Makətūbə̄ ń Pol ndang adə̄ Rom gə̄ ní 1:20 - Bibəl ta Sar̄

²⁰ Tɔdɔ̄ jóo nəkɔ́ ń Nə́ɓā rāań dɔ rā̰ ō dɔ nang ō toó ní, hálən kə́ majə kə́ dum̄ ka̰ā̰ gə̄, adə̄ i kə́ to ngándáńg ō, ngarān̄g kumən nəkɔ́ Nə́ɓā ō ní, deē a a̰a̰də́ i tū kəla rāān gə̄ tə́. I loo ń noō tə́ n najə̄ i dɔ de gə̄ tə́ malang ní.

Bible sar

²⁰ Tɔdɔ̄ jóo nəkɔ́ ń Nə́ɓā rāań dɔ rā̰ ō dɔ nang ō toó ní, hálən kə́ majə kə́ dum̄ ka̰ā̰ gə̄, adə̄ i kə́ to ngándáńg ō, ngarān̄g kumən nəkɔ́ Nə́ɓā ō ní, deē a a̰a̰də́ i tū kəla rāān gə̄ tə́. I loo ń noō tə́ n najə̄ i dɔ de gə̄ tə́ malang ní.

Makətūbə̄ ń Pol ndang adə̄ Rom gə̄ ní 1:20 Referans Kwoze

Makətūbə̄ ń Pol ndang adə̄ Rom gə̄ ní 1:19

Tām̄ yá̰á̰ kə́ dɔ Nə́ɓā tə́ ń deē asə ger̄ ní kumən i kə́ unjə̄ tām̄ yādə́ nin̄ tə́. Nə́ɓā nəkɔ́ ɔjədə́ kum kə̄ ndágá wáńg.

IJAI 40:26

Úniī kumsí kə̄ dɔɔ́ ba á̰a̰ī: I náā n rāā tə́yō̰ gə̄ ní? I náā n rāā adə̄ njə̄rān̄ kə gō naá majə tītə̄ áskar gə̄ beé ní? I nge ɓāŕdə́ malang kə rīdə́ gēé. Ngan̄g yān ō, tɔ́gə ko̰o̰ ɓē yān ō, i ngá̰ý, adə̄ tə́yō̰ kógə̄ḿ kə́ ɓāŕnən̄ banī ni i kə́ gətóó ní gətóo.

PĀ GƏ̄ 8:3

Banī ā ī-rɔ̄ɔ̄ madə̄ ba̰ā̰í gə̄ i kə ndū ngán gə̄, i kə ndū ngáń kə́ dūú ngá̰ý gə̄. Ndūdə́ ní to i tītə̄ ndogə̄ ɓē kə́ ngan̄g ngá̰ý kə́ ə̄ndā ɔ̄gəń madə̄ ba̰ā̰í kə́ ngan̄g ngá̰ý gə̄ kɔr̄ najə̄.

Makətūbə̄ ń Pol ndang adə̄ Rom gə̄ ní 2:15

Nin̄-ɔjən̄ kadə̄ kəla ń ndū najə̄ əndā dɔ de gə̄ tə́ ní, i yá̰á̰ kə́ ndangən̄ kemdə́ nin̄ tə́ kɔ̄ɔ́ ɓá. Yá̰á̰ ń kemdə́ ɔjədə́ yā rāā á rāān̄ ní ɔjə kadə̄ i tītə̄ ń noō, tá gír̄ yādə́ gə̄ i tītə̄ ń noō ɓáý to̰. Tɔdɔ̄ gír̄ yādə́ gə̄ ɔjən̄də́ kadə̄ yá̰á̰ kə́ beé gə̄ ń rāān̄ toó i kə́ majə ō, kə́ beé gə̄ i kə́ majaĺ ō.

