Makətūbə̄ ń Pol ndang adə̄ Rom gə̄ ní 1:13 - Bibəl ta Sar̄

¹³ Ngákó̰ó̰ḿ gə̄, m̄-sāā kadə̄ ī-gerī na m-ɔ́jə kaw̄ loosí nja i ngá̰ý, ba dum̄ dɔḿ i mbée. m̄-sāā kaw̄ loosí kadə̄ kəla yāḿ teē yá̰a̰, tītə̄ ń teēń yá̰a̰ ɓē nápar de gēé tə́ ní.

Bible sar

¹³ Ngákó̰ó̰ḿ gə̄, m̄-sāā kadə̄ ī-gerī na m-ɔ́jə kaw̄ loosí nja i ngá̰ý, ba dum̄ dɔḿ i mbée. m̄-sāā kaw̄ loosí kadə̄ kəla yāḿ teē yá̰a̰, tītə̄ ń teēń yá̰a̰ ɓē nápar de gēé tə́ ní.

Makətūbə̄ ń Pol ndang adə̄ Rom gə̄ ní 1:13 Referans Kwoze

KƏLA RĀĀ 19:21

Gō yá̰a̰ gə̄ ń noō ń rāān̄ yá̰á̰ tə́ ní, Pol ɔjə gír̄ teē gō nang kə́ Masedəwan tə́ ō, gō nang kə́ Akayi tə́ ō, yā kaw̄ń kə̄ Jerusalem, ni-əda na: Ré m-ūgə̄ nú anī, majə kadə̄ m-á̰a̰ ɓē kə́ Rom ō.

PILIPƏ 4:17

Ré m-ɔ̄r̄ najə̄ tītə̄ ń noō anī m̄-sāā i kadə̄ de gə̄ adə̄mə̄n̄ yá̰a̰ alé, ba m̄-sāā i kadə̄ man̄ kəla yāsí reē kə dɔ madə̄ tə́ tām̄ yāsí tə́.

2 TIMOTE 4:17

Banī Kɔ́ɔ̄ɓē ra rɔ̄ḿ tə́, ni-adə̄m̄ tɔ́gə adə̄ m-ɔ́jəń de gə̄ ń nin̄ i Jipə aĺ gə̄ ní najə̄ yān malang kə taá ō, ni ɔrə̄m̄ kɔ̄ɔ́ ta ɓɔl tə́ ō.

1 TESALONIK 4:13

Ngákó̰ó̰jí gə̄, jə-gḛy kadə̄ ī-ndiī dāyāá najə̄ yā ngé gə̄ ń oyn̄ tə́ ní alé, na sōgə́ rɔ̄sí nel̄sí alé tītə̄ yā ngé gə̄ ń yá̰a̰ kə́ yā kadə̄ əndān̄ kemdə́ dɔ tə́ gətóó ní.

1 TESALONIK 2:18

Jə-sāā tél kaw̄ loosí. Mā Pol m̄-sāā kaw̄ loosí i nja kógə̄ḿ beē ngóy alé, banī Sətan ɔgə̄jí kɔ̄ɔ́.

2 KORḚNTƏ 1:8

Tɔdɔ̄ ngákó̰ó̰jí gə̄, jə-gḛy kadə̄ ī-gerī gō yá̰á̰ kə́ tōr̄ gə̄ ń rāān̄jí dɔ nang kə́ Aji tə́ ní: Yá̰á̰ kə́ tōr̄ gə̄ ní ɔȳn̄jí ngá̰ý, kɔȳdə́ tɔȳ tɔ́gə́jí, adə̄ j-əndā kemjí dɔ ndi tə́ kə kumjí to̰ alé.

1 KORḚNTƏ 12:1

Ń toō ɓáa j-a̰a̰ī najə̄ yā yá̰a̰ gə̄ ń Ndíĺ kə́ Táĺ a adə̄ de gə̄ karī ní tā. Ngákó̰ó̰ḿ gə̄, m̄-sāā kadə̄ ī-gerī najə̄ kə́ rɔ̄kum kə́ dɔ yá̰a̰ gə̄ ń Ndíĺ kə́ Táĺ a adə̄ de gə̄ karī tə́ ní.

