Makətūbə̄ ń Pol ndang adə̄ Rom gə̄ ní 1:16 - Bibəl ta Sar̄

¹⁶ Tɔdɔ̄ rɔ̄ḿ sɔlə̄m̄ loo kɔjə Najə̄ kə́ Majə tə́ alé. Najə̄ kə́ Majə i tɔ́gə yā Nə́ɓā kə́ yā kajəń deē malang ń a taā kem ní. Kété i Jipə gə̄, tá gō tə́ i de gə̄ ń nin̄ i Jipə aĺ gə̄ ní.

Bible sar

¹⁶ Tɔdɔ̄ rɔ̄ḿ sɔlə̄m̄ loo kɔjə Najə̄ kə́ Majə tə́ alé. Najə̄ kə́ Majə i tɔ́gə yā Nə́ɓā kə́ yā kajəń deē malang ń a taā kem ní. Kété i *Jipə gə̄, tá gō tə́ i de gə̄ ń nin̄ i Jipə aĺ gə̄ ní.

Makətūbə̄ ń Pol ndang adə̄ Rom gə̄ ní 1:16 Referans Kwoze

MARK 8:38

Tɔdɔ̄ deē ń rɔ̄n sɔlə̄n tām̄ yāḿ tə́ ō, tām̄ najə̄ yāḿ gə̄ tə́ ō, dan gír de kə́ ɓāl̄ ń toō tə́ gə̄ kə́ nin̄ i ngé rāā rāȳ gə̄ ō, kə́ ngé kəhɔ ta Nə́ɓā aĺ gə̄ ō ní anī, rɔ̄ Ngōn̄ Deē a sɔlə̄n tām̄ yān tə́, dan ń a tél yā reē dan kɔsə gɔn yā Bɔbə̄n tə́ naā tə́ kə de kə́ dɔ rā̰ tə́ kə́ táĺ gə̄ ní.

2 TIMOTE 1:8

Adə̄ ī-lōō kadə̄ rɔ̄í sɔlī loo kəda yá̰a̰ gə̄ kə́ dɔ Kɔ́ɔ̄ɓē yājí tə́ ń ī-ger̄ ní. Mā ń m̄-to dəngáyá najə̄ yān tə́ ní, ī-lōō kadə̄ rɔ̄í sɔlī najə̄ yāḿ tə́ ō. Ə̄ndā kemií dɔ tɔ́gə yā Nə́ɓā tə́, ba á̰á̰ tápə̄ tītə̄ yāḿ loo kɔjə Najə̄ kə́ Majə tə́.

1 PIYER 4:16

Ba ré deē a̰a̰ tápə̄ i loo deē yā Kərist tə́ anī, ādə̄ rɔ̄ kɔ́ɔ̄ sɔlə̄n alé. Ba ādə̄ ɔsə gɔn Nə́ɓā, tām̄ rī deē yā Kərist ń ɓār̄ dɔn tə́ ní tə́.

2 TIMOTE 1:12

I tām̄ najə̄ ń noō tə́ n yá̰á̰ kə́ tōr̄ gə̄ ń toō a rāāmə̄n̄neé ní, Banī rɔ̄ḿ sɔlə̄m̄ najə̄n tə́ alé. Tɔdɔ̄ m̄-ger̄ deē ń m̄-taā kemən ní ō, m̄-ger̄ majə kadə̄ ni-asə ngɔ̄m̄ yá̰á̰ ń ɓɔ̄ɔ̄mə̄n̄ ní bátə́ ndɔ̄ ngeé ń noō tə́ ō.

Najə̄ kə́ Majə yā Jeju ń Luk ndang ní 9:26

Deē ń rɔ̄n sɔlə̄n tām̄ yāḿ tə́ ō, tām̄ yā najə̄ yāḿ gə̄ tə́ ō ní, dan ń Ngōn̄ Deē a tél yā reē kem kɔsə gɔn yān tə́ ō, yā Bɔbə̄ Ngōn̄ tə́ ō, yā de kə́ dɔ rā̰ tə́ kə́ táĺ gə̄ ō anī, rɔ̄n a sɔlə̄n tām̄ yā kɔ́ɔ̄ tə́ ō.

2 KORḚNTƏ 4:4

Nin̄-taān̄ kem aĺ, i tɔdɔ̄ nə́ɓā kə́ dɔ nang tə́ laā utə̄ kumdə́ kɔ̄ɔ́. Adə̄ nin̄-asən̄ ger̄ kum Najə̄ kə́ Majə alé. I beé n nin̄-asənə̄ń ka̰a̰ kɔsə gɔn yā Kərist ń ɔsə kum gotə Nə́ɓā nəkɔ́ ní alé ní.

1 KORḚNTƏ 2:4

Yá̰á̰ ń m̄-ndóō de gə̄ ō, najə̄ ń m-ɔ́jə de gə̄ ō ní, i kə gō kum kedə̄ yā deé alé, banī i kə tɔ́gə yā Ndíĺ Nə́ɓā kə́ ɔjə kə̄ ndágá kadə̄ najə̄ yāḿ i najə̄ kə́ rɔ̄kum.