JA̰A̰ 1:18

Deē kógə̄ḿ kə́ a̰a̰ Nə́ɓā gətóó bátə́. Ba Ngōn̄ Nə́ɓā kə́ kal kógə̄ḿ beē ń ndi naā tə́ ngándáńg kə Bɔbə̄ Ngōnōó ní, ni a rāā kadə̄ a ger̄nən̄.

JA̰A̰ 15:22

Nə́ngētə́ m̄-reē m-ɔ̄r̄ najə̄ sedə́ aĺ anī, majaĺ yādə́ a gətóo. Ba ngɔlaā nin̄ a asən̄ kun najə̄ dɔdə́ tə́ kɔ̄ɔ́ tām̄ majaĺ yādə́ tə́ alé.

1 TIMOTE 1:17

Mban̄g kə́ nge ndi kə dɔ ɓāl̄ gə̄ ɓāl̄ gə̄ ń i Nə́ɓā kə́ a oy aĺ ō, kum deē a̰a̰n aĺ ō, ni i kal kógə̄ḿ beē ō ní, ādə̄ de gə̄ rɔȳnən̄ ō, ɔsən̄ gɔnən ō, kə dɔ ɓāl̄ gə̄ ɓāl̄ gə̄. Adə̄ i tītə̄ ń noō!

KOLOSƏ 2:9

Tɔdɔ̄ Nə́ɓā ndi kem Kərist tə́ kə taá malang, ni-un rɔ̄ Kərist.

PĀ GƏ̄ 139:13

I ḭ̄-n ī-rāā nga dan wurəḿ ní, i ḭ̄ n ī-rɔ́tə̄m̄ ta naā tə́ kem kó̰ó̰ḿ tə́ ní.

PĀ GƏ̄ 119:90

Hálí ń i hál ra dɔ ndūí tə́ ní to kə dɔ ɓāl̄ gə̄ kə dɔ ɓāl̄ gə̄. Ḭ̄ ə̄ndā dɔ nang, anī dɔ nang ra loo ran tə́.

PĀ GƏ̄ 104:5

Ni-əndā dɔ nang i dɔ gír gisən gə̄ tə́, adə̄ dɔ nang a yéȳ aĺ i kə́ bátə́ gə̄ tə́.

HEBƏRO 9:14

mósə Kərist ń adə̄ Nə́ɓā rɔ̄n nəkɔ́ kə́ kanjə̄ yá̰á̰ kə́ majaĺ tákə̄ kə ta kūl̄ Ndíĺ kə́ Táĺ kə́ ndi ngándáńg ní a rāā yá̰á̰ kə́ majə ngá̰ý tɔȳ aĺ a? Ni a ɔr̄ kəla rāājī ń aw̄ yā tɔ̄l̄jí ní kemjí tə́ kɔ̄ɔ́ yā kadə̄ kemjí unjə̄ ō, kadə̄ jə-rāāī kəla yā Nə́ɓā kə́ ndi kə kumneé.

Makətūbə̄ ń Pol ndang adə̄ Rom gə̄ ní 2:1

Ḭ̄ ń ī-gān̄g sarya ní, ká ḭ̄ i náā gə̄gē a, najə̄ i dɔí tə́. Tɔdɔ̄ ḭ̄ nge gān̄g sarya, dan ń ī-gān̄g sarya dɔ madí tə́ ō, īkɔ́ i rāā yá̰á̰ ń ni-rāā ō ní, īkɔ́ ə́hɔ rɔ̄í kə sarya.

NDŪ NAJƏ̄ 4:19

Ī-lōōī kənī kumsí kə̄ dɔɔ́ ka̰a̰ń mbang ō, nāā ō, tə́yō̰ gə̄ ō, ɓūtə̄ yá̰a̰ gə̄ kə́ dɔ rā̰ tə́ malang ō, ba kəya̰ rɔ̄sí kadə̄ gólə̄n̄sí kadə̄ ɔ́siī nosí nang tə́ nodə́ tə́ ō, ī-rāāī kəla ādīdə́ ō. Tɔdɔ̄ háĺ yá̰a̰ rāā kə́ tītə̄ ń noō ní, Kɔ́ɔ̄ɓē Nə́ɓā yāsí adə̄ i gír de kə́ rang gə̄ malang ń ndin̄ dɔ nang tə́ ní.

