Makətūbə̄ ń Pol ndang adə̄ Rom gə̄ ní 10:15 - Bibəl ta Sar̄

¹⁵ Ré Nə́ɓā əla deē aĺ anī, loo kadə̄ deē a ɔjədə́ najə̄ yā Kɔ́ɔ̄ɓē i ba̰ý? Tɔdɔ̄ makətūbə̄ əda na: Ka̰a̰ ngé kəda najə̄ kə́ majə loo reē tə́ i yá̰á̰ kə́ majə ngá̰ý!

Bible sar

¹⁵ Ré Nə́ɓā əla deē aĺ anī, loo kadə̄ deē a ɔjədə́ najə̄ yā Kɔ́ɔ̄ɓē i ba̰ý? Tɔdɔ̄ makətūbə̄ əda na: Ka̰a̰ ngé kəda najə̄ kə́ majə loo reē tə́ i yá̰á̰ kə́ majə ngá̰ý!

Makətūbə̄ ń Pol ndang adə̄ Rom gə̄ ní 10:15 Referans Kwoze

IJAI 52:7

Ka̰a̰ nge kəla kə́ nge reē kə najə̄ kə́ majaá loo reē tə́ dɔ mbal̄ gə̄ tə́ i yá̰á̰ kə́ to rɔ̄nel̄ ngá̰ý! Ni-əda najə̄ yā lɔm ō, kem majə ō, kajə ō. Ni ədaī ḭ̄ Jerusalem na: Nə́ɓā yāí i mban̄g.

EPEJƏ 2:17

Adə̄ Kərist reē i kənī mbēr̄ Najə̄ kə́ Majə yā kem sɔl̄ lɔm tə́, tām̄ yāsí sḭḭ̄ ń ī-ndiī sa̰y rɔ̄n tə́ ní ō, tām̄ yā ngé gə̄ ń nin̄-ndin̄ ngɔr rɔ̄ Nə́ɓā tə́ ní ō.

IJAI 61:1

Ndíĺ Kɔ́ɔ̄ɓē Nə́ɓā i dɔḿ tə́. A̰á̰ā̰, ni-ɔr̄ əndām̄ kə rī kəda ngé ndóō gə̄ najə̄ kə́ majə. Ngé gə̄ ń kemdə́ nujə kɔ̄ɔ́ ní, ni əlam̄ ngáādə́ tə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni əlam̄ kadə̄ m-ə́dádə́ na: Sḭḭ̄ i kɔ́ɔ̄ rɔ̄sí ō, kadə̄ m-ə́dá ngé gə̄ ń ton̄ dəngáyá ní na: Ā ī-téliī yā ka̰a̰ loo kə́ kadaá gogə́ ō.

EPEJƏ 6:15

sākə̄rā kə́ njasí tə́, i təngā kə́ ī-təngāī loo kɔjə Najə̄ kə́ Majə kə́ adə̄ de gə̄ kem sɔl̄ lɔm tə́ ō.

IJAI 40:9

Jerusalem, āl̄ dɔ mbal̄ kə́ ngāl̄ ngá̰ý kum kə̄ dɔɔ́ tə́. Ɓē kə́ Siyo̰, ə́ga kɔŕ kə tɔ́gí gēé malang. Ḭ̄ nge reē kə najə̄ kə́ majaá, ún ndūí kə̄ dɔɔ́, ī-lōō ɓōĺ. Ə́da ɓē gə̄ kə́ Juda tə́ na: Nə́ɓā yāsí n toó!

EPEJƏ 3:8

Mā i kə́ dūú ngá̰ý dan de gə̄ malang yā Nə́ɓā tə́, ɓá tā ba kɔjə de kə́ nin̄ i Jipə aĺ gə̄ najə̄ kə́ dɔ yá̰á̰ kə́ majə gə̄ yā Kərist tə́ kə́ dum̄ deē ger̄ gír tə́ ní, i mā n Nə́ɓā adə̄m̄ rāań kem majə seḿ ní.

JEREMI 23:32

M-ā m-ə́ndá ngé koō ta gə̄ ń a nīn̄ nī kə́ rɔ̄kum aĺ gə̄ ō, a ənīn̄ gotə a sorə̄neé ō, a tə́dan̄ najə̄ kə́ kanjə̄ kumən gə̄ ō, adə̄ gír deē yāḿ gə̄ ndɔmə̄n̄neé ta róbə ní. Tɔdɔ̄ mā m-ə́ládə́ aĺ ō, m̄-mēr̄də́ rāā yá̰a̰ kógə̄ḿ aĺ ō. M-á̰á̰ yá̰á̰ sḛ́ý kə́ nin̄ asən̄ rāā tām̄ yā gír de gə̄ ń toō tə́ aĺ ō. Najə̄ ń Kɔ́ɔ̄ɓē əda ní n noó.

1 PIYER 1:12

Najə̄ ń Nə́ɓā əndā ta ngé koō ta gə̄ tə́ adə̄ ədan̄ ní, ni teē kumdə́ dɔ tə́ adə̄ gerə̄n̄ kadə̄ najə̄ ní i tām̄ yādə́ nin̄ tə́ alé, banī i tām̄ yāsí sḭḭ̄ tə́. Ngé kɔjə Najə̄ kə́ Majə gə̄ ədan̄sí najə̄ ní ngɔlaā i kə tɔ́gə yā Ndíĺ kə́ Táĺ. Ndíĺ kə́ Táĺ ngeé ń toō ní, i Nə́ɓā ń ndi dɔ rā̰ tə́ ní n əla seneé ní. De kə́ dɔ rā̰ tə́ gə̄ gə̄gē nin̄ kɔ́ gə̄ kə dɔdə́ sāān̄ ger̄ najə̄ ní ō.

