Makətūbə̄ ń Pol ndang adə̄ Rom gə̄ ní 1:30 - Bibəl ta Sar̄

³⁰ ngé rāā mə́naā gə̄ ō, madə̄ kɔ̄l̄ Nə́ɓā gə̄ ō. Nin̄ i ngé sāā najə̄ gə̄ ō, ngé kɔjə rɔ̄də́ gə̄ ō, ngé kɔr ta rɔ̄də́ gə̄ ō. Nin̄ i ngé sāā kum kedə̄ kə́ rang gə̄ yā rāāń yá̰á̰ kə́ majaĺ gə̄ ō, ngé mbātə́ najə̄ ta bɔbə̄də́ kə kó̰ó̰də́ gə̄ tə́ ō.

Bible sar

³⁰ ngé rāā mə́naā gə̄ ō, madə̄ kɔ̄l̄ Nə́ɓā gə̄ ō. Nin̄ i ngé sāā najə̄ gə̄ ō, ngé kɔjə rɔ̄də́ gə̄ ō, ngé kɔr ta rɔ̄də́ gə̄ ō. Nin̄ i ngé sāā kum kedə̄ kə́ rang gə̄ yā rāāń yá̰á̰ kə́ majaĺ gə̄ ō, ngé mbātə́ najə̄ ta bɔbə̄də́ kə kó̰ó̰də́ gə̄ tə́ ō.

Makətūbə̄ ń Pol ndang adə̄ Rom gə̄ ní 1:30 Referans Kwoze

2 TIMOTE 3:2

Tɔdɔ̄ a o̰o̰ de gə̄ i ta rɔ̄də́ nin̄ kɔ́ gə̄ ō, a rāān̄ ta nar ō, a gángə̄n̄ rɔ̄də́ ō, a ɔjən̄ rɔ̄də́ ō, a ngonjə̄n̄ ō, a mbātə́n najə̄ ta ngé kojədə́ gə̄ tə́ ō, a gerə̄n̄ majə kə́ deē rāā sedə́ aĺ ō, ā ɓōlə́n̄ gidə yá̰á̰ kə́ táĺ gə̄ aĺ ō,

Makətūbə̄ ń Jud ndang ní 1:16

De gə̄ ngeé ń toō ní, nin̄ i ngé tām̄ bujə bujə gə̄ ō, rɔ̄də́ nel̄də́ aĺ ō, a nōōn̄ i rɔ̄də́ kə dɔ ndɔ̄ gə̄ ō, a ɔrə̄n̄ i najə̄ kə́ al̄ tadə́ gə̄ ō, nin̄ i ngé gól̄ kum de gə̄ yā kəngeń yá̰a̰ ō.

2 PIYER 2:18

Najə̄ kɔr̄də́ i najə̄ kə́ to kɔjə rɔ̄ gə̄ ō, i mbóo najə̄ gə̄ ō. Yá̰á̰ kə́ majaĺ gə̄ ń ngurən i kemdə́ tə́ ní, nin̄-əyān̄ gūmbə̄ kə yá̰a̰ gə̄ ní əhɔn̄neé ngé teē jī ngé rāā yá̰a̰ gō tə́ aĺ gə̄ tə́ ngɔr ɓáý gə̄.

JAKƏ 4:16

ba sḭḭ̄ ɔ́riī ta rɔ̄sí kə kɔjə rɔ̄ yāsí. Kɔr ta rɔ̄ kə́ tītə̄ ń noō malang ní i kə́ majaĺ.

JAKƏ 3:5

Yā ta ndo̰jí i beé ō. Ni i ngōn̄ rɔ̄jí kə́ dūú sḛ́ý beē ba rāā yá̰á̰ kə́ bo ngá̰ý gə̄. Hor kə́ sḛ́ý beē asə ko̰o̰ ku kāgə̄ kə́ bo ngá̰ý gə̄ ní ī-gerī aĺ a?

TITƏ 3:3

Tɔdɔ̄ kété ní, jḭḭ̄ i de kə́ mbóo gə̄ ō, jḭḭ̄ i ngé dɔ ngan̄g gə̄ ō, tají tḭ̄ḭ̄ kɔ̄ɔ́ ō. Jḭḭ̄ i ɓəlo gə̄ yā ngur yá̰á̰ kə́ tayā tayā gə̄ ō, ɓəlo gə̄ yā yá̰á̰ kə́ tayā tayā gə̄ kə́ adə̄n̄ deē rɔ̄nel̄ ō. J-a jə-rāāī i kem ndul ō, jə-ndiī i gír rāā ɓō yá̰á̰ kə́ tayā tayā gə̄ tə́ ō. Jə-majiī aĺ ngá̰ý ō, jḭḭ̄ i ngé kim̄ naā gə̄ ō.

