńdə́ gə̄ rāān̄ dɔ ngan̄g seḿ. Nin̄ rāān̄ yá̰a̰ gə̄ ń ndū najə̄ yāḿ əda ní aĺ ō, unən̄ gō jī bēl̄ loo rāā yá̰a̰ yāḿ gə̄ aĺ ō. Tá i nin̄ n a rāān̄ ngé kundə́ rāań kəla gə̄ kadə̄ ndin̄ kə kumdə́ ní. Nin̄ kídə̄n̄ ndɔ̄ sabat. Loo ń noō tə́ m̄-gír̄ bə̄gā wōn̄g yāḿ kə́ ngá̰ý dɔdə́ tə́ kem dəla loo tə́, kadə̄ wōn̄g yāḿ ní rāā kəla bátə́ ta tɔ̄l̄ ta tə́.

EJEKIEL 20:13

Banī Israel gə̄ mbātə́mə̄n̄ kem dəla loo tə́. Nin̄ unən̄ gō ndū najə̄ yāḿ gə̄ aĺ ō, mbātə́n̄ jī bēl̄ loo rāā yá̰a̰ yāḿ gə̄ ō. Tá i nin̄ n a rāān̄ ngé kundə́ rāań kəla gə̄ kadə̄ ndin̄ kə kumdə́ ní. Nin̄ kídə̄n̄ ndɔ̄ sabat nja i ngá̰ý. m̄-tél m̄-gír̄ bə̄gā wōn̄g yāḿ kə́ ngá̰ý dɔdə́ tə́ ɓáý kadə̄ oyn̄.

EJEKIEL 20:11

M-ādə̄də́ ndū najə̄ yāḿ gə̄ ō, jī bēl̄ loo rāā yá̰a̰ yāḿ gə̄ ń deē un gō anī a ndi kə kumneé ní, m-ɔ́jə́də́ adə̄ gerə̄n̄ ō.

GALATƏ 3:12

Ba ndū najə̄ teē i tū taā kem tə́ alé, banī deē ń rāā yá̰a̰ gə̄ ń ndū najə̄ əda ní, kɔ́ɔ̄ a ndi kə kumneé i kə ta kūl̄də́.

Makətūbə̄ ń Pol ndang adə̄ Rom gə̄ ní 7:10

ba mā m-óy kɔ̄ɔ́. Gō míndə́ ń i yá̰á̰ kə́ kadə̄ a rāāī ḭ̄ deē kadə̄ ī-ndi kə kumuú ní, yāḿ mā ɓáa tél i yá̰á̰ kə́ reē kə yoó dɔḿ tə́.

NDŪ NAJƏ̄ 4:1

Ngán Israel gə̄, ōōī ndū najə̄ gə̄ ō, jī-bēl̄ loo rāā yá̰a̰ gə̄ ō ń mə̄kɔ́ m-ɔ́jə́sí loo kun gō ní. I beé n ā ī-ndiīneé kə kumsí ō, ā ī-taāīneé dɔ nang ń Kɔ́ɔ̄ɓē Nə́ɓā yā kaasí gə̄ adə̄sí ní ō.

IJAI 55:3

Ī-nēlī mbīsí ō, ī-reēī kə̄ rɔ̄ḿ tə́ ō. Ōōī najə̄ yāḿ anī ā ī-ndiī kə kumsí. Kɔ́ɔ̄ɓē əda na: M-ā m-ə́hɔ madə̄ naā kə́ a to ngándáńg sesí. Majə gə̄ ń m-ə̄nī ndūḿ yā rāā kə Dabidí ní, m-ə̄nī ndūḿ m-ādə̄sí yā rāā sesí ngándáńg.

PILIPƏ 3:9

Ɓoo naā yājí seneé i ɓoo naā kə́ líbə́ri a mān̄ mbo̰ō̰ tə́ alé. Loo ń noō tə́ m̄-tél de kə́ nge rāā yá̰á̰ kə́ gō tə́ ta kum Nə́ɓā tə́, i kə ta kūl̄ rāā kə́ m̄-rāā yá̰a̰ gə̄ ń ndū najə̄ yā Nə́ɓā əda ní to̰ alé, ba i kə ta kūl̄ taā kə́ m̄-taā kem Kərist. Yá̰á̰ kə́ gōtə́ ń noō i yā Nə́ɓā. I deē ń taā kem ní n Nə́ɓā rāān de kə́ gōtə́ tə́ ní.