JA̰A̰ 20:21

Jeju ədadə́ ɓáý to̰ na: Ādī kemsí sɔl̄ lɔm. Tītə̄ ń Bɔbə́ḿ əlam̄ ní, mā m-ə́lásí ō.

KƏLA RĀĀ 22:21

Banī Kɔ́ɔ̄ɓē ədam̄ na: Āw̄ na m-ā m-ə́laī i kə sa̰y, i kə̄ rɔ̄ de gə̄ kə́ nin̄ i Jipə aĺ gə̄ tə́.

KƏLA RĀĀ 13:26

Ngákó̰ó̰ḿ gə̄, sḭḭ̄ ngán kaa Abəraham gə̄ ō, sḭḭ̄ gə̄ ń ī-reēī laā i rāā kəlaá kadə̄ Nə́ɓā ō ní, najə̄ kajə ń toō əlan̄neé adə̄n̄jí i jḭḭ̄.

KƏLA RĀĀ 9:15

Banī Kɔ́ɔ̄ɓē ədan na: Āw̄, tɔdɔ̄ deē ń toō i yá̰a̰ kəla yāḿ kə́ m̄-gə̄rā, yā kadə̄ aw̄ kə rīḿ ta kum nápar de gə̄ tə́ ō, mban̄g gə̄ tə́ ō, ngán Israel gə̄ tə́ ō.

Najə̄ kə́ Majə yā Jeju ń Luk ndang ní 10:1

Gō yá̰a̰ gə̄ ń noō tə́ anī, Kɔ́ɔ̄ɓē gə̄rā de kə́ rang gə̄ kutə sīrí gidə i jōó, ba əladə́ jōó jōó kété non tə́ kem ɓē gə̄ malang ō, kə gō loo gə̄ ō ń nəkɔ́ a rāā yā kaw̄ tū tə́ ní.

Najə̄ kə́ Majə yā Jeju ń Luk ndang ní 8:1

Gō tə́ anī, Jeju njə̄rā kə gō ngán ɓē gə̄ ō, ɓē kə́ bo gə̄ ō, ənīń mbēr̄. Ni ɔjə Najə̄ kə́ Majə kə́ dɔ Ɓē ko̰o̰ yā Nə́ɓā tə́. Ngé ndóō yá̰a̰ yān gə̄ ń nin̄ i deē kutə gidə i jōó ní ō,

Najə̄ kə́ Majə yā Jeju ń Luk ndang ní 2:14

Ɔsən̄ gɔn Nə́ɓā dɔ rā̰ tə́ dɔɔ́ ō, de gə̄ ń ni-táŕdə́ ní sɔlə̄n̄ kemdə́ dɔ nang tə́ ō.

Najə̄ kə́ Majə yā Jeju ń Luk ndang ní 2:10

Banī de kə́ dɔ rā̰ tə́ ní ədadə́ na: Ī-lōōī ɓōĺ, tɔdɔ̄ m̄-reē i kədasí najə̄ kə́ majə tə́, i najə̄ kə́ to rɔ̄nel̄ ngá̰ý tām̄ yā de gə̄ tə́ malang.

MATIYE 9:38

ní ī-dəjeī kɔ́ɔ̄ kōō ní adə̄ əla kə de gēé kadə̄ əjan̄ kōō yān ní.

IJAI 57:19

m-ā m-ə̄ndā pā tɔ̄ȳ tadə́ tə́. Kɔ́ɔ̄ɓē əda na: Deē ń ndi sa̰y ní, kem sɔl̄ lɔm i tām̄ yān tə́ ō, deē ń ndi ngɔr ní, kem sɔl̄ lɔm i tām̄ yān tə́ ō! A̰á̰ā̰, m-ā m̄-rāā gír deē yāḿ gə̄ kadə̄ rɔ̄də́ ngáā.

KƏLA RĀĀ 10:36

Najə̄ ń Nə́ɓā ɔr̄ kə ngán Israel gēé ní sḭḭ̄ ī-gerī, ədadə́ i Najə̄ kə́ Majə kə́ dɔ kem sɔl̄ lɔm tə́ kə ta kūl̄ Jeju Kərist ń i Kɔ́ɔ̄ɓē yā de gə̄ malang ní.

Makətūbə̄ ń Pol ndang adə̄ Rom gə̄ ní 1:15

Adə̄ i tām̄ ń toō tə́ n sḭḭ̄ ń ī-ndiī Rom ní, ngur kaw̄ kɔjəsí Najə̄ kə́ Majə rāām̄ ngá̰ý ní.

Makətūbə̄ ń Pol ndang adə̄ Rom gə̄ ní 15:20

Ba mā m-ɔ́jə Najə̄ kə́ Majə ní i loo kə́ deē oō rī Kərist tū tə́ aĺ ɓáý tə́ ngóy. Kumən na m̄-gḛy kəndā kújə dɔ ngəra kújə yā de kə́ rang tə́ alé.