2 TESALONIK 2:4

Ni ń i nge mbātə́ Nə́ɓā ō, i nge kɔsə rɔ̄n kə̄ dɔɔ́ dɔ yá̰a̰ malang ń a ɓārə́n̄ na i nə́ɓā á de gə̄ a rɔȳn̄ ō ní, ni-aw̄ bátə́ ndi kem kújə yā Nə́ɓā tə́, ba əda kə̄ ndágá na ni na i Nə́ɓā.

2 KORḚNTƏ 10:15

Adə̄ dɔ nin̄ loo ń Nə́ɓā ɔjə ní, jḭḭ jə-mān̄ dɔ alé. J-ɔr ta rɔ̄jí kə kəla kə́ de kə́ rang gə̄ rāān̄ alé. Ba j-əndā kemjí dɔ tə́ kadə̄ taā kem yāsí a ḭḭ kə gidəneé, yā kadə̄ j-asəń rāā kəla kə bo tɔȳ nge ń jə-rāā kété dɔ dáńsí tə́ ní. Banī j-a jə-ra i dɔ nin̄ loo ń Nə́ɓā ɔjəjí tə́ ní ngándáńg.

Makətūbə̄ ń Pol ndang adə̄ Rom gə̄ ní 3:27

Ní loo kadə̄ j-ɔjiī rɔ̄jí i rá ɓáý? Lon gətóo. I tām̄ rí tə́? I tām̄ yā kəla yājí gə̄ tə́ a? I tām̄ yā kəla yājí gə̄ tə́ alé, banī i tām̄ yā taā kem yājí tə́.

Makətūbə̄ ń Pol ndang adə̄ Rom gə̄ ní 2:23

Ḭ̄ ń ɔ́jə rɔ̄í i kə ta kūl̄ ndū najə̄ ní, i ba̰ý á ī-tél ī-mbātə́ rāā yá̰á̰ ń ndū najə̄ ɔjə ní ī-nujəń rī Nə́ɓā ní?

Makətūbə̄ ń Pol ndang adə̄ Rom gə̄ ní 2:17

Ḭ̄ ń rī Jipə ɓār̄ dɔí tə́ ní, ə̄ndā tɔ́gí dɔ ndū najə̄ tə́ ō, ɔ́jə rɔ̄í najə̄ yā Nə́ɓā yāí tə́ ō,

KƏLA RĀĀ 5:36

Tɔdɔ̄ Tedas ń teē yān ní dan i ngá̰ý aĺ ɓáý. Ni ɔjə kadə̄ ni na i deē kógə̄ḿ kə́ bo, adə̄ de gə̄ kə́ asən̄ ɓú sɔ́ ń noō unən̄ gōn. Dan ń tɔ̄l̄nən̄ kɔ̄ɔ́ anī de gə̄ ń unən̄ gōn ní tə̄ndān̄ naā tḭ̄ḭ̄n̄ malang kɔ̄ɔ́, adə̄ gotədə́ to i karī.

Najə̄ kə́ Majə yā Jeju ń Luk ndang ní 21:16

Bɔbə̄sí sḭḭ̄ kɔ́ gə̄ ō, kó̰ó̰sí gə̄ ō, ngákó̰ó̰sí gə̄ ō, kə ngéésí gə̄ ō, madə̄ tasí gə̄ ō, a əlan̄sí jī ngé sarya gə̄ tə́. Ngá̰ý gə̄ dansí tə́ a tɔ̄lə̄n̄də́ kɔ̄ɔ́,

MATIYE 16:21

Jeju əla gír kəda ngé ndóō yá̰a̰ yān gə̄ kum mbang nəkɔ́ ń noō tə́ wáńg na i gáŕ kadə̄ n-aw̄ Jerusalem kadə̄ n-a̰a̰ tápə̄ ngá̰ý jī kum kɔɔ̄ gə̄ tə́ ō, ngol gə̄ kə́ dɔ ngé tun̄ yá̰a̰ gə̄ tə́ ō, ngé ndóō de gə̄ ndū najə̄ gə̄ tə́ ō. Na a tɔ̄l̄nən̄, ba ndɔ̄ kə́ nge ko̰ mətá anī n-a n-ndól̄.

MATIYE 15:4

Tɔdɔ̄ Nə́ɓā əda na: Ī-rɔȳ bɔbí ō kó̰ó̰í ō. Tá əda ɓáý to̰ na: Deē ń ndɔ̄ĺ bɔbə̄n aláa kó̰o̰n ɓáa, kə tɔ̄l̄nən̄ kɔ̄ɔ́.

