Makətūbə̄ ń Pol ndang adə̄ Rom gə̄ ní 10:19 - Bibəl ta Sar̄

¹⁹ Ba m-ā m̄-dəje ɓáý na: Ní ngán Israel gə̄ gerə̄n̄ kum aĺ i mbée a? Ōōī najə̄ ń Moijə əda dɔ tə́ ní: M-ā m̄-rāā kadə̄ i gír de kə́ rɔ̄kum aĺ gə̄ n ā ə̄ndāīdə́ nii ní ō, kadə̄ ī-rāāī wōn̄g kə nápar de kə́ ger̄ najə̄ aĺ gə̄ ō.

Bible sar

¹⁹ Ba m-ā m̄-dəje ɓáý na: Ní ngán *Israel gə̄ gerə̄n̄ kum aĺ i mbée a? Ōōī najə̄ ń Moijə əda dɔ tə́ ní: M-ā m̄-rāā kadə̄ i gír de kə́ rɔ̄kum aĺ gə̄ n ā ə̄ndāīdə́ nii ní ō, kadə̄ ī-rāāī wōn̄g kə nápar de kə́ ger̄ najə̄ aĺ gə̄ ō.

Makətūbə̄ ń Pol ndang adə̄ Rom gə̄ ní 10:19 Referans Kwoze

NDŪ NAJƏ̄ 32:21

Nin̄ rāān̄ adə̄ m̄-rāā jang kə yá̰á̰ ń i nə́ɓā aĺ ní, rāān̄ adə̄ wōn̄g rāām̄ kə ɓesə̄ gēé. Banī mā m-ā m̄-rāā kadə̄ nin̄ a rāān̄ jang kə de gə̄ kə́ nin̄ i gír de kə́ rɔ̄kum aĺ gə̄ ō, kadə̄ rāān̄ wōn̄g kə nápar de kə́ ger̄ yá̰a̰ aĺ gə̄ ō.

Makətūbə̄ ń Pol ndang adə̄ Rom gə̄ ní 11:11

m̄-dəjesí ɓáý to̰: Kəsō ń ngán Israel gə̄ əsōn̄ ní, i kə́ njɔ́ḿ gə̄ tə́ a? Sḛ́ý aĺ bátə́! Banī i kə ta kūl̄ kəsō ń əsōn̄ ní n, de gə̄ ń i Jipə aĺ gə̄ ní əngenə̄ń kajə, yā kadə̄ Jipə gə̄ tél əndānńdə́ nii dɔ tə́ ní.

Makətūbə̄ ń Pol ndang adə̄ Rom gə̄ ní 11:14

Kadə̄ ngé gə̄ ń nin̄ i mósə́ḿ gə̄ ní əndāmə̄n̄ nii dɔ tə́, anī m-ájəń ngé kə́rēý gə̄.

TITƏ 3:3

Tɔdɔ̄ kété ní, jḭḭ̄ i de kə́ mbóo gə̄ ō, jḭḭ̄ i ngé dɔ ngan̄g gə̄ ō, tají tḭ̄ḭ̄ kɔ̄ɔ́ ō. Jḭḭ̄ i ɓəlo gə̄ yā ngur yá̰á̰ kə́ tayā tayā gə̄ ō, ɓəlo gə̄ yā yá̰á̰ kə́ tayā tayā gə̄ kə́ adə̄n̄ deē rɔ̄nel̄ ō. J-a jə-rāāī i kem ndul ō, jə-ndiī i gír rāā ɓō yá̰á̰ kə́ tayā tayā gə̄ tə́ ō. Jə-majiī aĺ ngá̰ý ō, jḭḭ̄ i ngé kim̄ naā gə̄ ō.

1 PIYER 2:10

Kété ní sḭḭ̄ i gír de gə̄ yā Nə́ɓā alé, banī ngɔlaā sḭḭ̄ i gír deē yān gə̄. Kété ní Nə́ɓā a̰a̰ kum tō ndoō yāsí alé, ba ngɔlaā ní ni-a̰a̰ kum tō ndoō yāsí.

1 KORḚNTƏ 1:12

Yá̰á̰ ń m̄-gḛy kədasí ní n toó: Sḭḭ̄ kógə̄ḿ kógə̄ḿ ní, najə̄ kɔr̄sí gə̄ i tayā tayā. Ngé kə́rēý gə̄ ədan̄ na: Mā i yā Pol. Kə́ madə̄ gə̄ ədan̄ na: Mā i yā Apolos. Kə́ rang gə̄ ədan̄ na: Mā i yā Kepas. Tá ngé kə́rēý gə̄ ədan̄ na: Mā i yā Kərist.

