Makətūbə̄ ń Pol ndang adə̄ Rom gə̄ ní 1:28 - Bibəl ta Sar̄

²⁸ Dan ń nin̄-mbātə́n̄ ger̄ Nə́ɓā ní, Nə́ɓā əya̰də́ kə ger̄ yá̰a̰ aĺ yādə́ adə̄ nin̄-rāān̄ yá̰á̰ ń sɔɔ̄ kadə̄ nin̄-rāān̄ aĺ ní.

Bible sar

²⁸ Dan ń nin̄-mbātə́n̄ ger̄ Nə́ɓā ní, Nə́ɓā əya̰də́ kə ger̄ yá̰a̰ aĺ yādə́ adə̄ nin̄-rāān̄ yá̰á̰ ń sɔɔ̄ kadə̄ nin̄-rāān̄ aĺ ní.

Makətūbə̄ ń Pol ndang adə̄ Rom gə̄ ní 1:28 Referans Kwoze

Makətūbə̄ ń Pol ndang adə̄ Rom gə̄ ní 1:21

Tɔdɔ̄ nin̄-gerə̄n̄ Nə́ɓā ba ɔsən̄ gɔnən aĺ ō, ndadə̄nən̄ sḛ́ý tītə̄ ń de gə̄ a rāān̄neé kə Nə́ɓāá ní aĺ ō. Ba gír̄ yā de gə̄ i gír̄ kə́ ro karī ō, ger̄ yá̰a̰ aĺ kə́ kemdə́ tə́ ənī til kumdə́ tə́ kɔ̄ɔ́ ō.

TITƏ 1:16

Nin̄-ədan̄ na n-gerə̄n̄ Nə́ɓā, banī yá̰a̰ rāādə́ ɔjə kadə̄ nin̄-gerə̄n̄ Nə́ɓā alé rɔ̄kum. Nin̄ i de kə́ majaĺ ngá̰ý gə̄ ō, de kə́ ngé dɔ ngan̄g gə̄ ō, asən̄ rāā yá̰á̰ kógə̄ḿ kə́ majə aĺ ō.

JEREMI 9:6

I tām̄ ń toō tə́ n Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé ní: M-ā m̄-nōōdə́ horoó ō, m-ā m-ə̄ndā ma̰ȳdə́ ō. Tɔdɔ̄ m-ā m-ə́ndá gír deē yāḿ gə̄ najə̄ kem ndul yādə́ tə́.

Makətūbə̄ ń Pol ndang adə̄ Rom gə̄ ní 1:24

I tām̄ ń noō tə́ n Nə́ɓā əya̰də́ adə̄ rāān̄ yá̰á̰ kə́ to yḛr kum gə̄ kə́ ngurən i kemdə́ tə́ ní. Ba yá̰a̰ gə̄ ní tél ənīn̄ rɔ̄sɔl̄ dɔdə́ tə́.

2 TIMOTE 3:8

Tītə̄ ń Janes nin̄ kə Jambəres mbātə́n̄neé najə̄ gō Moijə tə́ ní, de gə̄ ń toō mbātə́n̄ najə̄ kə́ rɔ̄kum ō. Nin̄ i de gə̄ kə́ gír̄ yādə́ nujə kɔ̄ɔ́ ō, taā kem yādə́ teē yá̰a̰ aĺ ō.

JEREMI 6:30

Ɓārə́n̄də́ na i gində̄ arjā̰a̰ kə́ yā kídə̄, tɔdɔ̄ Kɔ́ɔ̄ɓē kídə̄də́.

2 TESALONIK 1:8

Ni a tél yā reē i kum hor kógə̄ḿ kə́ o̰o̰ tə́, yā dal ba̰ā̰ dɔ ngé ger̄ Nə́ɓā aĺ gə̄ tə́, adə̄ i dɔ ngé gə̄ ń sɔlə̄n̄ dɔdə́ kə̄ no Najə̄ kə́ Majə yā Kɔ́ɔ̄ɓē Jeju tə́ aĺ ní tə́.

