Makətūbə̄ ń Pol ndang adə̄ Rom gə̄ ní 1:1 - Bibəl ta Sar̄

¹ I mā Pol n m-ə́la kə makətūbūú mādə̄sí ní. Mā i nge kəla yā Jeju Kərist. Ni ɓārə́m̄ kadə̄ mā i ngōmbang kəla yān ō, ɔrə̄m̄ tayā kadə̄ m-ə̄nā mbēr̄ Najə̄ kə́ Majə yā Nə́ɓā ō.

Bible sar

¹ I mā Pol n m-ə́la kə makətūbūú mādə̄sí ní. Mā i nge kəla yā Jeju *Kərist. Ni ɓārə́m̄ kadə̄ mā i ngōmbang kəla yān ō, ɔrə̄m̄ tayā kadə̄ m-ə̄nā mbēr̄ Najə̄ kə́ Majə yā Nə́ɓā ō.

Makətūbə̄ ń Pol ndang adə̄ Rom gə̄ ní 1:1 Referans Kwoze

KƏLA RĀĀ 9:15

Banī Kɔ́ɔ̄ɓē ədan na: Āw̄, tɔdɔ̄ deē ń toō i yá̰a̰ kəla yāḿ kə́ m̄-gə̄rā, yā kadə̄ aw̄ kə rīḿ ta kum nápar de gə̄ tə́ ō, mban̄g gə̄ tə́ ō, ngán Israel gə̄ tə́ ō.

Makətūbə̄ ń Pol ndang adə̄ Rom gə̄ ní 15:16

adə̄ mā i nge kəla yā Jeju Kərist, kə́ tām̄ yā gír de gə̄ kə́ nin̄ i Jipə aĺ gə̄ tə́ ní. Nə́ɓā ɔr̄ əndām̄ tayā tām̄ yān tə́ kadə̄ m-ə̄nā mbēr̄ Najə̄ kə́ Majə yān yā kadə̄ gír de gə̄ ń nin̄ i Jipə aĺ gə̄ ní télən̄ yá̰a̰ ndējə̄ kə́ táĺ kə ta kūl̄ Ndíĺ kə́ Tálá kadə̄ nēl̄ kem Nə́ɓā.

1 KORḚNTƏ 1:1

I mā Pol ń ɓāŕmə̄n̄ kadə̄ mā i ngōmbang kəla yā Jeju Kərist kə gō kem ndigə yā Nə́ɓāá ní, nin̄ kə ngōkó̰ó̰jí Sosten n

KOLOSƏ 1:1

I mā Pol ń i ngōmbang kəla yā Jeju Kərist kə gō kem ndigə yā Nə́ɓāá ní, naā tə́ kə ngōkó̰ó̰jí Timote n,

JEREMI 1:5

Pá tá kadə̄ m-ə̄ɓāī kem kó̰ó̰í tə́ ní, m̄-gerī kɔ̄ɔ́ ɓá. M-ɔ̄r̄ kamīí m-ə̄ndāī tayā kadə̄ ī-tél nge koō ta tām̄ yā nápar de gə̄ tə́.

TITƏ 1:1

I mā Pol n m-ə́la kə makətūbūú mādə̄sí ní. Mā i nge kəla yā Nə́ɓā ō, ngōmbang kəla yā Jeju Kərist ō. Əndān̄ dɔḿ tə́ kadə̄ m-ɔ́jə́ ngé gə̄ ń Nə́ɓā gə̄rādə́ ní najə̄ kadə̄ taān̄ kem ō, kadə̄ m-ə́dádə́ najə̄ kə́ rɔ̄kum kə́ əhɔn̄ naā kə yá̰a̰ rāā kə́ kə gō ń Nə́ɓā ndigə ní kadə̄ gerə̄n̄ ō.

