Makətūbə̄ ń Pol ndang adə̄ Rom gə̄ ní 1:14 - Bibəl ta Sar̄

¹⁴ Sɔɔ̄ kadə̄ i mā n m-āw̄ ɓē yā Gərek gə̄ tə́ ō, ɓē yā tə̄rā kɔr̄ gə̄ tə́ ō, ɓē ngé ger̄ yá̰á̰ ngá̰ý gə̄, aké i ngé ger̄ yá̰a̰ aĺ gə̄ tə́ ō ní.

Bible sar

¹⁴ Sɔɔ̄ kadə̄ i mā n m-āw̄ ɓē yā Gərek gə̄ tə́ ō, ɓē yā tə̄rā kɔr̄ gə̄ tə́ ō, ɓē ngé ger̄ yá̰á̰ ngá̰ý gə̄, aké i ngé ger̄ yá̰a̰ aĺ gə̄ tə́ ō ní.

Makətūbə̄ ń Pol ndang adə̄ Rom gə̄ ní 1:14 Referans Kwoze

KOLOSƏ 3:11

Loo ń noō tə́ ní, loo kəda na: Nge ń toō na i Gərek aláa na i Jipə, nge ń toō na i de kə́ əja mɔtən aláa na i de kə́ əja mɔtən alé, nge ń toō na i tə̄rā, aláa na i tə̄rā kɔ̄r̄, nge ń toō na i ɓəlo, aláa na i kɔ́ɔ̄ rɔ̄n ní, gətóo. Ba yá̰á̰ ń i yá̰á̰ kə́ ngá̰ý ní i Kərist ń ndi kem de gə̄ tə́ malang ō, i nge rāā yá̰a̰ malang ō ní.

KƏLA RĀĀ 9:15

Banī Kɔ́ɔ̄ɓē ədan na: Āw̄, tɔdɔ̄ deē ń toō i yá̰a̰ kəla yāḿ kə́ m̄-gə̄rā, yā kadə̄ aw̄ kə rīḿ ta kum nápar de gə̄ tə́ ō, mban̄g gə̄ tə́ ō, ngán Israel gə̄ tə́ ō.

KƏLA RĀĀ 22:21

Banī Kɔ́ɔ̄ɓē ədam̄ na: Āw̄ na m-ā m-ə́laī i kə sa̰y, i kə̄ rɔ̄ de gə̄ kə́ nin̄ i Jipə aĺ gə̄ tə́.

Makətūbə̄ ń Pol ndang adə̄ Rom gə̄ ní 12:16

Ādī kemsí i kógə̄ḿ kə naá. Ī-lōōī ka̰a̰ rɔ̄sí yá̰á̰ kə́ ngá̰ý tə́ ba rāā madə̄sí gə̄ yá̰a̰ aĺ tə́. Banī ī-rāāī kəla kə́ to kɔjə rɔ̄ aĺ gə̄. Ī-lōōī ka̰a̰ rɔ̄sí ngé kum kedə̄ gə̄ tə́.

2 KORḚNTƏ 11:19

Sḭḭ̄ ń i ngé kum kedə̄ gə̄ ní, tə́gā ta dɔ ngé kɔ̄r̄ gə̄ tə́ i yá̰á̰ kə́ tōr̄ rɔ̄sí alé!

Makətūbə̄ ń Pol ndang adə̄ Rom gə̄ ní 16:19

Koō ń sḭḭ̄ ōōī najə̄ ta Kɔ́ɔ̄ɓē tə́ ní, de gə̄ gerə̄n̄. Adə̄ rɔ̄ḿ nelə̄m̄ najə̄ yāsí tə́, ba m̄-gḛy kadə̄ sḭḭ̄ i de kə́ ngáā gə̄ kadə̄ ī-rāāī yá̰á̰ kə́ majə ō, ī-tə́laī rɔ̄sí dan yá̰á̰ kə́ majaĺ gə̄ tə́ aĺ ō.

Makətūbə̄ ń Pol ndang adə̄ Rom gə̄ ní 13:8

Ādī kə̄rā yā deē kógə̄ḿ i dɔsí tə́ alé. Ré Kadə̄ kə̄rā i dɔsí tə́ anī, ādī i kə̄rā tár naā tá ngóy. Tɔdɔ̄ deē ń tár madə̄n gə̄ ní, rāā i yá̰á̰ ń ndū najə̄ ɔjə ní kə ta njaá malang.