OJEE 4:6

Gír deē yāḿ gə̄ a oyn̄ i tām̄ nin̄ ger̄mə̄n̄ alé. Sḭḭ̄ ī-mbātíī gerə̄m̄. I tām̄ najə̄ ń toō tə́ n m̄ gḛy najə̄ yāsí to̰ aĺ ní. Sḭḭ̄ i ngé tun̄ yá̰a̰ yāḿ gə̄ to̰ alé. Dɔsí ndígə̄nal yá̰á̰ ń Nə́ɓā yāsí ndóōsí ní kɔ̄ɔ́ ɓá ní, dɔḿ mā a ndígə̄nal ngáńsí gə̄ ō.

Gōsə̄ najə̄ gə̄ 1:29

Tɔdɔ̄ nin̄ mbātə́n̄ ger̄ yá̰a̰ ō, gə̄rān̄ kadə̄ kə n-ɓōlən̄ ndíĺ Kɔ́ɔ̄ɓē aĺ ō.

Gōsə̄ najə̄ gə̄ 1:22

Sḭḭ̄ de kə́ kum gān̄g aĺ gə̄, a nel̄sí kə kum gān̄g aĺ yāsí i bátə́ ta kə́ rá? Ngé lur loo gə̄ a nel̄də́ lur loo i bátə́ ta kə́ rá ō, de kə́ mbóo gə̄ a mbātə́n̄ yá̰a̰ ger̄ i bátə́ ta kə́ rá ō?

Gōsə̄ najə̄ gə̄ 1:7

Ɓōĺ ndíĺ Kɔ́ɔ̄ɓē i ta kəla gír ger̄ yá̰a̰. I de kə́ ngáā aĺ gə̄ n a rāān̄ yá̰á̰ ndóō ō, kum kedə̄ ō mbóó tə́ ní.

1 KORḚNTƏ 15:34

Ādī asəsí mbóo ō, ī-lōōī rāā majaĺ ō. Tɔdɔ̄ de kə́rēý gə̄ kə́ dáńsí tə́ gerə̄n̄ Nə́ɓā alé. M-ə́da nge ń noō i yā kəlań rɔ̄sɔl̄ dɔsí tə́.

Makətūbə̄ ń Pol ndang adə̄ Rom gə̄ ní 1:18

Nə́ɓā ndi dɔɔ́ dɔ rā̰ tə́ rāāń wōn̄g kə yá̰a̰ malang kə́ majaĺ ō, kə́ gō tə́ aĺ ō ń de gə̄ rāān̄ ní. Tɔdɔ̄ nin̄-ɔgə̄n̄ najə̄ kə́ rɔ̄kum rāā kəla sɔɔ̄ń yá̰a̰ rāādə́ kə́ majaĺ gə̄.

JEREMI 4:22

Rɔ̄kum, gír deē yāḿ gə̄ i de kə́ mbóo gə̄. Nin̄ ger̄mə̄n̄ alé. I ngán kə́ sapə gə̄, asən̄ ger̄ kum yá̰á̰ kógə̄ḿ alé. Nin̄ ɔlən̄ tū rāā yá̰á̰ kə́ majaĺ tə́, ba gerə̄n̄ rāā majə alé.

EPEJƏ 5:4

Ɔ̄rī najə̄ kə́ to rɔ̄sɔl̄ gə̄ aĺ ō, kə́ to ngonjə̄ gə̄ aĺ ō, ī-tāmī mbóo aĺ ō. Najə̄ gə̄ ń noō i najə̄ kə́ majə gə̄ alé. Majə kadə̄ ī-ndadī i Nə́ɓā tá.

Makətūbə̄ ń Pol ndang adə̄ Rom gə̄ ní 1:26

I tām̄ najə̄ ń noō tə́ n Nə́ɓā əya̰də́ jī ngur yá̰á̰ kə́ to rɔ̄sɔl̄ gə̄ ń rāādə́ tə́ ní. I beé n nə̄yá̰də́ gə̄ a sāān̄ i dəngam gə̄ alé, ba a sāān̄ i dəyá̰ madə̄də́ gə̄ ní.