1 KORḚNTƏ 2:2

Tɔdɔ̄ m̄-sāā ger̄ yá̰á̰ kə́ rang dan ń m̄-ndiń sesí ní alé, ba i Jeju Kərist ngóy, nge ń əndanən̄ kə máyá̰ tū kāgə̄ kə́ dēsə́ tə́ ní.

Makətūbə̄ ń Pol ndang adə̄ Rom gə̄ ní 10:17

Adə̄ yá̰á̰ ń a reē kə taā kemeé ní i najə̄ kə́ kɔjə, ba najə̄ ń ɔjən̄ ní i najə̄ yā Kərist.

HEBƏRO 4:12

Tɔdɔ̄ najə̄ yā Nə́ɓā i najə̄ kə́ ndi kə kumneé ō, tɔ́gən to ō, tan atə tɔȳ kəyā kaskar kə́ atə dām̄ jōó ō. Ni-udə kem deē tə́, aw̄ bátə́ ugə̄ loo ń wur deē ō, ndíl deē ō, əngen̄ naā tə́ tū tə́ ní tə́ ba kēgə̄də́ naā tə́ ō, aw̄ bátə́ ugə̄ loo ń kúkə̄lú kə̄ngā gə̄ ō, yibə̄ kə́ kem kə̄ngāá ō, əngen̄ naā tū tə́ ní ba kēgə̄də́ naā tə́ ō. Najə̄ yā Nə́ɓā gān̄g sarya dɔ ngur gə̄ kə́ kem deē tə́ ō, dɔ gír̄ kə́ kem deē tə́ ō.

1 KORḚNTƏ 15:2

Sḭḭ̄ ájiī i kə ta kūl̄neé, loo ń ə́hɔniī sásáp adə̄ ni-to i kə gō jī loo kɔjə ń m-ɔ́jəńsí ní. Ré i beé aĺ anī, sḭḭ̄ ī-taāī kem i ndāńg.

JEREMI 23:29

Najə̄ yāḿ to i tītə̄ hor kə́ o̰o̰ loo ō, i tītə̄ mūú kə́ tɔ̄ɔ̄ mbal̄ adə̄ tetə ndujə̄ ō aĺ a? Najə̄ ń Kɔ́ɔ̄ɓē əda ní n noó.

GALATƏ 1:7

Kə́ rɔ̄kum tə́ tā anī Najə̄ kə́ Majə kə́ rang gətóo, ba m-ɔ̄r̄ najə̄ sesí tītə̄ ń noō i tām̄ yā de kə́ ngé tə́la najə̄ kemsí gə̄ tə́. Nin̄-gḛyn̄ i tūr̄ gidə Najə̄ kə́ Majə yā Kərist kɔ̄ɔ́.

Makətūbə̄ ń Pol ndang adə̄ Rom gə̄ ní 2:9

Deē malang ń rāā yá̰á̰ kə́ majaĺ ní a a̰a̰ tápə̄ ō, a ndi i kə sōlōó kəkəre ō. I Jipə gə̄ kété pá tá i de gə̄ ń nin̄ i Jipə aĺ gə̄ ní ō.

KƏLA RĀĀ 3:26

Adə̄ Nə́ɓā teē kə nge kəla yānneé i tām̄ yāsí sḭḭ̄ tə́ ta kəga dɔ. Ni əlan i yā kadə̄ rāā majə sesí ō, tūr̄sí kógə̄ḿ kógə̄ḿ kɔ̄ɔ́ ta yá̰a̰ rāāsí kə́ majaĺ gə̄ tə́ ō.

PĀ GƏ̄ 119:46

Yá̰a̰ gə̄ ń ə́dá ní m-ā m-ɔ̄r̄ najə̄n ta kum mban̄g gə̄ tə́ ō, rɔ̄ḿ a sɔlə̄m̄ loon tə́ aĺ ō.

1 TESALONIK 2:13

Najə̄ ń jə-ndadə̄ń Nə́ɓā tām̄ yāsí tə́ ngándáńg ní n toó: Dan ń j-ɔjəsí najə̄ yā Nə́ɓā ādə̄ ōōī ō, ī-taāī ō ní, ī-taāī i tītə̄ najə̄ yā de gə̄ alé, ba i kə́ najə̄ yā Nə́ɓā nəkɔ́ tə́.

IJAI 53:1

Najə̄ kə́ kijə ń j-oō ní, i náā n taā kem ní? I náā n a̰a̰ tɔ́gə yā Kɔ́ɔ̄ɓē ger̄ ní?

1 TIMOTE 1:11

Yá̰á̰ ndóō ń toō to tū Najə̄ kə́ Majə tə́. Ba i Najə̄ kə́ Majə n i nge rāā kadə̄ jə-gerī yá̰á̰ ń i kɔsə gɔn yā Nə́ɓā ní. Nə́ɓā ń i nge rāā kadə̄ kemjí nel̄jí ní, adə̄m̄ kəla kɔjə de gə̄ Najə̄ kə́ Majə ngeé ń toō.