Makətūbə̄ ń Pol ndang adə̄ Rom gə̄ ní 8:12

Tītə̄ ń toō ní ngákó̰ó̰ḿ gə̄, i gáŕ kadə̄ jə-rāāī yá̰a̰ gə̄ ń Nə́ɓā ndigə ní, ba i gáŕ kadə̄ jə-rāāī yá̰a̰ gə̄ ń dā̰ rɔ̄jí kə́ nge rāā majaĺ ń toō ndigə ní to̰ alé.

Makətūbə̄ ń Pol ndang adə̄ Rom gə̄ ní 1:22

Ədan̄ na nin̄ i ngé kum kedə̄ gə̄ banī nin̄ i mbóo gə̄.

IJAI 35:8

Róbə́ kógə̄ḿ kə́ a ɓārə́n̄ na i róbə kə́ yā ɓōĺ gidə a to loo ń noō tə́. De kə́ yḛr a mān̄ tū tə́ alé, róbə́ ní a to i tām̄ yā gír de gə̄ yā Kɔ́ɔ̄ɓē tə́ ngóy. Mbóo de gə̄ a reēn̄ yā tḭ̄ḭ̄ ta rɔ̄də́ tū tə́ alé.

TITƏ 3:3

Tɔdɔ̄ kété ní, jḭḭ̄ i de kə́ mbóo gə̄ ō, jḭḭ̄ i ngé dɔ ngan̄g gə̄ ō, tají tḭ̄ḭ̄ kɔ̄ɔ́ ō. Jḭḭ̄ i ɓəlo gə̄ yā ngur yá̰á̰ kə́ tayā tayā gə̄ ō, ɓəlo gə̄ yā yá̰á̰ kə́ tayā tayā gə̄ kə́ adə̄n̄ deē rɔ̄nel̄ ō. J-a jə-rāāī i kem ndul ō, jə-ndiī i gír rāā ɓō yá̰á̰ kə́ tayā tayā gə̄ tə́ ō. Jə-majiī aĺ ngá̰ý ō, jḭḭ̄ i ngé kim̄ naā gə̄ ō.

2 TIMOTE 2:10

I tām̄ ń toō tə́ n m̄-tə́gā taḿ tām̄ yā ngé gə̄ ń Nə́ɓā gə̄rādə́ tə́ ní, yā kadə̄ nin̄ ajən̄neé kə ta kūl̄ Jeju Kərist ō, əngen̄neé yá̰a̰ malang kə́ to kɔsə gɔn ngándáńg ō.

2 KORḚNTƏ 10:12

Kə́ rɔ̄kum tə́ tā anī, jḭḭ j-a jə-nāā kəndā rɔ̄jí kadə yā ngé gə̄ ń ədan̄ najə̄ kə́ majə dɔ rɔ̄də́ nin̄ kɔ́ gə̄ tə́ ní alé. Nin̄-gerə̄n̄ yá̰a̰ alé, tām̄ unən̄ i kāgə̄ rɔ̄də́ nin̄ kógə̄ n ɔjən̄neé ngāl̄ rɔ̄də́ ní. Nin̄-əndān̄ kāgə̄ rɔ̄də́ ní kadə rɔ̄də́ nin̄ kɔ́ gə̄ tə́, yā ka̰a̰ń ké n-ton̄ tītə̄ kāgə̄ rɔ̄də́ ní wa.

1 KORḚNTƏ 14:16

Tām̄ ré ḭ̄ ī-ndadə̄ ādə̄ Nə́ɓā i kə ta kə́ Ndíĺ kə́ Táĺ adī ngóy anī, de kə́ karī ń ndi dan ngé kán̄ naā gə̄ tə́ á ni-ger̄ kum najə̄ kɔrīí aĺ ní, a ndigə najə̄ gōí tə́ yā kəda na: Adə̄ i tītə̄ ń noō i ba̰ý?

1 KORḚNTƏ 14:11

Ré ta ń deē ɔr̄ ní m̄-ger̄ kum aĺ anī, nge kɔr̄ najə̄ ní a rāām̄ mā i tə̄rā tə́ ō, mā m-ā m̄-rāān ni i tə̄rā tə́ ō.

1 KORḚNTƏ 3:18

Ādə̄ deē kógə̄ḿ gól̄ rɔ̄n nəkɔ́ alé. Ré de kə́rēý dɔ dansí tə́ gír̄ kadə̄ ni i de kə́ nge kum kedə̄ tītə̄ de kə́ dɔ nang tə́ laā gə̄ anī, ādə̄ ni-tél de kə́ mbóo yā télən̄ de kə́ nge kum kedə̄.

