Makətūbə̄ ń Pol ndang adə̄ Rom gə̄ ní 10:10 - Bibəl ta Sar̄

¹⁰ Tɔdɔ̄ i taā kem kə́ mámák n a rāāī kadə̄ ī-tél de kə́ gōtə́ ní ō, i kəda kə́ əda taí tə́ na Jeju i Kɔ́ɔ̄ɓē ní n a ajiī ní ō.

Bible sar

¹⁰ Tɔdɔ̄ i taā kem kə́ mámák n a rāāī kadə̄ ī-tél de kə́ gōtə́ ní ō, i kəda kə́ əda taí tə́ na Jeju i Kɔ́ɔ̄ɓē ní n a ajiī ní ō.

Makətūbə̄ ń Pol ndang adə̄ Rom gə̄ ní 10:10 Referans Kwoze

1 JA̰A̰ 4:15

Deē ń əda na Jeju i Ngōn̄ Nə́ɓā ní, Nə́ɓā ndi kemən tə́ ō, ni-ndi kem Nə́ɓā tə́ ō.

Makətūbə̄ ń Pol ndang adə̄ Rom gə̄ ní 10:9

Ré ə́da taí tə́ na Jeju i Kɔ́ɔ̄ɓē ō, ré ī-taā kem mámák kadə̄ Nə́ɓā ndólə̄n̄ dan de kə́ koy gə̄ tə́ ō anī, ā ájə.

GALATƏ 2:16

Ɓá tā ba jə-gerī kadə̄ yá̰á̰ ń rāā adə̄ deē tél de kə́ súmūú ta kum Nə́ɓā tə́ ní, i ngɔ̄m̄ ndū najə̄ gə̄ alé, ba i kadə̄ deē taā kem Jeju Kərist. Adə̄ jḭḭ̄, jə-taāī kem Kərist Jeju ō, yā kadə̄ gerə̄n̄neé kadə̄ jḭḭ̄ i de kə́ súmūú gə̄ sɔɔ̄ń taā kə́ jə-taāī kem Kərist, banī i sɔɔ̄ń ngɔ̄m̄ kə́ jə-ngɔ̄mī ndū najə̄ gə̄ alé. Tɔdɔ̄ de kə́ kadə̄ Nə́ɓā rāān de kə́ súmūú tə́, sɔɔ̄ń ngɔ̄m̄ kə́ kɔ́ɔ̄ ngɔ̄m̄ ndū najə̄ ní, gətóo.

HEBƏRO 10:22

I beé ní, ādə̄ jə-ndɔ́tī ngɔr kə̄ rɔ̄ Nə́ɓā tə́, kə kemjí kə́ rɔ̄kum ō, kə taā kem kə́ mámák ō. Tām̄ tə́gon̄ yá̰á̰ kə́ gōtə́ aĺ gə̄ ń rāān̄ adə̄ kemjí əhɔjí kə najá ní kɔ̄ɔ́ ō, tə́gon̄ rɔ̄jí kə man̄ kə́ unjə̄ njáý njáý ō.

Najə̄ kə́ Majə yā Jeju ń Luk ndang ní 8:15

Ngé gə̄ ń tə́sōn̄ nang kə́ majə tə́ ní, i ngé gə̄ ń oōn̄ najə̄ yā Nə́ɓā i kə kem kə́ súmūú ō, kə́ majə ō, əren̄ tadə́ nják ngɔ̄mə̄n̄ najə̄ ní adə̄ kumdə́ to ō ní.

HEBƏRO 3:12

Ngákó̰ó̰ḿ gə̄, ə̄ndāī kum kedə̄ dɔ rɔ̄sí tə́, tɔdɔ̄ majanī deē kógə̄ḿ dɔ dáńsí tə́ i nge kem majaĺ, adə̄ taā kem aĺ yān ɔrə̄n kɔ̄ɔ́ rɔ̄ Nə́ɓā kə́ ndi kə kumneé tə́.

PILIPƏ 3:9

Ɓoo naā yājí seneé i ɓoo naā kə́ líbə́ri a mān̄ mbo̰ō̰ tə́ alé. Loo ń noō tə́ m̄-tél de kə́ nge rāā yá̰á̰ kə́ gō tə́ ta kum Nə́ɓā tə́, i kə ta kūl̄ rāā kə́ m̄-rāā yá̰a̰ gə̄ ń ndū najə̄ yā Nə́ɓā əda ní to̰ alé, ba i kə ta kūl̄ taā kə́ m̄-taā kem Kərist. Yá̰á̰ kə́ gōtə́ ń noō i yā Nə́ɓā. I deē ń taā kem ní n Nə́ɓā rāān de kə́ gōtə́ tə́ ní.

JEJU TEĒ KUM JA̰A̰ 2:13

Loo ń ī-ndi tū tə́ ní, m̄-ger̄, i loo ń kōr̄ kāgə̄ mbang yā Sətan i tū tə́ ní. Banī ḭ̄ ə́hɔ gō rīḿ mā adə̄ ngan̄g. Ī-nējə̄ ndūí alé, ə́da na ī-taā kemḿ mā aĺ alé. Ndɔ̄ ń tɔ̄l̄nəń A̰tipas ń i de kə́ kum tə́ yāḿ kə́ nge ra dɔ ndūn tə́ ní. Ba ndɔ̄ ń tɔ̄l̄nən̄neé tə́ ɓēé loosí, loo ń Sətan ndi tū tə́ ní gə̄gē, ḭ̄ ī-nējə̄ najə̄ ə́da na ī-taā kemḿ aĺ alé.

MARK 9:23

Jeju əda na: I najə̄ rí tə́ á ə́dam̄ na. Ré m-ásə rāā ní! De kə́ nge taā kem asə rāā yá̰a̰ malang.

Makətūbə̄ ń Pol ndang adə̄ Rom gə̄ ní 10:11

Tɔdɔ̄ makətūbə̄ əda na: Deē malang ń a taā kem Jeju ní rɔ̄n a sɔlə̄n alé.

KƏLA RĀĀ 8:37

Pilipə ədan na: Ré ī-taā kem mámák anī ásə kadə̄ m̄-rāāī batém. Anī de kə́ bo ní tūr̄ ədan na: m̄-taā kem kadə̄ Jeju Kərist i Ngōn̄ Nə́ɓā.