2 KORḚNTƏ 9:13

Kəla ń toō ń ī-rāāī ní, a ɔjə yá̰á̰ ń i sḭḭ̄ ní kə̄ ndágá. Adə̄ de gə̄ ngá̰ý a ɔsən̄ gɔn Nə́ɓā tām̄ yā sɔl̄ dɔ yāsí tə́, sɔl̄ dɔ ń ɔ́jiīneé kə̄ ndágá kadə̄ ī-taāī kem Najə̄ kə́ Majə yā Kərist ní. Nin̄ a ɔsən̄ gɔn Nə́ɓā tām̄ yā kem majə yāsí tə́ ō, adə̄ i kem majə ń ādīneédə́ nin̄ ō, gotə de kə́ rang gə̄ malang ō yá̰a̰ kənge yāsí ngá̰ý ní.

2 KORḚNTƏ 2:12

Dan ń m-ūgə̄ kem ɓē kə́ Təroas tə́ kadə̄ m-ɔ́jə Najə̄ kə́ Majə yā Kərist kemeé ní, Kɔ́ɔ̄ɓē teē ta róbə kəla kə́ bo ngá̰ý adə̄m̄ ɓá tā,

1 KORḚNTƏ 9:18

Ní, yá̰a̰ kəndā nja yāḿ i rí? Yá̰a̰ kəndā nja yāḿ i kadə̄ m-ɔ́jə de gə̄ Najə̄ kə́ Majə ní karī, kanjə̄ taā yá̰á̰ ń m-ásə taā gírí ní.

1 KORḚNTƏ 9:12

Ré de kə́ rang gə̄ asən̄ taā yá̰a̰ jīsí tə́ anī, jḭḭ j-asə taā jīsí tə́ tɔȳ yādə́ aĺ a? Banī yá̰á̰ ń j-asə rāā ní jə-rāā alé, ba jə-tə́gā tají dan yá̰a̰ gə̄ tə́ malang, na sōgə́ jə-rāā yá̰á̰ kə́rēý kə́ utə̄ ta róbə Najə̄ kə́ Majə yā Kərist.

Makətūbə̄ ń Pol ndang adə̄ Rom gə̄ ní 15:29

Ba m̄-ger̄ kadə̄ ré m-ā m-āw̄ loosí anī, sḭḭ̄ gə̄gē mā gə̄gē ní, Kərist a tɔ́r̄ tan dɔjí tə́ ngá̰ý.

Makətūbə̄ ń Pol ndang adə̄ Rom gə̄ ní 15:19

i kə tɔ́gə́ yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, i kə tɔ́gə yā Ndíĺ kə́ Táĺ ō. Adə̄ m-ɔ́jə Najə̄ kə́ Majə yā Kərist kə taá malang, m-ə́lá gír i Jerusalem ō, kem ɓē gə̄ ń ran̄ kə gō gidə ɓē kə́ Jerusalem ní ō, bátə́ gō nang kə́ Iliri tə́.

2 TIMOTE 1:16

Ādə̄ Kɔ́ɔ̄ɓē a̰a̰ kum tō ndoō yā de gə̄ kə́ kem kojə yā Onejipor tə́, tɔdɔ̄ ni-sɔl̄ kemḿ kə̄ nja naā tə́. Rɔ̄n sɔlə̄n najə̄ yā súĺ yāḿ gə̄ tə́ alé.

Makətūbə̄ ń Pol ndang adə̄ Rom gə̄ ní 4:11

Tɔdɔ̄ dan ń Nə́ɓā adə̄ Abəraham əja mɔtən ní, Nə́ɓā əndā tə́re dɔ Abəraham tə́ yā kɔjəń kadə̄ ká ré Abəraham əja mɔtən aĺ ɓáý gə̄gē anī, na n-rāān kadə̄ tél de kə́ gōtə́ najə̄ taā kem yān tə́. Adə̄ i tām̄ noō tə́ n Abəraham i bɔbə̄ ngé gə̄ malang ń əjan̄ mɔtədə́ alé ba taān̄ kem, adə̄ Nə́ɓā tə́dádə́ dan de kə́ gōtə́ gə̄ tə́ ō ní.

PĀ GƏ̄ 110:2

Ādə̄ Kɔ́ɔ̄ɓē ń ndi Siyo̰ ní rāā adə̄ ko̰o̰ ɓē yāí əla gír Jerusalem bátə́ ta kaw̄ sa̰y! Ó̰o̰ ɓē dan madə̄ ba̰ā̰í gə̄ tə́!

JA̰A̰ 7:35

Gō najə̄ ń toō tə́ anī Jipə gə̄ ədan̄ naā dɔ dáńdə́ tə́ na: Ni a aw̄ i kə̄ rá yā kadə̄ j-əngein̄ aĺ ní? A aw̄ i kə̄ dan Jipə gə̄ ń tḭ̄ḭ̄n̄ naā kə̄ dan Gərek gə̄ tə́ ní a? A ndóō Gərek gə̄ yá̰a̰ a?