Makətūbə̄ ń Pol ndang adə̄ Rom gə̄ ní 10:16 - Bibəl ta Sar̄

¹⁶ Ba ngé gə̄ ń ndigən̄ Najə̄ kə́ Majə ní i de gə̄ malang alé, tɔdɔ̄ Ijai əda na: Kɔ́ɔ̄ɓē i náā n taā kem najə̄ ń j-ɔjə ní?

Bible sar

¹⁶ Ba ngé gə̄ ń ndigən̄ Najə̄ kə́ Majə ní i de gə̄ malang alé, tɔdɔ̄ Ijai əda na: Kɔ́ɔ̄ɓē i náā n taā kem najə̄ ń j-ɔjə ní?

Makətūbə̄ ń Pol ndang adə̄ Rom gə̄ ní 10:16 Referans Kwoze

IJAI 53:1

Najə̄ kə́ kijə ń j-oō ní, i náā n taā kem ní? I náā n a̰a̰ tɔ́gə yā Kɔ́ɔ̄ɓē ger̄ ní?

Makətūbə̄ ń Pol ndang adə̄ Rom gə̄ ní 3:3

Ba ré ngé kə́rēý gə̄ dandə́ tə́ ngɔ̄mə̄n̄ najə̄ gə̄ ń toō aĺ anī, kə yā kəda na i rí? Kadə̄ Nə́ɓā na a ndi dɔ míndən tə́ alé tām̄ nin̄ na ngɔ̄mə̄n̄ najə̄ yān gə̄ alé a?

HEBƏRO 4:2

Tɔdɔ̄ jḭḭ̄ j-oōī Najə̄ kə́ Majə tītə̄ yā ngé kə́ kem dəla loo tə́ gə̄. Nin̄-oōn̄ najə̄, ba najə̄ ń oōn̄ ní rāā yá̰á̰ kógə̄ḿ tām̄ yādə́ tə́ alé. Tɔdɔ̄ dan ń nin̄-oōn̄ ní, taān̄ kem alé.

2 TESALONIK 1:8

Ni a tél yā reē i kum hor kógə̄ḿ kə́ o̰o̰ tə́, yā dal ba̰ā̰ dɔ ngé ger̄ Nə́ɓā aĺ gə̄ tə́, adə̄ i dɔ ngé gə̄ ń sɔlə̄n̄ dɔdə́ kə̄ no Najə̄ kə́ Majə yā Kɔ́ɔ̄ɓē Jeju tə́ aĺ ní tə́.

GALATƏ 5:7

Ī-ngɔ̄dī kété majə, ba i náā n tél ɔgə̄sí kun gō najə̄ kə́ rɔ̄kum ní?

1 PIYER 2:8

Tá ndangən̄ loo kə́ rang tə́ ɓáý to̰ na: I mbal̄ kə́ əga nja de gə̄, i mbal̄ bo kə́ nge rāā kadə̄ de gə̄ tə́sōn̄. Mbal̄ ní əga njadə́ i tɔdɔ̄ nin̄-mbātə́n̄ taā kem najə̄ yā Nə́ɓā. Tá kété nəkɔ́ gə̄gē ní, əndān̄də́ i kadə̄ yá̰á̰ ń noō rāādə́ ō.

HEBƏRO 11:8

I kə ta kūl̄ taā kem n Abəraham oō ta Nə́ɓā dan ń ɓārə́n ní. Adə̄ ni-aw̄ dɔ nang ń Nə́ɓā a rāā yā kadə̄n kə́ yān tə́ ní tə́. Ni-ḭḭ aw̄ kanjə̄ ger̄ loo ń a aw̄ kə̄ tū tə́ ní tə́.

HEBƏRO 5:9

Dan ń Nə́ɓā rāān adə̄ tél de kə́ majə ɔtə̄ kə taá oy anī, ngé gə̄ malang ń oōn̄ tan ní əngen̄ kajə kə́ ngándáńg kə ta kūl̄neé.

Makətūbə̄ ń Pol ndang adə̄ Rom gə̄ ní 6:17

Banī ādə̄ jə-tɔ̄yī Nə́ɓā, tɔdɔ̄ kété ní sḭḭ̄ i ɓəlo gə̄ yā yá̰á̰ kə́ majaĺ, ba ngɔlaā sḭḭ̄ ōōī ta Nə́ɓā adə̄ ī-rāāī yá̰á̰ ń ndóōn̄sí ní kə ngarān̄g kemsí gēé malang.