Gōsə̄ najə̄ gə̄ 17:16

Kəla rāā nar kə́ to jī mbóo deē tə́ i rí? I yā mangəń kum kedə̄ a? Ba ń ni ger̄ kum yá̰a̰ kógə̄ḿ aĺ ní!

2 PIYER 3:5

Yá̰á̰ ń dɔdə́ ndígə̄nal ní n toó: Kété jóó ní Nə́ɓā rāā dɔ rā̰ ō dɔ nang ō i kə ta kūl̄ najə̄ kə́ tan tə́. Dɔ nang teē i kum man̄ tə́ ō, rāān̄ dɔ nang i kə maná ō.

PILEMO̰ 1:8

I tām̄ ń toō tə́ n mā ń Kərist adə̄m̄ ta róbə kɔjiī yá̰á̰ gə̄ kə́ yā kadə̄ ī-rāā ní,

2 KORḚNTƏ 10:5

yá̰a̰ gə̄ malang ń de gə̄ rāān̄ kə kɔjə rɔ̄ɔ́ yā kɔgə̄ń de gə̄ ger̄ Nə́ɓā ní ō. J-əhɔ j-a gír̄ kə́ kem de gə̄ tə́ malang ɓəlo tə́ kadə̄ oōn̄ ta Kərist.

KƏLA RĀĀ 17:32

Dan ń nin̄-oōn̄ najə̄ kə́ dɔ koy tá ndól̄ tə́ anī ngé kə́rēý gə̄ lurnən̄, ba ngé kə́ rang gə̄ ədan̄ na: Ndɔ̄ kə́ rang tə́ tá j-a j-oō najə̄ yāí ń toō ɓáý.

KƏLA RĀĀ 17:23

Tɔdɔ̄ dan ń m̄-njə̄rā kem ɓē yāsí tə́ ō, m-ə̄ndā ma̰ȳ yá̰a̰ gə̄ ń ā ī-ndɔ̄yīdə́ gə̄ ní ō anī, m-āw̄ bátə́ m-ə́nge loo tun̄ yá̰á̰ kógə̄ḿ kə́ ndangən̄ najə̄ ń toō dɔ tə́ na: I tām̄ yā nə́ɓā kə́ jə-gerə̄n aĺ tə́. Majə! Yá̰á̰ ń sḭḭ̄ ā ī-ndɔ̄yī kanjə̄ gerə̄n ní, i yá̰á̰ ń toō bang n mā m̄-reē kɔjə̄sí tə́ kadə̄ ī-gerī ní.

TA KƏLA 6:5

Kɔ́ɔ̄ɓē a̰a̰ kadə̄ kem de kə́ dɔ nang tə́ gə̄ ndul ngá̰ý ō, gír̄ yādə́ i kə́ majaĺ kə ndɔ̄ gə̄ ō.

2 SAMUEL 22:27

Deē ń unjə̄ njáý njáý ní ḭ̄ a ɔjən kadə̄ ḭ̄ i kə́ unjə̄ njáý njáý ō. Ba ḭ̄ ā i lur de kə́ nge gól̄ loo.

PĀ GƏ̄ 69:27

Tām̄ deē ń ḭ̄ ə́ndan ní nin̄ rāān̄ kumən ndoō tə́ ō, ngé gə̄ ń ḭ̄ ə́ndá ɔ́də́də́ kɔ̄ɔ́ ɓá ní, nin̄ rāān̄ adə̄ rɔ̄də́ tōr̄də́ kə̄ dɔ madə̄ tə́ ɓáý to̰ ō.

EJEKIEL 20:25

Ndū najə̄ kə́ majaĺ gə̄ ō, jī bēl̄ loo rāā yá̰a̰ gə̄ kə́ a rāān̄ deē kadə̄ ndi kə kumneé aĺ gə̄ ō ní, m-ādə̄də́ gə̄gē.

EJEKIEL 14:5

I tītə̄ ń noō n najə̄ yāḿ a əsōń kem ngán Israel gə̄ ń əya̰mə̄n̄ kɔ̄ɔ́ ba aw̄n̄ sa̰y najə̄ yā nə́ɓā yādə́ kə́ rɔ̄kum aĺ gə̄ tə́ ní.