Makətūbə̄ ń Pol ndang adə̄ Rom gə̄ ní 1:9

Tɔdɔ̄ Nə́ɓā i de kə́ kum tə́ yāḿ tām̄ yā najə̄ ń noō tə́. Ni ń m̄-rāā kəla yān kə ngarān̄g kemḿ gēé malang loo kɔjə Najə̄ kə́ Majə yā Ngōnən tə́ ní. Mā m-ɔ̄r̄ najə̄ yāsí ngándáńg,

2 KORḚNTƏ 1:1

I mā Pol ń i ngōmbang kəla yā Jeju Kərist kə gō kem ndigə yā Nə́ɓāá ní ō, ngōkó̰ó̰sí Timote ō n j-əla kə makətūbə̄ ń toō ní. J-əlań j-adə̄ i Egəlijə yā Nə́ɓā ń i kem ɓē kə́ Korḛntə tə́ ní ō, ngé taā kem gə̄ ń ndin̄ dɔ nang kə́ Akayi tə́ kə taá malang ní ō.

1 KORḚNTƏ 9:1

Mā i kɔ́ɔ̄ rɔ̄ḿ aĺ a? Mā i ngōmbang kəla aĺ a? Jeju ń i Kɔ́ɔ̄ɓē yājí ní m-á̰a̰n aĺ a? Kəla yāḿ ń m̄-rāā tām̄ yā Kɔ́ɔ̄ɓē tə́ ní i sḭḭ̄ aĺ a?

2 TIMOTE 1:11

Nə́ɓā əndā kəla kɔjə Najə̄ kə́ Majə ngeé ń toō dɔḿ tə́, adə̄ mā i ngōmbang kəla ō, nge ndóō de gə̄ yá̰a̰ ō.

1 TIMOTE 1:1

I mā Pol ń i ngōmbang kəla yā Kərist Jeju kə gō kem ndigə yā Nə́ɓā kə́ nge kajəjí ō, kə gō kem ndigə yā Kərist Jeju ń j-əndāī kemjí dɔn tə́ ō ní,

GALATƏ 1:1

I mā Pol ń i ngōmbang kəla yā Jeju, banī i kə gō kem ndigə yā de gēé aĺ ō, i kə gō najə̄ kə́ ta deē kógə̄ḿ tə́ aĺ ō, banī i kə ta kūl̄ Jeju Kərist nəkɔ́ ō, i kə ta kūl̄ Bɔbə̄jí Nə́ɓā ń ndól̄ Jeju dan de kə́ koy gə̄ tə́ ō ní,

1 TIMOTE 2:7

Əndāmə̄n̄ kɔdə̄ mbēr̄ ō, ngōmbang kəla ō, i tām̄ yā najə̄ kə́ kum tə́ yān ngeé ń toō tə́. M-ə́da i najə̄ kə́ rɔ̄kum, ba m̄-sor̄ i mbée alé, mā i nge ndóō nápar de kə́ rang gə̄ yá̰á̰ ń majə kadə̄ deē taā kem ní ō, yá̰á̰ ń i yá̰á̰ kə́ rɔ̄kum ní ō.

1 TESALONIK 2:2

Tītə̄ ń ī-gerīneé ní, kété tá kadə̄ j-ugə̄ loosí ní, rāān̄jí yá̰á̰ kə́ tōr̄ gə̄ ō, tájə̄n̄jí ō, kem ɓē kə́ Pilipə tə́. Ba Nə́ɓā yājí adə̄jí tɔ́gə, adə̄ j-ɔjəńsí Najə̄ kə́ Majə yān kanjə̄ ɓōĺ, dan rɔ̄ɔ̄ kə́ ngá̰ý tə́.

Makətūbə̄ ń Pol ndang adə̄ Rom gə̄ ní 1:5

I kə ta kūl̄neé n Nə́ɓā rajəmə̄ń, adə̄ m̄-tél ngōmbang kəla yā kɔsəń gɔn Kərist ní. I yā kadə̄ m̄-rāāń kadə̄ de gə̄ kə́ dan nápar de gə̄ tə́ malang taān̄ kemən ō oōn̄ tan ō.