1 KORḚNTƏ 2:13

Ba j-ɔr̄ najə̄ yá̰a̰ gə̄ ní i kə najə̄ ń ngé kum kedə̄ gə̄ ndóōn̄jí ní alé, banī i kə najə̄ ń Ndíl Nə́ɓā ndóōjí ní. Adə̄ i tītə̄ ń noō n j-ɔjəń ngé kənge Ndíl ngeé ń toō gə̄ najə̄ kə́ rɔ̄kum gə̄ yā Ndíĺ ní.

Makətūbə̄ ń Pol ndang adə̄ Rom gə̄ ní 11:25

Ngákó̰ó̰ḿ gə̄, m̄-gḛy kadə̄ ī-gerī yá̰á̰ kə́ to loo mundə̄ tə́ kem Nə́ɓā tə́ ɓáý ń toō, na sōgə́ ī-gírī kemsí tə́ na sḭḭ̄ i ngé kum kedə̄ ngá̰ý gə̄. Yá̰á̰ ní n toó: Kem ngan̄g ń Nə́ɓā adə̄ kem ngán Israel kə́rēý gə̄ ngan̄g ngóróró ní, a to bátə́ kadə̄ ré de gə̄ malang ń i Jipə aĺ gə̄ ní ajən̄ pá tá.

KƏLA RĀĀ 28:4

Dan ń kɔ́ɔ̄ ɓē gə̄ a̰a̰n̄ kadə̄ lī ní naā jī Pol tə́ linding anī, ədan̄ naā dɔ dáńdə́ tə́ na: Deē ń toō i de kə́ nge tɔ̄l̄ de gə̄ gáŕ, tām̄ ni teē ta yo kə́ maná tə́, banī ɓesə̄ Yá̰á̰ kə́ Gō tə́ ndigə kadə̄ ni ndi kə kumneé alé.

KƏLA RĀĀ 28:2

De kə́ tū tə́ gə̄ rāān̄ kem ndaa kə́ jóo toó deē a̰a̰ aĺ ɓáý sejí. Rāān̄ hor kə́ bo ba əhɔn̄jí kə̄ rɔ̄də́ tə́ malang kadə̄ jə-ndíbə̄, tɔdɔ̄ man̄ tetə ɓuk a edə i mbée ō, kūl̄ o̰o̰ ngá̰ý ō.

Najə̄ kə́ Majə yā Jeju ń Luk ndang ní 10:21

Ndíĺ kə́ Táĺ adə̄ Jeju rɔ̄nel̄ kə́ ngá̰ý kemən tə́ kum mbang nəkɔ́ ń noō tə́, adə̄ Jeju əda na: Bɔbə́ḿ, ḭ̄ ń i Kɔ́ɔ̄ɓē dɔ rā̰ tə́ ō, dɔ nang tə́ ō ní, m̄-tɔ̄yī tām̄ teē ń i teē kum ngé kə́ dūú gə̄ dɔ yá̰á̰ ń ī-mundə̄ ngé kum kedə̄ gə̄ ō, ngé ger̄ yá̰a̰ gə̄ ō ní tə́. Rɔ̄kum, Bɔbə́ḿ, i kem ndaa yāí n rāā adə̄ ī-gḛyń kadə̄ to i tītə̄ ń noō ní.

MATIYE 11:25

Dan ngeé ń noō tə́ ní Jeju ɔr̄ najə̄, əda na: Bɔbə́ḿ, ḭ̄ ń i Kɔ́ɔ̄ɓē dɔ rā̰ tə́ ō dɔ nang tə́ ō ní, m̄-ɓōkíī tɔ̄ȳ tām̄ ɓɔ̄ɔ̄ ń ī-ɓɔ̄ɔ̄ dɔ yá̰a̰ gə̄ ń toō kɔ̄ɔ́ tām̄ yā ngé kum kedə̄ gə̄ tə́ ō, ngé ger̄ yá̰a̰ gə̄ tə́ ō, ba ī-teē kum de kə́ dūú gə̄ dɔ tə́ ní.

Gōsə̄ najə̄ gə̄ 8:5

Sḭḭ̄ de kə́ kum gān̄g aĺ gə̄, ī-ndóōī loo gōn̄g yá̰a̰, sḭḭ̄ mbóo gə̄, ī-ndóōī tél de kə́ ngáā!

Gōsə̄ najə̄ gə̄ 1:22

Sḭḭ̄ de kə́ kum gān̄g aĺ gə̄, a nel̄sí kə kum gān̄g aĺ yāsí i bátə́ ta kə́ rá? Ngé lur loo gə̄ a nel̄də́ lur loo i bátə́ ta kə́ rá ō, de kə́ mbóo gə̄ a mbātə́n̄ yá̰a̰ ger̄ i bátə́ ta kə́ rá ō?