1 KORḚNTƏ 10:1

Ngákó̰ó̰ḿ gə̄, m̄-gḛy kadə̄ ī-ndiī kanjə̄ ger̄ yá̰á̰ ń rāā kaají gə̄ kété ní alé. Nin̄ malang ní ndin̄ gír kil̄ man̄ tə́ ō, gāngə̄n̄ bā bo ō.

KOLOSƏ 1:6

Najə̄ kə́ Majə aw̄ kum kə̄ kété ō, ojə yá̰á̰ kə́ majə ō, kə̄ loo gə̄ tə́ malang dɔ nang tə́ tītə̄ ń rāań yá̰a̰ dɔ dáńsí tə́ ní. Əla gír rāā yá̰á̰ ní i ndɔ̄ kə́ ta kəga dɔ ń sḭḭ̄ ōōīneé najə̄ rajə ń Nə́ɓā rajəsí tə́ ní ō, ndɔ̄ ń kumsí teēń dɔ tə́ kə́ rɔ̄kum tə́ ní ō.

Makətūbə̄ ń Pol ndang adə̄ Rom gə̄ ní 11:25

Ngákó̰ó̰ḿ gə̄, m̄-gḛy kadə̄ ī-gerī yá̰á̰ kə́ to loo mundə̄ tə́ kem Nə́ɓā tə́ ɓáý ń toō, na sōgə́ ī-gírī kemsí tə́ na sḭḭ̄ i ngé kum kedə̄ ngá̰ý gə̄. Yá̰á̰ ní n toó: Kem ngan̄g ń Nə́ɓā adə̄ kem ngán Israel kə́rēý gə̄ ngan̄g ngóróró ní, a to bátə́ kadə̄ ré de gə̄ malang ń i Jipə aĺ gə̄ ní ajən̄ pá tá.

JA̰A̰ 15:16

I sḭḭ̄ n ī-gə̄rāmī ní alé, ba i mā n m̄-gə̄rāsí ní. M-ə̄ndā dɔsí tə́ kadə̄ āwī ō, kadə̄ ā̰ā̰nī ngá̰ý ō, kadə̄ ka̰a̰n̄sí to gotoó ō. Loo ń noō tə́ Bɔbə́ḿ a adə̄sí yá̰a̰ malang ń ā ī-dəjeniī kə rīḿ ní.

JA̰A̰ 4:36

Nge sāā kōō ənge yá̰a̰ kəndā nja yān kɔ̄ɔ́ o, ni-kán̄ kum kōō ní kə̄ naā tə́ tām̄ yā ndi kə kumuú kə́ ngándáńg tə́ ō. Adə̄ nge dubə̄ kōō, ō nge sāā kōō ō, əngen̄ rɔ̄nel̄ mbak.

2 TESALONIK 2:7

Tɔdɔ̄ yá̰á̰ kə́ to loo mundə̄ tə́ yā nge rāā yá̰a̰ kə gō ń Nə́ɓā ndigə alé ní, a rāā kəla kɔ̄ɔ́. Ba ré nge kɔgə̄n tḭ̄ḭ̄ rɔ̄n ngɔlaā ń toō gətóo kɔ̄ɔ́ pá tá,

2 KORḚNTƏ 2:14

Banī jə-ndadə̄ j-adə̄ Nə́ɓā, tām̄ ni-ndɔ́r̄jí aw̄ sejí gō Kərist ń tetə rɔ̄ɔ̄ tə́ ní ngándáńg ō, ni-unjí rāań adə̄ de gə̄ gerə̄n̄ Kərist kə̄ loo gə̄ tə́ malang ō. Adə̄ to i tītə̄ sēē ítər kə́ otə majə kə́ taā loo beé.