PILIPƏ 1:1

Pol nin̄ kə Timote ń i ngé rāā kəla gə̄ yā Jeju Kərist ní, i nin̄ n ndangən̄ makətūbə̄ ń toō əlan̄neé adə̄n̄ de kə́ Pilipə tə́ gə̄ malang ń télən̄ de gə̄ yā Nə́ɓā kə ta kūl̄ taā kem Jeju Kərist ō, ngé kɔr nodə́ gə̄ ō, ngé rāā kəla nə̄ɓō yá̰a̰ yādə́ gə̄ ō ní.

JEJU TEĒ KUM JA̰A̰ 1:1

Yá̰a̰ gə̄ kə́ ton̄ loo mundə̄ tə́ ń Nə́ɓā teē kum Jeju Kərist dɔ tə́ kadə̄ ɔjə ngé kəla yān gə̄ ní, yá̰a̰ gə̄ ní a rāān̄ yá̰a̰ ngɔr. Kərist əla deē yān kə́ dɔ rā̰ tə́ kadə̄ ɔjə Ja̰a̰ nge kəla yān yá̰a̰ gə̄ ní.

Makətūbə̄ ń Jud ndang ní 1:1

I mā Jud, nge kəla yā Jeju Kərist kə́ ngōkó̰o̰ Jakə n m̄-ndang makətūbə̄ ń toō m-ə́lań m-ādə̄ ngé gə̄ ń Nə́ɓā ɓāŕdə́ ní, adə̄ i ngé gə̄ ń Bɔbə̄jí Nə́ɓā táŕdə́ ō, Jeju Kərist ngɔ̄m̄də́ ō ní.

2 PIYER 1:1

I mā Simo̰ Piyer ń i nge kəla yā Jeju Kərist ō, ngōmbang kəla yān ō ní n m̄-ndang makətūbə̄ ń toō m-ə́lań m-ādə̄ ngé gə̄ ń əngen̄ taā kem kə́ gātə̄n i ngá̰ý tītə̄ yājí, kə ta kūl̄ kəla kə́ gōtə́ yā Nə́ɓā yājí ō, Jeju Kərist nge kajəjí ō ní.

JAKƏ 1:1

I mā Jakə ń i nge kəla yā Nə́ɓā ō, yā Kɔ́ɔ̄ɓē Jeju Kərist ō ní n m-ə́la kə makətūbə̄ ń toō m-ādə̄ gír ɓē kə́ kutə̄ gidə i jōó gə̄ ń tḭ̄ḭ̄n̄ naā kə̄ dan nápar de gə̄ tə́ ní. m̄-rāāsí lápə́ya.

HEBƏRO 5:4

De kə́ asə kəndā rɔ̄n ngol ngé tun̄ yá̰a̰ gə̄ tə́ yā rɔȳń rɔ̄n nəkɔ́ gətóo. I Nə́ɓā n i nge ɓāŕ deē kə̄ tū tə́, tītə̄ ń ni-ɓārə́nń Aaro̰ ní.

PILIPƏ 2:11

kadə̄ de gə̄ malang ədan̄ na Jeju Kərist i Kɔ́ɔ̄ɓē, yā kɔsəń gɔn Bɔbə̄n Nə́ɓā.

EPEJƏ 4:11

Ba yá̰a̰ gə̄ ń ni-adə̄ de gə̄ karī ní, i ngámbang kəla gə̄ ō, ngé koō ta gə̄ ō, ngé kɔjə Najə̄ kə́ Majə yān gə̄ ō, ngé ngɔ̄m̄ yá̰a̰ kul̄ gə̄ ō, ngé ndóō de gə̄ yá̰a̰ ō.

