Makətūbə̄ ń Pol ndang adə̄ Rom gə̄ ní 1:8 - Bibəl ta Sar̄

⁸ Yá̰á̰ kə́ ta kəga dɔ ní, m̄-ndadə̄ Nə́ɓā yāḿ kə ta kūl̄ Jeju Kərist tām̄ yāsí tə́ malang. Tɔdɔ̄ kə gō dɔ nang malang ní najə̄ taā kem yāsí ɓār̄ ngá̰ý.

Bible sar

⁸ Yá̰á̰ kə́ ta kəga dɔ ní, m̄-ndadə̄ Nə́ɓā yāḿ kə ta kūl̄ Jeju *Kərist tām̄ yāsí tə́ malang. Tɔdɔ̄ kə gō dɔ nang malang ní najə̄ taā kem yāsí ɓār̄ ngá̰ý.

Makətūbə̄ ń Pol ndang adə̄ Rom gə̄ ní 1:8 Referans Kwoze

Makətūbə̄ ń Pol ndang adə̄ Rom gə̄ ní 16:19

Koō ń sḭḭ̄ ōōī najə̄ ta Kɔ́ɔ̄ɓē tə́ ní, de gə̄ gerə̄n̄. Adə̄ rɔ̄ḿ nelə̄m̄ najə̄ yāsí tə́, ba m̄-gḛy kadə̄ sḭḭ̄ i de kə́ ngáā gə̄ kadə̄ ī-rāāī yá̰á̰ kə́ majə ō, ī-tə́laī rɔ̄sí dan yá̰á̰ kə́ majaĺ gə̄ tə́ aĺ ō.

1 KORḚNTƏ 1:4

m̄-ndadə̄ Nə́ɓā yāḿ ngándáńg tām̄ yāsí tə́, najə̄ yá̰a̰ gə̄ ń ni-adə̄sí kə gō kem majə yānneé sɔɔ̄ń Kərist Jeju ní.

Makətūbə̄ ń Pol ndang adə̄ Rom gə̄ ní 6:17

Banī ādə̄ jə-tɔ̄yī Nə́ɓā, tɔdɔ̄ kété ní sḭḭ̄ i ɓəlo gə̄ yā yá̰á̰ kə́ majaĺ, ba ngɔlaā sḭḭ̄ ōōī ta Nə́ɓā adə̄ ī-rāāī yá̰á̰ ń ndóōn̄sí ní kə ngarān̄g kemsí gēé malang.

1 PIYER 4:11

Ré deē kógə̄ḿ a ɔr̄ najə̄ anī, majə kadə̄ i yá̰a̰ gə̄ ń Nə́ɓā əda ní n ni-əda de gə̄ ní. Ré deē kógə̄ḿ a rāā kə de gēé anī, majə kadə̄ i kə tɔ́gə́ ń Nə́ɓā adə̄n ní. Yā kadə̄ tū yá̰a̰ gə̄ tə́ malang ɓáa kɔsə gɔn i yā Nə́ɓā kə ta kūl̄ Jeju Kərist, ni ń kɔsə gɔn ō, ndi dɔ de gə̄ tə́ ō, i yān kə dɔ ɓāl̄ gə̄ ɓāl̄ gə̄ ní. Adə̄ i tītə̄ ń noō!

1 PIYER 2:5

Ī-ndɔ́tī kə̄ ngɔr tītə̄ mbal̄ gə̄ kə́ ndin̄ kə kumdə́ beē ādə̄ ɔyn̄sí rāān̄neé kújə ndi Ndíl. Loo ń noō tə́ ā ī-téliī ɓūtə̄ ngé tun̄ yá̰a̰ gə̄ kə́ nin̄-ɔrə̄n̄ kam̄də́ tām̄ yā Nə́ɓā tə́, yā kadə̄ əndān̄ kəla ndējə̄ Nə́ɓā yá̰á̰ kə́ tun̄ gə̄ yā Ndíl dɔsí tə́. Yá̰a̰ kə́ tun̄ gə̄ yā Ndíĺ ní, a nel̄ Nə́ɓā i kə ta kūl̄ Jeju Kərist.

HEBƏRO 13:15

I beé ní, jə-ndējī Nə́ɓā tɔȳ yājí tītə̄ yá̰a̰ tun̄ beé kə ndɔ̄ gə̄ ndɔ̄ gə̄, kə ta kūl̄ Jeju. Kumən na ādə̄ jə-tɔ̄yī rīn kə tam tají kə ndɔ̄ gə̄ ndɔ̄ gə̄.

KOLOSƏ 1:3

Jə-ndadə̄ Nə́ɓā, Bɔbə̄ Kɔ́ɔ̄ɓē yājí Jeju Kərist kə dɔ ndɔ̄ gə̄, dan ń j-a jə-ndɔ̄yń tām̄ yāsí tə́ ní.

PILIPƏ 1:3

Kə dɔ ndɔ̄ gə̄ ń m-ā m̄-gírəń dɔsí tə́ noō, m̄-ndadə̄ m-ādə̄ Nə́ɓā yāḿ tām̄ yāsí tə́ malang.

EPEJƏ 1:15

I tām̄ najə̄ ń toō tə́ n, dan ń m-ōō na ī-taāī kem Kɔ́ɔ̄ɓē Jeju ō, na ī-táriī de gə̄ yā Nə́ɓā malang ō ní,

PILIPƏ 1:11

Sḭḭ̄ ā ī-rāāī yá̰á̰ kə́ gō tə́ gə̄ ngá̰ý kə ta kūl̄ Jeju Kərist yā kɔsəń gɔn Nə́ɓā ō, yā ɓōkə́nəń tɔ̄ȳ ō.

