Makətūbə̄ ń Pol ndang adə̄ Rom gə̄ ní 1:23 - Bibəl ta Sar̄

²³ Kadə̄ ndɔ̄ȳn̄ Nə́ɓā ń i de kə́ bo kə́ ta ngóyn gətóó ní a, nin̄-ndɔ̄ȳn̄ ndíĺ yá̰á̰ kə́ tɔ́sə̄ kum gotə de gə̄ ō, yel̄ gə̄ ō, dā̰ gə̄ ō, kur̄ kə́ kagə nang tə́ gə̄ ō ń i yá̰á̰ kə́ a ndumən̄ karī gə̄ ní.

Bible sar

²³ Kadə̄ ndɔ̄ȳn̄ Nə́ɓā ń i de kə́ bo kə́ ta ngóyn gətóó ní a, nin̄-ndɔ̄ȳn̄ ndíĺ yá̰á̰ kə́ tɔ́sə̄ kum gotə de gə̄ ō, yel̄ gə̄ ō, dā̰ gə̄ ō, kur̄ kə́ kagə nang tə́ gə̄ ō ń i yá̰á̰ kə́ a ndumən̄ karī gə̄ ní.

Makətūbə̄ ń Pol ndang adə̄ Rom gə̄ ní 1:23 Referans Kwoze

PĀ GƏ̄ 106:20

Nə́ɓā ń i kɔsə gɔn yādə́ ní nin̄ mbélə̄n̄ gírən kə yá̰á̰ kə́ rāā kadə̄ to tītə̄ man̄g ń i dā̰ kə́ a əsa mu ní!

JEREMI 2:11

Napár de gə̄ kə́ mbélə̄n̄ gíŕ nə́ɓā gə̄ ndin̄ noó a? Tá nin̄ i nə́ɓā gə̄ aĺ gə̄gē ɓáý. Banī gír deē yāḿ gə̄ ní, nin̄ a̰a̰n̄ kɔsə gɔn yāḿ gerə̄n̄ majə, ɓá tā ba nin̄-mbélə̄n̄ gírə́ḿ kə nə́ɓā kə́ rang gə̄ kə́ asən̄ rāā yá̰a̰ tām̄ yādə́ tə́ alé.

KƏLA RĀĀ 17:29

Ba ré jḭḭ̄ i gír kaa kə́ kógə̄ḿ beē kə Nə́ɓāá anī, i só tə́ kadə̄ jə-gírī na Nə́ɓā i yá̰á̰ kə́ tītə̄ ɓesə̄ lɔ́r, aláa ɓesə̄ gində̄ arjā̰a̰, aláa ɓesə̄ mbal̄ marbər kə́ deē tɔ́sə̄ kə jīneé kə gō kum kedə̄ yānneé alé.

Makətūbə̄ ń Pol ndang adə̄ Rom gə̄ ní 1:25

Nin̄-unən̄ yá̰á̰ kə́ rɔ̄kum aĺ gə̄ tá əndān̄ kum gotə Nə́ɓā kə́ rɔ̄kum. Nin̄-rɔȳn̄ yá̰á̰ ń Nə́ɓā rāā ní ō, rāān̄ kəla adə̄nən̄ ō. Banī Nə́ɓā nge rāā yá̰a̰ gə̄ ń noō ń kadə̄ tɔ̄ȳnən̄ ngáńdáńg ní, nin̄-rɔȳnən̄ aĺ ō, rāān̄ kəla adə̄nən̄ aĺ ō. Adə̄ i tītə̄ ń noō.

1 PIYER 4:3

Tɔdɔ̄ kété ní sḭḭ̄ úniī kum mbang kə́ təsó ngá̰ý ī-rāāīneé yá̰a̰ tītə̄ ń de kə́ ndágá gə̄ a rāān̄neé ní. Adə̄ sḭḭ̄ ī-rāāī yá̰á̰ kə́ majaĺ gə̄ ń ɓōn i kemsí tə́ ní ō, sḭḭ̄ i ngé kum ndaa yá̰a̰ gə̄ ō, ngé ka̰ȳ kasə kadə̄ rāāsí gə̄ ō, ngé kəsa wa gə̄ ō, ngé ka̰ȳ kasə ngá̰ý loo rɔ̄nel̄ gə̄ tə́ ō, ngé rāā ɓesə̄ kə́ majaĺ ngá̰ý gə̄ ō.