EPEJƏ 1:13

Dan ń sḭḭ̄ ōōī najə̄ kə́ rɔ̄kum, adə̄ i Najə̄ kə́ Majə ń ajəsí ní anī, sḭḭ̄ ī-taāī kem Kərist ō. Loo ń noō tə́ Nə́ɓā əndā tə́ré yá̰á̰ kə́ ɔjə kadə̄ sḭḭ̄ i deē yān gə̄ rɔ̄sí tə́, ba tə́ré yá̰á̰ ní i Ndíĺ kə́ Táĺ ń ni-adə̄sí kə gō ń ni-ənīń ndūn ní.

2 KORḚNTƏ 12:11

M-ɔ̄r̄ najə̄ tītə̄ kə́ kɔ̄r̄ rāām̄ beé, ba i sḭḭ̄ n ī-raī seḿ ta rāā kɔ̄r̄ ní. Majə kadə̄ i sḭḭ̄ n ə́daī najə̄ kə́ majə yāḿ mā ní. Mā i yá̰á̰ kógə̄ḿ alé.

2 KORḚNTƏ 11:5

Ɓá tā banī m-á̰a̰ kadə̄ ngámbang kəla yāsí kə́ bo ngá̰ý gə̄ ń noō, tɔȳmə̄n̄ kə yá̰á̰ kógə̄ḿ alé!

2 KORḚNTƏ 4:5

Tɔdɔ̄ dan ń j-ɔjə najə̄ ní, j-ɔjə i najə̄ yājí jḭḭ kɔ́ gə̄ alé, banī i najə̄ yā Jeju Kərist kə́ ni i Kɔ́ɔ̄ɓē. Ba kə́ tām̄ yājí jḭḭ tə́ ɓáa, j-əda na jḭḭ na i ngé kəla yāsí gə̄ tām̄ yā Jeju tə́.

Makətūbə̄ ń Pol ndang adə̄ Rom gə̄ ní 1:16

Tɔdɔ̄ rɔ̄ḿ sɔlə̄m̄ loo kɔjə Najə̄ kə́ Majə tə́ alé. Najə̄ kə́ Majə i tɔ́gə yā Nə́ɓā kə́ yā kajəń deē malang ń a taā kem ní. Kété i Jipə gə̄, tá gō tə́ i de gə̄ ń nin̄ i Jipə aĺ gə̄ ní.

KƏLA RĀĀ 22:21

Banī Kɔ́ɔ̄ɓē ədam̄ na: Āw̄ na m-ā m-ə́laī i kə sa̰y, i kə̄ rɔ̄ de gə̄ kə́ nin̄ i Jipə aĺ gə̄ tə́.

KƏLA RĀĀ 22:7

m̄-teē m-ə̄sō nang tə́ anī m-ōō ndū deē kógə̄ḿ ɔr̄ najə̄ seḿ ədam̄ na: Sol, Sol, ī-rāām̄ ndoō tə́ beē i tām̄ rí tə́?

KƏLA RĀĀ 20:24

Banī mā m-á̰a̰ kadə̄ ndiḿ kə kumḿ i yá̰á̰ kógə̄ḿ ta kumḿ tə́ alé. Yá̰á̰ ń m̄-sāā ní i kadə̄ m-ā̰ȳ ngɔ̄də̄ yāḿ m̄-tɔ̄l̄ ta kə gōó majə ō, kəla ń Kɔ́ɔ̄ɓē Jeju adə̄m̄ ní m̄-rāā m̄-tɔ̄l̄ ta kə gōó majə ō: I kadə̄ m-ə́da najə̄ kə́ kum tə́ yā Najə̄ kə́ Majə kə́ dɔ rajə ń Nə́ɓā rajə de gə̄ tə́ ní.

JEJU TEĒ KUM JA̰A̰ 22:9

Banī ni-ədam̄ na kə m̄-lōō rāā beé, na ni na i madə̄ kəlaḿ ō, madə̄ kəla ngákó̰ó̰ḿ kə́ ngé koō ta gə̄ ō, ngé gə̄ ń a ngɔ̄mə̄n̄ najə̄ gə̄ kə́ kem makətūbə̄ ń toō tə́ ní ō. Ba na i Nə́ɓā n majə kadə̄ m̄-rɔȳn ní.