Makətūbə̄ ń Pol ndang adə̄ Rom gə̄ ní 2:8

Ba ngé gə̄ ń i ngé mbātə́ najə̄ gə̄ á mbātə́n̄ najə̄ kə́ rɔ̄kum ba rāān̄ i yá̰á̰ kə́ súmūú aĺ gə̄ ní, wōn̄g yān ō, wur katə̄ yān ō, a reēn̄ dɔdə́ tə́.

1 PIYER 3:1

Sḭḭ̄ dəyá̰ gə̄, yāsí ń toó: Ōōī ta ngaasí gə̄ yā kadə̄ ká ré ngé kə́rēý gə̄ dandə́ tə́ mbātə́n̄ taā kem najə̄ yā Nə́ɓā gə̄gē anī, nin̄-taān̄ kem kə ta kūl̄ háĺsí, kanjə̄ kadə̄ ɔ̄rī najə̄ sedə́.

1 PIYER 1:22

Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.

GALATƏ 3:1

Galatə gə̄, sḭḭ̄ i de kə́ kur̄ dɔsí gətóo. Sḭḭ̄ ń ɔjən̄sí najə̄ yā Jeju Kərist kə́ əndanən̄ kə máyá̰ tū kāgə̄ kə́ dēsə́ tə́ adə̄ unjə̄ ta kumsí tə́ ní, i náā n tūr̄ kumsí kɔ̄ɔ́ ní?

Makətūbə̄ ń Pol ndang adə̄ Rom gə̄ ní 16:26

Yá̰á̰ ní rāā yá̰a̰ kem ndɔ̄ yājí gə̄ ń toō tə́ adə̄ to i kə̄ dɔ ndágá. Tītə̄ ń Nə́ɓā kə́ ndi ngándáńg əda ń yá̰a̰ gə̄ kə́ ɔsə kə de gēé kadə̄ rāān̄ ní, nápar de gə̄ malang gerə̄n̄ najə̄ ní ta kūl̄ najə̄ gə̄ ń ngé koō ta gə̄ ndangən̄ ní, yā kadə̄ ré nin̄-taān̄ kem anī oōn̄ ta Nə́ɓā.

Makətūbə̄ ń Pol ndang adə̄ Rom gə̄ ní 11:17

Ngán Israel gə̄ rāān̄ rɔ̄də́ i kāgə̄ olibə kə́ ɓēé kə́ tə́gān̄ ta jīn kə́rēý gə̄ kɔ̄ɔ́ tə́. Ḭ̄ ń i Jipə aĺ ní, ī-rāā rɔ̄í i kāgə̄ olibə kə́ bembeé, kə́ əhɔīn̄ gotədə́ tə́, adə̄ ī-ndi kə ta kūl̄ bəto ń ngəra kāgə̄ olibə kə́ ɓēé a adī ní.

Makətūbə̄ ń Pol ndang adə̄ Rom gə̄ ní 1:5

I kə ta kūl̄neé n Nə́ɓā rajəmə̄ń, adə̄ m̄-tél ngōmbang kəla yā kɔsəń gɔn Kərist ní. I yā kadə̄ m̄-rāāń kadə̄ de gə̄ kə́ dan nápar de gə̄ tə́ malang taān̄ kemən ō oōn̄ tan ō.

KƏLA RĀĀ 28:24

Ngé kə́rēý gə̄ ń najə̄ ní əsō kemdə́ ní taān̄ kem Jeju ō, kə́ madə̄ gə̄ taān̄ kem aĺ ō.

JA̰A̰ 10:26

Banī sḭḭ̄ ī-taāī kemḿ alé, i tɔdɔ̄ sḭḭ̄ i dan batə̄ yāḿ gə̄ tə́ alé.

IJAI 50:10

I náā kə́ dansí tə́ n ɓōĺ ndíĺ Kɔ́ɔ̄ɓē ní? Deē ń noō ní majə kadə̄ oō najə̄ yā nge kəla yān. I náā n njə̄rā dan ndɔ̄ɔ́ ba a̰a̰ loo kógə̄ḿ kə́ unjə̄ kow aĺ bátə́ ní? Majə kadə̄ deē ń noō ənī kemən mámák adə̄ Kɔ́ɔ̄ɓē ō, ra dɔ Nə́ɓā yān tə́ ō.

MATIYE 13:14

Adə̄ najə̄ kə́ ta Nə́ɓā tə́ ń Ijai oō á əda ní reē udə gírí tām̄ yādə́ tə́, ni-əda na: Ā ōōī najə̄ ba ā ī-gerī kum aĺ ō, ā á̰a̰ī loo ba ā á̰a̰ī yá̰a̰ aĺ ō.