1 KORḚNTƏ 15:50

Ngákó̰ó̰ḿ gə̄, yá̰á̰ ń m̄-gḛy kəda ní n toó: Dā̰ rɔ̄ ō mósə ō asən̄ kənge Ɓē ko̰o̰ yā Nə́ɓā aĺ ō, yá̰á̰ kə́ ndum asə kənge yá̰á̰ kə́ a ndum aĺ aĺ ō.

1 KORḚNTƏ 12:2

Ī-gerī kadə̄ dan ń sḭḭ̄ ī-taāī kem Nə́ɓā aĺ ɓáý ní, sḭḭ̄ āwī gō ɓesə̄ gə̄ ń nin̄ a ɔrə̄n̄ najə̄ aĺ tə́ ní, tītə̄ kə́ i yá̰á̰ kógə̄ḿ n ɔsə sesí kadə̄ āwī gōdə́ tə́ beē.

1 KORḚNTƏ 11:22

Ə́ngeī i kújə kə́ yā kadə̄ ə́saī yá̰a̰ ō ā̰yī yá̰a̰ ō kemeé aĺ i mbéé a? Aké ī-kídī i Egəlijə yā Nə́ɓā ō, ī-sāāī i kəla rɔ̄sɔl̄ dɔ ngé gə̄ ń yá̰a̰ yādə́ gətóó tə́ ō ní a? Kə m-ə́dásí na i rí? Kə m̄-tɔ̄ȳsí najə̄n tə́ a? ḿm, mā m-ā m̄-tɔ̄ȳsí tām̄ yā nge ń noō tə́ alé.

1 KORḚNTƏ 10:19

Kum yá̰á̰ ń m̄-sāā kəda ní na i rí? m̄-sāā i kəda na dā̰ ń tɔ̄l̄ adə̄n̄ ɓesə̄ ní i yá̰á̰ kə́rēý a? Aké m̄-sāā i kəda na ɓesə̄ i yá̰á̰ kə́rēý a?

1 KORḚNTƏ 7:29

Ngákó̰ó̰ḿ gə̄, najə̄ ń m̄-sāā kədasí ní n toó: Na̰y ndɔ̄ i ngá̰ý alé. Adə̄ majə kadə̄ ngɔlaā ní ngé dəyá̰ gə̄ ndin̄ tītə̄ kə́ taān̄ dəyá̰ aĺ beé ō,

Makətūbə̄ ń Pol ndang adə̄ Rom gə̄ ní 10:18

Ba mā m̄-sāā dəje na: Ké nin̄-oōn̄ najə̄ ní aĺ wa? Oōn̄ majə, tɔdɔ̄ makətūbə̄ əda na: Ndūdə́ na ɓār̄ taā gō dɔ nang malang ō, deē ra i ta ngóy dɔ nang tə́ gə̄gē anī a oō najə̄ kɔrdə́ gə̄ ō.

Makətūbə̄ ń Pol ndang adə̄ Rom gə̄ ní 3:26

Kété jóó ní, Nə́ɓā əndā njan dɔ majaĺ gə̄ tə́, ba ɓōólaā ń j-awīiń toō, ni-gḛy kɔjə kadə̄ ni i de kə́ gōtə́ ō, kadə̄ i ni n a rāā de gə̄ ń a taān̄ kem Jeju ní kadə̄ télən̄ de kə́ gōtə́ gə̄ ō ní.

OJEE 2:23

Kɔ́ɔ̄ɓē əda na: Ndɔ̄ ń noō tə́ ní, m-ā m-ādə̄ yá̰á̰ ń dɔ rā̰ ndi a ngóō ta jīḿ tə́ ní ō, dɔ rā̰ a adə̄ yá̰á̰ ń dɔ nang ndi a ngóō ta jīn tə́ ní ō.

JEREMI 10:14

De gə̄ malang ndin̄ tadə́ mbóo kóńg. Rɔ̄ ngé nōō lɔ́r gə̄ malang sɔl̄də́ dɔ ɓesə̄ yādə́ gə̄ tə́. Yá̰a̰ yādə́ kə́ tɔ́sə̄ gə̄ i yá̰á̰ kə́ rɔ̄kum aĺ gə̄. Koō gətóo kemdə́ tə́.

JEREMI 10:8

I mbóo gə̄ malang ō, gerə̄n̄ najə̄ aĺ ō. Ɓesə̄ yādə́ gə̄ ń unən̄ gōdə́ ní, ndóōn̄də́ yá̰á̰ kə́ kanjə̄ kumən gə̄.