Makətūbə̄ ń Pol ndang adə̄ Rom gə̄ ní 1:12 - Bibəl ta Sar̄

¹² I tām̄ ń noō tə́ ngóy alé, ba i yā kadə̄ taā kem yāsí adə̄m̄ tɔ́gə ō, taā kem yāḿ mā adə̄sí tɔ́gə ō.

Bible sar

¹² I tām̄ ń noō tə́ ngóy alé, ba i yā kadə̄ taā kem yāsí adə̄m̄ tɔ́gə ō, taā kem yāḿ mā adə̄sí tɔ́gə ō.

Makətūbə̄ ń Pol ndang adə̄ Rom gə̄ ní 1:12 Referans Kwoze

2 PIYER 1:1

I mā Simo̰ Piyer ń i nge kəla yā Jeju Kərist ō, ngōmbang kəla yān ō ní n m̄-ndang makətūbə̄ ń toō m-ə́lań m-ādə̄ ngé gə̄ ń əngen̄ taā kem kə́ gātə̄n i ngá̰ý tītə̄ yājí, kə ta kūl̄ kəla kə́ gōtə́ yā Nə́ɓā yājí ō, Jeju Kərist nge kajəjí ō ní.

TITƏ 1:4

m̄-ndang makətūbə̄ ń toō m-ə́lań m-ādə̄ i ḭ̄ Titə, ngōnə̄ḿ kə́ rɔ̄kum sɔɔ̄ń taā kem kə́ kógə̄ḿ beē kə́ j-əga naā dɔ tə́. Ādə̄ Bɔbə̄jí Nə́ɓā nin̄ kə Jeju Kərist nge kajəjí, rāān̄ kem majə seí ō, sɔlə̄n̄ kemií ō.

2 KORḚNTƏ 7:13

I tām̄ najə̄ ń noō tə́ n yá̰a̰ rāāsí sɔl̄ kemjí ní. J-ənge i kem sɔl̄ ngóy alé, Titə ń sḭḭ̄ malang ī-rāāniī ādə̄ kemən tetə kə̄ nang tə́ ní, rɔ̄nel̄ yān adə̄jí rɔ̄nel̄ ngá̰ý ō.

Makətūbə̄ ń Pol ndang adə̄ Rom gə̄ ní 15:32

Loo ń noō tə́ ré kem Nə́ɓā ndigə anī, m-ā m-āw̄ yā kugə̄ loosí kə rɔ̄nelēé ō, m-ā m-ɔ̄r̄ koō sḛ́ý dɔ dansí tə́ ō.

KƏLA RĀĀ 11:23

Dan ń ni-ɔtə̄ á a̰a̰ majə ń Nə́ɓā rāā ní anī, rɔ̄n nelə̄n ngá̰ý ō, ra sedə́ malang ta kəhɔ gō Kɔ́ɔ̄ɓē kadə̄ ngan̄g ō.

Makətūbə̄ ń Jud ndang ní 1:3

Kó tár yāḿ gə̄, najə̄ kə́ dɔ kajə deē tə́ ń i najə̄ kə́ sɔɔ̄jí malang ní, m̄-gḛy ngá̰ý kadə̄ m̄-ndang makətūbūú m-ādə̄sí. M-á̰a̰ā̰ ní majə kadə̄ m̄-ndang m-ə́lań go̰ kemsí tə́, kadə̄ ī-rɔ̄ɔ̄īneé dɔ taā kem ń i yá̰á̰ kə́ Nə́ɓā adə̄ deē yān gə̄ i nja kógə̄ḿ beē ngóý ní tə́.

2 JA̰A̰ 1:4

Dan ń m-á̰á̰ ngání gə̄ loo njə̄rā tə́ gō najə̄ kə́ rɔ̄kum tə́ tītə̄ ń Bɔbə̄ Ngōn̄ ədańjí kadə̄ jə-rāāī ní, rɔ̄ḿ nelə̄m̄ ngá̰ý.

2 TIMOTE 1:4

Dan ń əga kemḿ dɔ man̄ kumií tə́ ní, ngur ka̰a̰í rāām̄ ngá̰ý. Ré m-á̰a̰ī anī, rɔ̄ḿ a nelə̄m̄ ngá̰ý.

EPEJƏ 4:5

Kɔ́ɔ̄ɓē i kógə̄ḿ beē ō, taā kem i kógə̄ḿ beē ō, batém i kógə̄ḿ beē ō.

Makətūbə̄ ń Pol ndang adə̄ Rom gə̄ ní 15:24

Ba i ta kaw̄ḿ Esəpa̰y tə́ tá m-ā m̄-teē dɔsí tə́ ɓáý. Tɔdɔ̄ m-ə̄ndā kemḿ dɔ ka̰a̰sí tə́ yā kadə̄ m-ə́ngé yá̰a̰ jīsí tə́ tá m-āwń nú, ba m-ā m̄-ndi sesí sḛ́ý pá tá m-ā m̄-mān̄ ɓáý.

Makətūbə̄ ń Pol ndang adə̄ Rom gə̄ ní 1:11

Ngur kaw̄ ka̰a̰sí rāām̄ ngá̰ý, yā kadə̄ m-āw̄ m-ādə̄sí kadə̄ karī yā Ndíl kadə̄ ə́ngeīneé tɔ́gə.

Makətūbə̄ ń Pol ndang adə̄ Rom gə̄ ní 1:13

Ngákó̰ó̰ḿ gə̄, m̄-sāā kadə̄ ī-gerī na m-ɔ́jə kaw̄ loosí nja i ngá̰ý, ba dum̄ dɔḿ i mbée. m̄-sāā kaw̄ loosí kadə̄ kəla yāḿ teē yá̰a̰, tītə̄ ń teēń yá̰a̰ ɓē nápar de gēé tə́ ní.