EJEKIEL 8:10

M-údə kemeé anī, yá̰á̰ ń m-á̰a̰ā̰ ní ń toó: Rāān̄ lī gə̄ kə dā̰ gə̄ kə́ majə ka̰a̰də́ aĺ gə̄ kadə bɔr tə́ adə̄ gīr̄ gidəḿ. Rāān̄ nə́ɓā kə́ rɔ̄kum aĺ gə̄ malang yā ngán Israel gə̄ kadə bɔr tə́.

NDŪ NAJƏ̄ 5:8

Ā údə ɓesə̄ kə́ to tītə̄ yá̰á̰ kə́rēý kə́ dɔ rā̰ tə́ aĺ ō, kə́ dɔ nang tə́ aĺ ō, kə́ kum man̄ tə́ gíŕ nángāá aĺ ō.

IJAI 44:13

Kɔdə̄ nge tɔ́sə̄ yá̰a̰ mbɔ̄jə́ dugə̄jū kāgə̄ yān kə kəlāá. Ni-rāā nə́ɓā kə́ rɔ̄kum aĺ tū tə́ kə hō̰rō̰ kə́ ndaa. Ni tɔ́sə̄ kāgə̄ ní kə waĺ ō, usə gidə kə yá̰a̰ kusə gidə yá̰á̰ adə̄ ndə́lē ō. Kɔdə̄ nge tɔ́sə̄ yá̰a̰ a ndájə̄ i loo rāā deē kə́ majə ngá̰ý n a tɔ́səń deē yān ní. Ni a əndā deē ń ni tɔ́sə̄ ní i kem loo kógə̄ḿ kə́ yā ɓōĺ gidə tə́.

IJAI 40:18

Nə́ɓā ní deē a ɔjə seneé i náā? Ni to i tītə̄ rí?

1 KORḚNTƏ 12:2

Ī-gerī kadə̄ dan ń sḭḭ̄ ī-taāī kem Nə́ɓā aĺ ɓáý ní, sḭḭ̄ āwī gō ɓesə̄ gə̄ ń nin̄ a ɔrə̄n̄ najə̄ aĺ tə́ ní, tītə̄ kə́ i yá̰á̰ kógə̄ḿ n ɔsə sesí kadə̄ āwī gōdə́ tə́ beē.

IJAI 40:26

Úniī kumsí kə̄ dɔɔ́ ba á̰a̰ī: I náā n rāā tə́yō̰ gə̄ ní? I náā n rāā adə̄ njə̄rān̄ kə gō naá majə tītə̄ áskar gə̄ beé ní? I nge ɓāŕdə́ malang kə rīdə́ gēé. Ngan̄g yān ō, tɔ́gə ko̰o̰ ɓē yān ō, i ngá̰ý, adə̄ tə́yō̰ kógə̄ḿ kə́ ɓāŕnən̄ banī ni i kə́ gətóó ní gətóo.

JEJU TEĒ KUM JA̰A̰ 9:20

Ba gotə de gə̄ ń yá̰á̰ kə́ tōr̄ tɔ̄l̄də́ aĺ ní, tūrə̄n̄ gidədə́ kɔ̄ɔ́ ta ɓesə̄ gə̄ ń nin̄ kɔ́ gə̄ túdə̄n̄ kə jīdə́ ní tə́ alé. Nin̄-lōōn̄ gír rɔȳ ndíĺ kə́ majaĺ gə̄ tə́ aĺ ō, gír rāā ɓesə̄ lɔ́r gə̄ tə́ aĺ ō, ɓesə̄ gində̄ arjā̰a̰ gə̄ tə́ aĺ ō, ɓesə̄ gində̄ nə̄ngá kasə gə̄ tə́ aĺ ō, ɓesə̄ mbal̄ gə̄ tə́ aĺ ō, ɓesə̄ kāgə̄ gə̄ tə́ aĺ ō. Ɓesə̄ gə̄ ní asən̄ ka̰a̰ loo aĺ ō, koō loo aĺ ō, njə̄rā aĺ ō.

KƏLA RĀĀ 10:12

Dā̰ kə́ nja sɔ́ gə̄ malang ō, kur̄ kə́ kagə nang tə́ gə̄ ō, yel̄ kə́ tayā tayā gə̄ malang ō, i kem yá̰á̰ ní tə́.