KOLOSƏ 1:15

Ngōn̄ ní i kum gotə Nə́ɓā ń j-a̰a̰in̄ kə kumjí aĺ ní. I ni n i hágə́ yá̰a̰ malang ń Nə́ɓā rāā ní.

JEREMI 5:21

Gír de kə́ mbóo gə̄ ō, kə́ kur̄ dɔdə́ gətóo gə̄ ō, ōōī najə̄ ń toō. Kumsí i noó banī á̰a̰ī loo alé. Mbīsí i noó banī ōōī loo alé.

IJAI 26:4

Ə̄nī kemsí ādī Kɔ́ɔ̄ɓē kə́ njɔ́ḿ gə̄ tə́. A̰á̰ā̰, ādī Kɔ́ɔ̄ɓē, ni ń i mbal̄ kə́ ngan̄g kə́ to ngándáńg ní.

IJAI 9:6

Ni a teē kem ko̰o̰ ɓē yān kə̄ gogə́ ō, a rāā kadə̄ lɔm kə́ dan gān̄g aĺ to ngándáńg ō. Ni a ndi dɔ kōr̄ kāgə̄ mbang yā Dabid tə́ ō, a ɔr no de gə̄ kə́ kem ɓē ko̰o̰ yān tə́ ō. Ni a əndā ɓē ko̰o̰ yān ní ō, a mbūsə̄ gírən kadə̄ ra gan̄g ō, i kə ta kūl̄ rāā kadə̄ de gə̄ ɓōlə́n̄ gidə yá̰á̰ kə́ súmūú ō, yá̰a̰ rāā kə́ gōtə́ ō, a əla gír i ngɔr ń toō tə́ ō, i kə́ njɔ́ḿ gə̄ tə́ ō. Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý a rāā tām̄ tár yān kə́ təngā piling tə́ ní n noō.

PĀ GƏ̄ 104:31

Kɔ́ɔ̄ɓē, ādə̄ kɔsə gɔn yāí to ngándáńg, ī-rāā rɔ̄nel̄ kəla gə̄ ń ī-rāā ní!

1 TIMOTE 6:16

I ni ngóy n i de kə́ a oy alé ní. Ni-ndi i dan loo kə́ unjə̄ kow tə́, kə́ de kə́ asə kaw̄ rɔ̄ tə́ gətóo. Kɔsə gɔn i yān ō, tɔ́gə́ kə́ to ngándáńg i yān ō. Adə̄ i tītə̄ ń noō.

Makətūbə̄ ń Pol ndang adə̄ Rom gə̄ ní 16:26

Yá̰á̰ ní rāā yá̰a̰ kem ndɔ̄ yājí gə̄ ń toō tə́ adə̄ to i kə̄ dɔ ndágá. Tītə̄ ń Nə́ɓā kə́ ndi ngándáńg əda ń yá̰a̰ gə̄ kə́ ɔsə kə de gēé kadə̄ rāān̄ ní, nápar de gə̄ malang gerə̄n̄ najə̄ ní ta kūl̄ najə̄ gə̄ ń ngé koō ta gə̄ ndangən̄ ní, yā kadə̄ ré nin̄-taān̄ kem anī oōn̄ ta Nə́ɓā.

KƏLA RĀĀ 17:29

Ba ré jḭḭ̄ i gír kaa kə́ kógə̄ḿ beē kə Nə́ɓāá anī, i só tə́ kadə̄ jə-gírī na Nə́ɓā i yá̰á̰ kə́ tītə̄ ɓesə̄ lɔ́r, aláa ɓesə̄ gində̄ arjā̰a̰, aláa ɓesə̄ mbal̄ marbər kə́ deē tɔ́sə̄ kə jīneé kə gō kum kedə̄ yānneé alé.