KOLOSƏ 1:25

Mā m̄-tél nge kəla yā ngé kán̄ naā gə̄, i kadə̄ m̄-rāā kəla ń Nə́ɓā mērə̄m̄ rāā ní. I kadə̄ m-ɔ́jə́sí najə̄ yā Nə́ɓā malang kə taá.

EPEJƏ 1:1

I mā Pol ń i ngōmbang kəla yā Jeju Kərist kə gō kem ndigə yā Nə́ɓāá ní n m-ə́la kə makətūbə̄ ń toó m-ādə̄sí, sḭḭ̄ de gə̄ yā Nə́ɓā ń ī-ndiī Epejə ba ī-taāī kem Jeju Kərist ní.

Makətūbə̄ ń Pol ndang adə̄ Rom gə̄ ní 16:25

Kɔsə gɔn i yā Nə́ɓā! Ni asə mbūsə̄sí kadə̄ ī-raī ngan̄g kə ta kūl̄ Najə̄ kə́ Majə ń m-ɔ́jə́ ní. Najə̄ kə́ Majə ní i najə̄ yā Jeju Kərist. Yá̰a̰ kə́ deē ger̄ alé ń to loo ɓɔ̄ɔ̄ tə́ i jóó ngá̰ý ní, Nə́ɓā rāā adə̄ de gə̄ gerə̄n̄ i kə ta kūl̄ Najə̄ kə́ Majə ngeé ń toō.

Makətūbə̄ ń Pol ndang adə̄ Rom gə̄ ní 16:18

Tɔdɔ̄ de gə̄ ń noō nin̄-rāān̄ i kəla yā Kərist Kɔ́ɔ̄ɓē yājí alé, ba a rāān̄ i kəla tām̄ yā kemdə́ tə́. De gə̄ ń i kə́ kumdə́ gān̄g aĺ ní, nin̄-gólə̄n̄də́ kə najə̄ yādə́ kə́ majə gēé ō, kə́ nel̄ gēé ō.

Makətūbə̄ ń Pol ndang adə̄ Rom gə̄ ní 15:29

Ba m̄-ger̄ kadə̄ ré m-ā m-āw̄ loosí anī, sḭḭ̄ gə̄gē mā gə̄gē ní, Kərist a tɔ́r̄ tan dɔjí tə́ ngá̰ý.

Makətūbə̄ ń Pol ndang adə̄ Rom gə̄ ní 11:13

Ngɔlaā m-ā m-ɔ̄r̄ najə̄ sesí, sḭḭ̄ ń i nápar de kə́ rang gə̄ ní. Mā i ngōmbang kəla kə́ əlamə̄n̄ tām̄ yā nápar de kə́ rang gə̄ tə́. m̄-sāā kadə̄ rī kəla yāḿ ɓār̄.

KƏLA RĀĀ 27:23

Tām̄ ngɔlaā ní de kə́ dɔ rā̰ tə́ yā Nə́ɓā ń mā i deē yān ō, m̄-rāā kəla yān ō ní, reē rɔ̄ḿ tə́

KƏLA RĀĀ 26:1

Agəripa əda Pol na: Ī-teē taí ba ɔ̄r̄ najə̄ dɔ rɔ̄í tə́ tā. Loo ń noō tə́ Pol əla jīn kə̄ dɔ de gə̄ tə́ rāāńdə́ lápə́ya, ba ɔr̄ najə̄ dɔ rɔ̄n tə́ əda na:

KƏLA RĀĀ 13:9

Loo ń noō tə́ Ndíĺ kə́ Táĺ rosə kem Sol ń a ɓāŕnən̄ na i Pol ō ní, adə̄ əndā kumən dɔn tə́,

JA̰A̰ 15:15

m̄-ɓāŕsí ngé kəla gə̄ to̰ alé, i tɔdɔ̄ nge kəla ger̄ yá̰á̰ ń kɔ́ɔ̄n a rāā ní alé. Banī m̄-ɓāŕsí kə́ra madə́ḿ gə̄ i tɔdɔ̄ m-ɔ́jə́sí yá̰a̰ malang ń m-ōō ta Bɔbə́ḿ tə́ ní.