1 KORḚNTƏ 9:2

Ká ré ta kum de kə́ rang tə́ ní mā i ngōmbang kəla aĺ gə̄gē anī, ta kumsí sḭḭ̄ tə́ ní mā i ngōmbang kəla. Tɔdɔ̄ i sḭḭ̄ n i tə́re jīḿ kə́ ɔjə kadə̄ mā i ngōmbang kəla ní, tām̄ ī-ɓooī naā kə Kɔ́ɔ̄ɓēé.

KƏLA RĀĀ 21:19

Dan ń ni rāādə́ lápə́ya oy anī, ɔjədə́ gotə yá̰a̰ gə̄ ń Nə́ɓā rāā dan de gə̄ kə́ nin̄ i Jipə aĺ gə̄ tə́ kə ta kūl̄ kəla yān nəkɔ́ Poló ní kə ta njaá.

KƏLA RĀĀ 15:12

Loo ń noō tə́ ngé kán̄ naā gə̄ malang tél ndin̄ kə tadə́ kə́ mbóó kóńg ō, de gə̄ oōn̄ najə̄ kə́ ta Barnabas tə́ ō, Pol tə́ ō. Nin̄-ənīn̄ gōtə́ yá̰á̰ kə́ to kɔr kum gə̄ malang ō, yá̰á̰ kə́ yáā gə̄ ō ń Nə́ɓā rāā kə ta kūl̄də́ dan de gə̄ ń i Jipə aĺ gə̄ tə́ ní.

KƏLA RĀĀ 14:27

Dan ń ugə̄n̄ A̰tiyos anī, ɔsən̄ dɔ ngé taā kem gə̄ naā tə́, ba ənīn̄də́ gotə yá̰a̰ malang ń Nə́ɓā rāā kə ta kūl̄də́ ní ō, ɔjən̄də́ loo teē ń Nə́ɓā teē ta róbə adə̄ de gə̄ kə́ nin̄ i Jipə aĺ gə̄, yā kadə̄ nin̄-taān̄ kem ō ní.

JA̰A̰ 12:24

Ādə̄ m-ə́dásí najə̄ kə́ bo ngá̰ý, ré kum kōō gémē əsō nang tə́ aĺ ō, oy aĺ ō anī, ni a to i kógə̄ḿ beē ngóy. Banī ré oy anī, a ojə madə̄ ngá̰ý.

IJAI 27:6

Kum mbang gə̄ ń a reēn̄ noō ní, gír deē yā Jakob gə̄ a tə́lan̄ ngəradə́, Israel a sitə ō, a hútə̄ ō. Ni a rāā kadə̄ kanə̄n gə̄ a taān̄ loo dɔ nang tə́.

KƏLA RĀĀ 1:15

Kem ndɔ̄ gə̄ ngeé ń noō tə́ ní, ngé taā kem gə̄ kánə̄n̄ naā asən̄ deē ɓú kə kutə jōó, anī Piyer ḭḭ ra dandə́ tə́ ba ədadə́ na:

KƏLA RĀĀ 28:14

J-ənge ngákó̰ó̰jí gə̄ kem ɓē ngeé ń noō tə́, adə̄ nin̄-əhɔn̄jí mbā ndɔ̄ sīrí. I beé n j-ugə̄ń Rom ní.

Makətūbə̄ ń Pol ndang adə̄ Rom gə̄ ní 1:12

I tām̄ ń noō tə́ ngóy alé, ba i yā kadə̄ taā kem yāsí adə̄m̄ tɔ́gə ō, taā kem yāḿ mā adə̄sí tɔ́gə ō.