PĀ GƏ̄ 90:2

Kété pá tá kadə̄ mbal̄ gə̄ teēn̄ ō, kété pá tá kadə̄ ī-rāā dɔ nang ō yá̰á̰ malang kə́ tū tə́ ō, ta kəla gír tə́ jóo bátə́ kə̄ no tə́ ō ní, ḭ̄ i Nə́ɓā.

NDŪ NAJƏ̄ 33:27

Nə́ɓā kə́ nge ndi ngándáńg i loo ɓɔ̄ɔ̄ rɔ̄ yāí. Nəkɔ́ ń jóo bátə́ ɓōólaā toó ní, tɔ́gən i ngá̰ý dɔ nang tə́ laā. I ni n tə̄ɓā madə̄ ba̰ā̰í gə̄ noí tə́ ō, mērī tɔ̄l̄də́ kɔ̄ɔ́ ō ní.

HEBƏRO 11:27

I kə ta kūl̄ taā kem n ni əya̰ ɓē kə́ Ejiptə kɔ̄ɔ́, kanjə̄ ɓōĺ wōn̄g yā mban̄g ní. Ni əre wurən njam tītə̄ kə́ ni-a̰a̰ Nə́ɓā ń deē asə ka̰a̰n kə kumneé aĺ ní beē.

MATIYE 5:45

yā kadə̄ ī-téliīneé ngán Bɔbə̄sí ń ndi dɔ rā̰ tə́ ní. Tɔdɔ̄ ni-rāā adə̄ mbang yān əɓa dɔ ngé kem ndul gə̄ tə́ ō, dɔ ngé kem majə gə̄ tə́ ō. Ni-rāā man̄ adə̄ edə dɔ de kə́ súmūú gə̄ tə́ ō, dɔ de kə́ súmūú aĺ gə̄ tə́ ō.

TA KƏLA 21:33

Abəraham əhɔ kāgə̄ tamaris kógə̄ḿ Beer Seba, ba ndɔ̄ȳ kə rī Kɔ́ɔ̄ɓē Nə́ɓā kə́ ndi ngándáńg.

KƏLA RĀĀ 22:1

Ngákó̰ó̰ḿ gə̄ ō, bɔbə́ḿ gə̄ ō, ōōī yá̰á̰ ń ngɔlaā m-ā m-ə́dásí yā nējəń najə̄ dɔḿ tə́ kɔ̄ɔ́ ní.

TA KƏLA 1:1

Ta kəga dɔ sasak Nə́ɓā əndā dɔ rā̰ ō, dɔ nang ō.

Makətūbə̄ yā Job 12:7

Ba ré ī-dəje dā̰ gə̄ anī, nin̄ a ɔjə̄nī. Ī-dəje yel̄ gə̄ anī, nin̄ a ndóōnī.

JEREMI 51:15

Ni-rāā dɔ nang kə ta kūl̄ tɔ́gəneé ō, əndā yá̰a̰ gə̄ malang kə kum kedə̄ yānneé ō, teē kem dɔ rā̰ kə̄ gogə́ kə gō ger̄ yá̰a̰ yānneé ō.

MARK 10:6

Banī ta kəla gíŕ tə́, loo ń Nə́ɓā rāā de gə̄ ní, ni-əndādə́ dəngam ō, dəyá̰ ō.

1 KORḚNTƏ 1:20

Ní, nge kum kedə̄, aláa nge ger̄ yá̰a̰, aláa nge tɔ́sə̄ najə̄ kə̄ ndágá kə́ ngɔlaā ń toō a əda na i rí ɓáý? Nə́ɓā ɔjə kə̄ ndágá kadə̄ kum kedə̄ kə́ dɔ nang tə́ laā i mbóó yá̰a̰ karī aĺ a!