Makətūbə̄ ń Pol ndang adə̄ Rom gə̄ ní 1:22 - Bibəl ta Sar̄

²² Ədan̄ na nin̄ i ngé kum kedə̄ gə̄ banī nin̄ i mbóo gə̄.

Bible sar

²² Ədan̄ na nin̄ i ngé kum kedə̄ gə̄ banī nin̄ i mbóo gə̄.

Makətūbə̄ ń Pol ndang adə̄ Rom gə̄ ní 1:22 Referans Kwoze

Makətūbə̄ ń Pol ndang adə̄ Rom gə̄ ní 11:25

Ngákó̰ó̰ḿ gə̄, m̄-gḛy kadə̄ ī-gerī yá̰á̰ kə́ to loo mundə̄ tə́ kem Nə́ɓā tə́ ɓáý ń toō, na sōgə́ ī-gírī kemsí tə́ na sḭḭ̄ i ngé kum kedə̄ ngá̰ý gə̄. Yá̰á̰ ní n toó: Kem ngan̄g ń Nə́ɓā adə̄ kem ngán Israel kə́rēý gə̄ ngan̄g ngóróró ní, a to bátə́ kadə̄ ré de gə̄ malang ń i Jipə aĺ gə̄ ní ajən̄ pá tá.

Gōsə̄ najə̄ gə̄ 26:12

Ré ə́nge de kə́ taā kem kadə̄ kumən edə ngá̰ý anī, majə kadə̄ ī-ger̄ na kəndā kem dɔ de kə́ mbóó tə́ i só tə́ t ɔȳ kəndā kem dɔ de kə́ beé tə́.

Gōsə̄ najə̄ gə̄ 25:14

De kə́ nge kɔjə rɔ̄n kə kadə̄ karī kə́ a góləń loo to i tītə̄ man̄ kə́ il ō əla nél ō ba edə aĺ beē.

JEREMI 10:14

De gə̄ malang ndin̄ tadə́ mbóo kóńg. Rɔ̄ ngé nōō lɔ́r gə̄ malang sɔl̄də́ dɔ ɓesə̄ yādə́ gə̄ tə́. Yá̰a̰ yādə́ kə́ tɔ́sə̄ gə̄ i yá̰á̰ kə́ rɔ̄kum aĺ gə̄. Koō gətóo kemdə́ tə́.

MATIYE 6:23

Ba ré mo̰y kógə̄ḿ rāā kumií anī, rɔ̄í malang i kum til tə́. Adə̄ ré loo kə́ unjə̄ kow kə́ kemií tə́ i til anī, til ń noō i kə́ to kəda aĺ bátə́.

IJAI 47:10

Yá̰a̰ rāāí kə́ majaĺ gə̄ ní ḭ̄ ə̄ndā kemií dɔ tə́, adə̄ ī-gír̄ najə̄ ə́da na: De kə́ a̰a̰m̄ gətóo. I kum kedə̄ yāí kə́ gōtə́ aĺ ō, i yá̰a̰ ger̄ yāí kə́ gōtə́ aĺ ō n gólīn̄ ní. Anī ḭ̄ ī-gír̄ najə̄ ə́da na: m̄-majə m̄-tɔȳ gotə de gə̄ malang, de kə́ tītə̄ḿ gətóo.

IJAI 44:20

A̰ á̰, yá̰á̰ ń i bū ngóý ní n de gə̄ ń toō əhɔn̄ gō ní. Ndíĺdə́ rāā yá̰a̰ gōtə́ aĺ ō, gír̄ najə̄ yādə́ i gōtə́ aĺ ō. Nə́ɓā yādə́ a ajədə́ alé. De kógə̄ḿ dandə́ tə́ kə́ yā kəda na: Yá̰á̰ ń m-āwń jīḿ tə́ toō i nə́ɓā kə́ rɔ̄kum alé adə̄ to i kə̄ ndágá ní gətóo.

JEREMI 4:22

Rɔ̄kum, gír deē yāḿ gə̄ i de kə́ mbóo gə̄. Nin̄ ger̄mə̄n̄ alé. I ngán kə́ sapə gə̄, asən̄ ger̄ kum yá̰á̰ kógə̄ḿ alé. Nin̄ ɔlən̄ tū rāā yá̰á̰ kə́ majaĺ tə́, ba gerə̄n̄ rāā majə alé.