EJEKIEL 22:7

De gə̄ a kídə̄n̄ i bɔbə̄də́ gə̄ kə kó̰ó̰də́ gə̄ ɓēé looí ō, a rāān̄ i kum ngé nam̄ ɓē gə̄ ndoō tə́ ō, a əsan̄ i tətō ngán hal gə̄ ō dəyá̰ kə́ ngaa koy gə̄ ō.

KOHELET 7:29

Banī yá̰á̰ ń m-ə́ngé ní á̰a̰ā̰ a? Nə́ɓā rāā de gə̄ adə̄ ran̄ súmūú, banī nin̄ tə́lan̄ yá̰a̰ naā tə́ adə̄ al̄ naā ngá̰ý.

Gōsə̄ najə̄ gə̄ 30:17

Ré deē kógə̄ḿ mbóo kə bɔbə̄neé ō, mbātə́ koō najə̄ ta kó̰o̰n ō anī, ká̰ā̰ gə̄ a tə́gān̄ kumən ō, kə̄rō gə̄ a əsan̄ kumən ō.

Gōsə̄ najə̄ gə̄ 25:23

Néĺ kə́ dām̄ mbɔ́r ɓē kə́ ko̰ó̰ tə́ a reē i kə maná ō, wōn̄g kə́ ngá̰ý kə́ rāā deē adə̄ dɔ kumən síndə̄rī kɔ̄ɔ́ a reē i kə najə̄ yā góləń loo ō.

Gōsə̄ najə̄ gə̄ 8:36

Deē ń rāā majaĺ seḿ māá ní rāā majaĺ i kə rɔ̄n nəkɔ́ ō, deē ń imə̄m̄ ní i de kə́ gḛy koy ō.

PĀ GƏ̄ 106:39

Télən̄ de kə́ majaĺ tákə̄də́ gə̄ kə gō kəla rāādə́ gə̄ ō, télən̄ ájə́ba gə̄ kə gō yá̰a̰ rāādə́ gə̄ ō.

PĀ GƏ̄ 99:8

Kɔ́ɔ̄ɓē Nə́ɓā yājí, i īkɔ́ n ī-ndigə ɓār̄ yādə́ ní. Ḭ̄ i Nə́ɓā yādə́ kə́ nge tə́gā taí dɔdə́ tə́, banī yá̰á̰ kə́ majaĺ gə̄ ń nin̄ rāān̄ ní ḭ̄ ə́ndádə́ najə̄n tə́.

PĀ GƏ̄ 97:7

Ngé rāā ɓesə̄ gə̄ malang ń i ngé kɔjə rɔ̄də́ kə yá̰á̰ kə́ kumən gətóo gə̄ ní, rɔ̄də́ sɔl̄də́. Sḭḭ̄ nə́ɓā kə́ rang gə̄ malang, ɔ́siī nosí nang tə́ no Kɔ́ɔ̄ɓē tə́!

PĀ GƏ̄ 94:4

Nin̄ malang ń noō ń i ngé rāā madə̄də́ gə̄ yá̰á̰ kə́ tōr̄ ní tə́gān̄ gúdə́ ō, mbáȳn̄ ədan̄ na tɔ́gə́də́ na to noó ō, tə́dan̄ najə̄ kə́ to ngonjə̄ gə̄ ō, ɔjən̄ rɔ̄də́ ō.

PĀ GƏ̄ 81:15

m-ā m-ə́la rɔ̄sɔl̄ dɔ madə̄ ba̰ā̰də́ gə̄ tə́ ō, m-ā m̄-tūr̄ jīḿ yā rɔ̄ɔń kə ngé rāā kumdə́ ndoō tə́ gēé ō láẃ ngá̰ý.

PĀ GƏ̄ 52:1

Pā kə́ kem makətūbə̄ yā ngār yā gōsə̄ Pā gə̄ tə́. I pā yā Dabid kə́ yā ndóoń deē yá̰a̰.

PĀ GƏ̄ 49:6

Ndɔ̄ kə́ majaĺ tə́ anī, m̄-sōl̄ ngam yā ngé gól̄ loo gə̄ ń gīr̄mə̄n̄ ní i tām̄ rí tə́?

2 YÁ̰A̰ GƏ̄ 25:19

Ḭ̄ Amasia, i tām̄ tetə ń ī-tetə Edom gə̄ rɔ̄ɔ̄ ní n ā ɔ́jə rɔ̄í noō. Ní, ɔ́r ta rɔ̄í ba ī-ndi ɓēé looí. Ī-ndigə kəla gír rɔ̄ɔ̄ kə́ ta tɔ̄l̄ ta a majə aĺ tām̄ yāí tə́ i najə̄ rí tə́? Tɔdɔ̄ a tetənī rɔ̄ɔ̄ naā tə́ kə ngé rɔ̄ɔ̄ kə́ Juda tə́ gə̄ malang loo rɔ̄ɔ̄ ní tə́.

