Makətūbə̄ ń Pol ndang adə̄ Rom gə̄ ní 1:29 - Bibəl ta Sar̄

²⁹ Kemdə́ i yá̰a̰ malang kə́ gō tə́ aĺ gə̄, kə yá̰á̰ kə́ majaĺ gə̄, kə ndə̄ngā yá̰a̰ yā naā gə̄, kə kem ndul gə̄, kə rāā nii gə̄, kə ngur tɔ̄l̄ naā gə̄, kə kɔ̄l̄ gə̄, kə gól̄ loo gə̄, kə háĺ kə́ majaĺ gə̄. Nin̄ i ngé haalo gə̄ ō,

Bible sar

²⁹ Kemdə́ i yá̰a̰ malang kə́ gō tə́ aĺ gə̄, kə yá̰á̰ kə́ majaĺ gə̄, kə ndə̄ngā yá̰a̰ yā naā gə̄, kə kem ndul gə̄, kə rāā nii gə̄, kə ngur tɔ̄l̄ naā gə̄, kə kɔ̄l̄ gə̄, kə gól̄ loo gə̄, kə háĺ kə́ majaĺ gə̄. Nin̄ i ngé haalo gə̄ ō,

Makətūbə̄ ń Pol ndang adə̄ Rom gə̄ ní 1:29 Referans Kwoze

2 KORḚNTƏ 12:20

m̄-ɓōĺ najə̄ kadə̄ ré m-āw̄ loosí anī, m-ə́ngésí i tītə̄ ń m̄-gírəń ní aĺ ō, sḭḭ̄ ə́ngemī i tītə̄ ń ī-gírīneé ní aĺ ō. m̄-ɓōĺ najə̄ kadə̄ kɔ̄l̄ naā gə̄, kə kəndā naā nii gə̄, kə wōn̄g gə̄, kə rɔ̄ɔ̄ naā dɔ loo tə́ gə̄, kə tájə̄ naā gə̄, kə tām̄ kə naá gə̄, kə haalo gə̄, kə kɔjə rɔ̄ gə̄, kə yá̰á̰ kə́ a̰a̰ gō naā aĺ gə̄ ton̄ dɔ dáńsí tə́.

Gōsə̄ najə̄ gə̄ 16:28

De kə́ hálən nujə kɔ̄ɔ́ rāā yá̰a̰ adə̄ de gə̄ kɔ̄lə̄n̄ naā ō, de kə́ nge rāā mə́naā nujə madə̄ naā yā de gə̄ ō.

Gōsə̄ najə̄ gə̄ 26:20

Dan ń kīr̄ gətóó ɓáa hor a oy ō. Dan ń nge tetə najə̄ gətóó ɓáa gír kɔ̄l̄ naā a gān̄g ō.

PĀ GƏ̄ 41:7

Ré deē kógə̄ḿ kə́ dandə́ tə́ reē go̰ō̰ḿ tə́ anī, i yā tél kaw̄ tétəń najə̄ dɔḿ tə́. Kɔ́ɔ̄ ní ɔy najə̄ kə́ rɔ̄kum aĺ gə̄ rāā sádə̄ tə́, ba ré teē ndágá anī seĺdə́ kə gō róbó.

Makətūbə̄ ń Pol ndang adə̄ Rom gə̄ ní 3:10

Tɔdɔ̄ ndangən̄ kem makətūbūú na: De kə́ súmūú gətóo, kal kógə̄ḿ lélék gə̄gē gətóo.

MATIYE 5:32

Ba mā m-ə́dásí na deē ń mbātə́ nə̄yá̰n kanjə̄ kadə̄ nə̄yá̰n ní sāā i dəngam kə́ rang ní, rāā i kadə̄ nə̄yá̰n ní tél dəyá̰ kə́ nge rāȳ loo ń aw̄ taā dəngam kə́ rang ní. Ba dəngam ń taā dəyá̰ kə́ ngaan mbātə́n ní rāā i rāȳ ō.

1 TIMOTE 3:11

Yā dəyá̰ gə̄ i tītə̄ ń noō ō, ādə̄ nin̄ i dəyá̰ gə̄ kə́ de gə̄ ɓōlə́n̄ ndíĺdə́ ō, nin̄ i ngé tām̄ kə de gēé aĺ ō, ngé kəhɔ rɔ̄də́ dɔ yá̰á̰ tə́ gə̄ ō, ādə̄ nin̄ i ngé ra dɔ ndūdə́ tə́ gə̄ tū yá̰a̰ gə̄ tə́ malang ō.

TITƏ 3:3

Tɔdɔ̄ kété ní, jḭḭ̄ i de kə́ mbóo gə̄ ō, jḭḭ̄ i ngé dɔ ngan̄g gə̄ ō, tají tḭ̄ḭ̄ kɔ̄ɔ́ ō. Jḭḭ̄ i ɓəlo gə̄ yā ngur yá̰á̰ kə́ tayā tayā gə̄ ō, ɓəlo gə̄ yā yá̰á̰ kə́ tayā tayā gə̄ kə́ adə̄n̄ deē rɔ̄nel̄ ō. J-a jə-rāāī i kem ndul ō, jə-ndiī i gír rāā ɓō yá̰á̰ kə́ tayā tayā gə̄ tə́ ō. Jə-majiī aĺ ngá̰ý ō, jḭḭ̄ i ngé kim̄ naā gə̄ ō.