JA̰A̰ 12:26

Ré deē kógə̄ḿ gḛy rāā kəla yāḿ anī, ādə̄ un gōḿ, ba loo ń mā i tū tə́ ní, nge rāā kəla yāḿ i tū tə́ ō. Ré deē kógə̄ḿ rāā kəla yāḿ anī, Bɔbə́ḿ a ɔsə gɔnən.

IJAI 49:1

Sḭḭ̄ gír de gə̄ ń ī-ndiī sa̰y ní, ōōī najə̄ yāḿ! Sḭḭ̄ ń ī-ndiī sa̰y ní, ī-nēlī mbīsí! Dan ń Kɔ́ɔ̄ɓē ɓārə́m̄ ní, ojəmə̄n̄ aĺ ɓáý. Mā i kem kó̰ó̰ḿ ɓáý n ni ədań rīḿ ní.

1 YÁ̰A̰ GƏ̄ 23:13

Ngán Amram gə̄ i Aaro̰ nin̄ kə Moijə. Ɔ̄rə̄n̄ kam̄ Aaro̰ əndānən̄ tayā kə ngánən gēé kadə̄ əndān̄ rɔ̄də́ ta kəla kə́ kem loo kə́ táĺ ngá̰ý tə́, kə́ njɔ́ḿ gə̄ tə́. Yá̰a̰ gə̄ ń kadə̄ rāān̄ ní i ndējə̄ Kɔ́ɔ̄ɓē ndujə̄ yá̰á̰ kə́ kotə majə gə̄ ō, rāā kəla kə rīneé ō, tɔ́r̄ tadə́ dɔ de gə̄ tə́ kə rīneé ō.

NDŪ NAJƏ̄ 10:8

Loo ń noō tə́ Kɔ́ɔ̄ɓē adə̄ de kə́ gír ɓē yā Lebi tə́ gə̄ kəla kətō sandúkə madə̄ naā yā Kɔ́ɔ̄ɓē ō, kəla ra ta kum Kɔ́ɔ̄ɓē tə́ rāań kəla yān ō, tɔ́rəń tadə́ dɔ de gə̄ tə́ kə rīneé ō. I kəla gə̄ ń noō n ɓōólaā gə̄gē a rāān̄ ɓáý ní.

JEJU TEĒ KUM JA̰A̰ 22:6

Gō tə́ anī de kə́ dɔ rā̰ tə́ ní ədam̄ na najə̄ ń toō i najə̄ kə́ rɔ̄kum ō, asə kadə̄ deē taā kem ō. Ba Kɔ́ɔ̄ɓē Nə́ɓā ń i nge kəndā najə̄ ta ngé koō ta gə̄ tə́ ní, əla deē yān kə́ dɔ rā̰ tə́ kadə̄ ɔjə ngé kəla yān gə̄ yá̰á̰ ń a rāā yā rāā yá̰a̰ ngɔr ní.

HEBƏRO 7:26

Adə̄ ngol ngé tun̄ yá̰a̰ gə̄ kə́ majə tām̄ yājí tə́ i Jeju. Ni i de kə́ táĺ ō, najə̄ gətóo dɔn tə́ ō, yá̰á̰ kógə̄ḿ kə́ majaĺ tákə̄n aĺ ō. Ɔr̄nən̄ kɔ̄ɔ́ dan ngé rāā majaĺ gə̄ tə́ ō, un aw̄n̄ seneé dɔɔ́ dɔ rā̰ tə́ ō.