2 YÁ̰A̰ GƏ̄ 19:2

Yehu nge koō ta kə́ ngōn̄ Hanani tə́nī tan ba ədan na: I nge kem ndul n ā ī-rāā seneé ō, i madə̄ ba̰ā̰ Kɔ́ɔ̄ɓē gə̄ n ā ī-gḛydə́ ō ní a? Wōn̄g yā Kɔ́ɔ̄ɓē a reē dɔí tə́ najə̄ yá̰a̰ gə̄ ń noō tə́.

1 MBAN̄G GƏ̄ 20:11

Mban̄g kə́ Israel tél əda na: Ə́daī Ben Hadad ɓáý na, deē ń aw̄ ta rɔ̄ɔ̄ tə́ ní a ɔjə rɔ̄n tītə̄ yā deē ń aw̄ ta rɔ̄ɔ̄ tə́ ba tetə rɔ̄ɔ̄ kɔ̄ɔ́ á téĺ ní alé.

NDŪ NAJƏ̄ 27:16

Deē ń kídə̄ bɔbə̄n ō, kó̰o̰n ō ní, ndɔ̄ĺ i dɔn tə́. Loo ń noō tə́ de gə̄ malang a ədan̄ na: A̰á̰ā̰ ādə̄ i tītə̄ ń noō.

NDŪ NAJƏ̄ 7:10

Banī ngé gə̄ ń im̄nən̄ ní a rāādə́ yá̰á̰ kə́ tōr̄ kə̄ ta jī tə́ noō kanjə̄ kɔr bā̰ā̰ kadə̄ oyn̄ kɔ̄ɔ́.

TƏ́DA 10:35

Ré sandúkə madə̄ naā a ɔr̄ dɔɔ́ anī Moijə əda na: Kɔ́ɔ̄ɓē, ḭ́ḭ dɔɔ́ ādə̄ madə̄ ba̰ā̰í gə̄ tə̄ndān̄ naā tḭ̄ḭ̄n̄ kɔ̄ɔ́ ō, ādə̄ ngé rɔ̄ɔ̄í gə̄ a̰ȳn̄ naā kɔ̄ɔ́ noí tə́ ō.

JA̰A̰ 7:7

Banī nin̄-imə̄mə̄n̄ mā i tɔdɔ̄ kəda ń m-ə́da kə̄ ndágá wáńg na kəla rāādə́ gə̄ i kə́ majaĺ ní.

PĀ GƏ̄ 10:3

Nge kem ndul ənda kadən najə̄ kəla rāān kə́ udə gírí tə́. Dan ń ni-ənge yá̰á̰ ń kemən ndigə ní oy anī, lur Kɔ́ɔ̄ɓē kə tɔ̄yɔ̄ɔ́.

PĀ GƏ̄ 5:5

Ḭ̄ i Nə́ɓā kə́ madə̄ majaĺ alé. Loo yā nge kem ndul gətóo looí.

Gōsə̄ najə̄ gə̄ 24:8

A ɓārə́n̄ de kə́ nge núm̄ rāā yá̰á̰ kə́ majaĺ na i de kə́ kumən edə̄ ngá̰ý.

2 KORḚNTƏ 12:20

m̄-ɓōĺ najə̄ kadə̄ ré m-āw̄ loosí anī, m-ə́ngésí i tītə̄ ń m̄-gírəń ní aĺ ō, sḭḭ̄ ə́ngemī i tītə̄ ń ī-gírīneé ní aĺ ō. m̄-ɓōĺ najə̄ kadə̄ kɔ̄l̄ naā gə̄, kə kəndā naā nii gə̄, kə wōn̄g gə̄, kə rɔ̄ɔ̄ naā dɔ loo tə́ gə̄, kə tájə̄ naā gə̄, kə tām̄ kə naá gə̄, kə haalo gə̄, kə kɔjə rɔ̄ gə̄, kə yá̰á̰ kə́ a̰a̰ gō naā aĺ gə̄ ton̄ dɔ dáńsí tə́.

EJEKIEL 14:5

I tītə̄ ń noō n najə̄ yāḿ a əsōń kem ngán Israel gə̄ ń əya̰mə̄n̄ kɔ̄ɔ́ ba aw̄n̄ sa̰y najə̄ yā nə́ɓā yādə́ kə́ rɔ̄kum aĺ gə̄ tə́ ní.