EPEJƏ 5:20

Ī-ndadī Bɔbə̄jí Nə́ɓā ngándáńg tām̄ yā yá̰a̰ gə̄ tə́ malang kə rī Kɔ́ɔ̄ɓē yājí Jeju Kərist.

MATIYE 24:14

Najə̄ kə́ Majə kə́ dɔ Ɓē ko̰o̰ ń toō tə́ ní, a ənīn̄ mbērən kə̄ loo gə̄ tə́ malang dɔ nang tə́, kadə̄ a tél i najə̄ kə́ kum tə́ kə̄ no nápar de gə̄ tə́ malang. Tā anī ta ngóy yá̰a̰ a reē tā.

EPEJƏ 3:21

Adə̄ kɔsə gɔn i yān dan ngé kán̄ naā gə̄ tə́, kə ta kūl̄ Kərist Jeju kə dɔ ɓāl̄ gə̄ malang. Adə̄ i tītə̄ ń noō!

KƏLA RĀĀ 11:28

Deē kógə̄ḿ kə́ dandə́ tə́ ń rīn na i Agabus ní Ndíĺ kə́ Táĺ ɔjən kadə̄ ɓō kə́ ngá̰ý a əsō dɔ nang tə́ malang, adə̄ ni-ḭḭ dɔɔ́ əda de gə̄. Ɓō ní əsō rɔ̄kum ɓāl̄ ko̰o̰ ɓē yā Kəlodə tə́.

Najə̄ kə́ Majə yā Jeju ń Luk ndang ní 2:1

Dan ngeé ń noō tə́ ní, Sejar Ogustə ndang yá̰a̰ kadə̄ yā rāā adə̄ ənīn̄ mbēr̄ rāā sānjə̄mā dɔ nang tə́ malang kə taá.

KƏLA RĀĀ 28:22

Ba jḭḭ jə-gḛy kadə̄ īkɔ́ ə́dájí yá̰á̰ ń ī-gír̄ ní kə taí. Tɔdɔ̄ jə-ger̄ kadə̄ kə gō loo gə̄ malang ní, de gə̄ ndigən̄ najə̄ yā gír ɓūtə̄ yāí ń toō alé.

Makətūbə̄ ń Pol ndang adə̄ Rom gə̄ ní 10:18

Ba mā m̄-sāā dəje na: Ké nin̄-oōn̄ najə̄ ní aĺ wa? Oōn̄ majə, tɔdɔ̄ makətūbə̄ əda na: Ndūdə́ na ɓār̄ taā gō dɔ nang malang ō, deē ra i ta ngóy dɔ nang tə́ gə̄gē anī a oō najə̄ kɔrdə́ gə̄ ō.

2 KORḚNTƏ 2:14

Banī jə-ndadə̄ j-adə̄ Nə́ɓā, tām̄ ni-ndɔ́r̄jí aw̄ sejí gō Kərist ń tetə rɔ̄ɔ̄ tə́ ní ngándáńg ō, ni-unjí rāań adə̄ de gə̄ gerə̄n̄ Kərist kə̄ loo gə̄ tə́ malang ō. Adə̄ to i tītə̄ sēē ítər kə́ otə majə kə́ taā loo beé.

EPEJƏ 1:16

m̄-lōō gír ndadə̄ Nə́ɓā tə́ tām̄ yāsí tə́ aĺ ní. Dan ń m-ā m̄-ndɔ̄ȳ Nə́ɓā anī əga kemḿ dɔsí tə́.

1 TESALONIK 1:2

Jə-ndadə̄ Nə́ɓā ngándáńg tām̄ yāsí tə́ malang, dan ń jə-gír̄ dɔsí tə́ kem ndɔ̄ȳ yājí tə́ ní.

1 TESALONIK 2:13

Najə̄ ń jə-ndadə̄ń Nə́ɓā tām̄ yāsí tə́ ngándáńg ní n toó: Dan ń j-ɔjəsí najə̄ yā Nə́ɓā ādə̄ ōōī ō, ī-taāī ō ní, ī-taāī i tītə̄ najə̄ yā de gə̄ alé, ba i kə́ najə̄ yā Nə́ɓā nəkɔ́ tə́.

2 TESALONIK 1:3

Ngákó̰ó̰jí gə̄, majə kadə̄ jə-ndadə̄ Nə́ɓā ngándáńg tām̄ yāsí tə́. Nge ń noō i gō tə́, tɔdɔ̄ taā kem yāsí aw̄ kum kə̄ kété kété kə ngangāá ngá̰ý ō, tár yāsí kə́ tām̄ yā naā tə́ a aw̄ i kum kə̄ kété kété ō.

2 TIMOTE 1:3

Ndɔ̄ɔ́ ō kadaá ō, dan ń m-ā m̄-ndɔ̄ȳ anī, m̄-gír̄ dɔí tə́. Adə̄ m̄-ndadə̄ Nə́ɓā ń m̄-rāā kəla yān tītə̄ yā kaaḿ gə̄, kanjə̄ kadə̄ kemḿ ɔjəm̄ yá̰á̰ kógə̄ḿ kə́ majaĺ ní.

PILEMO̰ 1:4

Dan ń m̄-ndɔ̄ȳ Nə́ɓā anī əga kemḿ dɔí tə́, adə̄ m̄-ndadə̄ Nə́ɓā yāḿ ngándáńg tām̄ yāí tə́.