KƏLA RĀĀ 26:14

Jḭḭ malang ní jə-téē jə-tə́sō adə̄ j-a̰a̰ rɔ̄jí i nang tə́. Anī m-ōō ndū deē kógə̄ḿ ədam̄ najə̄ kə ta Hebəro, əda na: Sol, Sol, ī-rāām̄ ndoō tə́ i tām̄ rí tə́? Ngan̄g seí kadə̄ ə̄ɓā ta katə kāgə̄ kēlīí.

KƏLA RĀĀ 21:40

Ngol áskar gə̄ kə́ bo ní əya̰ Pol adə̄ ɔr̄ najə̄. Anī Pol ra dɔ loo kəndā nja kə́ yā kalə̄ń kə̄ dɔɔ́ kə́ ta gérger ní tə́, wél̄ jīn, anī de gə̄ tél ran̄ jəke. Pol ɔr̄ najə̄ sedə́ kə ta Hebəro əda na:

JA̰A̰ 15:20

Ādə̄ əga kemsí dɔ najə̄ ń m-ə́dásí tə́ ní: Nge kəla bo tɔȳ kɔ́ɔ̄n alé. Ré nin̄-rāāmə̄n̄ ndoō tə́ anī, a rāān̄sí ndoō tə́ ō. Ré nin̄-rāān̄ yá̰á̰ ń m-ə́dá ní anī, a rāān̄ yá̰á̰ ń sḭḭ̄ ə́daī ní ō.

MARK 1:14

Kutə̄ gō ń əlan̄ Ja̰a̰ jī de gə̄ tə́ ní, Jeju reē Galile.

2 KORḚNTƏ 2:12

Dan ń m-ūgə̄ kem ɓē kə́ Təroas tə́ kadə̄ m-ɔ́jə Najə̄ kə́ Majə yā Kərist kemeé ní, Kɔ́ɔ̄ɓē teē ta róbə kəla kə́ bo ngá̰ý adə̄m̄ ɓá tā,

2 KORḚNTƏ 11:7

Téĺ ń mə̄kɔ́ m̄-tél kə rɔ̄ḿ kə̄ nang tə́ ba m-ɔ́sə́sí kə̄ dɔɔ́, tɔdɔ̄ m-ɔ́jə́sí Najə̄ kə́ Majə yā Nə́ɓā i karī ní, m̄-rāā i yá̰á̰ kə́ gōtə́ aĺ a?

1 TESALONIK 2:8

O̰o̰jí tɔdɔ̄sí ngá̰ý, adə̄ jə-ndigə i kɔjəsí Najə̄ kə́ Majə yā Nə́ɓā ngóy alé, banī i kadə̄ rɔ̄jí tām̄ yāsí tə́ ō, tɔdɔ̄ sḭḭ̄ ī-téliī i kó tár yājí gə̄.

1 TESALONIK 2:9

Ngákó̰ó̰jí gə̄, ādə̄ əga kemsí dɔ kəla ń jə-rāā tə́ ní ō, dɔ kɔr ń j-ɔr sesí tām̄ táŕ kə́ kemjí tə́ ní ō. Dan ń j-ɔjəsí Najə̄ kə́ Majə yā Nə́ɓā ní, jə-rāā kəla ndɔ̄ɔ́ ō, kadaá ō, kadə̄ j-ɔȳń deē kógə̄ḿ dáńsí tə́ alé.

1 PIYER 4:17

Tām̄ kum mbang gān̄g sarya ugə̄ kɔ̄ɔ́, ba i de gə̄ yā Nə́ɓā n a əlan̄ gír dɔdə́ tə́ ní. Ba ré sarya a əla gír i dɔjí jḭḭ̄ tə́ anī, ngé gə̄ ń mbātə́n̄ taā kem Najə̄ kə́ Majə yā Nə́ɓā ní, ta tɔ̄l̄ tadə́ a to i ba̰ý?