Makətūbə̄ ń Pol ndang adə̄ Rom gə̄ ní 7:1

Ngákó̰ó̰ḿ gə̄, yá̰á̰ ń m-ā m-ə́dásí toō i yá̰á̰ kə́ sḭḭ̄ kɔ́ gə̄ ī-gerī majə kɔ̄ɔ́ ɓá, tɔdɔ̄ sḭḭ̄ i de kə́ ī-gerī ndū najə̄ majə. Deē ń ndū najə̄ i dɔn tə́ ní i de kə́ ndi kə kumneé ɓáý.

1 KORḚNTƏ 1:10

Ngákó̰ó̰ḿ gə̄, m̄-dəjesí kə rī Kɔ́ɔ̄ɓē yājí Jeju Kərist, ōōī naā ba ādī kēgə̄ naā gətóo dansí tə́. Ādī gír̄ yāsí i kógə̄ḿ ō, yá̰á̰ ń ī-gḛyiī rāā ní i yá̰á̰ kə́ kógə̄ḿ beē ō.

1 KORḚNTƏ 14:20

Ngákó̰ó̰ḿ gə̄, najə̄ kə́ dɔ ger̄ najə̄ tə́ ní, ādə̄ sḭḭ̄ i ngáń kə́ dūú gə̄ loon tə́ alé, ba ré i najə̄ kə́ dɔ yá̰á̰ kə́ majaĺ tə́ ɓáa, ādə̄ sḭḭ̄ i ngáń kə́ dūú gə̄ loon tə́. Najə̄ kə́ dɔ ger̄ najə̄ tə́ ní ādə̄ sḭḭ̄ i de kə́ tɔgə gə̄ loon tə́.

1 KORḚNTƏ 14:26

Loo ń noō tə́ ní ngákó̰ó̰ḿ gə̄, ā ī-rāāī i ba̰ý? Dan ń a ī-kanī naā anī, ré deē kógə̄ḿ aw̄ kə pā kógə̄ḿ ō, de kə́rēý aw̄ kə yá̰á̰ kógə̄ḿ kə́ yā kadə̄ ni-ndóō de gə̄ ō, de kə́ rang aw̄ kə yá̰á̰ kə́ Nə́ɓā teē kumən dɔ tə́ ō, de kə́ rang ɓáý to̰ aw̄ kə najə̄ kógə̄ḿ kə́ yā kɔr̄ kə ta kə́ tayāá ō, de kə́ rang ger̄ kum najə̄ ní yā kəda ō anī, ādə̄ i kə́ yā rāā yá̰a̰ gə̄ ń noō malang yā kadə̄ ngé kán̄ naā gə̄ taān̄neé kem Kɔ́ɔ̄ɓē kum kə̄ kété kété.

GALATƏ 3:15

Ngákó̰ó̰ḿ gə̄, m-ā m-ún yá̰a̰ rāā deē ndul gə̄ yā kɔjəńsí yá̰á̰ kógə̄ḿ. Ré najə̄ gə̄ kə́ dɔ kənge yá̰á̰ kə́ gotə deē tə́ i kə́ ndang kə gōó anī, de kə́ yā kɔr̄ kum najə̄ kógə̄ḿ tū tə́ kɔ̄kə́, aké kə́ yā kənī yān dɔ tə́, gətóo.

GALATƏ 6:18

Ngákó̰ó̰ḿ gə̄, ādə̄ Kɔ́ɔ̄ɓē yājí Jeju Kərist rāā kem majə sesí. Adə̄ i tītə̄ ń noō.

PILIPƏ 1:22

Ba ré ndiḿ kə kumḿ dɔ nang tə́ laā i kadə̄ m-ə́ngeń ta róbə rāā yá̰á̰ kə́ majanī, yá̰á̰ ń kadə̄ m̄-gə̄rā mandang ní m̄-ger̄ alé.

KOLOSƏ 1:10

I beé n háĺsí a rɔȳń Kɔ́ɔ̄ɓē ō, ā ī-rāāiń yá̰á̰ kə́ nelə̄n ō ní. Ā ī-rāāī yá̰a̰ malang kə́ majə ō, ā ī-gerī Nə́ɓā kum kə̄ kété kété ō.